Pages

Subscribe:

Monday, June 30, 2008

جنتل وشيك بس مش كدا

مش محاولة في عمل دعاية بس الموضوع بجد مضايقني
.
.
مش عارف اتأقلم مع الناس
واتعامل عادي
.
.
حاولت البس قناع علي وشي وابان
جنتل وشيك بس مش قادر
.
.
المفروض انه دا ادم المصري
.
.
ودا ادم المصري
بشكل بيغظني جدا .. اسم مدونته

Saturday, June 28, 2008

في العتمة

الشاعر السابع
.
مصطفي مقلد
.
شاعر عبقري
.

Monday, June 23, 2008

جميعنا ادم .. ولكن .. انا ادم المصري

طالعت مؤخرا مجموعة ليست بالقليلة ، جميعهم ادم .
بل ذاد الحد ان كثيرا منهم ادم المصري
اضاف كل منا لاسمه لام التعريف
حتي اصبح جميعنا
ادم المصري
يصيبني احيانا الغيرة علي اسمي لاني الاقدم علي الاطلاق ،ولكن ما يلبث ان يتغير شعوري هذا ويتبدل الي شعور اخر لا اعرفه بمجرد ان اشرع في القراءة ، فلكل منهم شخصيته المستقلة لا احد يقلد ولا احد يسرق ولا احد يبتزل ، بل اني لاغار منهم احيانا لحسن بيانهم وقوة منطقهم ، كثر نحن بالفعل ولكن لكل منا مذاقه الخاص ، لا اعرف هل يجهل هؤلاء بهذا التشابة العجيب ام انها صدفة جمتعت هؤلاء جميعا علي اسم واحد ام انهم بالفعل يعلمون وما التشابة الا نتيجة العلم المسبق لا ادري ، لا اعلم الي امتي سوف اردد هذه الكلمة ولكن حتي ادري لكم مني تحياتي ..
انا ادم المصري الاول

حالة هلامية المعالم

عندما يصيبك حالة هلامية المعالم
لا تقدر جيدا علي وصفها او حتي تحديد كنهها .
فاعلم جيدا بانك داخل
علي مرحلة احباط يا معلم
.
.
مميزات هذه المرحلة
صلي النبي كدا وكل من له نبي يصلي عليه
قولتلي بقي ياسيدي وما سيدك الا انا
انك داخل علي احباط
ودي ياباشا بتبان لما تلقي نفسك زهقان وطهقان
وقدامك شغل المفروض تعمله
لكنك مكسل
.
.
كونك مكسل بيخليك تسال طب هو انا اعمل ايه ؟
رغم الشغل قدامك اصلا
.
.
طب دا كلام جميل
اسباب الاكتئاب ايه يا معلم
.
.
جتلي في المفيد يا برنس
برنس الليالي الحائرة
دا سيادتك غالبا وحتما ياعني
نتيجة خروجك من ضغط كبير جدا او نتيجة تعرضك لعدة ازمات متتالية
في حالتي انا مثلا
.
.
امتحانات الميت تريم
امتحانات العملي والشفوي
امتحانات الترم
استكمال المشروع
مناقشة المشروع
الجيش
يالهوي
.
.
اوعاك تستهتر ..واللي يشوف بلاوي الناس بتهون عليه بلوته
ياعني عندك مثلا
كيلو الطماطم بقه بتمانين قرش
هتقولي ايه دخلة دا بالاكتئاب
هقولك ماعرفش
.
.
المهم وعلاج الحكاية دي ايه
يا معلم
اقولك انا يا سيدي
وما سيدك الا انا
حالة الاكتئاب دي حالة ضرورية
زي الجدري والصفرا
كاس وداير علي خلق الله يابني
ولازم تستحمل الفترة دي لحد ما تعدي
.
.
ولو كان ليها علاج
كنت عالجت نفسي الاول
.
.
سلام يا اتش

Tuesday, June 17, 2008

دعوني اهرتل


اشعر بملل شديد .. وزهق ممل
.
.
استطيع جيدا تفسير ماهو الملل الشديد
.
.
ولكني لا استطيع تفسير .. ماهو الزهق الممل