Pages

Subscribe:

Friday, December 25, 2009

الفراغ

كعادة بت احاول جاهدا الحفاظ عليا حتي لا تضيع في زخم الحياة والانشاغلات هي الاخري .. ان اسطر بعضا مني نزفا اخر علي اخر ما تبقى لي من حدود
.
محاولة فاشلة لتخليد الم ما .. قد لا يهم اخرين بل بالفعل هو لايهم احد سواي .. احاول ان اعبر الافق الضيق المظلم من رأسي الي ذلك العالم الفسيح الواسع المليء بالحرية والانطلاق الموجود فقط في ام راسي وحدي
.
هكذا هي الحياه او هكذا اراها ... مثل لعبة الفيديو جيم .. مراحل وصعوبات متالية متتدرجة في الصعوبة .. كل منها لابد ان يوصل الي اخري .. لابد اجتيازها تدريجيا حتي تصل امنا الي بر السلامة .. لن تستطيع ان تقابل الوحش في اخر مرحلة الا اذا تناولت السلاح الفلاي والذي لن تتناوله الا اذا اخذت العملات الفلانية وهكذا ... وبالفعل عند وصولك لمرحلة الاخيرة ... وعندما تواجه وحشك .. وجها لوجه .... اذ تفاجئ انك تملك الخبرة الكافية للتعامل من كر وفر وجري واستخدام كافة انواع الامكانيات ..... حتي تيقن تماما انه لاستحالة ان تصعد السلم الا مبتدءا بالدرجة الاولى
.
الحب اخطر ما في دنيانا .. اذ هو لا ملامح له .. لا يشعر به المرا مهما قرأ او سمع او رأى ... الا بعد ان يتذوقه .... هو مثل افعال كثيرة ... لا يتستيطع ادراكها إلا بعد ان يشعر بها .. الحب ، الالم ، الحسد ، ... واعتقد ان خرافة الحب الاول او هكذا اراها .. ما هي الا خرافه شاعر .... لان المرا لا يزال قادرا علي الحب ما شعر به ،،،،، مجرد ان يشعر به تنشط فيه اماكن خفية في جسده اذ به يفاجئ بها ... تعلمه كيف يحب .... حتي انه يعد قادرا علي الحب مرات ومرات ومرات فما دام استطاع ان يفعلها مرة ... فيقدر ان يفعلها مراااااااااااااات
.
الوحده ليست ان تبقي وحيدا منعزلا عن الاخرين .... الوحده تظهر جليا .. في ابتسامه صفراء مرسومة علي وجهك دائما .. يتسائل عنها كل من يراك .. رغم اشتعال صدرك بما لا يطيقة الناس اجمعين

Thursday, November 19, 2009

اول اجازة جيش

اول اجازة جيش
طعم الالم ماسخ
والحلق كان ناشف قوي
ف كل الحلات بنعيش
طول عمر الزمن ناسخ
حجات بتشبهنا
والفرق باين قوي
.
بين الالم والريح
مش قادر اشوف الفرق
ومش لاقي وجة المقارنه
مفروض عليا اخلق
اسباب وجوب العلاقة
المية تسبب حرق
والشعر اخر صفاقة
قلبي اتملي تجاريح
والدنيا رعد وبرق
صوت الغباء تصريح
انك صحيح علي حق
بين الالم والريح
حتما تلاقي الفرق
.
ف اخر حدود الكون
لقيت حدود قلبي
وساحر غبي مجنون
ساكن هناك قلبي
عمال بيزرع مجون
ويـــظهر المستخبي
.
كل المراحل تباعا
تكريس لشيء مجهول
الحب يمكن .. دنيتك
بكرة الزمن هيقول
اوعاك تعاند سكتك
او .. بؤسك الدائم عليك
الدنيا بس لخدمتك
حاول تشوف بعنيك

Wednesday, November 11, 2009

احساس خريف

احساس خريف

انك تــثور جواك وبس

والثورة فيك .. ومهما كانت عارمة

ما عمرها ، تتعدي كونك

ترفض الشاي التقيل

واللي جالك غصب عنك

رغم كونك الف مرة

كنت تطلب جنزبيل

Wednesday, November 04, 2009

البقاء لله .. محمد نبيل

رحلة كفاح في كلية الهندسة بحلوان
ورحلة كفاح في كلية الضباط احتياط
ارقد بسلام
صديقي محمد نبيل
اللهم صبر كل قريب فيه

Thursday, October 01, 2009

نزف اخر

دلوقتي ممكن تنتصر
من غير نزيف
امشي ف شوارع ضيقة
وزق باديك الرصيف
الشتا
انسب مناخ
لنمو قصة حب صادقة
وانسي الخريف

Saturday, September 19, 2009

Friday, August 28, 2009

شرطة واحدة

اول خروجك للحياه
كمستجد
عالم خرافي اللي انت فيه
وانت البرئ
مزهولة فيك الاسئلة
قد يبدو ضدك كل شيء
جهلك .. اساس المشكلة
ودع صحابك وارتحل لصحابك جدد
الشمس .. الرملة
صوت الوعيد المستفز
ولناس مسوخ
ولدان شيوخ
الحر مستعبد قلوبهم بالعطش
والجبن فيهم عشته

Wednesday, July 29, 2009

حالة غريبة

ايه اللي حصل .. فيه ايه ، الكلام خلص ولا ايه ؟؟ فين الناس اللي كانت بتكتب ،وفين الناس اللي كانت بتقرا
طب انا روحت الجيش
وحصلي كحرته فكرية بسنفرة خشابي خشنه .. مسحت لي الطبقة الامعه اللي كانت بدأت تتكون علي نفوخي .. فاصبحت ابيض م الصيني بعد غسيله ... لكن بقيت الناس فين ؟؟؟؟؟
مش معقول الناس كلها دخلت الجيش
فقدت المدونات تقريبا اللمعه البراقة اللي جبت كل الناس .. ولا الناس هي اللي زهقت م الكتابة والتدوين ... ولا فعلا التدوين كان موضة وراحت لحالها بظهور الفيس بوك
اسئلة كتيرة .. ماعرفش مهمة ولا لاه .. بس بالنسبة لي ..لما دخلت فجأه علي المدونة وسألت نفسي هاكتب ايه ؟؟ . اتضايقت جدا من نفسي .. وفوجأت اني حتي مش عارف حد اقرا له .. كل المدونين اللي كنت اعرفهم اختفوا ... اللي حذف مدوننة واللي مدونته اتحذفت واللي واللي

انا شخصيا باستمتع جدا لما اقلب في الارشيف بتاعي واقرا فيه تاني وتالت .. واستعيد احداث عدت وفاتت .. بـاحزن قوي .. لما احس ان الكتابة بقت عبئ .. او القراية نفسها بقت مشقة .. وان التعليق بقي شيئ تقليدي

فقد التدوين متعته .. فقد التدوين بريقة ... مش عارف هل كان ليه هدف اصلا عشان نقدر نقول فقد هدفه .. ولا بالتعبير المجازي نقدر نقول ان التدوين فقد ناسه

بادعي ربنا اني ما ازهقش .. وافضل علي الاقل اكتب ... ان شالله موضوع واحد كل شهر




Sunday, July 05, 2009

عن الحونش والمكتوب

ياليت الشباب يعرف
.
.
وليت الشيوخ تقدر
.
.
حكمة ازلية بتطلع في البوزو

Friday, June 12, 2009

عن كوكب فايد واشياء اخري

للاسف ولان فاضل لي نص ساعه بس واسافر تاني
الي كوكب فايد العظيم
حيث مقبرة المؤهلات العليا
.
كلية الضباط اللي علي الدكه
.
.
احب اهني وابارك واسلم علي كل الحاضرين
واللي مش حاضرين
وابلغم اني راجع ولا مفر من عودتي
ويا انا يا الجيش
.
.
تحياتي لكل اللي سأل عني
ولكل اللي مسألش
.
.
بجد حوشتووووني
يا حوش
والسلام

Friday, April 10, 2009

ملتحق بالجيش

هايكستب تجيند تجنيييييد
.
.
قاربت ايامي علي الانتهاء وحان موعد الانصراف الحتمي الازلي المستفز ، يقترب الموعد حينا فجينا .. وتتمثل امامي المشاهد كل يوم
.
يوم الرحيل .. يوم الاستقبال .. المبيت .. المطعم ... السرير .. اشياء تتمثل امامي اتخيل منها قدر المستطاع واحاول جاهدا تخيل التفاصيل
.
قد تطيل مده غيابي الاولي .. شهرا .. خمون يوما .. لا ادري .. ولكني حتما سوف اعود .. هم يقولون ان الجيش مصنع الرجال
ولكن عندما كنت في الخامسة .. صحوت من نومي علي بكاء جارتنا (( ام علي )) والجميع يواسيها في ابنها (( علي )) يقولون انه مات ف الجيش
.
مناورات الجيش صعبة وهناك فاقد لا ينظرون اليه ولا يلقون له بالا .. عندما قضيت التربية العسكرية اثناء فترة الدراسة بالجامعه كنت حكمدارا .. لا يقوم بشيء فقد اعد الطابور .. واحصر الغياب والحضور .. لاجلس باقي يومي في غرفة مستقلة لا احضر محاضرات ولا اشترك في اعداد ابحاث
.
ان شغلت مخك هتوصل .. لو تخنت مخك مش هتخرج
هكذا اتلقى النصيحة من كل من يعلم دخولي للجيش .. حتى تخيل لي ان الغباء صفة عامة علي كل داخليه وان الذكي من يشغل مخه عمله نادرة بالداخل .. ولكن ششاب مثلي مهندس ... اعتقد اني مهمها حاولت تصنع الغباء .. لن انجح ابدا
.
سأحاول قدر امكاني ان اجعل ارشيفي متواصل .. فهي عادة حاولت جاهدا علي مدار ثلاث سنوات ان احافظ عليها .. يقولون ان اولي اجازاتي بعد خمسين يوما .. ان لم اقدر علي الكتابة سوف يتولي ذلك احد اصدقائي المقربين
.
انتظروا مني مسلسلا عن يوميات جندي مجند ادم المصري

Saturday, March 14, 2009

غير مأسوف عليه

أراد الرب الأعظم إيقاف العداوة والخصومة بين الطيور ، فحاول أن يضع لها ملكا يحكمها بسلام،أعلن الرب الأعظم اقتراحه لكل الطيور ، ودعاها جيمعا كي تختار في يوم محدد الطير صاحب الحسنات الأكثر بينها
.
فاحتشدت الطيور جميعها ، وبدأت تفكر بإظهار صفاتها الحميدة ، وكل منها يكاد يكون متأكدا انه سيكون هو الملك
.
قال البلبل جازما وهو الطير صاحب التغريد الأكثر حلاوة
" يجب اختيار الطير صاحب الشدو الأجمل ". وبكل الثقة والمباهاة جرّب موسيقاه بعد أن حطّ على أعلى أغصان الغابة
.
فكّرت البومة في داخلها
" بالتأكيد فإن الرب الأعظم سيختار الطير الذي ينظر ، ولكن أي من الطيور لا تمتلك النظر مثلي" وثبتت عينيها الدائريتين في الليل ،وبدأت تتخيل الملوك
.
قال الطاووس
" بالتأكيد سيتم اختيار الأكثر قوة ، وسأكون أنا المسمى لأصدر الأوامر بين المحتشدين الكثيرين". وهزّ جناحيه العريضتين ، وكذلك الغصن السميك الذي كان يقف عليه
.
قال النسر
" بالتأكيد من أجل حكم جيد يجب رؤية العالم من مكان مرتفع ". وانطلق النسر في الهواء بطيران عال جدا عبر الغيوم
.
قال الديك المكسيكي
" بالتأكيد فإن الملك سيكون من يصرخ بقوة أكبر فيجب إعطاء الأوامر بالشكل الذي يجعل الجميع يسمع وأنا !أنا ! الديك المكسيكي أنا قادر على ذلك فإذا صحت، فإني أسْمِعُ حتى القمر"
.
أمّا طائر الكاردينال فقد قال
"بالتأكيد سأكون أنا الملك , فمن الملوكية أن تُلبس فروة من الأرجوان القرمزية فكأن ريشاتي شعلة متقدة "
.
وهكذا شعر كل واحد من الطيور بالاطمئنان من فوزه. كان الطاووس قد سمع ما قاله الآخرون من الطيور ، عندئذ كان للطاووس ريشات متسخة وشعثة وكئيبة
لم يكن قادرا على التفكير في إمكانية اختياره ، لأن بدنه كان ضخما ، وزيـّه كان بشعا وبائسا ، لم يكن كالطاووس الذي نعرفه اليوم. بدأ الطاووس يفكر دون أن يفقد الأمل ، وجاء ليتفق مع صديقه الفواهوي الذي كان له ريش رائع
.
فقال الطاووس له: " يا صديقي تعال أحادثك بشيء يهمنا جدا نحن الاثنين .. الرب الأعظم سيفكر بالتأكيد في تسمية الطير الأكثر جمالا والأكثر هيبة ملكا على الطيور،فأنت لك ريش وفير جدا، لكنك صغير ، وتنقصك العجرفة أمّا أنا فعلى العكس لدي بدن له حضور كبير وريشات أكثر وفرة
لكنني لا أقدر أن أعطيك بدني أما أنت فيمكنك إعارتي ريشاتك. كان الفواهوي يستمع إلى صديقه ، فقال الطاووس له: "اسمع تعال ، نعقد صفقة, أنت تعيرني الريش إلى أن يتم اختياري من قبل الرب الأعظم ، وعندما أصبح ملكا أردّ الريشات لك ، وأكثر من ذلك سأتقاسم معك كل خيرات و تشريفات منصبي "
.
فكر العصفور فواهوي في ذلك للحظة ، لكن الطاووس عاد يغريه بالوعود ، والعصفور الطيب والواثق لم يقو على الرفض. وهكذا بدأ الفواهوي بخلع ريشه ، وبوضعها لصديقه فيما الطاووس يثبتها جيدا حسب مقاسه. وبدأت تنمو وتنمو حتى صارت غطاءاً بديعا بذيلٍ رائعٍ تخرج منه ألوان الفضة والذهب
.
"أيها الصديق فواهوي ، سوف ترى الخيرات التي سنتقاسمها معا " . قال ذلك الطاووس وهو يختال بالجمال والبهرجة. وبقي المسكين فواهوي منزوع الريش تقريبا ويرتجف من البرد. ولما رأى طيوراً أخرى تأتي في الطريق تقترب منه أحس بالخجل واختبأ بين الأعشاب كي لا يرونه
.
حلّ يوم الموعد أمام الرب الأعظم ، وحضرت جميع الطيور واثقة متأكدة ، لكنها عندما شاهدت الطاووس بحلّته الجديدة المذهلة فلقد بقيت مناقيرها مفتوحة من العجب والدهشة. فاختار الرب الأعظم الطاووس ملكا وسيدا للطيور.
ومضى الطاووس بعجرفته و بنكرانه للجميل بعد تلك اللحظة التي حقق فيها مبتغاه فلم يعد يتذكر فواهوي الطيب ، الذي ساعده وضحّى من أجله. وفي يوم من الأيام عثرت الطيور على فواهوي المسكين مختبئا بين الأعشاب الطويلة ، فاستغربت لنحافته وحزنت لذلك ، عندها أعطاه كل واحد منهم ريشة من ريشاته،لهذا السبب للفوهويو ريش قليل ، ولهذا السبب و منذ ذلك الوقت يمضي خجولا لأنه فقد ريشه
.
ولهذا السبب وكي لا يرونه بهذه الحالة فإنه لا يخرج إلاّ في الليل, يخرج ليبحث عن الصديق النذل الذي خدعه !!ولأن الفواهوي طيب للغاية ، فإنه يظن أن الطاووس سيفي بوعده يوما ما
.
الفوهوي الطيب لا يفقد الأمل أبدا ، ويخرج إلى الطرقات وعندما يرى الإنسان ، فإنه يقترب منه ويصرخ به :فواه!! فواه!! مرة وثانية يسأله إن كان قد شاهد الطاووس. الرب الأعظم لا يترك الأفعال السيئة دون عقاب, لهذا لم يعد الطاووس يشدو كما كان يفعل سابقا بصوت عذب. فلقد علم الرب بالفعلة الشائنة التي فعلها فأمر أن لا يشدو الطاووس أبدا
.
ومنذ ذلك الحين وفي كلّ مرة يحاول الطاووس فيها أن يطلق صوته للريح ، فإنه لا يجد سوى الزعيق والكركرة التي تجعل الطيور الأخرى تسخر منه

Thursday, February 26, 2009

عن الهايكستب واشياء اخري

دخلت التجنيد يا جماعه .. وهتجند
.
.
كايوم ولا الف ليلة .. كله عمال يقول ماتخافش انشاله الله تأجيل ان شاء الله تاجيل لحد ما لبست تلات سنين
وتقريبا اللي كان بيدعي دا .. بيقول حاجة علي لسانه وف قلبه حاجة تانية خالص
الله يسامحه بقي اللي كان السبب
.
.
يوم الارجا قالوا تعالو الساعه سبعه
وانا زي العبيط صدقت
واتلطعت ف الشمس مع كل العبط والهبل اللي صدفوا زي
لان الارجا اتقالت الساعه اتناشر
.
.
لغير المثقين او متعددي اللغات احب اشرح لكم
معني كلمة الارجاء
الارجاء دي معناها ف اللغه التاجيل
ياعني اللي ياخد ارجاء يبقي خد تأجيل
ودا اليوم اللي بيسمع فيه كل واحد اذا كان هياخد ارجاء ولا هيلبس
.
.
اول حاجة خدوها بتوع طب كلهاتهم
وبدا علي بتوع هندسة
ما سبابوش حد ف حاله
اول تخصص خدوه هو التخصص بتاعي
يا حسرة عليا يا حسرة عليا
.
.
انا لو كنت دخلت زراعه قسم بطيخ كان زماني ف الجيش
سبحان الله
خدوني اصلا بسبب التخصصات
ولما نادوا ع المواليد
خدوني برضوا
ياعني خدوني مرتين
كاتها نيلة اللي عايزة تجيب عيال
.
.
انا خلاص يا جماعه
هاخش الجيش وهاتجند
وربنا يستر بقي وغزة تحترم نفسها
عشان المشرحه مش ناقصة قتله
مش علي حظ امي انا يقولوا نحارب
.
.
الله يخرب بيتك يا اسرائيل
ملعون ابوكي يا امريكا انت واروبا ف يوم واحد
.
.
كاتها نيلة اللي عايزة الخلف

Sunday, February 22, 2009

اكسب وكسب لاعبك المفضل

طالعت المصري اليوم انهاردة باعلان مستفز
.
.
قال ايه حازم امام ماضي بخط ايدة
**
حب الجمهور هو الجايزة الحقيقة
وعي اد ما خدت بطولات كتير
كان نفسي اخد جايزة م الجمهور
**
دا ضمن اعلان كوكاكولا
اكسب اتنين لاب توب كل يوم
وكمان كسب لاعبك المفضل
150،000 جنيه
.
.
وكأن حازم امام محتاج قوي المية وخمسين الف جنيه وبيترجي جمهوره العزيز انه يكسبه
بجد اقولها من كل قلبي
.
أحـــــــــــــه
.
.
ايه الاعلان المستفز دا
ياعني انا ارسل رسالة بجنيه ونص
عشان اكسب حازم امام ميه وخمسين الف جنيه ؟؟؟؟؟؟؟؟
وانا ايه الفايدة اللي هتعود عليا من دا مثلا
اني احتمال اكسب لاب توب ؟؟؟؟؟؟؟؟
.
يا اخي ميييييت
أحــــــــــــــــــــــــــــــه
.
.
دا يا اما استخفاف بعقول الناس
يا اما استخفاف بعقول الناس
ان اعلان زي دا ينزل معناه ان فكر مسئول الدعاية المتخلف
بيخاطب شريحة جمهور اكثر تخلفا
ودا ان دل
فانه بيدل علي اننا اصبحنا مجموعه من البقر
كل واحد شايف انه من حقه يحلبنا بطريقته
وانه لازم يمص اخر نقطة لبن فينا
.
.
ميه وخمسين الف جنيه يسوا ايه بالنسبه لحازم امام ؟؟
طب انا محتاج منهم بس
10000 جنيه فقط عشان اجوز اختي
...
لا والله دا انا محتاج خمسه بس عشان اجوزها
والخمسه التانيين هاشبرق علي نفسي واجيب موتيسكل
.
ياعني انا اعرف ان الاعلان يبقي مغري اكتر لما يقول
ان لاعبك المفضل هو اللي هيكسبك الميه وخمسين الف جنيه
المفروض ان اي اعلان بيلعب علي منطقة الاغراء عند الجمهور
بيخاطب فيه احتياجاته
بس بمنطق مش بسذاجه وسخافة بالشكل دا
.
.
وان اللاعب يبقي بالبجاحة دي
ويطلب من الجمهور بتاعه
انه يبعت اس ام اس
لانه عايز جايزة م الجمهور
يبقي أحــــــــــــــــــــــه
انت محتاج ميه وخمسين الف جنيه يا احزم يا امام
عشان تعمل اعلان زي دا يا ابن التيييييييييييييييييييت
.
.
امال انا اعمل ايه
دراسه خمس سنين
ومفحوت شغل
ومرتبي يعمل الرقم دا في ميه وخمسين سنه
الله يخرب بيت الهرم المقلوب وبيت الحكومة ف يوم واحد
وحسبنا الله ونعم الوكيل

Friday, February 20, 2009

طاقة الغفران

القوة الحقيقة هي .. ان يمتلك قلبك طاقة غفران
.


سهل الكلام دوما ، وسهلة الجمل الرنانه والعبارات الطنانه ، وسهل جدا الاسلوب الخطابي واسهل ما في الامر ان ينصح اي منا اخاه ، ولكن الصعب حقا هو ان يضع الانسان نفسه حيز التنفيذ ثم يطلب منها ان تتخذ القرار المناسب في سرعه وحنكه خبير وحكيم لا يخطئ

اعتقد ان القوة الحقيقة تكمن في ان يمتلك الانسان منا طاقة غفران قوية تمكنه من نسيان الاساءة او التجريح ، بما يؤهله مرة اخري للتعامل مع هؤلاء الاشخاص مرة اخري دون ان يحمل لهم ادني مشاعر كره او اساءة
اعتقد انه حتي يصل الانسان منا الي هذه المرتيه عليه ان يتدرب كثيرا علي الغفران ..حتي يستسطيع ان يمارسه فعلا ، فبالرغم من كون الامر يبدوا سهلا عن الكلام والحديث عنه


الا انه صعب جدا جدا عندما يدخل حيز التنفيذ ، الانسان منا لا يعيش بمفرده ابدا ، لابد وان يؤثر ويتأثر .. فلن يقدر احد منا ان يسير نواميس الكون حسب مقدراته او اهواءه .. ولكن علي الشخص الحكيم العاقل الا ينجرف مع التيارات ولا ينساق وراء العامه


فلابد ان يكون له رايه المستقل وان يمتلك القدرة الكافية علي ان يوجة الظروف والمتغيرات الي صالحه دائما .. هنا تكمن الصعوبات


ان يمتلك المرا قدرة التحكم والتوجيه لكل الظروف المحيطه به من اصعب ما يكون .. عليه ان يصابر جيدا ويرابط جيدا ولا ينهزم امام اي ضغوطات او اي صعوبات حتى لا يضعف او يلين
عاده بعد تدريب شديد وشاق ومرهق يتحول المرا بعد ذلك الي عقبةقوية في مسار التيارات الشديدة التي تجرف البعض منا الي الهاوية السحيقة فيستطيع ان يحافظ علي نفسه وعلي الاخرين


لذا انتهز الفرصه هنا واصرح باني قد سامحت كل من اساء لي يوما من الايام واني علي استعداد تام ان اتعامل معهم مرة اخري وانا لا احمل في نفسي اي ضغينه لاحد منهم بل والانكى ان مستعد تماما ان اتقبل منهم جراحا اخري ، بل اني اسمع لسان حالي يقول لهم الان هل من مزيد ، وذلك املا وطمعا في ان يسامحني كل من اخطأت في حقهم يوما او سببت لهم اي جراح بقصد او من دون قصد .. لاني اود ان استريح


.
الصورة ليا بعدسة خليل عز الدين
.

Sunday, February 15, 2009

مظلوم الحب تملي معانا
ولا احنا يا دنيا عشان قاسيين
دايما ظالمين ؟؟

مجروحة الغنوة تملي
بوتر العود المتعود طعم الاحزان

الورد ..ر
الشوك واقف حواليه حارس ددبان

والضحك ..ر
ان كان طالع م القلب
تملي تصاحبه دموع
فافضل قلقان

مش عارف ليه
دايما افراحي تكون مزروعه ف غيط احزان

مش آمن ليه غدرك يا زمان
عن دنيا الحقد الكدب الكرة الزيف الدم هاصوم
هاصرخ .. بالصوت العالي وازوم
انا مش بلياتشوا .. انا مش اراجوز

انا شاب صحيح
لكن بعنايا صبحت عجوز
يمكن كان عمري قصير لكن
من يوم ما وعيت ع الدنيا دي
وانا وسط الاحزان مغروز

انا عايز اقول
وبصوت عالي
للناس ف الدنيا دي بحالها
ان انا انسان
ومافيش طب ممكن
لو ينفع
او حتى يجوز
العالم لازم يتفهم
ان انا انسان

انسان وبسيط جدا خالص
والله بسيط جدا خالص
من حقي الحلم الحب
من حقي اعيش
وما تنكرنيش
اسوار وحدود وسجون وحيطان
لا بحب اتفزلك واتنطط علي خلق الله
ولا حبش اعيش ف الدور برده
ورزقي علي الله

لكن .. ر
متمسك جدا بحقوقي
ومبادئ مزروعه ف دمي
الناس .. من طين
والطين اوطان
والذل ان كان بيطول ايام
وشهور وسنين
فالناس عمرها بيطول ازمان

والصبر دا لعبة اطفالنا .. ر
الرضع
نصبر ع السو ونتسابق ... ر
مين اللي هايصرخ ف الاول
ويقول زهقان

ف بلادنا الطفل اما بيولد
بنأذن ف شماله اقامه
ويمينه ادان

ف بلادنا الطفل اما بيولد
يتعلم يضرب بحجارة
فيصيب ويموت الف جبان

ف بلادنا الطفل اما بيولد
نزرع في عنيه
نعناع وريحان

ف بلادنا الارض اما بتعطش
تشرب م الدم

ف بلادنا الطفل اما بيولد
بيشيل علي كتفه جبال الهم

ف بلادنا الارض البور .. ر
مش بور
ف بلادنا الطين ف الارض غيور
برده بيصبر .. لما ولاد السو تغور

Monday, February 09, 2009

فعل متكرر الحدوث

صحوت من نومي متباطئا احاول جاهدا استبيان الساعه الان ، لعلي اتصيد دقائق اخري ، فالنوم في هذه اللحظات هو اقصى مطالب الحياه ، بعد عدة رنات متتالية من منبه تليفوني المحمول اقوم متأسفا علي حالي وما وصلت اليه ، خمس خطوات فقط من السرير لاصبح ف الحمام ، افعل امور معتادة ، في شبه خطوة واحدة خاطفة اصبح في المطبخ اعد لنفسي كوبا من الشاي ، الشاي الثقيل في الصباح يساعد علي توفير ثمن وجبة الفطار ، يكفيني الغذاء كوجبة واحدة يوميا ، عادة ما أءخر موعدها حتي اتصيد عصفورين بحجر واحد ، فالغذاء عندي هو عشاء ايضا ، ولا مانع خلال بعض ايام الاسبوع من تناول بعض المأكولات الخفيفة قبل النوم ذلك يحدث فقط في الايام شديدة الارهاق
.
جارتي الحسناء تتصيد مواعيد ذهابي وايابي من العمل ، احاول جاهدا ان اصرف اي تفكير في الجنس عني ، الحب رفاهية لا اقدر عليها الان ، في الشارع اري نسخ متكررة من بعضها الاخر ، كثيرون اعرفهم من مجرد استجابتهم لبعض المؤثرات ، واخرين اشعر انهم ليسوا من هذا الزمان ، انا لا اصرح بهذا لأحد حتي لا اتهم بالحقد الطبقي ، اني فـتــا قنوع جدا
.
توقيع الحضور والانصراف من اشد العادات قدسية في عملي ، في الفترة ما بين بين انا حر تماما حتي وان قضيتها كلها في الحمام ، قد لا اعمل طوال اليوم ، قد اجلس علي مكتبي بالساعات اتوسل عملا حتي لا اشعر بالنعاس ولكن لابد من التوقيع حضورا وانصرافا
.
اشد ما اكره هي عادة انتظار الاتوبيس في موعد الظهيرة ، اشعر ان كل الناس ستذهب معي الي بيتي ، الي سريري وحمامي ومطبخي ، كل هؤلاء ينتظرون اوتوبيسي ، ينزلون محطتي ، يسيرون في شارعي ، احاول ان اهرب منهم خلسه لانسل عمارتي دون ان يراني احد منهم
.
مملة هي تلك الفترة التي اقضيها بعد عودتي من العمل ، اليوم لا اصحاب لا قهوة ، يجب علينا الاقتصاد جيدا حتي نستطيع ان نصل الي اخر الشهر بكرامة وحفظ لماء الوجه ، باقي وقتا ليس بالقليل علي وجبة الغذاء ، الحل الامثل لالتهام الوقت هو النوم ، انا لا اجيد الطبخ نهائيا ، لذلك استسهل ان اتجه الي المطعم لشراء بعضا من الفول وبعضا من الطعمية وقليلا من العيش في محاولة لاسترضاء معدتي التي بح صوتها من كثرة الصراخ
.
كوب الشاي بعد هذه الاكله ، هو نعمة ربانية لا تحصى ابدا ، بعد الاكل اشعر بالخمول ، انام .. ولكن الي الصباح هذه المرة ، لاكرر عملا اتقنته يوميا

Tuesday, February 03, 2009

جندي مجند ادم المصري

جندي مجند ادم المصري
الي الامام سر
.
.
لسه مخلص حالا اجراءات الكشف الطبي بتاع الجيش
الهايكستب دا يا جماعه
كاس زداير ع الكل
والكل لزم يدوق منه
.
.
الكشف الطبي يا جماعه دا مهزق قوق
قال لازم الواحد يقف كدا في عز التلج بالاندر وير
حاجة تكسف
.
.
المهم ان نظري الضعيف لم يشفع لي مع ظباط الهايكستب
وطلعت لائق طبيا
ومنتظر الاراجاء يوم
23/2/2009
.
.
ومن زنقتي هذه ارجوا كل من يقرا البوست
وكل من يعرف احدا قرا البوست
ان يصلي ويدعو الله
ان ينجي المدعو ادم المصري
من دخول الجيش
والله الموفق والسلام

Monday, January 26, 2009

ليس لادم فروع اخري


يعلن ادم المصري
انه
صاحب مدونة
فــــــــي عـــمــــق الـحـيــــــــــــاة
وليس له اي فروع اخري
.
وانه غير مسئول عن اي تعليق
يدرج تحت اسمه
غير مصاحب لصورة الارنب
باج باني
ومرفق معه لينك مباشر للبروفايل بتاعي
.
.
وياريت ماحدش يجيب سيرة لاي ادم مصري اخر
لان المشرحة مش ناقصة قتله
والعشة مش محتاجة فراخ
والفيل ف المنديل بقي
والفلة ف المنفلة
والمورتة ف قعر الحلة

Sunday, January 25, 2009

احساس2



احلى حاجة فيكي انك موقعه

من دماغك ومطنشة خالص

ولا هامك اي حاجة

.

.

والله ما اعرف دا تقل

ولا انت مش حاسة بحاجة اصلا

Friday, January 23, 2009

احساس


عايز اقولك ان الايفوريا دي
.
.
برفان عبقري
خلتني احب الكوفية اكتر من حبي للشيكولاته

Wednesday, January 21, 2009

وجع4


عندما تحدث مشاحنة بين شخصين مقربين
فان لكل منهم لديه اسبابه المقنعه
احيانا يري احد الطرفين ان الامر لا يعدو عن كونه زوبعه ستنقضي بمرور الوقت
فيتلاشى الحديث في الامر ويتجنبه
حتي ترجع المياه الي مجاريها مرة اخري دون عتاب
ولكن ان لم يتراجعا ف سرعة لتوضيح سؤ الفهم الذي ادي الي تلك المشاحنه
وتلكأ كل منهم في دلال .. ثأرا لكرامته
سيؤدي ذلك بالتبعية لاستقرار اسباب الفرقة عند كل من الطرفين
ونتيجة لذلك .. تقل اواصر الرحمة والمودة بينهم تدريجيا
ويغلظ قلب كلاهما علي الاخر
حتي وان بدت العلاقه بينهم كما كانت في سابق عهدها
ذلك ... لان الاساءة لا تنسي مطلقا
الكارثة هنا
ان يحدث ذلك بين زوج وزوجة .. او اخ واخت .. ام وابن ..وهكذا

.
.
.

اعتقد ان العتاب خير وسيلة لعمل علاقة دائمة ومستمرة
وان عدمه .. يعني عدم اكتراث الطرفين بما قد يلم بعلاقتهم
او عدم اكتراث احدهم بالاخر بعد ذلك

Tuesday, January 20, 2009

وجع 3


.
.

كيـوبـيـد الحب ضربني بسهم ما قولـتــش اي
اكمن انا قلبي مالوش ف الدنيا شبـيـه ولا زي
بس اما ضربني السهــم صراحه ... انا غبـــت ف دنـيـا بعيـده وتهت
ماعرفـتـش حتـــى ان كنـت انا ميــت ولا انا حي
انا لمــا خبطـني السهم انا قلبي وجعني قــوام علي طـــول
انا عايز احكي لكم بس انا خايف لما احكي لكم شرحي يطول
فانا مش هاتكلم وانطق خالص اصلي هاسيب لـكو شكلي يقول

Monday, January 19, 2009

وجع 2


ياللــي انـت خيــل وعجـــوز
والسبــق زحمــــة
ياللــــي انـــت مستـنــــي من ربـــك الرحــمــة
سكينــه الحاجــــة
احمى ... ؟؟
ولا الســـؤال احمى ... ؟؟؟

Sunday, January 18, 2009

وجع


ليــه العــذاب دا يا دنـــيـا قـــدرنا

بـنـعـشـق ف ناس عاشقـــه ناس تانيـــه غيـرنا

وناس دايـبه فيـنا ولا شاغـلــه بالنــا

بنجرح قـلوبنـــا باديـنـــا ونرجـــع

نقــول الغــرام ليــه يا دنيــا قـتـلنـــا ؟؟

Monday, January 05, 2009

باي حال جئت

عيد باي حال جئت يا عيد
بما مضى .. ام بأمر فيك تهويد
امل دنقل

Saturday, January 03, 2009

عيد ميلادي تاني

حاجة غريبة جدا جدا بتكرر
كل سنه في نفس الميعاد
الا وهي .. عيد ميلادي
.
.
اعتقد ان التكرار في حد ذاته شيء ممل
والانسان لما بيعمل فعل معين
ويقوم علي تكراره بشكل دوري لمده معينه
بيمل جدا
ما بالك بقي انه بيكرره طول حياته
كل سنه في نفس الميعاد يفتكر عيد ميلاده
.
المفروض انه يوم سعيد
المفروض انه يفرح
مش عارف ليه بس هو المفروض
رغم انه بيكبر سنه بس لازم يفرح
رغم انه بيقرب م النهاية الا انه لازم يفرح
والمفروض برده انه ما يحسش بالملل في تكرار
نفس الفعل سنويا
.
.
الغريب ف الامر
ان اليوم دا بيكون يوم عادي عند كل الناس
ماحدش بيحس بيه اصلا
الا لو انت بخباثة كدا لمحت ليه
طمعا في الهدية او حتي في مكالمة تليفون
او ع الاقل ماسج موبايل فيها كل ينه وانت طيب
ولو الحياة طيبنه قوي يبقي كفاية ايميل ببلاش
.
.
ياعني يوم عبيط جدا بتحاول تديله اهمية
عشان تحسس نفسك انك عايش
تفضل تتكرر العادة لحد ما تموت
وتتنسي وتنساها الناس بعد موتك
لكن الفعل نفسه مش بيتنسي حاجة علبط في هبل وكلوا بيمشي
كل سنه وانا طيب
بيييييييييييب