وهم الماضي

طول عمرك السفينة

وطول عمرى وانا ع الشط

وان يوم جرحتك تغفري من غير عتاب

انت ف حياتي الاسئلة ولا فيش جواب

جرأت قلبي

فبسكرة الحب انتشى

ف دخلت جوة ف الغريق

مديت ايديا

لقيتك

يا دوب سراب

كنت في حياتي

زي حبات المطر

من غير سحاب

لو فاكرة انك

وبقساوتك

خدتى طارك

وانتصرتي عشان كرامتك

فاسمحيلي اعترفلك

انه باديك وبغباوتك

عملتى للحساد جميل

لو كان فيه نيه للرجوع

دلوقتي اصبح مستحيل

ضيعتي قلبي

وقلبك انت كمان معاه

مين اللي هيصبر قلوبنا اه

قلبي مسيره يوم وينسي وتبقي عندي ذكريات

انما قلبك

هيفضل كل ليلة يلومك ع اللي فات

لو كنت فاكرة بانكساري

انتصرتي

فاضحكي 

 قلبك بكرة مش هتجف دموع عنيه

اضحكى ... انت مش فرحانة ليه ؟؟؟؟

الماضي وهم كبير

الماضي وهم كبير 

كان لازم افوق منه

والحب ذنب خطير 

لازم اتوب عنه 

لفيت وشوفت كتير 

وعيت من التفكير 

لم شوفت حد توفى 

وهو ناقص عمر 

او حد مات م الجوع 

لكني شوفت كتير 

بيموت من التفكير !!!

رسالة من واحد فلول

الدور الدور الدور الدور .. موعودة ياللي عليكي الدور ... وان خلص الفول انا مش مسئول ... انا واد بياع وفلولجي قديم ... غاوي التنطيط في التليفزيون ... بعرف تعريض افلام وحجات .. واعرف اتلون بالمساكات ... والبس ارجوز والبس خواجات .. واظهرلك برده بدقن سعات .. واظهر مسكين او ابن ذوات .. انا اصلي قديم قوي في السياسات ... واعرف لو شط الكرة ازاي .... تدخل في الجون . 

انا ممكن اعيط وياه الناس واطلع متقطع م الاحساس ... وتشوفني تقول دا الواد حساس .. و الاصل ؟؟

ابليس ذات نفسه بيتعوذ .. وبيشكي لربنا ومبوز .. ويقول بالصوت العالي يارب .. بتعود بيك 

من شرك الناس .

انا ممكن اكفر في الشياطين ... قول بالك بقي بالبني ادمين .. و تخيل ممكن اعمل ايه ... ؟؟؟

انا هانفخ وسط اللمة وازوم .. وهافركش دايما في الملموم .. ووهاقتل في اللي مالهش لزوم .. والزقها في ناس هبلة بريالات ... 

كل القنوات .. معروف لي مكان  .. مخصوص محجوز .. هاتكلم عاقل مرة سعات ... وسعات اراجوز  .. وسعات منخوليا و متعفرت وسعات شوارعجي ومتشفلط  .... وهتمدح فيا انا عارف مرة .. وتسب الدين لابويا سعات  

حالة تعجب

اتعجب لهؤلاؤ المدافعين عن الدين من تحوله الي مجرد قشور او حركات او شكليات .. ومهاجمتهم بشراسة ... اجبار الفتيات علي ارتداء الحجاب ... اتسائل لماذا لا يتم توجيه المجهود العظيم المبذول في نقد الشكل الديني .... الي اتجاه اخر ... يتم فيه اصلاح الجوهر الداخلي للانسان .. لاقناعه باهمية وجدوي الشكل الديني ...

بالبلدي كدا ... بدل ما تقول للبنت اقلعي الحجاب اللي انت مجبره عليه دا ... اقنعها قد ايه الحجاب مهم في الاسلام ... فبدل ما تبقي مجبره عليه ... تبقي مقتنعه بيه .. او بدل انك تهاجم شيوخ بدعوي انهم واخدين من الدين شكليات ومظاهر .... ادعوا الناس انت للاتجاه الي قلب الدين والغوص فيه 

عني مؤخرا

انا كنت مصلوب ع الزمن

يمكن !!

لابس تيجان التجربة ؟؟

معرفش

قلبي ماهوش ميت لكني

دلوقتي بقيت ما بخافش

يوم خطوبتى

في حفل عائلي خاص

.
تمت خطبة الاستاذ ادم المصري

. 

9/3/2012

.

ولبس الدبلة يا جماعه

.

واتكلبش !!!!!ة

ادعو له بالمغفرة والرحمة .. واحتسبووه عن الله
.

عريييييييييييييييس

نكسة بورسعيد

هديت حيطان المعتقل

والظلم توبته 

وف عز عز النزيف برقص 

انا اللي موته

اهله قالوا في الجرنان

ننعي بالاسف خيبته

وتاري الندل 

كان هربان

ونا من جهلي صدقته

ولان الجبان هيعيش جبان

ومش قد المواجهه

قام عامل عصابة وجاني عند البيت

بيفتح هناك جبهة