Pages

Subscribe:

Thursday, January 26, 2006

الكليات مابتلّعشي وزرا ..امال مين اللي بيطلّع ؟

من كام يوم كده بابا كان عمال يسمع التلفزيون
اصل بعيدعنك التلفزيون بتاعنا بيجيب صوت بس
المهم الوقت إتأخر .. وحسيت ان التلفزيون كان شغال لوحده وماحدش بيسمعه
(حلوة دي ..ما حدش بيسمعه )
المهم روحت اشوفه في اوته (اقصد غرفته ) المهم لقيت بابا رايح في النوم
قلت له هتنام يا بابا اقفل التلفزيون ؟
قالي ماشي
لسه هقفل وسمعت حاجة غريبة
اقول لكم بقي يا خوانا سمعت ايه
قال ايه كان فيه برنامج وشكله كده المذيعه واحده ست من صوتها ..والضيف كان وزيرة القوي العاملة
عائشة عبدالهادي
المهم وانا ايدي رايحه ناحية الزرار ..سمعت المذيعة بتسأل الوزيرة ..مؤهلك ايه ؟
سؤال جريء
استغربت من جرؤة المذيعين المصريين بصراحة ..وكان عندي فضول اني استني اسمع الاجابة
الاجابه كانت اغرب .. لان الوزيرة قالت : اسفة مش هقول
طبعا صدمت وكانت الصدمه اكبر لما ردت المذيعه وقالت : احترم صراحتك
ولم تكتفي الوزيرة المبجلة بذلك بل قالت : انا قفلت الموضوع ده من زمان ثم التعليم اللي انا اتحرمت منه عوّضته في ولادي واخذت تستعرض الشهادات اللي حصل علياه اولادها
وكأن اولادها هما اللي اتعيّنوا في الوزارة مش هي
واخيرا رمت القنبلة في وشي و وش كل من شاهدوها حيث تحدت اي مخلوق ان يناظرها في اي موضوع مهما كان وادّعت ان لديها القدرة علي مجاراته بل والتفوق عليه
واخذت المذيعة تقول علي لسانها هذا التحدي الي الجمهور مباشرة ... والمصيبة ان يسقف لهاكل من كانوا بالحضور
هنا اريد انا اسأل ما هو الطريق الذي يمكن للمرأ ان يسلكة حتي يصبح وزيرا بدون ان يحمل مؤهل جامعي
انا مستعد ان اترك كلية الهندسه من اليوم (بالمناسبة انا في تانيه قوي هندسة حلوان ) واسلك نفس الطريق الذي سلكته الوزيرة
ارجوا من كل من يقرأ ان يدلني
حد بقي يقولي اعمل ايه عشان اكون وزير ... احنا بيطلع ميتين ابونا في الكليات
وصحيان الصبح
وحضور محاضرات
وامتحانات
اشي عملي علي شفوي علي تحريري علي كويز في المحاضرة علي ميت ترم علي ترم وفي الاخر ما بنطلعشي وزرا
نعمل ايه يا ستي الوزيرة
فكرة جاتلي وانا قاعد بافكر
ايام العقاد .. عباس العقاد عارفينه ؟
المهم .. ايامه ..لوحد كان ماشي في الشارع ..وقابل اي بياع روبابيكيا .. مالوش في الثقافة وسأله عن العقاد
هل حد منكم يجيله هاجس او شك ان الراجل ده يقول ما سمعتش عن الاسم ده قبل كده !!
بلاش
ايامنا دلوقتي ..بعض الدكاترة والباحثين بيعتمدوا في كتبهم علي مراجع كتبها العقاد نفسه .. والمراجع دي ماحدش يقدر يشكك فيها اول ما يسمع اسم العقاد
لكن عايشه عبد الهادي عملت ايه ؟
ايه هو انتاجها الفكري او الادبي او العلمي .. اللي ساهمت بيه في اثراء فكر بني البشر
بلاش
امشي في الشارع وقول لاي حد عيشه عبد الهادي ..لو استغرب قول له
عيشه عبد الهادي .. عيشه عبد الهادي يا راجل
لو ما قالكش كلمة قبيحة ابقي انا غلطان
نرجع للبدايه من تاني ... عيشه عملت ايه عشان تبقي وزيرة وانا اعملة من بكرة وظز في الكلية وفي اللي عايزين تعلموا

Friday, January 20, 2006

جماعة ادم الادبيه

جماعة ادم عبارة عن مجموعة من الشباب

اتجمعوا مع بعض ... جمعتهم ظروف واحدة ، ممكن تقول الجامعة ، مش كلهم في جامعة واحده ، لقاءات الجامعات بينها وبين بعض كان ليها أثر كبير
فيه مجموعة معينه كانت الفكرة في دماغهم كبيرة .. اول ما اتخرجوا .. اشتغلوا علي طول في الفكرة اللي كانوا مؤمنين بيها
وظهرت جماعة ادم
ناس من جامعة القاهرة ، وانا من حلوان ، وانس من عين شمس ، وناس من اكاديمات خاصة
معرفش ايه اللي لم الشامي ع المغربي
لكن زي ما قولت في الاول .. لقاءات الجامعة كان عليها عامل مهم
من مده .. مش كبيرة قوي .. انا عملت بلوج وسميته جماعة ادم الادبيه
لكن للاسف انا دخلت في مود لامتحانات .. وما كنتش بحضر بانتظام في اجتماعات الجماعة .. علشان كده ما كانش عندي دادتا
علشان تنزل في البلوج
لكن انهارده خلاص .. انا مش لوحدي اللي شغال في البلوج ... معايا ناس كتيير
هتعرفوهم من كتابتهم
انا مش هقول اسامي هنا اللي عايز يعرف ي خش ع البلوج بنفسه ويعرف

Monday, January 09, 2006

كل عام وعيد اضحي وانتو طيبين


بصراحه انا مش عارف اقول ايه كل الكلام عمال بيهرب من لساني
لكن في الحقيقة انا عايز اقول لكل المسلمين في كل بقاع الارض كل سنه وهما طيبين عيد اضحي سعيد عليكو

Thursday, January 05, 2006

ارجوك ما تنحش

ما تنحش .. وما تربسش
مشي الحال
وما تسألش
وأوعي تشغل مخك لحسن
تحرق أسلاك المواتير
وأوعي تفكر إنك ممكن تصبح عالم
هُب في ليله
أو هطير
فمتحلمش
وإن جالك مخ
متعيطش
أصح الصبح وبدر ساعه
والحق مرة اذان الفجر
وصلي جماعة
وإدعي لربك
ياخد اجلك
أو حتي يساوي الجحش بمخك
وإن رفض الجحش
إبقي إتحايل ع العصافير

قصه قصيره

بالرغم من كونهم اصدقاء .. وبالرغم من أنهم دائما
متحدين ، متلاصقين ، متآخين ، متحابين .. دائما وابدا معا لا يفترقان
إلا أنها
أحبته هو .. ولكنه مدرك منذ الوهلة الأولي .. أم صديقه متيم بها
لم تفاتحه في شئ
وصديقه كذلك
ولكنه لا يحتاج إلي شيء .. كي يفهم ذلك
فآثر الصمت
وكذلــك هي
أما صديقه .. فأعلن فجأه ذات يوم
أن يوم عرسه الاحد القادم