Pages

Subscribe:

Friday, December 29, 2006

فضفضة واحد لسه عيان

_1_
.
عادة انا مش من النوع اللي بيحب يكتب بوست يقول للناس فيه .. كل سنه وانتوا طيبين .. لاي عارف ومتاكد ان كل اللي هيعلق هيقولي كل سنه وانت طيب .. ياعني زي ما بيقولوا كدا .. بنغني ونرد علي روحنا
.
_2_
.
بقالي كام يوم كدا منقطع عن النت .. مش بايدي والله كان نفسي اكتب حجات كتيييييييييييير جدا .. باتمني لو عندي دلوقتي خمست تلاف مدونة انشر فيهم كلهم مرة واحده كل اللي عايز اقوله .. ولكن عارف انه لا تاتي الرياح بما تشتهي السفن
.
_3_
.
انشغلت كتير في دوامة التوهان .. كنت متشوق لحفلة هيثم .. ورهبة الامتحان .. اللي هسقط فيه انشاء الله بس دعواتكم معانا .. كان نفسي اكتب شعر جديد .. فيه حجات كتيرة كتبتها كنت عايز انشرها ياعني انا هنشر حجات صوغنططه كدا علي قد البوست ما يسمح علشان م يبقاش طويل
يا عصفور ليه هشّـوك
سيبت العشة وليه مشّـوك
اوعاك تزعل لا يغشوك
احسن تعرف مين بيحبك
ومين في العالم دول كرهوك
هي الدنيا يا صاحبي كدا
فيها الورد .. وفيها الشوك
.
_4_
.
بيقولوا في كتب الطب والعلم والصيدلة .. ان الانسان ممكن يقعد اسبوع كامل بلا طعام .. ولكنه لا يستطيع ان يظل يوما 24ساعه دون الماء اليوم بكل فخر اود ن انبئكم اني كسرت القاعدة .. فانا قعدت تلات تيات بلياليهم .. ميت .. وبعدين صحوني .. اول ما صحيت .. هما اتخضوا فماتوا ... قمت انا دخلت ع المطبخ وقعدت اكل الاكل بتاع تلات تيام
.
_5_
.
اخيرا احب اقول .. اني ممكن اغيب وقت اكبر من الوقت اللي فات .. وقت اضافي ! وقت مستقطع ! وقت باثر رجعي ! وقت بدون حد اقصي ! علي راي ادهم .. نراكم في المسرات انشالله

13 comments:

Noran said...

هي الدنيا يا صاحبي كدا فيها الورد .. وفيها الشوك

مهو لو مفيش شوك مش هتحس بنعومة الورد

حلوة الدنيا بشوكها وردها ...
بدموعها وفرحها

حلوة الدنيا

...........

4:
دخلت ع المطبخ وقعدت اكل الاكل بتاع
...شبعت ؟؟
;)

,,,,,,,,,,

5
مش عارفه إيه حكاية الوقت المستقطع ده ...لحسن كل البيقولها مش بيرجعوا...أو عشان بنستناهم بيتأخروا

بنـت ســعد said...

كل سنة وانت

زومبي طيب

3 ايام من غير ميه

عادي الصوماليين بيقعدوا اكتر من كده

:P

aymen.farouk said...

بلاش كل سنه وانت طيب خليها حمدلله على السلامه
وبرضه كل سنه وانت طيب

Nouran said...

بص يا عم ادم كل سنة وانت طيب

smraa alnil said...

لااااااااااااا
انا كنت هقول حاجة تانية
هقول : عيد سعيد علك ا ادم
اولا الف سلامة عليك
ثانيا هو انت بتلعب ماتش كور ولا ايه
اوال ايه حكاية الوقت المستقطع دة
يلا مش مهم بقي
المهم مش تغيب كتير بجد
بس بالنسبة للامتحانات فربنا ان شتاء الله قادر انه ينجحك
او يغفل عين اللجنة عليك
مش في حاجة بعيدة عن ربنا يا ادم
هههههههههههههه

صفصف لادي said...

اولا
الف لا باس عليك يا دكتور ادم

ثانيا
بما انك مش بتحب كل سنة و انت طيب حقلك زي اهل الخليج
عساكم من عواده

ثالثا
يا ترى مفتسطش من انك تاكل اكل بتاع تلات ايام بحالهم؟؟؟
و ليع الحركة الاشعبية دي؟؟

رابعا
موتني من الضحك

خامسا
حتى لو كسرت الرقم القياسي لعدد ايام منع الميه فده موش كويس
لازم تعوضهم تاني بس ميه فيعلا مش اكل


سلامي

ادم المصري said...

نوران
ــــــــــ
واحشاني جدا جدا جدا .. واحشني مواضيعك الدسمة
هي مش هتبقي ضاني بس ما فيش مانع
انا لما دخلت ع المطبخ ما اقولكيش
كل الحلل والصواني كانت بتستخبي مني .. اه امال ايه .. اصل انا برومبة




بنت سعد
ــــــــ
ما فيش فايدة فيكي ... دايما تفتكري في ام البؤس والشقاء الازلي اللي في ام الكرة الارضية وتروحي دب في وشي مرة واحده
ايه يابنتي انتي متصلطة عليا
طب عيني في عينك كدا .. مش هتاكلي لحمة
ابقي ادعي لبتوع الصومال .. يمنغ غنهم بتوع اثيوبيا




استاذ ايمن
ــــــــــــــ
الله يسلمك يا استاذ .. وانتي طيب


نوران الشمعة
ـــــــــــــ
بصي بق يا ست نوران
وانتي طيبة



سمرا النيل
ــــــــــــ
ياجميلة .. والله بجد ليكي وحشة
انا بقالي فترة كبيرة جدا مفتقد ناس كتيرة قوي
دعواتك معانا يا ختي بقي عشان ربنا يكرمنا كدا زي ما كرم السدات انشاء الله
يقوم ولاد الايه دول مايلقوش حد يسقطوة .. فيمتحنوا هما فيسقطوا



حفصوتشي ام مصطفوتشي
ــــــــــــــــــــــــ
اولا
الله يخليكي ويكرمك يارب
ثانيا
كل سنه وانتي طيبة يا اجمل حفصة في العالم
ثالثا
انا اكلت الاكل اللي كان مفروض اكلة في تلات تيام مرة واحدة .. وشربت وراهم ازازة سفن
تفتكري يا حفصة يا ختي ازازة السفن دي هي اللي ما خلتنيش افتص ؟



تخياتي الي الجمييييييع

Sampateek said...

إعدام صدام
سجل رأيك
موقفك
إحساسك
و لو على الورق
!!!

بعدك على بالى said...

الاول كل سنة وانت طيب (رخامه برضه)

ثانيا عام جديد عليك سعيد ومبارك

ثالثا ذاكر كويس علشان الامتحانات، عاوزين ترم نظيف انظف من الصينى

رابعا وخامسا وعاشرا سلامتك ياجميل وبعد الشر عنك

زعرورة said...

مش فاهمة يعنى ممنوع نغنى على بعض ولا ايه

حتى انت يا بروتس هاتمنع الغنا

نغنى على بعض بالخير ماحنا طول النهار بيتغنى علينا يعنى

سيبك بقى .. المهم

كل سنة وانت طيب و تقوم كده باللسلامة

وتهرينا مواضيييع

والله انا نفسى اتابع بس يبدو ان الظروف بتعاندنى معاندة الاشرار

بس انا اقوى

فى انتظار مواضييعك وادعييلى اكتب انا كمان عشان كده بقى عيب قوى

زعرورة said...

باقولك ايه



ابقى تعالى تانى لاحسن نزلت واحد جديد

بس والنبى ماتنساش البخور والعروسة لاحسن باخاف م القررر


كل سنة وانت طيب والمرة دى عشان راس السنة

يارب تكون صحتك احسن

Sampateek said...

كل عيد و انت طيب
و كل سنة و انت بخير
و الف سلامة
و البقاء لله
و قوم ذاكر
وسلم على هيثم
--
نجحت الخطة

متغيرة شوية said...

كل سنة وانت طيب يا ادم باشا

فينك يا عم؟ مش ظاهر خالص؟

بص انت تخلص الامتحانات وتيجي عدل على الساقية ، بقالي كتير جدا ماسمعتكش..اوكي؟