Pages

Subscribe:

Monday, August 14, 2006

عودة عبيط

بصراحه وحشتوووووووووووووووني جدا
غبت كتير عنكوا ؟
انا اسف .. بصراحه مش بايدي
اصلي اشتغلت تااااااااااني هاهاهاهاهاي
انا مش عبيط ... بس ممكن اكون فرحان .. فرحان قوي جدا خالص . فرحان ملازم ادم ههههههه حلوة دي . سعات بحس اني محظوظ وسعات تانية بحس ان وشي يقطع الخميرة م البيت
اوعي حد يصدق ! انا بهزر
المهم انا قولت اني اشتغلت .. مهندس كهربا قد الدنيا .. مش مهندس باظبط ياعني .. انا اسطي
بس اسطي فني كهربا قد الدنيا .. هو انا مش اسطي بالظبط ياعني .. بصراحة انا مساعد الاسطي .. من فضلك انا مش صبي .. انا المساعد ايه ؟ شغلتي كده
بس ايه .. انا مساعد اسطي فني كهربا قد الدنيا .. باشتغل م الساعة تمانية لحد الساعة تلاته .. بالذمة فيه احلي من كده .. لا طبعا ما فيش ما انا عارف .. لا وايه دا انا باخد عشريييييييييييييييييييييييييييييييييييييييييييييييييين جنيه في اليوم .. يانهار يانهار
ده انا يوم ما شوفت شكل العشرة جنية اتخضيت .,. ههه وعملت لها فرح وهيصة .. انا دلوقتي باخد عشرين جنيه ... بركاتك يا احــــــه لولاكي يا ست احه كان زماني لسة شغال في محل العصير وباخد عشرة جنية ومستني زبون ابن حلال يديني تبس ولا حاجة ههههههه احمدك يارب انا مش عايز اكتر من كده
اقولكو علي سر ؟... من غير ما حد يخبص ؟ هه ؟
وطو صوتكو شوية .. وطو صوتمو شوييييه ؟ انا روحت المحل القديم وسلمت ع الصنايعية وقوتلهم انا شغال ايه وباخد كام ... عشان عارف ان الكلام هيوصل لصاحب الشغل هههههههه
وطو صوتكو هتدودنا في داهيه بضحككو ده ... نفسي دلوقي في طلب واحد من ربنا .. نفسي ان ربنا يديني العمر لحد اخر الشهر ده واقبض بقي ... لحسن العالم دي بتقبض بالشهر وانا بقيت مكحرت وع الحديده ... ده انا حاولت ابيعها الحديده يا عني .. ماحدش رضي يشتريها .. لانها مصدية .. مش انا قولت ان اني نحس
لكن اهو بقيت مهندس قصدي فني يوووووه بقي قلنا مساعد اسطي فني كهربا قد الدنيا ... شوفتو الشغلانه كبييييييرة ازاي طبعا امال ايه مش اي حد بقي
اه صحيح بخصوص التاج .. بما اني مش امير ولا سلطان .. طبعا احب البس تاج علشان احس اني امير او سلطان ... ويا سلااااااااااام لما اللي هيلبسني التاج بنتين حلوين زي ايبتاف ونوران
لكن فيه مشكلة !! ايه ياعم ؟ التاج واسع عليا حبتينن .. ياعني ما يصحش اكون امير او سلطان وماشي جنبي امورتين حلويين والتاج علي راسي بيلوق هههههه
اوعدكو اني هلبس التاج .. ولكن انتظروني قليلا علي ما اظبط راسي علي مقاس التاج
اسف ايبتاف
اسف نوران
لكن طبعا مش هفوت الفرصة وهكتبوا .. هكتبوا ياجماعة

28 comments:

بعدك على بالى said...

مبررررررررروك يا مساعد الاسطي فني كهربا قد الدنيا وعقبال ماتبقى باشمهندس كهرباء عموما الكون مش ام الدنيا بس ... بس مش شايفها غريبه شويه الحكاية دى التاج واسع عليك والشغالة كمان كبيرة ... انت خاسس ولا ايه؟ لا كده حتنقرض يا ادم وبعدين البنات مش حتشوفك ....

مبروك تانى ومستنين الحلاوة
ماتنساش اول ماتقبض بسبوسه للحاجه ماشى ...
سلام يامساعد الباش اسطى فنى كهرباء

Epitaph said...

الف مبروك الشغل ...و المرتب..الاسطي اونكل عزت....هههههه..قصدي الاسطي اونكل ادم......يوووه يا باشمهندس
فين الحلاوة.........يعني التاج..مش تغيب علينا

ربنا حيكرمك ان شاء الله..سيبها علي ربنا

Nouran said...

اخيرا جيت انا كنت عارفة انك بتدور ع شغل لولوللولولولولولولي -معرفش ايه حكاية الزعرطة يمكن من تاثير الفرح- مبرررررررررررروك اقولك دكتور ولا بشمهندي ولا مساعد الاسطى الفني للكهربا اللي قد الدنيا كل ده علشان كلمة *** اللي انت قلتها كويس بدل ما كنت بتاخد 10 بقوا 20 ربنا يكرم
كنت لسه جاية اتخانق معاك علشان التاج بس خلاص سماح ومستنياه يا سياده مساعد الاسطى فني كهربا

tona said...

طبعا مبروك علي الشغل وكمان علي المرتب واللقب اللي قد الدنيا

فكرتني باول مره اشتغلت فيها ايام الدراسه كنت مساعد برضه وطبعا اد الدنيا
ربنا يوفقك

Mamdouh Dorrah said...

ايه يا معلم
فكرتني بعادل امام في فيلم زوج تحت الطلب لما قال لفؤاد المهندس
الشغلانة دي ما خدش فبها اقل من عششششششررررررررررررييين جنية
ههههههههههههههههه
والعة معاك يا عم

إ بـ ر ا هـ يـ م said...

ربنا معاك يا ادمز و مبروك بس بطل تضيع فلوسك علي السيكو سيكو

لا أحد said...

مبروك يا ابو البشر :) بس والنبي شوفلي شغل معاك أصل البوجز مبتأكلش عيش ومش أول ما توصل تنسي اخوك الغلبان

ادم المصري said...

حبايبي الحلوين واللي بمووووووووووت فيهم

بعدك علي بالي
لله يبارك فيكي يا غالية
بجد انا مبسوك اني شوفتك اول تعليق
واوعدك انشاء اللي بالسبوسة للحاجة ولا اما ارجع من جمصة هجبلك معايا مشبك كمان ههههههه


ايبتاف
اللي يبارك فيكي وحيات سيدك المنصوري هههههههه
علي فكرة انا جبت هاري بوتر من ع النت مكتوبة الاجزاء اللي نزلت كلها
وبغيظك دلوقتي
وحيات سيدي المنصوري بغيظك عشان هروح هجورتس وانتي لا



نوران هانم
شكراك شكرا ع الفرح الجامد ده
مردودالك في الافراح . بس انا كده اتاكدت انك بنت بلد بتعرف تزغرط
اوعك انك معزومة في فرحي لزوم الزغاريت ... دا اذا ما كنتيش العروسة
ههههههههههه



تونا بيه
متشكر جدا علي المسانده الطيفة والسميرة سعيد وكل الطربين الجامدين
شكرا برده علي زيارتك اللي نورتنا

كورتس
ايه يا باشا
ايه يا ابو البشوات .. ايه اخبارك واهرامك وجمهورياتك وحشني يا ابني بجد والله
عايز اكلمك ضروري استني مني ايميل
اوك ؟


ابراهيم
حبيب قلبي
حاضر يا معلم
بكرة هتجوز وهياللي هتجبلي السيكو سيكو من فلوسها هههههههههه


لا احد
يا باشا علي عينا وراسنا
انت تامر
امرك ع العين وع الراس علي راي فريد
ثم شوف الشغلانه اللي انت تحبها واحنا نشغلك فيها
تمشي معاك لوا شرطة ؟
ولا ايه رايك في مدير مصنع ؟
اختار كده وقولي

عوليس said...

مبروك يااسطى

توهة said...

على اى حال مبروك وحوطى صوتى خالص وأقول ...........................
.........................
خلاص كده

فانتازيا

Lasto-adri *Blue* said...

عقبالى ياااااااارب
بس يابنى انت ايه اللى حادفك على عصير القصب و اسطى الكهربا

:S

مافيش مكاتب ولا انت لسا زى حلاتى قاعد على سنة ؟؟

ام المريله الكحلى said...

مبروك على الشغل وعقبال ماتتعين بالف جنيه فى اليوم
عارفا انا الاحساس ده
الحمد لله يابنى قعده البيت وحشه
وبيقولوا قعده الراجل فى البيت نكد
ههههههههه بهزر
بس الف مبروك
وبقولك اصبر على الحديده ماتبيعهاش دلوقتى لحسن الحديد غلى يمكن تجيب تمنها
اتقل

Nouran said...

هههههههههههههههه لا حلوة يا بشمهندس بس ع فكرة انا مش بعرف ازعرط خالص دي الكي بورد اللي بتزغرط شوف
لولولولولوللولولي

Sampateek said...

الف مبرووووووووووووك

مـحـمـد مـفـيـد said...

مبروك يا باسشا علي الشغل ولو عايز صبي احنا في الخدمه يا اسطي

حائر في دنيا الله said...

مبروك يا معلم قصدي يمساعد الاسطى فني الكهربا
وبالطريقة دي كمان كم شغلانة هتترقى وتزيد الماهية واحتمال تقى من اصحاب الاساتك ونعملك محكمة تدوينية ونقولك
من أين لك هذا؟

change destiny said...

ألف مبروك يا عم

بس بعد اذن سيادتك احنا عايزين الحلاوة

بمعنى ان بقالك مدة مش بتكتب شعر يا استاذ

الحلاوة بعد القبض ان شاء الله

و الا

tona said...

انا ممش عارفه ان كانت الفرحه هي السبب ولا ايه بالظبط
بس علي فكره انا بنت يا عم آدم

ادم المصري said...

هههههههههههههههه
عويلس بيه
الله يبارك فيك
عقبال عندك
نجابلك في الافراح انشاء الله

كراون
ايوة ياعم كده خلاااااااااااص
بس بشويش


لست قدري
ههههههههه
حلوة قدري دي ؟
اية يا عم انا زي حلاتك بس فاضلي سنتين ما احنا واخدينها مؤبد كليات خمس سنين وطلوع الروح
والحنوتي هدية

ام المريلة الكحلي
ياااااااااااه
اخيرا عبرتيني
والله مفتقدك
انتي فين يا بنتي ... ع العموم ابقي سلمي لي ع البرنس اللي خاطفك منا


نوران
برده حلوة وتنفعي
حبقي اجيبك
دا برده في حالة لو ماكنتيش العروسة
هههههههههههه


كلابيزو
الله يبارك فيكي يا قمر عقبالك
ولا انتي نفتي خلاص ؟

محمد مفيد
ياعني هتبقي مساعد مساعد الاسطي فني كهربا
لا ياعم دي شغلانه اكبر من بتاعتي .. مش بعيد يقبضوك اكتر مني
لا ياعم ما يلزمنيش



حائر في دنيا الله
من اين لك هذا ؟
م الكهربا يا خويا دا بالاضافة لمحل العصير
ممكن نقول عليها المرمطة ... هههههههههتتكتب ازاي دي في محاضر البوليس التدوينيه لو سالوني من اين لك هذا ؟


راح اغير المحتوم
اوعدك ان فيه عر قريب
بس ده هيبقي مفاجاة لانه قنبلة

تونا
معلش يافندم العتب ع النظر
عندنا دي
واحد موز باللبن هنا والحساب عندي للموزمزيل
هههههههههههههه

Ahmed Shokeir said...

امبارح شغلة بعشرة والنهاردة شغلة بعشريت وبكرة باأربعين شفت الستارة مش سودة إزاي

كل شيئ بأوان وعايز صبر

تحياتي

sabrina said...

حقيقي صبرت ونلت
علشان ماتبقش متشائم تاني
ماتنسش العزومة المرة دية

Lasto-adri *Blue* said...

حلوة قدري دي ؟
اية يا عم انا زي حلاتك بس فاضلي سنتين ما احنا واخدينها مؤبد كليات خمس سنين وطلوع الروح




e7m e7m,,, arga3 w 2a2kd.. ana howa mesh heya :@

Lasto-adri *Blue* said...

sorrrrry.. ana heya mesh howa :S

ادم المصري said...

ايه الحكاية
انا ملغبط ليه
دا كتيييييييير
اقع في المشكلة دي

هي هو
مرة مع ايبتاف في في مرة
والتانية مع تونا
وبعد كده لست ادري

ايه
هو كلكوا عليا ولا ايه
اه
انتوا العصابه اللي بتخطف العيال الصغيرين
اه
انتوا وهما

هههههههههههههههه


احمد شوقير باشا
نقولك حمد لله ع السلامة ولا انت لسه مسافر يا ريس
علي فكرة انت اللي مديني امل في الكلية اللي انا فيها دي
روح يا شيخ الله يعمر بيتك

صابيرنا
اهلا يا ستي عاش من شافك
ايه ما ردتيش ياعني ع السؤال بتاعي في البلوج بتاعك
تحبي اسأله تاني
هههههههههههه
نفسي اشوفك علي طول اوعي تغيبي
حتي عشان اعرف اعزمك ولا ايه

لست قدري
هههههههههههه
معلش يا فندم العتب ع الجزر

Epitaph said...

ههههههه انا عايشة في هوجورتس دلوقتي
انا اقؤأ الان الجزء السادس بالعربي
كنت قريته اول ما نزل بس انجليزي يا مرسي هههه

ما علينا يا اسطة اونكل ادم..تيجي نعمل مسابقة مين حيخلص قراية الاول؟
ههههه
وحياة سيدك المنصوري ههههه
و بعدين ايه موضوع "هن" ده؟؟! يا نساء العالم اتحدن هههه

wa3d el3yoon said...

مبروك جالك قلق
سورى
قصدى مبروك جالك شغل
ربنا يوفقك

Lasto-adri *Blue* said...

ايه هوجرتس منك ليه لها دة كمان؟؟؟

لاء اعرف.. مابقاش جهلة كدة
ماهو اصله مش ابقى قدرى وكمان جهلة

بعدين يا عم آدم مش شايف الصورة بتاعتى فيها بنت
والله بنت وبشعر هفاف فى مهب الريح وبتلعب يوجا
وتقول عليها هو
!!!!

epitaph
ايوة اعانها صراحة
يابنات البلوجرز اتحدن من الآن فصاعدا

اذن انها الحرب
:P

ادم المصري said...

يا جماعة براحه لا حرب ولا يحزنون
ولا حتي يحزقاف

هههههههههه
ايبتاف
يا بنت الايه السادس ؟
ده انا عملت فرح لما جالي الرابع ع النت
انا باحقد عليكي من كل كلبي .. الدوج بتاعي ياعني
ههههه


وعد العيون
شكرا يا ريس
اللي يبارك فيك وعقبالك

لست قدري
ههههههههه
معلش يا مودموزيل
ملعشي يا برنسيسة
ناسف للعطب الفني والعتب ع الجزر
ههههههههه
والنبي خلاص بقي سامحيني وبلاش حرب