Pages

Subscribe:

Monday, February 26, 2007

يلا بقي وهي بالجملة

به به به به .. بببببببببببببببببببببببببببببببببببببببببببب كل دا حرف الباء لان بقالي فترة مش عارف اكتبه بحرية ... يلا بقي انشاللله ماحد حوش
ؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ... الحرف دا بردة كنت مش بعرف اكتبه .. واديني كتبته وخلصت طاري .. وانشالله ما حد حوش
كان فيه بتاع عشرين تلاتين تاج كدا اتبعتولي منهم اللي عرفته ومنهم لا .. وانا قررت اجاوب عليهم كلهم مرة واحدة وانشالله ما حد حوش
اول تاج عرفت انه جالي بتاع مزمز
ــــــــــــــــــــــــــــــــــــــــــــــ
علي فكرة يا صديقي .. انا ماردتشي علي التاج ساعتها علشان بس انا مش بحب شغلانه التاج دي .. لكن عشان خاطر عيونك وعيون كل اللي افتكرني وبعتلي تاج انا هرد عليهم كلهم واوعاك تزعل مني ... ايوة كدا فكك .. وانشالله ما حد حوش
إيه اللي هيحصل لإيميلك لما تموت؟
ولا حاجة .. هيتنسي

إديت الباسوورد لحد قبل كده؟
طبعا .. كل صحابي القريبين مني عارفين اني عمري ما بعرف احفظ نمرة تليفون .. وعشان كدا عامل الباسوورد بتاعت كل الايميلات بتاعتي علي نمرة التليفون بتاعي .. بس لو سمحتوا ما حدش يقول لحد لحسد ولاد الهاكرز ما خلوش لولاد الحلال حاجة
لو آه كانت إيه طبيعة علاقتك بيه؟
ما انا لسه قايل دا مش واحد .. دي امه لا اله الا الله .. بس اوعي تقول لحد
اسمك؟
جينا بقي للكلام اللي يزعل
انا لو كنت عايز اكتب اسمي كنت كتبته ومدخلتش باسم مستعار اصلا .. دا مش خوف .. بس دا لاني باحب اسم ادم المصري .. واي حد بيسالني النيك نيم بتاعك ايه بقوله انهدني باسم ادم

اسم الدلع المشهور بيه وسط اصحابك؟
عادة انا ماليش اصحب اصلا من النوع المتعارف عليه .. ياعني يا اما زمايل او رفقاء دراسه .. لكن صحاب صحاب مافيش .. لكن عادة كل الناس بتاديني باسم ابويا لانه مميز .. شكلي هاقع واقول ع الاسم ولا ايه ..
عمرك؟
مواليد 3/1/1986

برجك؟
الجدي يا سيدي
مجال دراستك؟
الهندسة ..ا نا في الفرقة التالته قسم القوي الكهربية وتحكم الالات بهندسة حلوان ..ياعني سهلت علي كل بتوع امن الدولة العنوان ..
شخصيتك نوعها إيه؟
عادية جدا
بصوا
انا حد طيب
مرة قالوا اني وسيم
كتير قالولي اني كريم
وصحابي ياما امتالسو وقالو عليا
شاعر عظيم
علي فكرة الكلمتين دول جزء من قصيدة ( قولي قبلة اللي نشرتها علي البلوج ) ياعني خدعة
وقت فراغك بتعمل فيه إيه؟
مافيش وقت فراغ اصلا .. وقت فراغي هو الوقت اللي مش معايا فيه فلوس علشان انزل من بيتنا وعشان كدا بقضيه في البيت
الأكلة المفضلة؟
باكل كل حاجة

الصفات اللي أخدتها من بابا؟
الاندفاع .. والتسرع .. العصبية احيانا وعلي الحجات التافهه بس
الصفات اللي أخدتها من ماما؟
الحب .. والرقة .. والحنان
أكتر ست حاجات بتكرهها؟
الوحدة
الوحدة
الوحدة
الوحدة
الوحدة
الوحدة
بالرغم اني اعرف نص طلاب الكلية تقريبا من كل الدفعات وكل الاقسام دا غير اللي عرفتهم من جامعات تانية نتيجة للقاءات الخارجية
أكتر ست حاجات بتحبها؟
الشعر
الشعر
الرومانسية
الفكاهه
المسرح
هاري بوتر
الشغل بالنسبة لك؟
الفرصة الوحيدة اللي هتخلصني من سلطة البيت
لاني ساعتها مش هقول لحد اديني المصروف .. ودا حسيته جدا لما اشتغلت في محل العصير تابع البوستات القديمة
الإنترنت بالنسبة لك؟
دمي اللي بيمشي في الوريد

الخمس حاجات اللي محدش يعرفها عنك؟
ماحدش مايعرفشي عني حاجة
عادة اي حد بقابله احبه علي طول اقوم حاكيله تاريخ حياتي .. من ساعة ما اتولدت .. احسن لكوا اشتروا دماغكوا وماحدش يقابلني
ـــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــ
الحمد لله كدا خلصت من تاج مزمز .. نخش علي تاج البت الشقية قوي دي الغلباوية اللي اسمها انجي ياخويا ولا معرفش افصر ايه كدا مش عارف بيقولولها يا سمرا النيل ولا مش عارف بيقولوا ايه يلا بقي انشالله ما حد حوش
اسم مدونتك؟
في عمق الحياه
لماذا اخترته.. ماذا تقصد به؟
والله .. لحد دلوقتي مش لاقي اجابة للسؤال دا .. ياعني لو سيادتك لقيت ابقي قولي
هل فكرت في إغلاق المدونة.. والسبب؟
اطلاقا
ومش هافكر انشاء الله
انا باحلم ان ربنا يمد في عمري واكون جد وانا لسه بادون
صورتك ف المدونة، رمزيتها؟
الارنب ابو الجزرة
دي اللي هيركز فيها قوي .. هيشوفني .. دي انا بالمللي

طبيعة كتابتك في المدونة بشكل عام.. سياسة.. قصة.. عبث.. كلام فاضي؟
انا مدون بمعني الكلمة
ياعني اللي بييجي علي بالي بادونة .. مش شعر بس ولا سياسة ولا متخصص في اي نوع .. زي ما تقولوا كدا ... دي الفسحة بتاعتي
لماذا تدون أصلاً؟
سؤال غلس بصحيح
وانت مالك اصلا .. اما غلاسة بصحيح
أحلى جملة قيلت لك في وصف مدونتك؟
بصراحه فيه ناس كتير قالت لي كلام حلو
لكن الانسان عادة بينسي الاحسان ومش بيفتكر غير الاساءة
التعليقات بالنسبة لك.. أهميتها؟
حسب الموووود
جه عليا وقت كنت باكتب كل يوم متعمد اني انزل البوست واكتب اللي بعدية قبل ما ييجي تعليقات
لكن احيانا باكون كاتب حاجة معينه عايز اخد فيها راي الناس
لكن في الحالة دي بتكون النتيجة عكسية تماما
ياعني البوست الاخراني بالرغم انه عجب كل اللي علق عليه .. لكن انا كنت منتظر حجاة غير كدا .. في نظير اني مرة كتبت بوست من كلمتنين بقول فيهم ساعد انتي طالق ياسعاد .. جالي عليه اكتر من تلاتين كومنت
أحلى بوست كتبته.. ضع اللينك.. ثم اذكر لماذا؟
طبعا الاختيار صعب جدا
لكن انا باحب شوية معينين
زي بوستات الدكتوراه بتاعتي .. واللي هتلاقي اللينكات بتاعتها علي الجنب وهكذا ياعني
أفضل مدونة قرأتها.. يمكن اختيار عدة مدونات؟
المدونة اللي كل ما اخش اقراها اتعقد من حلاوة المواضيع فيها هي مدونة حكاوي اخر الليل لاحمد شوقير
أفضل بوست قرأته.. يمكن اختيار أكثر من بوست.. ومتنساش اللينك؟
لا دا بقي اللي استحالة اجاوب عليه
صعب جدا
هل خسرت صديق بسبب كتابة هنا؟
انا من النوع اللي طول ما هو ماشي يتخبط في اعداء عادي جدا
ومابقاش ياثر فيا
ياعني مرة كتبت بوست واتشتمت فيه بالعبييييط .. طبعا شتيمة بلدي مش افرنجي
وعلي فكرة البوست موجود والشتيمة موجودة بردة
مش بامسح حاجة
ومرة كنت في ندوة في الجمعية الفلسفية المصرية .. لسه باقول انا اسمي كذا ويا.... لقيت واحد قام زعقلي وشتمني وطبعا اتشهرت من يومها هناك
أسوأ مدونة.. الإجابة إجبارية.. ويمكن اختيار عدة مدونات.. هي كتيرة أصلاً :) ؟
والله مش عارف
اللي مش بيعجبني باقفله
وعادة مش باخشله تاني فبنساه

أسوأ بوست.. لازم تجاوب.. ويسمح بتعدد الاختيارات؟
والله ما فاكر
أسوأ مدون.. ما هو حاتجاوب حاتجاوب؟
انا
اخيرا خلصت تاج انجي .. مين تاني يا جماعة عايز اخلص
ـــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــ
نيجي للتاج بتاع اريسطوا .. اهوه يا باشا علشان ما تزعلش .. انا مش عارف ليه ما تخلوش الاسأله واحدة علي شان نخلص
هل تسعد عندما يمرر لك أحدهم تاجا ؟
طبعا بافرح ان الشخص دا افتكرني وان انا جيت علي باله
هل مقدار سعادتك أو شعورك أيا كان - عند تمرير التاج لك يختلف حسب المدون الذي يمرر لك التاج؟
طبعا
هل تستمتع عند إجابتك عن أسئلة التاج؟
مش باحب اكتب التاج لاني باحس انه شيء ما يهمش حد ياعني .. انا شايفه عبارة عن طريقة مهذبة مش اكتر عشان نتكلم عن نفسنا من غير ما حد يرد ويكسفنا ويقول .. بتشكيلي همك ليه هو انا امك ؟
هل ترى للتاج أهمية حقيقية ؟
اكتر من انها حاجة مخنقة مش شايف بصراحه
هل فكرت في عمل تاج خاص لك من قبل؟ا
حب لاخيك ما لاتحب لنفسك يا اخ
هل تفضل قراءة أجوبة التاج عند المدونين الآخرين ؟ أم لا تهتم سوى بالتدوينات الأخرى فقط؟
عادة لما باشوف تاج باقفل علي طول .. باخاف لحسن حد يكون قالع شعره ولا حاجة ..لكن فيه ناس معينين بيجبرني الفضول اني اقرالهم التاج بصراحه
عندما ترد على التاج ما الذي تراعيه أكثر؟
الكلام دا لو كنت جاوبت علي عشرين تاج قبل كدا وباتكلم من واقع خبرة
لكن سيادتك دا تاني تاج انشرة
لكن بما ان البوست دا يحتوي علي تلاته مرة واحدة يبقي دا رابع تاج ليا
إلى من تحرص على تمرير التاج ؟
ماحدش ياخويا
مش عايز حد يدعي عليا
واظن ان الكل عمل التاج خلاص ومش محتاج حاجة

19 comments:

Sampateek said...

الفرقة التالته قسم القوي الكهربية بس مقلتش كام فولت
و بعدين لما تتخرج ان شاء الله حتشتغل اية؟
تركيب لمض و كده؟
ماشية معاك يا عم
كل يوم بالتشوف السلوك العريانة
جرب كده و امسك واحد؟

نياهاهاهاي

--
حلو يا سيدي

عين ضيقة said...

هههههههههههههه

دمك خفيف يا مضروب

ماشى يا عم

voice of love said...

سعادة الباشمهندس الكبير قوى قوى قوى
اجاباتك كلها تحفة ودمها خفيف
وكعادة رأيى فيك انك مبدع

توهة said...

لأ مش كده خالص


انت متجاوبش على تيجان بعد كده

كفايه عليك السلطانيه



ومش تحياااتى

21arestoo said...

ثم ماتت رابعة


وماتت خامسة

وماتت سادسة

دا حئيئي

Anonymous said...

في حالة إن انت بتقرا أصلا التعليقات: دي أول مرة أعلقلك فيها..علشان انا اساسا لسة داخلة العالم التدويني امبارح بس..ولكن عموما..انت شاب ذكي وربنا معاك يا ابني ويوفقك..بس بلاش المعلومات الكتير دي عن نفسك لحد ما تتخرج..عشان القلق اللي في المنطقة..فاهمني طبعًا...وعلى رأي والدي: يرحمنا ربنا

متغيرة شوية said...

أولا انا عايزة أقول لكل حبايبنا بتوع أمن الدولة لو انتوا معرفتوش تجيبوا الولد بعد ده كله يبقى انتوا بصراحة متنعوش
لكن ممكن أغفرلكم ، هاتوا ارنبين كده- بس مش اللي بياكلوا جزر- واديهوملي وانا أقولكم اسم الولد بالكامل

بس تعرف والله ، زمان أول ما انت رديت عندي ي المودنة ومكنتش أعرف انت مين وقلتلي انك تعرفني ، قعدت أفكر أفكر لكن الأرنب هو اللي خلاني أعرف انت مين ، فعلا شبهك بالملي

sabrina said...

أززززززززززززيك يا أدم
عامل ايه؟؟؟؟؟؟؟؟؟؟؟؟؟
بلأش المعلومات الكثيرة ديه علشان الفضايح !!!!!!!!!!

الوردة السوداء said...

ايه يابنى الدوشة دى

تلاتة مرة واحدة

بس يعنى محستش بغربة فى كلامك يا ادم
انت هو انت

ادم المصري said...

السمباتيك
ـــــــــ
انا فولت من التقيل قوي
حذري مني بقي
وبالنسبة للسلوك العريانه فدي شغلتي
هههههههههه
انتي ما تعرفيش تعملي اللي انا باعملة مع اي سلك عريااااااااان
ههههههههههه
تحياتي يا قمر



عين ضيقة
ــــــــــ
ههههه
شكرا يا بنت الايه


صوت الحب
ـــــــــ
والله نا من وقت للتاني واشوف الكومنت بتاعك افرح مووووت
انك لسه فاكراني ومش ناسياني



توهه
ــــــ
انا قولت كدا رده
والناس ما صدقتشي
ههههههههه



اريسطوا
ـــــــــ
بكل خجل احب اقولك
ان راعة لسه ما ماتتشي
كانت بتشتغلك يا ريس
ههههههههه



any mous
ـــــــــ
طعا التعليقات دي حاجة مهمة ولازم اقراهاه كلها وارد عليها كمان
وبالنسة للنصيحة اشكرك عليها كتير
لكن اللي انا فرحان يه اني نولت شرف تعليقك لاول مرة واللي كان نفسي فيه فعلا
اني اعرف الاسم او حتي عنوان البلوج
وياريت ما تحرمنيش زيارات
تحياتي



متغيرة شوية
ــــــــــ
هههههههههههه
اشك بردة
هههه
بس طالما جبتي سيرة الارنب وقولتي انك ركزتي فيها يبقي احتمال تكوني جبتيني
ههههههههههه
اصل انا وهو فوله وانقسمت نصين



صابرينا
ـــــــــ
جميلة الجميلات والله
انتي دايما كدا تختفي وترجعي بموووووود احلي من الاول مليون مرة
بصراحه انتي بتغظيني بجمالك دا
تحياتي ليكي يا قمر



وردة سودا
ـــــــــــ
يابنتي انا صفحة بيضة لم يخط فيها الزمان بعد
ههههههههه
حلوة الكلمتين دول ؟
س الاحلي وجودك هنا طبعا
تحياتي

Anonymous said...

السلام عليكم
انا بعلق علي كلامك عند الي اسمه مزمز نسال الله ان يهديه او يخرص لسانه اسمع انت كمان علشان الجهل بقي زي انفلونزا الطيور و شكلك عندك فيرس جهل مركب يعني قاتل نسال الله العفو و العافيه لما واحد زيك ما يعرفش يفرق بين الشيخ محمد الغزالي و بين الامام ابي حامد العزالي يبقي يخرص و ما يكلمش ثانيا انت لا تعرف قران و لا تعرف حديث و لا تعرف سيره بتكلم ليه عند الدين اسمع من الي يعرف مش اقصد انا و الله انا ما اعرف غير القليل لا اقصد تفقه من كتب التراث و اسال متبقاش جهل و كمان بجح و اسف انا جيت المزبله دي بس كنت مضطر اقول كلمه يمكن تنفعك يلا امشي

sendrlla said...

اجاباتك دمها خفيف اوى بجد

مُزمُز said...

هههههههه

أخيرااااااا

عشرين سنة عبال متجاوب يا بني

إجاباتك عسل والله

ألا بقوللك إيه صحيح

الواد الأنونيمس ده وصللك إنت كمان
هههه

واضح إنه لف على كل اللي علقوا على الموضوع الأخير عندي وشتمهم

ريح دماغك ومتردش

الحيوان ده آخره سلة الزبالة وميستحقش تتناقش معاه

سلااااام

tamer said...

كل تاج وانت طيب يادام

الا صحيح قولى تاج يعنى اية

ههههه

تحياتى

smraa alnil said...

هههههههههههههههههههههههههههههه
ههههههههههههههههههههههههه
انا بقي بضحك عشان حاجة تانية خالص
اصل تقريبا كدة يا ادم هتشتم زيك انت ومزمز اصلي علقت عنده
ربنا يسترها بقي

ثانيا بقي

بيقولولها يا سمراء النيل دة انت ليلتك مش فايتة
هاتولي حاجة ابطحه بيها
هههههههههه
دة انا نسيت يا عم اني بعتل التاج دة اصلا
بس براوة يا ولاه

وبعدين يا ابني هما بتوع امن الدولة هيلاحئوا علي مين ولا علي مين
اهو يا ابني ياخدوني انا وانت دفعه واحدة ماحنا فضايح اصلا

عامة ربنا يخليك لينا يارب
وسيبك من اللي علق دة يا ادم
اه صحيح يعني انت مش اسمك ادم يا ادم

مش كفايه بقى said...

معلش التعليق بتاعى ده كان يبقى عند مزمز فى كهف الزباله بتاعه بس معلش انتم كلكم زى بعض واحد يعنى ..تبقى تبلغه ..........

انا بحب الفيلم ده برده بس بحب ربنا وسيدنا محمد اكتر والحمد لله ......عامل بوست جديد علشان تتوه اللى فات يا بتاع عبد ربه التايه انت انت وامثالك
ادين الله وكلام الله وسنه نبيه محمد صلى الله عليه وسلم عز وجل عرضه للنقد والقيل والقال منكم؟ حسبنا الله ونعم الوكيل ولا حول ولاقوة الا بالله اخرص الله السنكم وشل ايديكم قل اميييين

كراكيب نـهـى مـحمود said...

;كفارة يا عم ادم
بالمناسبة طالما بينادولك باسم والدك تبقى اما بس او تش
قصدي محمد او احمد تحياتي

ادم المصري said...

anymous
ــــــــــ
اشكرك علي النصيحة
واسف جدا ان مدونتي المتواضعة لم تنل استحسانكم
تحياتي


سيندريلا
ــــــــ
اشكرك كثيرا
واتمني منك زيارة دائمة


مزمز
ــــــــ
هههههههه
مش عارف اقولك ايه
روح يا شيخ
هههه
وتعالي بسرعه



تامر
ــــــــ
اهو انا نفسي يا خويا اعرف مين اللي اخترعة اصلا
ههههههههه
هو احسن اسم ممكن يكون السلطانية
هههههههه
تحياتي ليك يا باشا



سمرا النيل
ــــــــــــ
هههههههههههههه
هههههههههههههههههه
استلقي وعدك
بقي يا حلوة
ههههههههههه
انتي اللي جبتيه لنفسك



مش كفاية بقي
ــــــــــ
امين يا سيدي


كراكيب نهي
ـــــــــــ
هههههههههههه
حلوة منك دي
لكن برده لا
مش هقول

saso said...

اهلاااا
هو التاج ده ورايا ورايا ..تخيل طلع روحي اكتر من البوستات العادية

استني شكل في خناقة عند مزمز هاروح اتفرج.. انت قلت ايه يافندم والناس زعلت منك

بي اس :احترس من كراكيب بتخمن اسمك اهي
ممكن ابتزك بعد كده واقول اني عارفة اسمك
haha