Pages

Subscribe:

Tuesday, February 07, 2006

انت اكيد ..اكيد في مصر

لما تبقي ماشي خايف
في الشوارع والحارات
لما يبقي عادي جدا
هتك عرض السيدات
لما تلقي واحد يقولك
ان ابوك السقا مات
وانك وارث عنه قصر
تبقي اكيد .... اكيد في مصر
*************
لما تبقي الدنيا ليل
والشوارع تبقي فاضية
وتبقي خايف تمشي وحدك
حتي لو في وسط لمه
ويرفعك واحد جبان
وتترعب من بس كلمة
وتحس انك اسير في اسر
يبقي انت اكيد ..... اكيد في مصر
***************
لما تبقي شاب رائع
واخد شهادة م الكبار
حلمك تلاقيلك وظيفة
تبقي فيها م الكبار
بس لكنك تفاجئ
بعد سنين ان انت فار
وانك قبله كنت عايش
طور في ساقيه او حمار
وان جبت مرة كيلو لحمة
يبقي في بيتكوا اليوم ده نصر
ويبقي انت اكيد ...... اكيد في مصر
****************
لما تبقي شاب مسلم
ماسك في ايده سنجتين
وواقف له صاحبه القديم
المسيحي بخنجرين
وتقوم خناقة جامده جدا
يتعصروا فيها شبابنا عصر
يبقي انت اكيد ....... اكيد في مصر
اقدم اليكم اضافات القراء
****************
لما تلقى الناس ماشيه تكلم نفسها
وتلقى تلفزيون يقول كل تمام ياريس
والناس اخر روقان
ومحدش يسأل عليك ياعينى يا غلبان
وتعيش وكأنك مش عايش
ولا فرقه معاهم تداس بالاقدام
يبأنت اكيد اكيد فى مصر
بلد الامن والروقان
لما تلقي ناس كتيرة عايزة وبترفض تعوز
لما نضحك للزمان والزمان يلويلنا بوز
لما حلم يضيع بصحبه وسط يمكن " أو يجوز
لما يبقي الحر حافي والحرامي عنده قصر
يبقي انت اكيد ... اكيد في مصر
يبقي انت اكيد ... اكيد في مصر
لما تلاقي النار والعة حواليك
و لا تلاقي غير البحر مستنيك
تغرق ولا حد سائل فيك
و اهلك يتضربوا لو قلقوا عليك
و الناس سايباك و بتشجع مصر
يبقى انت اكيد,, اكيد في مصر
لما تبكى فى يوم بجد
وتلاقى الف ايد تتمد.........................مش عارف بصراحه
تطبطب على كتفك وتمسك ايديك............جايبه الكلام ده منين
وتمسح لك دموع الخد..............................لكن اهوه
وتبقى فرحتك محبه .........................احنا بلوج ديموقراطي
ومش فلوس ولا قصر
يبقى انت أكيد فى مصر
لما تيجى فى يوم يا صاحبى
وتقول الزمن ده طاح بى ...................... نفسي في صاحب
وآخد ايدك فى ايدى ونعدى ......................... يكون
ونجيب العزة والنصر ............................. شبه الاخ ده
يبقى انت أكيد فى مصر
لما تفتح باب عربيتك
وترمى ورقة كانت فى ايدك
تبهدل بيها شارع نضيف ...................... ابتدت تعدل في الكلام
وتبقى دى سمة العصر
يبقى انت أكيد .. أكيد فى مصر
لما تدخل بلوج آدم
وتقرا كلامه الجميل
وبعدين تبعت له تعليق .............................. حبه تسجيد
علشان مايقولش عليك بخيل ........................ ماشي متشكر
وتكتب له فى حب مصر
يبقى انت أكيد فى مصر
لما تلاقى العربيات بتزمر بعد ماتش مصر وكوتى فوار
يبقى انت اكيد اكيد بقى فى مصر
لما تلاقى سوزى بتبوس مبارك بعد الماتش
يبقى انت اكيد اكيد فى مصر
لما يبقى الكاس في ايدك
و الحريم بتقول حسام
و الرئيس يدّي و يزيدك
الف بوسة من المدام
والعيال بتقول نشيدك
والشيوخ تهديك مقام
عام بحاله يبقى عيدك
ما انت ناصر الانام
ايه زويل قصاد مفيدك
مين حسين و فين الايام
كورة واحدة من عديدك
تسوى نجم و شيخ امام
والكلام مش رح يفيدك
ده انتها الوقت الكلام
والكلام من فضة.
يبقى لو سكتنا
نبني قصر
و القصور مش من مقامنا
لو مقامهم يبقى قصر
الكاسات يملاها نيلنا
في الحواري نلقى نصر
لو كلامنا انت فاهم
يبقى اكيد انت في مصر
لما تلاقي الطفل في إيده حديدة
و الناحية الثانية سنجة شديدة
و يقف وسط الطريق و يزق في جده
و على رجليه بيمده
و يقول له أنا عايز اتغدى
و يقول له بلاها نصلي العصر
يبقي انت أكيد ...عبيط
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعدت ووفيت بوعدي مستني باقي القراء
منتظر اضافات القراء ... وعلي وعد بالنشر كتكملة مع الحفاظ علي الملكية الفكرية لكل مبدع

21 comments:

Lasto-adri *Blue* said...

بجد..... بسيطة ودخلت قلبى على طول

برافو جدا

wa7d mn el e5wat said...

لا بجد تمام اوى يا ريس

و يا ريت تتكلم على حال المسلمين العجيب و السوال اللى نفسه اساله انت زعلته للاسلام زى مفرحته لمصر؟؟؟

و ممكن تتكلم على الموضة - سواء مظاهرات و لا مقاطعة و لا مسابقات ولا دين ولا ولا ولا -

ربنا معاك و شد حيلك دى مصر دى فيها شعب عجيب

bluerose said...
This comment has been removed by a blog administrator.
bluerose said...

لما تلاقي النار والعة حواليك
و لا تلاقي غير البحر مستنيك
تغرق ولا حد سائل فيك
و اهلك يتضربوا لو قلقوا عليك
و الناس سايباك و بتشجع مصر

يبقى انت اكيد,, اكيد في مصر

انا لا بافهم في الشعر ولا في الاوزان و لا باعرف اكتبه
بس الكلمتين كانوا واقفين في زوري هايخنقوني
عذرا لو كانت ركيكة

لا أحد said...

لما تلقي ناس كتيرة عايزة وبترفض تعوز
لما نضحك للزمان والزمان يلويلنا بوز
لما حلم يضيع بصحبه وسط يمكن " أو يجوز
لما يبقي الحر حافي والحرامي عنده قصر
يبقي انت اكيد ... اكيد في مصر
يبقي انت اكيد ... اكيد في مصر

Ho$$am Ahmed said...

لما تلقى الناس ماشيه تكلم نفسها
وتلقى تلفزيون يقول كل تمام ياريس
والناس اخر روقان
ومحدش يسأل عليك ياعينى يا غلبان
وتعيش وكأنك مش عايش
ولا فرقه معاهم تداس بالاقدام
يبأنت اكيد اكيد فى مصر
بلد الامن والروقان
-------------------
عارف انه كلام مش قد كده
بس على قدى

451 فهرنهايت said...

اقتراح بجد مش هزار
كمل الأغنية ودور على ملحن وواحد عنده كاميرا وغاوي اخراج
والله الاغنية دي تستاهل تتعمل كليب من أول وجديد ... وتبقى دي فعلا هي الأغنية الأصلية
فكر بجد

ادم المصري said...

لست ادري

شكرا يا عم .. ويارب المرة الجاية تقولي انه خلاص
يقيت تدري
هههه
طبعا هزار

wa7d mn el e5wat

بصراحه انا كتبت الاسم بالانجليزي علشان مش عارف اترجمه
هو واحد م الكويت ولا واحد م الاخوات

لو واحد م الكويت فاظن ان المفروض يبقي بعد الدابليو حرف اي

لو واحد م الاخوات فاظن ان المفروض يبقي بعد رقم خمسة فاصله والله اعلم

وعلي العموم شكرا لمرورك الكريم



يا زهرة زرقا

اوعدك ان انشرلك الكلام الجميل بتاعك
احنا بلوج ديموقراطي

احمد حسن
طبعا مش معقوله ننشر للهواة والمحترفين لا
انت الباشا برده .. واللي مالوش كبير
يشتريله كبير ... هه يا كبير


يا عم حسام

الكلام طالع منك حلو علي رغم بساطه
واوعدك انه احطه باسمك


اخ فرهنهيت

اوعدك ان لو لقيت مخرج ومصور بجد مش هتردد

Dalia Fouad said...

لما تبكى فى يوم بجد
وتلاقى ألف ايد تتمد
تطبطب على كتفك وتمسك ايديك
وتمسح لك دموع الخد
وتبقى فرحتك محبة
ومش فلوس ولا قصر
يبقى انت أكيد فى مصر

لما تيجى فى يوم يا صاحبى
وتقول الزمن ده طاح بى
وآخد ايدك فى ايدى ونعدى
ونجيب العزة والنصر
يبقى انت أكيد فى مصر

لما تفتح باب عربيتك
وترمى ورقة كانت فى ايدك
تبهدل بيها شارع نضيف
وتبقى دى سمة العصر
يبقى انت أكيد أكيد فى مصر

لما تدخل بلوج آدم
وتقرا كلامه الجميل
وبعدين تبعت له تعليق
علشان مايقولش عليك بخيل
وتكتب له فى حب مصر
يبقى انت أكيد فى مصر

rubyeldaly said...

اللة يا داليا اللة ياريت تنشرها بقى لداليا
وبعدين يا عم ادم دى بردوة مصر دى بلدنا حنعمل اية يعنى نصيبنا كدة يبقى فيها غباء وسلبية وجهل هما اللى بيخلوها تظهر كدة
وبيودونا فى داهية فى الرجلين
ربنا يخدهم ويريحنا
ارتحت كدة
لما تلاقى العربيات بتزمر بعد ماتش مصر وكوتى فوار
يبقى انت اكيد اكيد بقى فى مصر

rubyeldaly said...

انا كمان نسيت اقول حاجة
لما تلاقى سوزى بتبوس مبارك بعد الماتش يبقى انت اكيد اكيد فى مصر

hilal said...

مهضووووووووووومة!

ادم المصري said...

شكرا دولي

شكرا علي الكلام الرقيق
بس انت مش شايفة انت في كلامك ساعات بتحبيها
وساعات بتكرهيها .. ارسي علي بر لو سمحتي


يا روبي

شكرا جدا جدا انك تنازلتي وتواضعتي
وشرفتي بلوجي المتواضع
شكرا علي علي روحك الجميلة واوعدك اني هانشر كلام داليا

ادم المصري said...

هلال باشا شوماني

وحشني يا سمك ايه

أمل said...

Hmmm ... let me try

لما يبقى الكاس في ايدك
و الحريم بتقول "حسام
و الرئيس يدّي و يزيدك
الف بوسة من المدام
والعيال بتقول نشيدك
والشيوخ تهديك مقام
عام بحاله يبقى عيدك
ما انت ناصر الانام
ايه زويل قصاد مفيدك
مين حسين و فين الايام
كورة واحدة من عديدك
تسوى نجم و شيخ امام
والكلام مش رح يفيدك
ده انت ده الوقت الكلام
والكلام من فضة. يبقى
لو سكتنا نبني قصر
و القصور مش من مقامنا
لو مقامهم يبقى قصر
الكاسات يملاها نيلنا
في الحواري نلقى نصر
لو كلامنا انت فاهم
يبقى اكيد انت في مصر

صديق صدوق said...

حلة
عجبتني يعني

ادم المصري said...

امل

كلامك جميل قوي اوعدك اني هانشر


يا صديقي الصدوق

اهلا وسهلا مرحبا
نورك مغطي ع الكهربا

Taher said...

يوم تلاقى عم حسن
ماشى فى الشارع فرحان
ماسك فى ايده عم جرجس
ما هم كانو اصحاب وجيران
كل حاجة جميلة خالص
وكل شئ كان تمام
جه اسفين من تحت الارض
ضيع منهم بعض ماكان
قالو دى فتنة طائفية
حاصلة بينهم من زمان
والمشكلة كانت عادية
بس كبرت بفعل جبان
لكن مصر دايما بخير
واتصالحو فى قعدة عصر
يبقى انت اكيد اكيد فى مصر

ETFOKHS said...
This comment has been removed by a blog administrator.
ETFOKHS said...

لما تلاقي الطفل في إيده حديدة و الناحية الثانية سنجة شديدة
و يقف وسط الطريق و يزق في جده،
و على رجليه بيمده،
و يقول له أنا عايز اتغدى،
و يقول له بلاها نصلي العصر
يبقي انت أكيد ...عبيط

ادم المصري said...

طاهر

اشكرك ع المشاركه الجميله


اتفوخس

انا بصراحه مبسوط جدا من تشريفك الجميل لبوجي المتواضع