Pages

Subscribe:

Thursday, December 14, 2006

الي كل الشعب المطحون

الي كل الشعب المطحون
الي احه
الي الالف : ارفض
الي الحه : حدوث
الي هاء : هذا
.
.
.
احه .. احه
قوم واتنحي
كل سجونك راح نفتحها
خلي الشعب دا يخلص منك
ياللي نظامك ضار بالصحه
.
*******
.
انسي قصورك وانسي قلاعك
كل الشعب الطيب باعك
افرد يالا بسرعه شراعك
كل سنينك هــنطوحها
.
*******
.
تسجد تركع ليهم بره
واحنا بتسحل فينا يا عرّه ؟؟؟
مصر الحرة هتفضل حره
واحنا بموتك هنريحها
.
*******
.
انسي ان احنا عبيد وجواري
وانسي ان انت ف برجك عالي
كل الشعب بصوته العالي
قالك احه واحه واحه
.
*******
.
يا مكـتـفــنـا برزق حبال
شقه وزوجه ولسه عيال
هذا القيد خلاص قد زال
واتجمعنا بقولة احه
.
.
.
ادم المصري
اول دكتور احه
اول عاشق احه
ولما ابني المقام
هبقي اول وليّ لاحه

35 comments:

tona said...

يخرب بيتك يا ادم



دا انت كده مش هتروح علي المعتقل



دا انت كده علي المشنقه عدل


يا بيه دا اسمه عيب في الذات الملكيه




هو مش احنا برضه ملكيه

توهة said...

ههههههههههههههههههه

اعلنت الحرب يعنى ياباشا

ده كله عشان خاطر عيون حبيبتشك

بس قولى بقى حتقتله ازاى سم ولا اعدام علنى

بس يسمع من بلوجك ربنا

مُزمُز said...

تحيا الأحة ويحيا فرسان الأحة وخاصة زعيم زعماء الأحة وفارسهم الجسور وأبوهم الروحي آاادم المصري

كده الشغل وللا بلاش

أنا حلمتلك النهاردة حلم جااااامد كيك

شفت خير اللهم اجعله خير إن السيدة أحة المباركة جاتلي ولابسة أبيض ف أبيض وبتقوللي يا معاذ وصل لآاادم المصري إن أحاوحة الأوليمب رضيوا عنه وإنه كده وصل وبقى متصوف أحة

وعاشت الأحة حرة مستقلة

admelmasry said...

تونا
ـــــــ
اه يا جميل
علي الاقل هكون اول شهيد احه
.
.
احه يا جدعان
انا عمال اخد القاب كتيير يا اااااااااحه
ههههههههههههه




تائه
ــــــــ
يسمع مني ومنك يا ختي
لكن تعرفي
انا مش هستريح الا لما انتي كمان تقوليها من قلبك



مزمز
ـــــــ
رفيق الكفاح
ااااااحه
انا عهمال الم القاب الست احه المبجلة
انا هبقي دكتور
ولا عاشق
ولا علي راي تائه شهيد
ولا علي راي احاوحة الاولمب متصوف
ياديني
احه كيك
بس انا عايزك تطمن
طول ما لسه فيه ناس زينا
طول ما الاحه بخير

توهة said...

اقلها من قلبى مش من بقى طيب أنا بقولها اهو مش سامع


بس ممكن اقول بمفى أرفض حدوث هذاااا رفضا باتا واشجب واندد وأعترض



ملحوظه انا بنت يعنى تائهة مش تائه يعنى احلفلك ع المصحف
ههههههههههههههه

LAMIA MAHMOUD said...

طيب والتعليق على الكلام ده شغال ولا ضار بالصحة
بقولك اية سلم على الحاج وبوس ايد الحاجة وتعالى نشوفك في اقرب فرصة وروح لاصحابك واحد واحد

حتوحشنا يا ابني مكنش يومك .. لسة صغير

Anonymous said...

الي ادم المسحول

جيبالك بطانية من الكساء الشعبي و علبة حلاوة و رغيفين عيش و محصلاك على لازوغلي عدل
حاولت ادخلك دفاية 4 ريشة الصول مرضيش و اخد التلاتة ريشة و سابلي ريشة واحده
----
على فكرة يا حضرة المخبر ياللي مراقب البلوء انا معرفش ادم نوهائيا
انا بس عجبني الشعر بتاعه و قلت كلنا ورا الشمس سوا
---
ابقى البس فانلة برقبة يا ادم لحسن الضرب بيجي من ورا جامد
--
كان بدري عليك
عليك بدررررررري

IBN BAHYA - إبــن بهيـــــــــــــة said...

أحييك .. هي بجد عايزه كده .. صدقوني كلكم .. ما فيش في الكون كله منذ بدء الخليقه طاغيه مجرم عميل عمل أي إصلاحات .. كلها مجرد أوشاعات لتسكين وتنويم الشعب المطحون .. يا يا شباب نطلع الخاين ده بره .. نعدمه ,, نذبحه .. نضربه بالصرم .. بس نقوم ..نهب .. نثور .. أنا معاك في كل كلمه وفي أي قومه جايه
تحياتي للجميع

شريف محمد said...

يخرب عقلك
ثم يخرب عقلك ... ثم يخرب عقلك

اقولك ايه تاني

مجرمة جدا

وبتقولي يادكتور؟

دكتور مين يابني ؟ ... دة انت اللي دكتور
:)

Anonymous said...

من ساعة ما حولت بيتا بلوجر و انا اتوكست و انطفت شمعتي و الكومنتات ركبها العفريت
لما ربنا يفك اسرك و ترجع بالسلامة من القصيدة دي ابقى تعالى كمنت عندي في بيتا بلوجر
جيران كنت ماجراها مفروش يومين و الايجار خلص
اخبار الشلل الرعاش اية؟
--
ربنا يفنك سجنك

Anonymous said...

يا نهار رفض علي ابوه!!..انا عايزه اقول انك صادق تماما..سيبك من كلام الندوات يا عم..ده اللي هيمشي مع واحد زي ده..:))

admelmasry said...

تائهه
ـــــــ
معلشي يا جميل اصل العتب ع الجزر
تتعوض انشاء الله


لا مياء
ـــــــــ
فكرك كدا
طب انا علي ما اخد المعارف لفه كدا يبقي كان لازم اطلع من امبارح
ياااااااااااه دول كتير
طب وهما هيستنوني ؟
ما ظنش
وما ظنش ان فيه حد اصلا هيعرفني بعد كدا اصلا




احلي كلبوزة في الدنيا
ـــــــــــــــــ
الي كلبوزة من تحت قبور الواق الواق
ومن بعد وصله سحل معتبرة .. تهيب اليك السلطات بالشكر الجزيل نظرا لمجهوداتك العظيمة في كشف اللثام وسن الحسام علي مجرمين الحق والباطل
وشكر خاص من سيادة الرئيس نظرا لمجهوداتك مع الغلابة المسجونين
وعلشان كدا
قررت الحكومة البرجوازية الممثلة للطبقة البلورتارية ... ان تستضيفك شهرا في معتقلاتها الخمس نجوم




ابن باهية
ــــــــــ
متشكر جدا جدا علي الدفعه الجامده دي
انا بقوة دفع كلماتك شكلي هلزق في حيطان المعتقل ومش هطلع تاني
س ياريت ساعتها ابقي الاقي حد جمي
ومايبقاش كلام
واتمرمط انا لوحدي




الدكتور فرهنهايت
ــــــــــــــــــ
البحر قالي ياد يا مرسي امشي علي مهلك قولت له يا بحر وانت مال اهلك
ههههههههههههه
انا الدكتور الجدع الهمام
اللي عارف واجباته تمام
بسلم عليك
وعلي كل الدكاترة صحابة
وبيبلغهم ميت تحية وميت سلام
واوعي حد ينسي الحشيش والسجاير واللذي منه
بعد ان ننتقل الي ما وراء الشمس بعون الله تعالي





كلبوزة تاني
ــــــــــــــــ
ما انا عرفت السر اللي متخبي
اصل بيتا بلوج دا طلع نايبة سودا راخر
بس علي العموم ما تقلقيش
انا اول ما اخد افراج هاجي اقعد عندك يومين انا وكمونتاتي







الي كل رفقاء السلامة
تحية طيبة
وميت ندامة
تقولها لكو احه الغلبانه
لا عياقة ولا ندغ لبانة
سلام سلام يا احلي ناس

admelmasry said...

وئام
ـــــــ
متشكرين جدا جدا جدا علي التشجيع الجامد دا .. نردهالك في الافراح ياعني

Anonymous said...

اية يا عم الكلام الجامد ده
عجبنى اوى الاختصار

بتاع الكلمة اياها

بس بجد الزجا تحفة ما شاء الله
بجد تستحق الاول فى المسابقة اياها

انا كتبالك بالعربى اهوة:)

Anonymous said...

ههههههههههه
ارفع لك قبعتي

Anonymous said...

ربنا يهدك اقولك ايه بس


رائعة


بعدك على بالى - معرفتش اعلق غير بالطريقة دى

سندباد مصري said...

تاني

أحنا مش قولنا خلصنا من الشتيمه في البلد وفي الي حاكمينها

يا أبني بيقولوا إذا كان الي حاكمك مش عارف ايه

أبقي حش وأديله

صدقني يا أدم صراعنا مش معاه

حاسب من هايل وعظيم

وبرافوا

مش خوف

ولكن

وبعدين

وبعدين

والسلام

Ayyam said...

أستاذ يا آدم ودكتور دكر بصحيح...شعرك حلو و بليغ وفى السليم
على فكره ده ينفغ فى المظاهرات قوى..

smraa alnil said...

ههههههههههههههه
تصدق بقي ان انا اللي هغير منك
اعترض بقا
ايه يا ابني الكلام دة
دة انا جبت اخوايا يقرا كلامك
تقريبا قريب اوي هنروح في داهية كلنا
بس ساعتها مش هنكون ايد واحدة
الرجالة في حتة والبنات في حتة
دة اذا لقيت بنات اصلا
بس صدقني ليك حق تقول ..... اعترض
معلش بقي اخوايا جنبي
بس برضه اعترض

admelmasry said...

ماعلينا
ــــــــــــ
الله يخليكي يا جميل
متشكر جدا
علي فكرة الاختصار انا ماخترعتوش
هو كدا اصلا



هابي
ـــــ
اه والنبي
ارفعيها واديهاني



بعدك علي بالي
ــــــــــــــ
هوا نتي حولتي بلوج بيتا ؟
هو كل بلوج بيتا مش هيعرف يعلق هنا ولا اللي عنده بلوج عادي هيعرف يعلق لبوج بيتا
خلاص يا ماما
اتفرقنا واللي كان كان
اهيء اهيء اهيء
عملوها الاندال .. وفرقوا بينا
اهيء اهيء
ايه ؟
اندال مين ؟
معرفشي بس اكيد فيه اندال هما اللي عملوها .. وما تسالنيش عملوا ايه ؟




سندباد
ــــــــــ
من صميم قلبي اشكرك



ايام
ــــــــ
وطي صوتك لحد يسمعك الحكاية مش ناقصة

ولا قولك وطي صوتك ليه ؟
لا قوليها بالعالي

احه واحه واحه واحه

تحياتي
ادم المصري
اتنين ما جستير وواحد دكتوراه
باخد مرتب محترم اخر الشهر
وعندي شقة
اي خدمه يا فندم






سمرا النيل
ــــــــــ
سلمسي لي علي اخوكي وبلغيه مني خالص التحيات
واساليه في الخباثة كدا
بيقول احه ولا لا ؟
هتلاقيسه بيقولها من كل قلبه وهو فخور بيها كمان
اسالية بس هيقولك اه
انا كنت معاه امبارح وسامعه بوداني اللي هياكلهم الدود دول













الي كل الناس الجميلة
احه بتقول
مين سلام للكل
تحيات من القلب
عطر وورد
سلامات يا احه

rana said...

ادم
يخرب بيت حضرتك
يخرب بيتك بشدة
يخرب بيتك بأثر رجعى
يخرب بيتك بدون حد اقصى
صديقى لقد اوجدت معنى جديدا لهذة الكلمة القبيحة
ومن الان احة ليست كلمة غير مهذبة
انها صرخة للحرية
نداء من اجل الكرامة
احة بجد
-------------
انصحك تسجلها فى الشهر العقارى فى جزر المالديف
فى انتظار احات ادم المصرى
ملحوظة لا علاقة بين ادم المصرى ونجيب سرور ابدا

rana said...

على فكرة الكلام بتاعك ينفع نشيد وطنى
للمملكة العربية المباركية

Anonymous said...

مش عارفة اقولك ايه بس يخرب بيت شيطانك نهارك متقندل يا سيد معشر الاحات و من عندي اقلك و شووووبش و كمان اقلك احيه يا عمر انت مجرور عالقسم يا ولدي و طريقك متنيل بنيلة شكلي حزورك انت وحاج جرجس و يا ريت تبقوا في قسم واحد عشان انا معنديش عربيه ومش بحب اركب مواصلات عشان مش بحب التقفيش و مش معايا اللي يكفي تكاسي اوك اتفقنا؟؟ انت و جرجس في قسم واحد عشان خاطري سلامي و تحياتي

Anonymous said...

تعرف يا واد يا أدم؟؟
أول مرة أحس ان معنى كلمة أحة مش ابيح
لما معاليك فسرتها فى لأول حسيت بفخر وانا بارددها فى سرى
ماهو لسة معناه الوطنى البحت دة موصلش لعامة الشعب
لو قلتها فى وش الوالد يمكن يعدمنى رميا بالصرم
=====
الى الأمام دائما يا أحة
وعاشت أحة حرة مستقلة
ونموت نموت وتحيا أحة

sarah la tulipe rose said...

الشعر في منتهي الروعة فعلا بس ربنا يستر بقي
فكرة "احة" دي جامدة
بس لا تعذب نفسك كلامك لن يصل الي صاحب البرج العاجي و لا الي ابنه و لا المدام و لو قلنا احة من هنا ليوم القيامة بليل قاعدين الي ايه كان """ ما دام في قلبي نبض" !!! ربنا بقي كبير!

شجره الدر said...

ادم
اللللللللللللللله يهدك
يامفترى
اه ده يابنى
انت اساسا لسه هنا ماروحتش ورا الشمس
ولا حتى قدامها
انا شاكه ان يكون فى انترنت فى المعتقل
بس لو لسه هنا
انا احيييك
انا قريت البوست ده
وموت على نفسى من الضحك
ألا والنبى قولى هو (احه) فى تفسير الزمخشرى دلوقتى بقى يعنى ايه؟
اكيد انت ناوى تعملك قاموس
بس بالاخير
تجنننننننن
و....احم احم..(احه) ههههههههه

Adem Salhi said...

اخي العزيز؛ المدونون التونسيون يخططون لاضراب عن التدوين احتجاجا على حجب بعض المدونات و ذلك يوم الاثنين المقبل؛ مارأيكم او انضممتم الينا؛ و يكون بذلك يوما عربيا لاحتجاج على الحجب الذي يطال بعض المدونات؛ اذا كنت مهتما بالامر و بامكانك المساعدة في نشر ذلك في المدونات المصرية اتصل بي

Anonymous said...

شكرا لك على ردك؛ هل بامكانك ان تكتب تدوينة تدعو فيها الاخوة في مصر الى الانضمام الى الاضراب؛ بامكانك ايضا نشر النص الموجود في مدونتي؛ الوقت يحاصرنا؛ ارجو ان تهتم بالامر
شكرا

smraa alnil said...

انت يا ابني انت اتقبض عليك ولا ايه
خسارتك يا ابني كنت لسة صغير
بقالك فترة مختفي علي الله يكون خير

بس اوعي يكون اتقبض عليك هههههههه
دة انت بتغلط في الذات الملكية يابا

admelmasry said...

الي كل الشعب المطحون
ـــــــــــــــــــــ


..**************
* بيان رقم واحد *
..**************

لقد فشلت السلطات البرية والجوية والبجرية في العثور علي المدعو ادم المصري

وتهيب السلطات بالسادة المواطنين .. ان يبلغوا عنه فورا فور عثورهم عليه ومن يخالف التعليمات يعتبر شريكا في التستر علي هارب من العدالة بتهم العيب في الذات الالهية
عفوا بتهمة العيب في الذات الملكية

ومن يتعاون معنا له جائزة مالية عظيمة .. بادر بالاعلان قد تفوتك الفرصة
فالوقت يمر سريعا والاماكن بالمعتقل علي قفا من يشيل
وشكرا

.
.
.

اخواني وحبايبي عاشقين احه .. زي ما سمعتوا بودانكوا انا مش هنهزم ومش هيأس
انا بكلمكوا من مكان استوحاله يفكروا اني فيه اصلا .. وبناء علي السرية التامة مش هقول انا فين


الي السيد ادهم
ــــــــــــــ
نشكرك شكرا مهببا بهباب
هباب حلة كانت بتسوي كباب
علشان يكون هباب غالي حبتين
متشكرين
متشكرين


الي السيد ادهم تاني
ــــــــــــــــــــ
ما تقول الكلمتين مرة واحدة بقي يا بني يا تتعبوناش معاكوا
علي العموم
ساعتها هبقي افكر فيك وزير حربية للمملكة المباركية المهلبية او الرز بلبنية
وشكرا



الي السيدة حفصتوشا ام مصطفي
ـــــــــــــــــــــــــ
نبلغك التحيات والسلامات وبعد الذي منه
نحب نقولك ان السيد مصطفي ابنك معانا
واطمني جدا كل فيالق المقامة مامنه المكان والسيد جرجس ماسك برج المراقبة
والعملية في النملية والفيل في المنديل
وكلو في الكلتش



الي السيدة شهروزة
ـــــــــــــــــ
نحب نقول لسيادتك ونعرفها انه ولسه
لسه كمان لما تفاجئي ان السيد الوالد بيقول احه
وبيطالب كل اعضاء الاسرة انها تصرخ وتقول احه




سارة
ـــــــــ
عايز اقولك اني شمعة تحترق من اجل الاخرين
ههههههههههه
طبعا مش هزار
لكن علي الاقل . انا خليت عدد لا باس به يقول احه .. اولهم اني خليتك تقوليها .. وتكتبيها كمان




شيكولاته
ــــــــ
انا عايز اقولك اني ما روحتش ورا الشمس ومش هروح
لان الشمس بذات نفسها جاتلي هنا
مش هقدر اتكلم اكتر من كدا لحسن يتعرف المكان اللي انا فيه



ادم بالعربي او بالانجليزي
ــــــــــــــــــــــــــ
طبعا انا معاك جدا
بس انا كنت طلبت منك ايميل تشرح لي فيه ايه هي القضية عشاتن ما بقاش زي البغبان
والايميل في الروفيل يا كوتش
مستني ايميلك



شادي
ـــــــ
متشكر جدا يا كوتش
بس صفحة الكومنتات بايظة انا حاولت وفشلت



سمرا النيل
ــــــــــــ
لا دا تموين
اقصد تمويييه




تازرت
ــــــــ
اشكرك يا احه

admelmasry said...

انا انضحك عليا يار جالة

Anonymous said...

Take a break and read about health
health interesting video articles
health video articles
bodybuilding interesting video articles and
My experience with website traffic

tona said...

انت فين يا ابني ؟؟؟؟؟؟؟؟؟؟

Unknown said...

جامدة جدًا والله يا آدم

Ahmad Farahat said...

بجد

القصيدة دي......

أحه