Pages

Subscribe:

Tuesday, August 01, 2006

سيكو سيكو




ماذا تعني كلمة سيكو سيكو داخل الثقافة المصرية ؟
غريبة .. من ساعة فيلم النمر والانثي وكلمة عادل امام في الفيلم لما كان مش فاكر الاشارة فالواد بيقول سيكو سيكو
ساعتها ارتبطت كتير الكلمة بثقافة المصريين .. واي حاجة بين اتنين مش عايزين تالت يفهمهم بيقولوا عليها سيكو سيكو
ممكن تسمع كمة سيكو سيكو بين اتنين بيتكلمو عن حشيش او بانجوا
او عن عملية سرقة كبيرة او تهريب مخدرات او اثار
طبعا الكلام ده ما بيحصلشي الا في الافلام العربي .... علي فكرة انا امي لما تحب تبعتني اجيب لحمة من المجمده ام خمستاشر جنية .. تقولي هات لحمة م السيكو سيكو
ولما احب استعبط علي اخويا الصغير واجيب حاجة حلوة ومش عايز اقولة عليها .. اقول اني رايح اجيب سيكو سيكو وبرده لما احب اجيب حاجة للبيت ومش عايزه يفتن للجيران ( اصله فتان والجيران عنيها وحشة ) اقوله اني رايح اجيب سيكو سيكو
لكن اليومين دول كلمة سيكو سيكو بقي ليها معاني كتير .. دي اصبحت كلمة عالمية معتمده عن الدول الاوربية لدرجة ان بريطانيا تتطلع كريم وتسمية سيكو سيكو
لو انت نزلت محطة رمسيس بالمترو .. وخرجت من ناحية شارع السبتية هتلاقي واحد قاعد بصينية عليها شوية بخور وحجات تانية ومن ضمنها علب صغيرة .. مكتوب عيها سيكو سيكو لو سألته دي بكام هيقولك دي بسبعة جنية ممكن تفاصل لحد تلاته جنية .. علي فكرة العلبة مش فاضية من جوة ولا حاجة بالفعل فيها كريم
لو دققت النظر هتلاقيه الكريم الاسود بتاع زمان اللي كنت تلاقية مرمي في التلاجة بعلبة بلاستيك معفنة .. سبحان الله العليم القدير اللي ادي العلم للعلماء والبحثين البريطانيين اللي خلاهم يكتشفوا ان للكريم ده تاثير علي الحالة الجنسية
طبعا انا زوهلت لما لقيت ان العلبة كمان فيها نشرة طبية زي بتاعت الادوية المحترمة اللي بتشتريها م الصيدلية ولكن اهو .. علم الانسان مالم يعلم


ابقوا روحو اسألو وجربوا يمكن الكريم يكون كويس وانا اللي ظلمه

32 comments:

MAKSOFA said...

خليك زي العلماء المجانين واللي بيجربوا علي نفسهم

Epitaph said...

ههههه

ايه ده
سيكو سيكو وصل بلاد برة
ورجعهولنا كمان في صورة كريم
طب والله فيهم الخير

voice of love said...

كريم سيكو سيكو ؟؟
ابقى فكرنى أجيبه عندى فى الصيدلية

Nouran said...

يا سبحان الله ايه التكنولوجيا دي والبحث العلمي بس خدوا من عندنا الاسم كل حاجة عندهم اصلها عربي حتى السيكو سيكو هههههه :))

إ بـ ر ا هـ يـ م said...

المصرييين !! نقول ايه بس

karakib said...

ينعل ابو الجهل اللي خلي الناس تفكر من تحت حاجه بقت صعبه اوي !!
لو قلت لهم ان سم الفران بيقوي و بيمنع ال المبكر و الانتفاخ مشيها الانتفاخ فالرداخ
هياخدوا سم فران
انتوك

إ بـ ر ا هـ يـ م said...

علي فكره يا ادم البتاعه ده ممكن يكون مفعوله قوي جدا في بعض الحالات .. مش بهرج اقصد يعني في حالات ضعف الانتصاب النفسيه واحد مثلا يكون متخيل انه ما بيعرفش مع انه بيعرف كويس اوي لكن متخيل ان عنده مشكله عضويه ده ممكن ياثر عليه و يخليه ما يعرفش مع انه كويس 100 % تقوم انت تديه الدوا ده و تقول له ده دوا جبار و تخليه يقرا الورقه اللي فيه اول ما يستعمله هتلاقي الراجل و لا الطلوقه فيما يعرف باسم
placebo effect

لا أحد said...

هههههههههههه
مهتم انتي انت قوي باللي يعرف واللي مبيعرفش هوا ايه الكلام :))))))))
بس فيه سؤال محيرني
انت اشتريته ليه ؟؟؟ علي العموم جربه بجد و قولي ولا اقولك انا هاجربه يا عم :)

Sampateek said...

هههههههههههههههه
مش ممكن
بتجيبوا الحاجات دي منين
بجد ضحكتوني و انا مليش نفس اضحك
بس كلمة سيكوسيكو دي تعني اي شئ في الخباثة
مش شئ محدد
و كل مجموعة ناس بتستخدمه في الشئ اللي هيا شيفاه
اما عن الكريم ده فبجد حاجة تضحك
لسة في ناس بتصدق الكلام ده
الا صحيح انت اشتريته ليه يا ادم؟
خالص تحياتي

marktwain said...

فارموادمو كو
انت شغال في الدعاية اليومين دول ماقلتليش
بس صحيح انت جبت الكريم ده ليه هه ليه ؟

بعدك على بالى said...

يبدو ان السيكو سيكو من توابع البوست السابق ، وفيما يبدو من تأثيرات تجربة العمل بمرتب العشرة جنية، على شوية حر، بمصاحبة الموسيقى التصويرية لما يحدث حولنا من عبث..

بلزمة والنبى اشتريت الزفت ده لية؟

ادم المصري said...

والله انا اشتريت الكريم ده مخصوص
عشان احط الموضوع ع البلوج

تعرفوا وانا بفاصل مع الراجل كنت بقول له ايه ؟


هديك التلاته جنيه واخد العلبة وديك كمان اللي جواها

بس الرجل مارضيش



ما رضيش ياخد اللي جواها




مكسوفة
الا في دي .. ده مستقبل اسرة يا عالم


ايبتاف
شوفتي بقي .. الاصاله

صوت الحب
من عيوني
بس هيبقي شكلك ايه وانتي واقفة في الصيدلية لما يدخل واحد ويقولك لو سمحت ؟
عندك سيكو سيكو ؟

نوران
حتي السيكو سيكو
يا نوران
عالم حقوده .. ما تسيبناش نتهني علي حاجة ابدا
بتاخد مننا كل حاجة


ابراهيم
حرام اوعي تظلم المصريين
اللي اخترعوه انجليز
ههههههه

كراكيب
عندك حق .. بس اهو حتي سم الفران مش عارف يعمل معاهم حاجة
ده شعب يجنن العرفيت

ابراهيم
ممكن .. الله اعلم
بصراحة ما جربتوش

لا احد
ههههههه
هتجربة بجد ؟
والنبي ابقي قولي تأثيره ايه
لو معرفتش توصل للراجل قولي


كلبوزة
مش عايز خباثة في السؤال
وانا عمال اقرا كلامك متخيل نظرة خباثة كده ما بحبهاش
مش عايز توريط اوك
هههههههه


مارك توين
يا مرحبا يا مرحبا
نورك غطي ع الكهربا
والله واحشني يا ابن ايه


بعدك علي بالي
العزيزة بعدك علي بالي
والتي لا اعرف لماذا مصرة علي ان تفعل كما يقول اسمها
بعدك علي بالنا يا ست الكل

still breathing said...

و انا أقول الفياجرا رخصت ليه أتاري في منافس قوي ليها

Epitaph said...

فيه حملات موسعة لجمع كل محصول - قصدي عبوات- السيكو سيكو اللي في السوء و و احتكار السوق السوداء عليها

_________

احتمالية ان انجلترا حست بأزمة السكان..فقررت انها تساهم في حل الازمة و تحديد النسل
اذا احذر انها خطة مدبرة بالاتفاق مع الحكومة الموقرة انهم باعتين لمصر انيل الادوية و المنتجات

_________

انا عايزة اعمل دراسة متأنية متفحصة فاحصة في تأثير اللغة العربية و دخول كلمات الي الانجليزية
و اكبر دليل هو السيكو سيكو

ههههههه كنتم مع فقرات المنوعات

change destiny said...

احم احم لا تعليق

Mamdouh Dorrah said...

طب يا بني ما تجربه و تقلنا حلو و الا لآ؟
و ابقي سلملي ع السيكو سيكو

451 فهرنهايت said...

الحمد لله ... حلينا مشكلة الكريم
فين الست بقة؟

msafa said...

اشكرك على زيارة مدونتى
والنبى تبعتونا طرد هنا على الصعيد علشان الناس تعبانه جدا
والمسافه بعيده اوى
على فكره ممكن اكون موزع معتمد هنا لسيكو سيكو
يناس احنا فى ازمه
ههههههههههههههههههههههههه

shabaskandrany said...

على فكرة انا بحب اسم سيكو سيكو قوى حتى انى استخدمت كل الاميلات بتاعتى على هذا النوال سيكو سيكو اى حاجة بس مش بغرض السكسكة ولاص بس انا بحب الاسم ولاص من عادل امام فنانى الوحيد
شكرا ع هذا البوست الجميل

ابوامل said...

ده انت نكتة
على فكرة
سيكو
ممكن بنستخدمها
للرمز لأى حاجة بنخجل نذكرها عندنا
يعنى زى الإشى فى فوازي فطوطة
تحياتى

Epitaph said...

طب انت اتعملك تاج بقي في البوست الجديد
ومعاهم طبق محشي ورق عنب
:)

Sharm said...

السلام عليكم ..

المرهم العجيب ده الوزراة اختارت مين اللى بيصنعه !
لانه بإختصار مش مستورد ولا حاجة !
عصابة مصنعاه و كاتبة انه مستورد و بيتباع لكن مش مسموح به فى الصيدليات زيه زى الادوية الممنوعة !
كمان كان فى برشام Aspcid بينزل مكتوب عليه مستورد مع ان Aspcid علامة مسجلة لشركة مصرية لكن العصابات و دماغها العالى بقى !!

المهدي said...

سيكو سيكو



http://endegypt.blogspot.com/

مـحـمـد مـفـيـد said...

خلاص انت باين عليك بعت القضيه ودخلت في المحظور فكرني اجديبك عيش وحلاوه
ميه ميه ياباشا

أُكتب بالرصاص said...

كبسسسسسسة

كلو يرمي اللي في ايدوا
واللي بيدهن يبطل




بوليس الادااااااااب

Nouran said...

ممكن تتفضل عليناوتعمل التاج انا وابيتاف بعتنا لحضرتك تاج انت فبن بتدور ع شغل ولا ايه المهم مستنين التاج يا هندزة

ادم المصري said...
This comment has been removed by a blog administrator.
المزاجنجي said...

الله يفضح شياطينك يعني كل الناس دلوقتي هاتدخلك مدوناتها وهي خايفة على الحريم اللي فيها ما انت واد بتاع سيكو سيكو منك لله مش لاقي غير الموضوع ده تتكلم فيه وبعدين يا اخي مش تخليك جدع خللي الكلام ده على جنب ومع اللي يقدره مش بالشكل ده المهم سيبك انت الراجل ده فين بالضبط من المترو وكلمة السر ايه اكيد عين الكتكوت منك لله يا ادم قلبت على المواجه إهيء أهيء إهيء

Epitaph said...

ههههههههههههههه

الحق

بص يا سيدي

لو عايزين يضربوا كريم ولا بتاع
يبقوا يعملوها مظبوط
البتاع ده بيقولك بيرطاني
والنشرة اللي معاه اللي بالانجليزي فضيحة
لانها فيها اخطاء لغوية
ماراعوش الانجليزي بتاع بيرطانيا عن امريكا
اصل فيه فرق
يعني مثال
moiturise :British
لكن
moisturiZe American

اقول
a SMALL quantity
وليس
LITTLE
بس مش دي القضية
قولهم يحبكوها كويس
يعني يركزوا ده امريكاني و لا بريطاني
وعلي اساسه يحددوا اللغة
انجليزي امريكاني
ولا انجليزي بريطاني
ولا انجليزي يا مرسي

ههههه

سلام بقي

ادم المصري said...

ههههههههههههه
ههههههههههههه
ههههههههههههه

Epitaph said...

لا حول ولا قوة الا بالله
انت اللي نزل عليك
ههههههههههههههه
؟؟؟

هههههههههههههههههههههه
سلام بقي

love4u said...

تمام موضوع جيد و ممكن تكمل كمان و تعمل بحث ان ازاى المصرى بيصدق اى حاجه
بس فى الاخر بنقول الله اعلم