Pages

Subscribe:

Thursday, January 26, 2006

الكليات مابتلّعشي وزرا ..امال مين اللي بيطلّع ؟

من كام يوم كده بابا كان عمال يسمع التلفزيون
اصل بعيدعنك التلفزيون بتاعنا بيجيب صوت بس
المهم الوقت إتأخر .. وحسيت ان التلفزيون كان شغال لوحده وماحدش بيسمعه
(حلوة دي ..ما حدش بيسمعه )
المهم روحت اشوفه في اوته (اقصد غرفته ) المهم لقيت بابا رايح في النوم
قلت له هتنام يا بابا اقفل التلفزيون ؟
قالي ماشي
لسه هقفل وسمعت حاجة غريبة
اقول لكم بقي يا خوانا سمعت ايه
قال ايه كان فيه برنامج وشكله كده المذيعه واحده ست من صوتها ..والضيف كان وزيرة القوي العاملة
عائشة عبدالهادي
المهم وانا ايدي رايحه ناحية الزرار ..سمعت المذيعة بتسأل الوزيرة ..مؤهلك ايه ؟
سؤال جريء
استغربت من جرؤة المذيعين المصريين بصراحة ..وكان عندي فضول اني استني اسمع الاجابة
الاجابه كانت اغرب .. لان الوزيرة قالت : اسفة مش هقول
طبعا صدمت وكانت الصدمه اكبر لما ردت المذيعه وقالت : احترم صراحتك
ولم تكتفي الوزيرة المبجلة بذلك بل قالت : انا قفلت الموضوع ده من زمان ثم التعليم اللي انا اتحرمت منه عوّضته في ولادي واخذت تستعرض الشهادات اللي حصل علياه اولادها
وكأن اولادها هما اللي اتعيّنوا في الوزارة مش هي
واخيرا رمت القنبلة في وشي و وش كل من شاهدوها حيث تحدت اي مخلوق ان يناظرها في اي موضوع مهما كان وادّعت ان لديها القدرة علي مجاراته بل والتفوق عليه
واخذت المذيعة تقول علي لسانها هذا التحدي الي الجمهور مباشرة ... والمصيبة ان يسقف لهاكل من كانوا بالحضور
هنا اريد انا اسأل ما هو الطريق الذي يمكن للمرأ ان يسلكة حتي يصبح وزيرا بدون ان يحمل مؤهل جامعي
انا مستعد ان اترك كلية الهندسه من اليوم (بالمناسبة انا في تانيه قوي هندسة حلوان ) واسلك نفس الطريق الذي سلكته الوزيرة
ارجوا من كل من يقرأ ان يدلني
حد بقي يقولي اعمل ايه عشان اكون وزير ... احنا بيطلع ميتين ابونا في الكليات
وصحيان الصبح
وحضور محاضرات
وامتحانات
اشي عملي علي شفوي علي تحريري علي كويز في المحاضرة علي ميت ترم علي ترم وفي الاخر ما بنطلعشي وزرا
نعمل ايه يا ستي الوزيرة
فكرة جاتلي وانا قاعد بافكر
ايام العقاد .. عباس العقاد عارفينه ؟
المهم .. ايامه ..لوحد كان ماشي في الشارع ..وقابل اي بياع روبابيكيا .. مالوش في الثقافة وسأله عن العقاد
هل حد منكم يجيله هاجس او شك ان الراجل ده يقول ما سمعتش عن الاسم ده قبل كده !!
بلاش
ايامنا دلوقتي ..بعض الدكاترة والباحثين بيعتمدوا في كتبهم علي مراجع كتبها العقاد نفسه .. والمراجع دي ماحدش يقدر يشكك فيها اول ما يسمع اسم العقاد
لكن عايشه عبد الهادي عملت ايه ؟
ايه هو انتاجها الفكري او الادبي او العلمي .. اللي ساهمت بيه في اثراء فكر بني البشر
بلاش
امشي في الشارع وقول لاي حد عيشه عبد الهادي ..لو استغرب قول له
عيشه عبد الهادي .. عيشه عبد الهادي يا راجل
لو ما قالكش كلمة قبيحة ابقي انا غلطان
نرجع للبدايه من تاني ... عيشه عملت ايه عشان تبقي وزيرة وانا اعملة من بكرة وظز في الكلية وفي اللي عايزين تعلموا

17 comments:

Dalia Fouad said...

اسكت ماتفكرنيش
ده انا قلبى وجعنى لما سمعت الحوار بتاعها
قال وانا دخلت صيدلة وبعمل ماجستير ومطحونة شغل ومذاكرة ليل نهار وفى الآخر تيجى ستنا وتاج راسنا الست عيشه وتمسك الوزارة بالابتدائية
ولا عزاء للمتعلمين
ما عادتش بلد بتاع شهادات صحيح
فوضت أمرى ليك يارب

ادم المصري said...

ياعني ما فيش حل في المشكلة العويصة دي

نعمل محكة احتجاج نعبر فيها عن موقفنا

مثلا نسقط في الاتحانات بحجة ان التعليم ما بيطلعشي وزرا

او ما نروحشي الكليات اصلا .. بحجة ان المناهج ازلية

بس في كلا الحالات الدولة لن تصاب باذي
واللي متصاب هو احنا
واهالينا
اللي شافو الويل
علي شان يدخلونا كليات
عليها القيمة

ما فيش فايدة

سعد زغلول قال ما فيش فايدة

change destiny said...

و راحت عليكي يا دنيا و راح زمن الشهادات و بقيتي يا دنيا ماشية عالطبل و عالصاجات .
كما قالها حكيم زمانه ريكو

ادم المصري said...

وكما نقلتها الينا حكيمة زمانها

راح اغير المحتوم


اسمحيلي تكون ترجمة اسمك

اصل بصراحه بكسل اكتب انجليزي جو عربي
لسة هقلب الكيبور وحجات كدة

Ho$$am Ahmed said...

هى ده الحضاره على اصولها
نحن فى تقدم

اسف اقصد احنا بلاد ناميه والوسطه شغاله على ودنو (اذنه)

انا قررت احول زراعه على فكره انا فى هندسة حلوان

محدش يزعل ده تخريف قبل النوم

change destiny said...

يا عم ولا يهمك عربي انجليزي طلياني
بلا قلبة كيبورد بلا قلبة دماغ
:)

rubyeldaly said...

بص يا ادم البلد دى مبقتش بلد شهادات ابدا دى بقيت خلطبيتة كلة بيشتغل على كلة وكلة بيضحك على كلة الفهلوى دلوقتى هو اللى بيوصل لا تقولى بقى انا حاصل على بكالوريوس هندسة ولا غيرة دى حظوظ مش كانوا بيقولوا قيراط حظ ولا فدان شطارة لا دلوقتى المفروض نقول ان كلة حيبقى شطارة وفهلوة زى ما بيقولوا كدة بتيجى مع الهبل دوبل وصدقنى انا شفت نمازج من دى كتير مش الوزيرة بتاعتك دى بس
معلش طولت عليك لكن الموضوع حرق دمى
البوست بتاعك حلو اوى والى الامام يا ادم

ادم المصري said...

الحمد لله ان ده مش رايي لوحدي

اشكرك يا

(( راح اغير المكتوب ))

علي مررورك .. وحسن متابعتك .. وما قولتليش ايه رايك في الترجمة تنفع ؟


يا عم حسااااااااام
متشكرين يا كتش
منور والله


بص انت يا اخ روبي
انا متفق معاك كليا وجزئيا
وفرعيا وجذريا

ka3'eem said...

فعلا غطيني و صوتي عليا يا صفية...مفيش فايدة...عموما فيها ايه يعني معاها ابتدائية مهي برضو حيالا وزيرة في مصر و ضربوا الاعور علي عينه قال بايظة بايظة...علي فكرة روبي اخت مش اخ و شكرا لك

ادم المصري said...

شكرا كغيم علي المعلومة

اسف يا اخت روبي ولا مؤخذة

استاذ كريم ... اسف استاذ كغيم

متشكر جدا جدا علي المرورك الكغيم

Ammouna said...

I cant believe it!!! oO

إنسان said...

ازيك يا ادم البلوج بتاعك عجبني جميل تفكيرك يشبه تفكيري الي حد ما و الله يا عم ادم اول ما شفت -الوليه- دي قلت هي معاها شهاده محو اميه او شهاده معامله اطفال و في الحوار اللي بتقول عليه ده حسيت انها كريمه مختار بتمثل دور بايخ

ادم المصري said...

امونه

لا صدقي ... عشان دي الحقيقة



انسان

اوعي تقول الكلام ده تاني لحسن كريمة مخنار تزعل منك ... هههههه

Anonymous said...

هى الوزارات حتلملم يابنى هى اتحاد طلاب
بلا خيبة
اسمع كلامى و انت تبقى وزير
انت عرفتني صح

ادم المصري said...

اه عارفك ياباشا

sasha said...

i don't know what to say i'm shocked all that on air . if i had known that before i wouldn't have bothered myself & joined university .. i regret it now .. too late i know

total point said...

momken nob2a wa2e3yeen shwayaa....ento 3awzen tfahmony en el ta3lemm elly btet3alemoh da we mogarad ma el emta7an bye7'las byetshal men dma3'ko hwa da elly hay2ahelko tob2o wozraa.....hahahahaaaaaaaaaay....ob2o 2ablony.....bosso....el ta3lem elly bnet3alemo da mesh hayefre2na kter 3an el set de.....3ashan aslan malhosh b ay 7aga fe el doniaa.....7a2den 3aleha leeh.....bala nelaa....law kanet et3alemet yemken makansh dma3'haa wasaletha l keda....w beny w benko ,,,,hea mesh dma3' wala 7aga....de wa7da rabena rayedlaha keda...msta3'raben leeh....hwa fe 7aga b3eda 3ala rabenaa?....elly 3awez yetla3 zayahaa...yotlobb menoo....badall mayo3od y2orrrrr 3alehaa