Pages

Subscribe:

Wednesday, February 15, 2006

في رسم الرسول اتكلم

كنت افضل السكوت ولكننا وصلنا الي حد .. لا يجدي معه اي فعل مهما عظم شأنه
ولهذا اتحدث
كلنا عارفين ان دي مش اول مرة يرسم الغرب صور زي دي
التتار رسموها الاول
بعدهم رسمها الفرس اللي هما الايرانيين دلوقتي
فكرة السخرية من الاديان دي حاجة متأصلة اصلا في الثقافة الغربية ، يا عني دي مش جديده انا شايف من رايي ان اللي حصل من المسلمين في الوطن العربي ده فوضي بصراحه كده وبدون مجاملات ولا تزويق كلام
احنا صورنا نفسنا كأننا مجموعة قبائل غجريه غوغائية لا تعلم عن العلم شيئا
اساسا الصحيفة الدنماركية دي مش معروفه ولا حد سمع عنها قبل كده .. وبدل ما احنا نعمل حاجة ننتصر بيها لرسولنا خلينا كل صحف الاتحاد الاوربي تنشر الصور دي لا وايه تشجع رسميها علي ابتكار صور جديده
من ضمن الدول اللي نشرت صور
فرنسا
انجلترا
اسبانيا
ايطاليا
النرويج
وماذا بعد .. لماذا لا ننادي بمقاطعتهم هم الاخرين ولماذا لم نقاطع امريكا مثلا بعد حدوث فضائح ابو غريب او حتي بعد تدنيس المصحف في جوانتانامو
احنا كشعب عربي .. لا ينتج شيئ
الاكل
اللبس
السكن
الدوا
العلم السلاح
الرفاهيه
كلها اشياء نستوردها من الغرب اي انهم اذا فكروا ولو خاطرة ان يحاربونا لن نصمد ولو لليله ولن تنفعنا اموالنا شيء
اي اننا نملك فقط المقاطعه كسلاح وحيد اوحد وفعال ولكن كيف يصبح سلاح المقاطعة فعال .. اذا قام به مجوعه من الغوغاء لا يعرفون ابسط القواعد العلميه البسيطة لنجاح اي حركة شعبية
عندما نودي بالمقاطعه في ارجاء الوطن العربي ... باتت الناس ترفض ان تشري ما مموجود منها في المحلات بالفعل وهي بضائع دنماركيه تم دفع ثمنها .. وبات الخسران الوحيد هو الرجل الغلبان صاحب محال البقاله الذي لا يملك سوي بعض البضائع التي دفع تمنها بالفعل
ثم هناك بعض المتطرفيين الذين باتوا يحرقون سفارات ويدمرون شركات ويعدون هذا نصرا
حاشي لله من ذلك او ذاك .. ليس من هذا من تعاليم الاسلام من شيء
الاسلام الذي اوصانا انه اثناء الحرب وفي خضم المعركة
لا نقطع شجرة
ولا نجني علي طفل
او عجوز
او امراة
ما بالنا علي ناس امناهم علي ارواحهم واولادهم واموالهم في بلادنا
لقد اثبتنا للغرب اننا قوم جاهلون وان كانوا متشككين في الدين الاسلامي من كونه دين يدعوا الي القتل والتدمير فهم الان باتو متأكدين من ذلك مليون بالمائه
كلنا نعلم ان العدو الاساسي لامريكا الان هما الصين واوربا الموحده ولذلك تستغل امريكا ذلك في الضغط علي الدول الاوربيه بحجة انها تسخر من الدنيات وانها اخطئت وانها وانها .. لعلها تستطيع ان تعركل تقدمها ولو شيئا يكفي امريكا ان تحرم الدول الغربية من السوق العربية والتي هي اكبر سوق شرائيه في العالم

18 comments:

ruby said...

انت عارف يا ادم انت كرهتنى فى الدنيا كلها بما فيهم انا
اية يا عم شوية تفاؤل انا معاك ان احنا مننفعش فى حاجة اوكى بس لية النظرة دى للحياة داة انت كل موصوعاتك نقض فى نقض وبالذات فى مصر لية ياعم دى بلدنا بردوة واللة العيب مش فى الشعب العيب فى اللى ماسكين الشعب داة الشعب غلبان ما بيدة حيلة
براحة علينا شوية يا عم ادم احسن مسميش ابنى على اسمك

Anonymous said...

أحم أحم

الفرس و التتار لا يمكن اعتبارهم جزء من الحضارة الغربية

و الرسوم المنغولية و الفارسية الأصل للرسول اللي أعرفها كلها رسمها مسلمين و مش بغرض الاسائة بالمرة

admelmasry said...

روبي الدالي

لا والنبي خلاص انا اسف
اوعدك المرة الجايه هاكتب عن حاجة حلوة في البلد

هكتب عن ... عن ايه ؟
طب بلاش هدور في الجرايد وهاكتب
بس الجرايد بتاعتي كلها معارضة

طب خلاص هدور في النت علي حاجة حلوة
واوعدك اني هكتب

بس والنبي سمي ابنك علي اسمي

هههههههههههه

admelmasry said...

الاء

احم احم
لا اقصد هذا ولا ذاك
ما اقصده انالمسلمين نفسهم محرمين رسم الرسول الكريم

حتي ان كانت هذه الرسومات بغرض الحب والتبجيل

فهم يرفضون هذا ويرفضون ذاك

هذا الاسبوع قرات مقالا في الدستور للاستاذ سعد الدين ابراهيم

رئيس مركز ابن خلدون للدراسات والابحاث يتطرق فيه لما هو مقدس عندنا ومدنس عند اخريين

وضرب مثالا لوضع البقرة هنا ووضعها في الهند

طبعا انا لا اتصور اي هندي مهما كان سوف يثور او يخرج في مظاهرات او
يتم حرق سفاراتنا في الهند

ان حاول احد رسامونا رسم البقرة في نوع من السخريه

هذه الفوضويه لا تصدر الا من عندنا

فيجب علينا ان نفخر اذن فقد اصبحنا منتجين لشيء ما

الا وهو الفوضويه

اراهن انها لا توجد بمكان اخر في العالم غير عندنا

Ho$$am Ahmed said...

انا موافق لدرجة ان هكرر تعليقك
rubyeldaly said...
انت عارف يا ادم انت كرهتنى فى الدنيا كلها بما فيهم انا
اية يا عم شوية تفاؤل انا معاك ان احنا مننفعش فى حاجة اوكى بس لية النظرة دى للحياة داة انت كل موصوعاتك نقض فى نقض وبالذات فى مصر لية ياعم دى بلدنا بردوة واللة العيب مش فى الشعب العيب فى اللى ماسكين الشعب داة الشعب غلبان ما بيدة حيلة
براحة علينا شوية يا عم ادم احسن مسميش ابنى على اسمك

15/2/06 9:26 AM

Ho$$am Ahmed said...

و موضوع البقره ده ياعم العالم كله بيأكل لحم حتى الهند فمين العاقل اللى يعمل مظاهره ضد العالم

وما البقره عماله تتنطط فى الكرتون ليل نهار

مش كفايه بعد انفلونزا الطيور حرام عليك ياراجل نقضيها فول ولا ايه ولا هتقولى فى ناس بتحب الفول وتقدسه( اوعى تقول المصريين)

معلش تقلت عليك

Tamer Nabil Moussa said...

عزيزى ادم فعلاا كلامك مظبوط لكن كل المسلمين اندفعوا ودة غلط بس الانسان اللى غيور على دينة ماذا تتوقع منة


المهم الان يجب تصحيح الوضع وان نبحث عنة وكما قولت يجب ان نتتج اكلنا وشربنا ولبسنا بايدنا عشان ما نحتاح الى حد لكن الامر فى يدى الحكام وعليهم التصرف وربنا يصلح الحال

شكر على الموضوع

الى الامام

نــــــــدي said...

واللهي يا جماعه
انا داخله اقول
السلام عليكم لا اكتر ولا اقل
ولكني جئت في الناحيه الغلط

admelmasry said...

حسااام
اهلا بك يا صديقي العزيز
اشكرك علي الاتفاق الضمني بيني وبينك
ارجوا ان اتقارب في وجهات النظر اكثر من ذلك مع كل من يختلفون
انت تعرفهم بالطبع

admelmasry said...

دولي
اسف يا صديقتي التي دائما ما ابحث عن تعليقها
في مدونتي
وهذا ما يبث البهجة والسعادة في قلبي

مش عارف ليه انا باديها فصحة بس المهم
الدنيا كده ...... حزن وقرف وهم ونكد

الحاجة الغريبه اللي ممكن نندهش لما تحصل

اننا نصادف فيها حبة فرح

admelmasry said...

العزيز الي قلبي تامر

طول ما الحكام قاعدة علي قلب الشعوب مش هننتج
وطبعا الحكام مش هتقوم
لانها مش حاسه انها تقيله علي قلبنا ولا حاجة

يبقي واجب الشعوب في هذه الحالة انها تقولها ... قومي بقي انا قلبي وجعني

admelmasry said...

يا ست فيونكا

تعرفي ان انا اول ما دخلت البلوج بتاعك
القديم يا عني
انبهرت بيه جدا لدرجة اني كتبت عنك موضوع خاص بيكي انتي في البلوج بتاعي
لكن تقريبا انتي ما قريتهوش
عايز اقولك انا فرحان جدا انك دخلتي البلوج بتاعي حتي لو كان عن طريق غلط

admelmasry said...

والله ابدا مش ده قصدي
انت اللي بعت قصيدتك متاخر

ساعتها كنت كتبت موضوع جديد

Anonymous said...

"المسلمين نفسهم محرمين رسم الرسول الكريم"
كويس أوي أنك قلت أن المسلمين هم اللي محرمين الموضوع.

لكن حتى مع كده برضو ما أخذتش بالك أن دا مش عند كل المسملين، لأن فيهم من لا يرفض رسم الرسول و لا يحرمه.

ألاء مين؟

admelmasry said...

اتفوخس

حاضر ياسيدي اوعدك اني احطها

admelmasry said...

ألف

فعلا دي غلطة اعترف اني وقعت فيها
لكن اعزريني ممكن يكزن سرعتي اثنا الكتابة او اندفاع المشاعر ناحية حدث جلل

فانا لا اكتب مواضيعي الا ساعة جلوسي علي الجهاز ولا احضر لها مسبقا

وكني استطيع الدفاع عن نفسي بقدر بسيط واقول ان المسلمين الذين قصدتهم بكلامي هم السنة

لانهم الوحيدين المحرمين لرسم الرسول الكريم

الست نعامة said...

الموضوع قديم شوية بس مش مشكلة، عندي توضيحين أولاً اسمه علاء مش آلاء، ثانياً ألف ذكر وليس مؤنث.
ودمتم.

admelmasry said...

اسف علي الغلط وشكرا ليكي يا ست نعامة