Pages

Subscribe:

Thursday, March 01, 2007

تاكسي العجايب - الحلقة التانية


تاكسي العجايب الحلقة التانية

.
تاكسي .. تاكس
ايوة يا بيه .. تحب ترح فين بالظبط ؟
اول ناصية في قلبي شمال لو سمحت
يا قوي .. استعنا ع الشقا بالله ( يدير المفتاح .. ثم ينطلق) س
.
.
كحالي دائما مع هذا التاكسي العجيب .. اركب بجوار السائق اتطلع الي ما يبهرني في كل مرة .. اتساءل عادة عن كل ما يبدوا لي مبهما .. فقد اظهر لي هذا السائق ودا في المرة السابقة جعلني اثق فيه واطمئن اليه
.
فجاة وجدت العالم يتغير من حولي .. اجد مشاهدا لم اعتاد عليها من قبل .. دوما كنت اشعر بها فقط ولم تخطر ببالي فكرة تخيلها .. دائما في وجداني .. دائما في في روحي .. دائما هي في قلبي
.
انعطف السائق بواد ذي زرع يمتد الي نهاية بصري ولا اجد له منتهي .. س
.

.
ثم قال لي
يا استاذ .. وصلنا .. مش هتنزل بقي ؟
بالسرعة دي
عيب يا استاذ .. هو انت معاك اي حد
ايوة ايوة ... متشكر جدا يا سيدي
.
ترجلت من التاكسي .. اتفحص بعيني كل شبر في هذا الوادي الفسيح .. اري الشمس ترقص في وسط السماء .. واري القمر ايضا يداعب السحاب .. لم اري منظرا كهذا في حياتي .. ايجتمع الشمس والقمر معا ؟ عادة عند طرح مثل هذا السؤال قد تتهم بالجنون .. ولكني احب ان اطمئن الجميع .. نعم لقد اجتمع الشمس والقمر معا وقد رايتهما يتضاحكان ويرقصان ويلعبان
.
اري انهارا وجداولا .. تعبر هذا الوادي وتروي اشجاره ونخيله .. وتذهب الي اخر نبته في الاطراف .. اشجار عالية .. ونخل كثيف .. ورد وزهور وفراشات تملئ المكان اشتم رائحة ذكية تسكر روحي .. يا الله

.


.

لم اكن اتصور ان قلبي قد يحوي مثل هذا المكان ..حاولت ان ابحث عن بشر يقطنون هذا الوادي .. عن اية حياة هنا .. ولكني لم اجد
.
روعتني الاجابة كثيرا .. الم يسكن بقلبي احد بعد ؟
.
في غمرة انهماكي في البحث والتدوير رايت كوخا من بعيد .. فتهللت اساريري وفرحت نفسي كثيرا .. فهناك من يملك مثل هذا الوادي ويستاثر به لنفسه .. انا لا امانع اطلاقا .. ولكن يا تري ؟
.


.
من يكون هذا الذي استطاع ان يملك هذا الوادي ولم يشاركه فيه احد؟ ولماذا ارتضي لنفسه كوخا وكيف لم ابني له قصرا ؟

ولماذا يسكن في الاطراف والوادي كله باشجاره انهاره ملك له ؟

باتت كثرة الاسئلة تقلقني .. فتلقبت فرحتي غما .. وباتت سعادتي كدا .. ذهبت الي هذا الكوخ .. في حذر شديد وانا احاول معرفة اي شيء عما يدور بداخله .. اقتربت اكثر واكثر

.

وفجأة انتابني شعور عميق بالخوف والرهبة .. وجدت الكوخ .. قديم جدا يصعب علي احد العيش فيه .. لماذا ؟ لا ادري .. حاولت الدخول .. كان اسهل مما كنت اتوقع .. لاني لم اجد احد يعترضني

.

فقط وجدت مدفأة قديمة .. مشتعلة .. وعامل عجوز يقوم علي رعايتها حتي لا تطفأ نارها .. اقتربت منه فلم يأبه لوجودي .. حاولت ان أسأله عن ماذا يفعل .. فلم يعرني اهتماما ولم ينطق بنت شفه

.

لا اعرف لماذا انتابني شعور باحتقار هذا الشخص البغيض الذي يحترقني منذ الوهلة الاولي .. ولكني فوجئت به يستدير ليواجهني ... وينظر الي مبتسما ثم اشار لي ان انتظره لحظة واحدة

.

جلست علي احد الكراسي .. منتظرا اياه وانا اتطلع باندهاش كيف لهذا الرجل العجوز ان يعيش في مقبرة كهذه .. وكيف يبني كوخا كهذا في وادي بمثل هذا الجمال ظللت علي هذا الحال حتي قاطعني صوت فيروز منشدا باحلي وارق واعذب الكلمات .. اغنيات لم اسمعها من قبل ثم وجدت الرجل العجوز وقد تماثل امامي وكانه شاب في ابهي ايام شبابه ... يرتدي بدلة من اجمل ما رايت

.

بعصا منه اشار الي كل الاثاث الموجود في المكان فتحول كل شيء الي صورة رائعة بديعة غاية في الجمال .. واشار بيده في الهواء فتطايرت اكواب مليئة بالخمر ثم استراحت امامي وقال لي هذا الـــ... الان يصعب عليّ وصفه فهو ليس بالعجوز وليس بالشاب وليس باي شيء فهو الساحر اذن
قال لي
اهلا بك في قصرك هذا
من انت
انا الساحر
ماذا تفعل هنا .. وما هذا المكان الغريب ؟
انا من بني لك هذا الواي الفسيح .. استعدادا لمن ستأتي وتسكنه
وما هذا المكان الغريب
هذا القصر مسكني .. ومعملي انسيت ؟
نسيت ماذا ؟
انت من بنيت لي هنا قصرا
اعمل فيه.. علي تمهيد قلبك للجديد
احرق فيه احزانك
احفظ منه قربانك
ازرع فيه بستانك
انبت ودا
انبت حبا
لكل الناس الوانا
اتقول شعرا ؟
انت من علمتني
انت من رودتني
كنت حبيسا للفراش
انت من ايقظتني
شكرا لك
بل كله لك
اريدك الان ان تذهب
تقابل كل من تلقي
بقلب فرح
ستجني من صنيعك الشوقا
وتلقي الحب في البستان قد طرح
.
.
تركته وانصرفت وقد تبدل حالي بالف حال .. وزالت كل البغاضات من قلبي ولم اتذكر سوي اني رايت ملاك يقبع هناك .. يا الله .. تري من ستسكن معي في مثل هذا القصر الفسيح
خرجت من القصر وانا انظر اليه في اندهاش .. فقد تحول كوخا مرة اخري

36 comments:

Epitaph said...

يا بخت اللي ح تسكن القصر

ربنا يكرمك دايما يا رب

عجبني الوصف علي فكرة
fresh and vivid

بعدك على بالى said...

جميلللللله ورائعة
الفكرة والصياغة و...

كلها رائعة ، ده انت موهوب فى القصة كمان مش بس فى الشعر,,,

أحييك بشدة

بياترتس said...

طيب يالله بقه القالك حد بسرعه
اسلوبك حلو ياعم أدم ومفيهوش ملل
ربنا يوفقك

أجدع واحد في الشارع said...

ايه يا عم الكلام الجامد ده

انا حسيت انى انا اللى فى القصر

عين ضيقة said...

بعد ما خلصت قراءة
ضحكت وقلت يخرب عقلك يا آدم

ههههههههههههههههه

كويس وصف الوادى

والاحلى الصورة بتاعة النهر دى

والاحلى واحلى انك بتحاول تدخل جواك

وياريت اللى تسكن قلبك
تسكنه وهو كوخ قديم وتخليه هى قصر
وانت تبقى لها الجنة

بالتوفيق يا أحمد

آه
شكرا على قصايد امل دنقل

سلام

الوردة السوداء said...

انا وقلت راى

بس جاية امضى حضور

شجره الدر said...

كوخ
ماعلينا
انت والتاكسى الغريب بتاعك ده
ياترى هاتودينا فين تانى
عارف انت المفروض كنت تحط البوست ده الاول
مش انت شفت ام العيال فى الرحله الاولانيه
يبقى خلاص كدا
عايز تعرف ليه
بس لذيذه الفكره جدا
واابقى احجزلنا وادى جنبك ويكون سفن ستار وحياتك ياادومه وكمان عايزاه فول بورد
وحشتنى والله
تحياتى

نبيــذ said...

الفكرة رائعة
وعجبنى عمو العجوز ده

ادم المصري said...

ابيتاف
ـــــــــــ
يابختي انا باللي هاتسكن القصر انشاء الله
وشكرا علي كلامك الرقيق
thanks for evry letter u write

بعدك علي بالي
ـــــــــــــ
انتي بس اللي بتحبي تجبري بخاطري
متشكر يا ارق بعد واحلي بالي
ههههه


بياترس
ـــــــ
اشكرك جدا علي كلامك الجميل
وعايز بقي ايسيبك عليكي مهمةالتدوير دي هههه
ايدك معانا


اجدع واحد ي الشاع
ـــــــــــــــ
ياباشا ولا يغلي عليك


عين ضيقة
ــــــــــــ
اولا لا شكر علي واجب
ثانيا
وثالثا
ورابعا
وخامسا
ليكي عندي كلام تااااااني
لا دا مكانه
ولا دا وقته
بس انا واثق
اننا اكيد هنتقابل
تحياتي



وردة سودا
ـــــــــــــ
تم يا فندم اثبات الحضور


شجرة الدر
ـــــــــــــ
والله انتي عندك حق
بس تقولي ايه بقي طفاسه رجالة
هههههههه
واحشاني قوي يا بنت الايه
ما تبقيش تغيبي ماشي ؟



نبيذ
ــــــــ
واللي عجبني اكتر وجودك وتعليقك كمان
تحياتي

ياسمين said...

الفكرة حلوة قوى

قلب يحب هو حديقة غناء

قلب يكره هو صحراء قاحلة

raspoutine said...

ادم
وحياتك ابقى قولى التاكسى ده موقفه فين وكام نمرته وشكله ايه ؟
بس اوعى يكون تاكسى العاصمه


عجبنى مزيج الخيال والواقع اللى قدمت بيهم فكره ووصلت للناس بسهوله
احييك


ايمن فاروق



اه كنت هنسى
شكرا لزيارتك ليا يا ادم

Memo said...

and i am the queen Elizibeth
regards

كرانيش said...

ما تبعتلى عمو الساحر ده
الفكره لذيذه و جديده نوعا
على فكره
مبروك مقدما

smraa alnil said...

واد يا ادم
ما تجيبلي التاكسي دة لفة
ولا اقولك انت لو كنت كبير شوية كنت انا اللي رحت سكنت في القصر دة ههههههه
اوعي تكون معترض
بس بقي
جوة كل واحد فينا جنة وقصر زي مانت قلت
بس احنا لازم ننضفه كل شوية ومش اي حد يسكنه
ولا يقتحمه
انت بجد روعه جدا
والتاكسي دة انا هسرقه منك بعد كدة

اللهي يا ادم يا ابني يسعدك ويديك ما يحرمك
ويرزقك من اوسع ابوابه قادر يا كريم
انت بتجيب الكلام دة منين؟؟؟؟؟؟؟؟

ادم المصري said...

ياسمين
ــــــــ
اشاكرك كثيرا فحروفك رغم قلة حروفها الا انها تحمل معاني كبيرة
تحياتي


ايمن
ــــــــ
ايمن؟
انت زعلان مني ؟
لو فيه حاجة ياريت تقول .. انت شايف ان زيارتي ليك حاجة استاهل عليها الشكر ؟
انا ممكن ابعتلك التاكسي لو دا يخليك ترضي عليا ياباشا


كرانيش
ــــــــــ
الله يبارك فيكي يا قمر
بس هو لسه ماجاش اوانه
ههههه


سمراء النيل
ـــــــــــــ
ايه يا بنت انتي هاتشحتي عليا ولا ايه
ثم انتي بتاخدي رايي في حاجة زي دي ؟
هو انا اطول ؟
قالوا القمر في السما ايش دلدله ع الحيط
ههههههههه
انوي بس انتي كدا وانا تحت امرك
بس اوعي تغيري رايك لما تشوفيني ؟
ماشي ؟

Nouran said...

يا سلام عليك بجد بجد بجد حلووووووووووووة اوي عجبني اصلا موضوع تاكسي العجايب ده الاولى والتانيه بس يا عيني يا عيني ع اللي هتقعد ف القصر ده بس عارف يا ادم ايه الحاجة الجامدة ف الموضوع انك بتخش جوا نفسك وتشوفها زي ما انت بتحب يعني خليت الكوخ قصر ووصفتهلنا بوصف جميل جدا بس بجد الموضوع حلو كفاية كده لحسن تاخد قلم ف نفسك ههههه :) خد يا سيدي ولا يهمك

توهة said...

يا سيدى يا سيدى

على القصور وعلى الجمال

حماتها دعيلها بقى اللى حتسكن فى القصر ده


حساك رومانسى قوى فى القصه
وشرس قوى فى الشعر


بس مش عارفه بطريقة أو بأخرى بتفكرنى بعهد كتاباتى الاولى

مش عارفه أقول ايه تانى بصراحه



تحيااااااااتى لمن بنى قصورا فى انتظار المجهول

21arestoo said...

طيب
يابني سيبك م الجنان دا بقى
واكتبلنا شوية شعر
انا اتخنقت منك
ههههههههههههههه
دا حقيقي

طهقان said...

أكيد انت لسه على البر

اصبر لما رجلك تيجي في الخية

هتقعد جنب حالاتنا وتقولي
ياريت اللي جرا ما كان

يا مراكبي said...

رغم إعجابي بالموضوع الرقيق ده إلا إني أحب أعلق على الحلقة الأولى اللي فاتتني قبل كده

مش هتصدقني لو قلت لك إني حسيت إني أنا اللي كنت بأكتب الموضوع ده في أوائل التسعينيات لما كنت لسة طالب في كلية الهندسة برضه .. كان عندي نفس الشعور ونفس التفكير بالظبط

كنت دايما بأسأل .. إيه اللي هيحصل بعد كده؟ وطبعا كل حاجة حصلت لي طلعت غير اللي كنت متصوره تماما

تحياتي ليك على إنك فكرتني بالأيام الحلوة دي

Anonymous said...

شديدة يا عن ادم

حلو اوى صراحة

حسيت انى فى فانتازيا

او يمكن جالى نفس الشعورو انا باقرأ روايات فانتازيا

التحرر من جميع القيود

و سبر اغوار النفس

جدع يا ابنى

بنت سعد

sendrlla said...

انت من بنيت لي هنا قصرا
اعمل فيه.. علي تمهيد قلبك للجديد
احرق فيه احزانك
احفظ منه قربانك
ازرع فيه بستانك
انبت ودا
انبت حبا
لكل الناس الوانا

hosnysoliman said...

الحبيب ادم المصرى
هذه المرة الاولى اسعد بوجودى فى البلوج بتاعك مع هذا البوست الجميل الحالم الرقيق..المشوق السرد القصصى رائع بل اكثر من رائع..والكلمات رقيقة ملؤها عذوبة..اظن ان قلب قائلها هو قلب حقيقى ملؤه كل هذه المشاعر الخضراء والانهار الزرقاء وشمس قلبه وقمره يتناجيان..ومن سيسكنه لن يكون الا من يستحق ويكون له مثل هذا القلب

MAKSOFA said...

المهم صحيت من النوم والا لسه

شجره الدر said...

ادم اسكت مش انا لقيت التاكسى بتاعك ده
قولت ابص قدام شويه اشوف الدنيا هتبقى عامله ازاى
بس عارف بعد لما ركبت لقيت نفسى كنت مانمتش من يومين وروحت فى سابع نومه وبعد كده صحيت لقيتنى وصلت الموقف تانى يعجبك كدا بقى

Anima said...

أيوة يا عم ماشية معاك حلاوة هههههههههههههه

قصر؟؟؟؟؟؟؟؟ طب إديني قوظة

micheal said...

كلامك رائع يا ادم و صورك التشبيهيه منتهي الروعه و عجبني أوي موضوع الرجل العجوز ده...أما القصر فلو سمحت ممكن سويت فيه
علي فكره فيه لقاء هام للمدونيين الجمعه القادمه..لمزيد من التفاصيل
http://amyasser.blogspot.com/
للتفاصيل عن اللقاء الماضي اذهب لمدونتي اللي بكلمك منها
مستنينك
لك تحياتي

smraa alnil said...

بقولك ايه ماليش فيه
خلي التاكسي بتاعك دة يجيبك الجمعه الجاية ان شاء الله
ومش فيها نقاش
انا بقولك اهو وقد اعذر من فنذر

طارق مكى said...

جميل جميل جميل
يا ادم
ما زل الكلام عجز عن الاشادة

تمر حنه said...

ياحومتتتى يا آدم .. ده ايه الحاله اللى انت فيها دى؟
طب و ربنا يا واد يا آدم لو حد قاللى :يا الله .. تري من ستسكن معي في مثل هذا القصر الفسيح
لاكنت أسكن و أدفع له المنافع : ميه و نور و زبالة و عوايد و كفايانى حفاوة الأستقبال
بقوللك ايه .. لو مكنتش لسه ربطت عاللى هتسكن فيه .. ابقى احتفظ بالبوست ده عشان تعرف انت مستنيها من امتى و انها واحده منتظرة باهتمام .. سدقنى هتفرق معاها .. تاريك رومانسى يا آدومه ولا كانش باين عليك ..

ادم المصري said...

نوران
ـــــــــ
الله يخليكي يا جميل
انا خدت القلم بس طلع مش بيكتب
عااااااا
هههههههههههه
والله ليكي واحشة ونشراتك زي العسل
لو عازة حاجة في الفزيا انا تحت امرك
هههههههه


توهه
ــــــــــ
لم ابني قصورا في الرمال
بس اقولك حاجة
انتي بتبالغي قوي
شرس في الشعر ؟
دي كانت ارتجال
ومش موزونة كمان
هههههههههه
بصراحه مش عارف اقولك ايه
باحب تعليقك



ايمن
ــــــــ
ههههههههههههه
دا انا اروح انتحر احسن ولا انيش اخنق سيادتك
هههههههه
علي فكرة
دا حقيقي


طهقان
ـــــــــ
انت شايف كدا ؟
ياعم انت معاك واحدة ولا ابراهيم نصر
اكيد كل مقلب بتقولك
تحب تزيع ؟
هههههههههههههه
انا شايف ان الحب احلي شيء في الوجود
لازم ندع التمن اه
انا عارف
بس مافيش حلاوة من غير نار




يا مراكبي
ــــــــــــ
انا مش قادر اوصفلك والله مدي رحتي اني شوفت تعليقك عندي انهارده
وسعادتي طبعا مش هتتوصف
بعد ما قولت لي اني فكرتك بالذي مضي
مهندسين بقي وحاسين بعض



بنت سعد
ـــــــــــــ
يااااااااااه
عاش من شافك
والله انا مبسوط جدا ان فيه حاجة عجبتك انا عارفك اصلي ليك زوق خاص
هههههههههه
وانبي ما تبقيش تغيبي



سيندريلا
ــــــــــ
تعرفي ن الكومنت بتاعك كان اصعب كومنت جالي ؟
ههههه
مش عارف ارد عليه واقول ايه بصراحه
بس انا مبسووووووط قوي
تحياتي



حسني سليمان
ــــــــــــ
لقد استجمعت نفسي وبكل ما اوتيت من قوة
حتي استطيع ان اضرب باصابعي ازرار الكي بورد
تخط لك شكرا عميقا من قلبي لا ينتهي
لا اجد حروفا تجمعت تسطتيع ان تحمل ما اود ان اقول من معاني
عجزت الحروف عن ان تفصح بما اشعر به
لك تحياتي
ولك ان تتصور مقدار سعادتي بكلامك الرقيق


مكسوفة
ـــــــــ
ما هو اللي انتي ما تعرفيهوش
ان المرة دي ما كنش حلم
تحياتي



شجرة الدر
ـــــــــــ
يا بنتي ما قعدتيش جنب السواق ليه ؟
هههههههههههههههههههه
ما جبيبتهاش حمرا ليه يا زينب ؟
هههههههههههههههه
يابنتي كان لازم تغمزي السواق باي حاجة انتي هتركبي بلاش كدا ؟





انيميا
ـــــــ
صباحوا قر يا سيدي
ههههههههههه
ياسيدي تعالي ونا اديك القصر بحالة
احنا ف الخدمة



مايكل
ـــــــــ
علي كرة القصر والعجوز وصاحب القصر كلهم تحت امرك
وبالنسبة للقاء انا اكيد انشاء الله جاي



سمراااا النيل
ـــــــــــــــ
انشاء الله جاي
بس ادعيلي تكون الاشارة سالكة
ههههههههه




طارق مكي
ــــــــــ
كعادتك معي دائما تجاملني وترفع من روحي المعنوية
لك من قلبي الشكر العميق
وانتظر البوست الذي وعدت به






اليكم جميعا تحياتي

ادم المصري said...

تمر حنه
ـــــــــــــ
يالف نهار ابيض
دا ايه النور دا
تمر حنه عندنا
يادي الهنا يادي الهنا
انا مش مصدق نفسي والله .. زيارتك ي هكتهبها في تايخ البلوج هههههههههههه
ولو كان التاكسي هو اللي بيجيبك عندنا تبقي كل البوستات تاكسي
ومتشكرين جدا علي النصيحة الغالية دي انا واثق بما انك عاملة دراسات وابحات عن هركليز واعوانه وليكي خبرة في المجال دا
ان نصيحتك اكيد مفوعولها سريع
متشكرين تاني يا ست الكل
تحياتي

karakib said...

أنت تركت عندي تعليق
(يا ابو قلب رهيف وحنين )
فعلا مش فاهم
ده معناه أيه ؟؟ هل يوصف الرجل بأنه رهيف ؟؟ كل اللي قصدته أني اوصف احساس في تدوينة
عموما شكرا لمرورك

karakib said...

ادم المصري
انا أسف لفهمي الخاطيء و شاكر لمرورك و تفاعلك مع ما كتبته
اهلا بيك دائما صاحب مكان مش ضيف في المدونة ... أسف مرة أخري لفهمي الخاطيء ... و متشكر لزيارتك نورت و شرفت مكانك يا عم أدم

Anima said...

يا صباح الفضايح

نسيت أقول لك إني أنا بنوتة و إني احنا إثنين متشاركين في مدونة واحدة، أنا و بدر الدين و اللي كتب بوست حبيبتي هو بدر الدين، إبقى خذ بالك من الإسم تحت التدوييييييييينة

صباحك عسل ههههههههه

ادم المصري said...

كراكيب
ـــــــــ
نورتني
وخلاص بقي
صافي يا لبن
تحياتي ليك


انيما
ـــــــ
معلشي يا جميل
العتب ع الجزر
تحياتي