Pages

Subscribe:

Friday, February 16, 2007

بوست عودتي

بوست عودتي
.
رجعت من المنوفية الحمد لله
.
بداية احب اشكر سيادة الرئيس
اطال الله لنا في عمرة وابقاه زخرا لنا وللبلاد
.
حلوة الكلمة دي ؟ دي تسجيدة
عشان التقيل جاي ورا
.
وما ادراك ماذا يوجد ورا ؟
سوف نبدا العد التنازلي للحكي
.
اول يوم كالنا كوسة .. ودي كانت حاجة غير مطمئنة بالمرة
المحلات كلها كانت قافلة علشان حسني مبارك جاي
اهل المدينة مش طايقين سيرتنا .. لاننا وقفنا حالهم
المدينة مترشقة فراشة .. متعلق عليها يفط ترحيب بسيادة الرئيس اسم النبي حارسه وصاينه
.
المدينه بصراحه شوارعها بتبرق كدا والارض نضيفة كدا
ولا كله كوم .. والاسفلت بتاعهم كوم تاني ... ما يعملشي طينه في المطرة .. تصوروا ؟
طبعا حسني مبارك جه يوم السبت اللي هو تاني يوم
طبعا عساكر امن الدولة واقفين بطول الطريق زي عواميد النور علي الصفين
جوة الاستاد اللي هايشرفه بسلامته كان موجود الحرس الجمهوري ؟
طبعا الاسطح كانت مترشقة قناقصة ماسكين عدسات مكبرة
انا كنت ماشي في طابور العرض .. كنت حالف اني ماعبروش اسم النبي حارسه وصاينه بس لما لقيته بيشاورلي اه والله كان بيشاورلي افتكرت حديث الرسول (ص) اذا حييتم بتحية .. فحيوا باحسن منها .. ايوالله بس كدا .. قمت بقي مشاورلوا ومهيصل له .. وضارب له تعظيم سلام كمان
طبعا بعد ما مشي بسلامته .. اتشالت اليفط اللي مغرقه البلد .. والاسفلت رجع طبيعي زي ما كان ( بيعمل طينه في المطرة) والمحلات فتحت والناس ظهرت في الشوارع وكان الناس دي طلعت من تحت الارض
.
.
واحنا هناك كان معايا اتنين تلاته حزب وطني .. عاملين فيها عارفين كل شيء
فاكرين انهم بيصورونا وبيسجلوا لنا في كل حته .. حتي في الحمام
ياراجل دول كانوا خايفين من عواميد النور لايكون عليها كاميرات .. ولا الشجر لايكون حد مستخبي فيه
ياعني كان اسبوع رعب
.
.
كان معايا واحد بيعمل صحيفة الحائط .. خادته وقلنا نتمشي .. فطقت في دماغي فكرة .. قلت ايه ايه رايك نعمل ريبورتاج مع الناس في الشارع .. ونعرف ايه انطباعهم م الاسبوع دا .. قالي ماشي
.
اول واحد
ــــــــــــــــ
كان شغال في صيديلة .. كل معلوماته عن الاسبوع ان فيه ناس من جميع الدول جايين هنا
دا طبعا باعتبار انه ما خرجشي من دولة المنوفية طول حياته قبل كدا
.
التاني
ـــــــ
كانت عيلة ام وبنتين .. الام جاية من امريكا الاتنينة من عشرين سنه .. وطمش شايفة حاجة اتغيرت في البلد اما بنتها اللي في الدبلوم شايفة ان اللي المباني الجديدة زي الاستاد والفندق بتاع الطلبة دا حجات برة ع الكورنيش مش جوة
لان فيه جوة حته اسمها العزبة ودي كلها بلطجية .. اما قبلي فهي منطقة نص نص .. اما بنتها اللي في الثانوي .. شايفه ان مجينا جه عليهم بخسارة
.
عملنا ريبورتاج مع الطلبة الضيوف
ـــــــــــــــــــــــــــــــــــــــــــــــــــــــــــ
اولا بنات جنوب الوادي
ــــــــــــــــــــــــــــــــــــــــــ
ما شكروش في اي شيء
الاكل زبالة
السكن زفت
التنقلات صعبة .. عشان نروح من كلية لكلية لازم نركب مواصلات لان مافيش حرم هناك اصلا
.
.
ثانيا شباب من بن سويف
ـــــــــــــــــــــــــــــــــــــــــــ
والله كانوا مدبين جدا
كل حاجة في المعقول بس في حجات صغيرة كدا
الاكل مش حلو
السكن مش نضيف
التنقلات صعبة
الجداول غلسه لان كل الانشطة في وقت واحد
مافيش خريطة للمدينة
.
.
واحنا ماشيين لفت نظرنا عمال من البلدية ماشيين يحطوا القراطيس الحمرا بتاعتهم دي في الارض .. وبسؤال احد العمال بتعملوا كدا ليه فرد علينا وقال .. اصل جمال بيه جاي واحنا بنعلم الطريق تاني
فقولت له تاني ؟
قالي اه .. لان لما علمناه لابوه .. اتمسح
.
.
كان فيه عسكري مرور وقفنا وسألناه ..راجل طيب بصراحه كل اللي يعرفة ان الريس جه امبارح .. وجمال بيه جاي يوم التلات انشاء الله
.
.
وحنا راجعيين ركبنا تاكسي .. وبسؤال سائق التاكسي بصراحه اتضح انه موظف في وزراة الزراعه وبيشتغل سواق تاكسي بعد الظهر ولما سالناه عن حال البلد قال ان البلد والله حلوة وكويسة
الكورنيش دا كان معمول من زمان من الزيارة اللي فاتت ياعني
وفيه هنا احسن شبكة مواصلات في الجمهورية
بصراحه كان راجل زي العسل وعشان كدا كنا عايزين نبلغ عنه بتعهمة الجمع بين وظيفتين
.
.
يوم الاربع بقي كانت المسابقة بتاعتي .. جه الباشا .. احمد بخيت والباشا سيد حجاب .. وكان فيه قصيدين من كل جامعة مبعوتين اريسطوا صاحب مدونة اريسطو هو اللي خد المركز الاول والميدالية الذهبية في القصيدة الاولي .. وانا خدت المركز الاول والميدالية الذهبية في القصيدة الثانية
وبعد ما اتصورت مع كل الضيوف .. الحمد لله الصور اتمسحت كلها اهيء اهيء اهيء
.
.
يوم الخميس خدونا نشجع الفريق بتع كرة القدم بتاعنا .. اكمنه وصل للنهائي .. طبعا دي مهزلة .. قال ايه انا اتفرج علي كورة .. لا وايه في استاد كمان
معايا واحد صاحبي قالي تعرف ياادم انا عمري ما شوفت كورة في الاستاد .. دي فرصة حلوة عشان اعرف الفرق .. قوله .. تعرف انت بقي انا دي اول مرة اتفرج فيها علي ماتش كورة اصلا
.
.
بصراحه واحقاقا للحق بصراحه هو الاكل هناك مش قد كدا
بس كان كتييييييييييييير بالزوفة ياعني
كل يوم كان فيه فراخ ولحمة
واللي عايز ياخد تاني من غير بونات ولا حاجة
وفي العشا الاكل يشبع تلاته
دي امانه بصراحه و لازم نقولها
كفاية كدا بقي عشان البوست م يبقاش طويل
بس اوعدكوا لما اجيب ما تبقي لدي اصدقائي من صور .. سوف انشرها انشاء الله

36 comments:

Epitaph said...

حمد لله ع السلامة يا جي من السفر
وحشانا الابتسامة و الشكوي للقمر

هههههههههه

مبرووووووووووووك يا عم ع الميدالية و الحركات شرفتنا يا عم في الاوساط الافرنجية..مش المنوفيه طبه الفرنجة برضه؟؟

بس ايه يا عم الصحفي ده كمان
ربورتاج و حركات

عايزين شوية صور بقي الله يكرمك

و واضح ان مساعيك كانت مشكورة الحمد لله هناك هههههه

سلام

بعدك على بالى said...

حمد الله على سلامتك ياجميل .. والف مليون مبروك على الذهبية وعقبال مانبارك لك على نوبل باذن الله ...

مبررررررررررررووووووووووووكككككككك

توهة said...

حمد الله على السلامه


ومبروك يا عم على المادليه المهوم إتأكد انها دهب عشان برده تبقى تفك بيها زنقه

ههههههه


وبعدين عمالين تشتكوا من الاكل ومش عارفه ايه كويس انكوا أخدتوا الفرصة دى غيركوا مابيشفهاش

يلا غلابه احنااااااااا

واء

وسيادة الريس كمان يااااه كان نفسى اشوفه واسلم عليه وأقولك سيادتك مشلفطنا وراك ليه
يلا انا رايحه ابارك أريسطو

smraa alnil said...

ههههههههههههههههههه

مبروك يا ادم
وكويس اني مش لسة طالبة عشان اروح معاكم
المهم ان انت شرفتنا
وبالنسبة للفضايح فدي متوقعه علي طول
انا بقي لما كنت بسافر بني سويف عشان بيبقي عندي بطولات بشوف العجب

للمهم بقي اني سمعت ان زيارة بسلامته بوظت الموصلات كلها
يعني الطيارة بتاعته خربت والعربية اللي ماشي بيها اتعطلت
فاضطر انه ياخدها بري تقريبا

المهم حمد الله علي السلامة توقع موضوع الكل دة في اي حته

مريض نفسى said...

انت مش خايف يابنى
السيد الرئيس يا خد خبر بالحاجات المكتوبة دى وبعدين ندور عليك نعرف بعدين انك
شوية وراجع

micheal said...

ألف حمد الله بالسلامة و عقبال ما نبارك في الميدالية الاوليمبية...هههههه
تحياتي

أروى الطويل said...

مبروك الميداليه بس الاسبوع ده اصلا والله حرام بيتصرف عليه قد كده وكل ما نقول دعم الاسر يقولوا عاينينه لاسبوع الشباب لما الواحد كرهه
وحمدالله على السلامه

LAMIA MAHMOUD said...

حمد الله على السلامة

عين ضيقة said...

حمدلله بالسلامة ياباشا.. ومبروك

عقبال ما يرصفوا الطريق ليك ياعم

ياللا دعوات مووووووووت وببلاش

سلام ياباشا

الوردة السوداء said...

انا هعمل نفسى مش واخدة بالى
وهقولك حمدلله على السلامة
ال يعنى معرفش بقى

وبرده هعمل مش واخدة بالى واقولك مبروك على الجايزة

فين الهدية؟؟

Geronimo said...

حمد لله ع السلامة ياريس
ومبروك الميدالية

والله يابني انا رحت يومين زيارة لصاحبي

وكانت مفاجاة ليا

الكوبري الجديد بقة اسمه كوبري حسني مبارك

والناس ف الاسبوع كفرانة

وجابوا لكوا عشر مفاتيح للنجاح وعم ابراهيم الفقي ذات نفسه
وقالولي جمال جي بكرة
وحسني كان هنا امبارح
انا كنت عاوزة اوطي على الارض ابوس الاسفلت اللي انت بتحكي عليه
مش دي الارض اللى شالت الريس
ولا لما شفت مدرسة المساعي المشكورة
ومركز حسني مبارك في كفر مصيلحة

كنت ماشية اغني
انا م البلد دي
انا م البلد دي
بصراحة شئ مثير لكل مشاعري الانسانية
لكن لما شفت اليافطة التحفة بتاعة محافظة المنوفية ترحب بالرئيس محمد حسني مبارك في بلده التاني

وقعت ف الارض من الضحك
ده على اساس انه مواليد فرنسا يعني
وانا مروحة وسايبة صحابي الحلوين لمصيرهم المؤلم

كانت المفاجاة الرهيبة وانا بقولهم باي باي
لا اله الا الله

لقيتم بيردوا
محمد حسني مبارك

حسبي الله ونعم الوكيييييييييييل

أنـــا حـــــــــرة said...

عود احمد
عايزين الصور
بقى
علشان الفضيحه تبقى بجلاجل

ههههههههههه

لا أحد said...

حمد الله علي السلامة

و متروحش المنوفية تاني

tamer said...

حمد الله على السلامة ادم

ولازم تشجع انت عايز تضيع ولا اية
تحياتى

ادم المصري said...

ابيتاف
ـــــــــ
الله يسلمك يا قمر
الصور جاية في الطريق بس الايميل فيه زحمة مرور ههههههههه
بس احنا تحت الامر


بعدك علي بالي
ـــــــــــــ
مبروك يا ماما يا اجمل
ماما في الدنيا


توهه
ــــــــــ
الله يبارك فيكي يا قمر
عايز اقولك حاجة في الخباثة
بس فيكي من يكتم السر ؟
المديالية لون بس
مش دهب ولا حاجة هههههههه



سمرا النيل
ــــــــــ
والله يا بنتي انا عايز بس ربنا يمد في عمري كدا واقعد يجي ميه متين سنه كدا عشان اشوف شكلك عامل ايه بعد متين سنه كدا ولا حاجة
لسه بردة غلابوية كدا
ولا فيه احتمال ربنا يهدك شوية
مش عاتقة الجمهورية تنطيط
هههههههههه



مريض نفسي
ـــــــــــ
ههههههههههههه
بقولك الريس بنفسه
كان بيسلم عليا .. انت مش مصدق ولا ايه ؟
طب انت مش شوفته في الصور بيشاور كدا صح ؟
اهو كان بيشاور لي انا يا بني ياعني خلاص بقينا صحاب
انا اقول عليه اي حاجة
وهو بعاساكرة يعمل فيها اي حاجة بقي .. مش صحاب
ههههههههههههههه


مايكل
ـــــــــ
الله يبارك فيك يا حبي


اروي الطويل
ــــــــــ
شكلك كدا من المنوفية
ربنا يجعل كلامنا خفيف عليكوا
هههههههه
ولو مش منها مش هتفرق بردة كلنا اخوات
والبلواي كلها واحده
هههههههههه



لامياء
ــــــــــ
متشكرين يا ستي
الله يسلمك


عين ضيقة
ــــــــ
الله يسلمك يا حميل
تسلمي لي


وردة سودا
ــــــــــ
وانا كمان هاعمل نفسي مش واخد بالي وهقولك الله يسلمك يا جميل
ولا بد تكون الهدية وصلت دلوقتي



جيرنيمو
ـــــــــ
اهو انا بقي كنت ساكن في المدينة اللي جنب كوبري حسني مبارك دا
مش تقولي طيب
كنت عملت معاكي احلي واجب والله
واجب مدونين معتبر
علي فكرة صحابك دول هما اللي كانوا راعبين الناس هناك زز لدرجة انهم كانوا مفكرين الشجر فيه عساكر متخبية ههههههههه



انا حرة
ـــــــــــ
الصور في الطريق يا فندم


لا احد
ـــــــــــ
يااااااااااااااااااه
حمد لله ع السلامة
لو مش عايزني ما روحشي المنوفية تاني
اوعدني انك ما تغيبش كدا



تامر
ــــــ
منور يا باشا
والله واحشني

tota said...

ادم
كل الجرايد الغير قومية قالت ان المنوفية تحولت الى مدينة الاشباح وقت زيارة الرئيس بس معرفش برده هتتحول لمدينة ولاد الاشباح لما يجيى الابن البار جمال
الشعب بسيط وغلبان ويهمه بس يقضى يومه ازاى لما فجاة يلاقى البلد تحولت بقدرة قادر الى هذا المنظر اكيد هيصابوا بحالة هلع بس مش هدوم طبعا لان كل حاجة هترجع بسرعة البرق تانى زى ما كانت
هو انت كنت رايح علشان ترسل تحياتك للريس ولا كنت هناك ليه
هو انتى منوفى ؟ ولا حزب الغد ولا كفاية ولا معارضة
هو فى ايه
تحياتى

Sharm said...

مبروك الميدالية

متغيرة شوية said...

حمدالله على السلامة وألف مبروك على الميدالية
بس انت خدتها على أي قصيدة؟نورنا برده

الحقيقة لأني مبقتش أقرا جرايد ومبشوفش التليزيون المصري معرفتش أي حاجة عن زيارة المنوفية دي ، يعني هما عملوا اسبوع شباب الجامعات في المنوفية ليه؟حسني كان عايز يزور ولاد عمة ويقابلكواقال نضرب عصفورين بحجر؟
بس الواضح يا ادم انت مامتك عمرها ما دعتلك ما تشوفش وحش ، ومتسلمش عل وحش:)

FrEe.PhArAoH said...

مبروك الميدالية

لا أحد said...

عزيزي ادم
انا لم اعد و لكني اطل من الغياب

احتاج متنفسا من الوقت لأموت :)

bastokka said...

حلوة الاغنية

تهت ليه؟

شــهــروزة said...

أحمدك يا رب انه بيخاف ينزل عندنا
أصل بعيد عنك البلد مش ناقصة تخمة ولا زنقة ولا أشباح
فينا اللى مكفينا
هى مرة واحدة جة يفتح الكوبر الكبير العلوى وفتحه وهو على سلم الطيارة خاف ينزل فى البلد

أصل بيقولوا يخويا بعيد عنك ان السادات لما جة هنا كانت فيه محاولة اغتيال هنا
ووقعوا عمارة بسكانها على اللى فيها

طيب عاوزة افهم حاجة
هو رايح دولة المنوفية يهبب اية؟
هم مش كلهم حواليه فى الحكومة وجيرانه واحتلوا القاهرة من يوم هو ما مسك البلد؟؟
يبقا رايح يعكنن عالناس اللى هناك ليييييه؟؟

جاتهم القرف
مللوا البلد

طارق مكى said...

اولا انا زعلان عشان بكتبلك متئخر
*******************************
مبروك يا ادم على المدلية
واهم حاجة طبعا على العودة سلاما من ارض المنوفية

الــــــــــــــــــمبروك

أخف دم said...

آدم باشا
ألف حمد الله ع السلامة
وألف مبروك الفوز ..
وعقبال الفوز فى مسابقات أكبر وأحسن من أسبوع شباب الجامعات الحسنية المباركية الميمون..
بالتوفيق.

ادم المصري said...

توتا
ـــــــ
تحياتي ليكي يا جميل
لو كان صبر القاتل علي المقتول كان مات لوحدة
هههههههه
انا ياستي كنت هناك عشان اسوع شباب الجامعات


شرم
ــــــ
الله يبارك فيك
وشكرا ع الزيارة


متغيرة شوية
ـــــــــــ
دايما كدا مش عارفة حاجة ؟
هههههههه
بصي يا ستي .. اسبوع شباب الجامعات دا حاجة كدا عاملة زي الدورة الاولمبية بيتعمل كل سنتين .. وعلي كل جامعه استضافته مرة .. حسب الجامعة اللي بتعوز بتطلب انها تترشح للمجلس الاعلي للجامعات
الاسبوع الجاي في اسكندرية واحتمال يكون في حلوان لانها المرشح اللي بعد الاسكندرية علي طول .. وبما مباني حلوان خلصت ممكن هي اللي تنظم الاسبوع الجاي .. فهمتي حاجة ؟
بالنسبة للقصيدة فالقصيدة انا كتبتها فعلا ع البلوج واسمها ادراك ماهية
وشكرا ليكي يا جميل



الثورجي
ـــــــــ
الله يبارك فيك يا فندم والله ليك واحشة


لا احد
ــــــــ
ارجوك .. ارجوك
اعطي فرصة لمن يحبوك ان يعبروا لك عن مدي حبهم
ارجوك عد


باسكوتة
ــــــــ
متشكر يا جميل علي تعليقك علي الموسيقي
اصل الحكاية ليها اصل



شهروزة
ــــــــ
انتي منين يا بنتي ؟
ثم انتي تفتكري الريس اسم انبي وحارسه يروح عندكوا ليه ؟
انتوا عندكوا فطير او حمام ؟
طيب يبقي يجي عندكوا ليه بقي ؟
ههههههههههههه



طارق مكي
ـــــــــ
بجد والله انا فرحان جدا اني بلاقي اسمك في الكومنت حتي لو الاخير
ثم ياسيدي البيت بيتك تيجي في اي وقت هوانت ضيف ؟
تحياتي ليك


اشرف بيه توفيق
ـــــــــــــــــ
الله يسلمك يا استاذ
استاذ شعر واستاذ كل حاجة
متشكر يا فندم علي زيارتك



تحياتي للجميع

كراكيب نـهـى مـحمود said...

حمد لله على السلامه
وعن الجمع بين وظيفتين مصر كلها بتشتغل بعد الضهر في سيرك يا عم قول يا باسط

Noran said...

أنا الفاكرة أن الموضوع هيرجع بالخير لأهل المنوفية !!ا
كنت فاكرة أن الحاجة الزينوا بيها الشوارع هتفضل ....تلاقيهم سبوها لزيارة تانية !!

daktara said...

ايه ده انمت كنت هناك
واحد صاحبي كان هناك بس لسه مشفتوش علشان اساله علي الاخبار ايه
بس هو غلبان يا عيني وبينبهر بكل حاجة
مش زي حالاتك دقرم

أبو أمل said...

ضحكت قوى
من قولك انا مش من المنوفية كفالله الشر وافتكرت قول احدهم اننا تحت الإحتلال المنوفى
ثانياً انا باحسدك انك شفت اتنين من حبايبى
الرائع الصعيدى الجميل احمد بخيت
والعامى الأستاذ سيد حجاب ارجوك لو عندك قصايد ليهم ا بعتها ليا على ايميلى
ثالثاً وألأهم مبروك يا عم ع الجايزة
وإلى الأمام يا سيدى
تحياتى

Memo said...

مبروك يا ادم
والف حمدالله عسلامه
منوفي اه بس كسيبببببببب
تحياتشي

Sampateek said...

اية يا ابني انت جرالك حاجة من اللي شوفته و لا اية؟


فقدت البوست؟

بوست يا عم و نشر

ادم المصري said...

نهي
ــــــ
الله يسلمك يا جميل
متشكر جدا ع الزيارة
بس ياريت ما تقطعيش


نوران
ـــــــ
يا الف حمدلله ع السلامة
والله منورة
بقالي كتييييييييييير
ماقريتش ليكي حاجة



الدكترة
ــــــــ
قولي مين بس وانا قولك كل شيء عنه
احنا اخر دقرمة
ثم انت تامر يا باشا


ابو امل
ــــــ
والله بجد انا مبسوط انك لسه فاكرني
ولو ع القصايد حتي لو مش عندي ادور عليهم وابعت لحضرتك علي طول
ونوصلها لحد البيت كمان
هو احنا نطول ؟



ميمو
ــــــ
من فضلك
اسحبيها
انا مش منوفي
هههههههههه
وانبي كدا ما تغبيش يا ختشي لحسن زيارتك بتوحشنا




الكلبوزة اللي مافيش في جمالها اتنين
ـــــــــــــــــــــــــــــ
مالك بس يا كلبوزتي
انا ناوي اصلي انزل بوست عقد
وبكرة تشوفي

بنوتة said...

حمد الله على السلامة

مش كنت تقولى بقى عشان اقوك بالواجب
ههههه

ادم المصري said...

بنوتة
ـــــــــ
احنا لسه فيها

بنـت ســعد said...

ههههههههههههههههههههه

وحشتنى بوستاتك يا واد يا ادم و الله

المهم اوزن نفسك و شوف زدت كام كيلو

و بطلوا طفاسة
مش ابو بلاش كتر منه

طارق مكى said...

حبيت اسلام عليك وانا معدى
وبنسبا للبوست انا حسيت انك قاعد امام وكيل النيابة وبيقولك مش ناوى تعترف
ههههههههههههههههههههه