Pages

Subscribe:

Sunday, December 10, 2006

احـــــــــــــــــه ببلاش



احه ببلاش .. يا ولاد الوسخه
.

فكرت مليا قبل ان اكتب موضوعي هذا .. احترت بين الاسماء كثيرا .. كان يراودني اسما .. اعتقد انه جذاب هو الاخر (احه بالانجليزي يا ولاد الوسخه ) لا اعرف لماذا اذيل كلماتي ببعض السباب .. ولكني استلذ بذلك جدا .. واجدها متعه لا تفوقها شيء .. واتخيل كل من له قلب رهيف .. يمر بالصدفة هنا .. فيجد مثل هذا الكلمات .. فاتخيل شكله ومقدار الصدمه علي وجهه فانكب ضاحكا لا يستطيع الحزن مهما تفاني في عمله ان ينال من مزاجي شيئا
.
بعد ندوة علاء سيف في الساقية ( للعلم : علاء سيف هو صاحب مدونة علاء ومنال ) وما اثير من جدل واضح حول موضوع البذاءات في المدونات كيف ان البعض لا تروقه الكلمات التي نسوقها معشر البذائين علي صفحات مدوناتنا .. ادي ذلك بالطبع الي احياء روح ( الاحه ) بداخلي .. حتي باتت هي الاخري تستنكر غاضبة اتهامات البعض الباطلة لها
.
اثار علاء .. موضوع مهم .. الا وهو .. هل البذاءات هي مجرد الفاظ .. ام معاني .. وهنا لاحت الابتسامه في وجه ( احه ) المسكينه .. وصرخت بعلو صوتها وتقول يحيا العدل .. يحيا العدل .. فانا لم احث ابدا علي معني بذيء علي العكس اطلاقا .. فانا احث علي الشموخ وعدم الهوان وعدم الخنوع والتصدي للظلم .. وهي كلها صفات النبلاء الكرام .. لم اجد ما اقوله لها هذه المسكينه الجريحة الفؤاد التي مازالت تبكي وتنتحب الي الان
.
اثناء تصفحي داخل اروقه صفحات بعض المجلات المشهورة .. وجدت شيئا اثار حفيظة ( الاحه ) بداخلي .. وجدتها تستنكر علي الناس الصلف والجمود .. وكيف لهم ان يكيلون بمعيارين .. كيف لهم ان يسمحوا للغرب .. ان يتراقصوا علي انغام ثراثنا المجيد .. وكيف لنا ان نترك لهم شخصيتنا يعبثون بها كما يحلو لهم
.
سالتها يا ايتها ( الاحه ) الجميلة .. القريبة الي قلبي .. ماذا بك ايتها السمراء .. سمار النيل .. ايتها الخمرية .. بلون الطين .. قالت لي والدموع تنهمر من علي وجنتيها .. كيف لنا ان نتنازل عن هويتنا .. وكيف لنا ان نكيل بمكيالين ونظلم انفسنا ونعطي الحق كله مع الزياده لاهل الغرب .. الغاصبين
.
قلت لها كيف ذلك يا جميلة .. ارجوكي لا تذيدي من شقاءي
.
قالت بصوت عذب يملئه الحنين : كيف لهؤلاء المجرمين السفاحين القتلة .. اصحاب القلوب الغليظة .. اصحاب الاخلاق الوضيعة ان يحرموك من قولي وانا روحك .. وانا انفاسك .. وانا دماءك في الاورده .. ثم يسمحون للاخرين وعلي الملئ ان يقولني .. بفم اعوج قبيح استنكره .. أني لاحب الي نفسي ان اُنسي في طيات الزمن العاتي .. ولا اخرج الا علي لسانك انت حبيبي ومعشوقي الاول
.
قلت لها .. فم اعوج ؟ كيف ؟
.
قالت يذهب المرأ .. من اخوانك واصحابك الذين يبادلونك السباب في السر .. ويعلنون مودتك في العلن .. ليشتروا بجنيهات عده .. جريدة اسبوعية تنشرني لهم علي الملئ .. وبلهجة انجليزية .. قلت لها كيف ؟ .. كيف ذلك وانا الدكتور الوحيد في هذه البلاد ؟
.
قالت لي .. انظر بنفسك واحكم ؟

.
.




وعندما نظرت الي الكلمة .. لم اجد ما ارد به علي نفسي .. او ما اواسي به هذه ( الاحه ) المكلومة الجريحه .. فردت هي وبكل كبرياء .. انا الان .. اوجه الي كل العالم سؤال
قلت وما هو سؤالك يا اقرب الناس الي قلبي ؟
.
.
ليه الواحد يروح يشتري .. الجرنال باتنين جنيه .. عشان يقرا كلمة ( احه ) بالانجليزي .. بالرغم . انه ممكن ييجي عند حبيبي .. ادم هنا في البلوج ده ويقراها ببلاش ؟
.
اصاب السؤال زهول كل من سمعه .. لم يجد احد الرد المقنع علي عشيقتي وحبيبة فؤادي .. ولازم الجميع الصمت
.
.
الي لقاء اخر
لماذا احه .. يا ولاد الكلب ؟
ادم المصري
اول دكتور احه
اول عاشق احه

29 comments:

كلبوزة لكن سمباتيك said...

و اشمعني الثلاث حروف دول للتعبير عن القرف و التزمر؟
ما ممكن نقول
يوووه
او ييييه
او
اوباااا
---
انا كمان اتكسف اقولها و محبش اسمعها
علمونا كده و احنا صغيرين
انها كلمة اياه لكسكلياه
--
الخمسة جنية اجرة التاكس تحت عتبة البلوء
و تعيش و تفتكرني

Anonymous said...

ادم
رغم اني عادة مبحبش ادخل في مناقشات من هذا النوع
و كذلك مبحبش اقعد في وسط ناس بيتلفظوا ببذاءات سواء بالعربي او بالانجليزي
و بما اني دخلت هنا قدرا فـ بس احب اقولك
ان الروح كالسائل غالبا ما تأخذ شكل الوعاء التي توضع به
و دا رأيي بإيجاز شديد

tona said...

يخرب عقلك يا ادم
انت ايه يا ابني

مفيش مره ادخل عندك والا الاقي نفسي بضحك من قلبي
ساعات بضحك من كتر الحزن عشان هو دايما في هم بيضحك


عبر عن رايك بالطريقه اللي انت شايفها مناسبه
ومتخليش حد ياثر عليك ويخليك تتكلم او تتصرف بالطريقه اللي هو شايفها مناسبه


وعن موضوع البذاءات فانا برضه لسه معرفش هي المفروض تتحصر في الفاظ معينه ولا افكار معينه والا ايه بالظبط

وبعدين الشئ اللي انت بتشوفه بذئ ممكن جدا يكون عادي بالنسبه لغيرك

بس في ناس اتعودت انها تحرك كل حاجه علي حسب ذوقها الشخصي

ارفع راسك يا اخي وعيش حياتك انت وحبيبتك



سوري علي الاطاله

توهة said...

ماتخفف العيار حبتين يامستر ادم

وبعدين ممكن نعبر عن رفضا بكلام اخر واللغه العربيه خزائنها تعج بالكلمات واكفى على حبيبتك مجووور عشان تقاليد المجتمع اللى سبق وقلت انا عنها اننا بنرضخ لها فى النهايه مهما كان رفضنا ليها وانت عارضتنى ياباشا


فانتاااااااااا
فانتااااااااااااازيا

smraa alnil said...

تصدق بقي انا هبهدلك في المحاكم وهرفع عليك القضايا اللي لا يمكن عقلك يتخيلها
عشان ذاكر اسمي علني كدة من غير ما تاخد اذن كتابي مني
ههههههههههههه
ماشي يا ادم
بالنسبة للبوست دة
فانا فعلا شايفة ان اللي يناسبك ممكن مش يناسب غيرك
انا معاك اني قلتلك اتكلم قبل كدة ومش يهمك من الناس
بس لازم الواحد يراعي مشاعرهم
كلنا ممكن نتظاهر ونقول عيب ومش يصحك واحنا ممكن من جوانا نبقي فعلا زي مانت قلت نصرخ بيها او بتبقي مواقف تقلائية كدة مش ينفع معاها غير انك تعترض
ههههههههه
بس بصراحة يعني مش بحب اقول الكلمة دي
بس لو طلبت معايا بقول اعترض

Anonymous said...

ثلاث حروف ...أتجمعوا..عملوا..كلمة...معبرة عن الواحد أوى .. بس الناس صنفوها شتيمة ...عليها العوض..ضاعت مننا

قول (للأحه)أهون عالناس يقرئوكى إنجليزى ...عشان منصدمش الناس لما تلاقيكى

Anonymous said...

Ana m3a kalboza en feh many ways enak te3len enak mosh tai2 aw 2arfan

mosh lazem el sobab we l shetima

walahy ma 3arfa bs tool 3omrna mamno3 ne2ol el klam da 3lshan mo2dbeen b2a we keda

we sar7ten ana lma basm3ha aw bashofha batna7 m3rfsh leeh

bs o7yeek 3la gar2tek fel mawdo3

we kol wa7ed leh weghet nazro

Nouran said...

طبعا انت عارف موقفي من الكلمة من اول ما نشرت رسالة الدكتوراه وتوابع رسالة الدكتوراه طبعا انت وصفت حالتي من الصدمة وشلل الايدين عن الكتابة او غلق الصفحة ده اصابه نوع من انواع التلعثم ف القراءة ومفهمتش حاجة من اللي انت كاتبه بس انا عديت علشان اسلم عليك يا ادمز
واضم صوتي لصوت كلبوزة :)

Epitaph said...

يعني انا بتقعد تضحك عليا من منظري كل ما اقرا *** بتاعتك دي

ههههههههه

طب يا سيدي
مقبولة منك
ولا بلاش مقبولة دي احنا داخلين علي امتحانات برضه
امتياز منك
ههههههه

انا مع كلبوزتي

الاعتراض من لازم بالالفاظ الجريئة و البذيئة
ممكن اسجل اعتراضي باسلوب اكثر رقي من تدني الالفاظ
معلهش اني باتكلم صراحة كدة يعني

اسلوب الصدمات
مش دايما بيجيب النتيجة المرجوة


و مع ذلك
فهي مساحتك الحرة
اعمل اللي انت عايزه
:)

tazart said...

دوما رائع بشكل صادم

ادم المصري said...

احلي كلبوزة في الدنيا

لان كلمة يووووه
او يييييه
او اوبااااا

مفهاش نفس القوه الموجوده في كلمة احه
ثم انهم اصلا مش بيعبروا عن الشخصية اللي المتمرمطة في المشاكل والقرف

ياعني تخيلي واحد كدا طالع تربت تيت امه .. لما ييجي يتضايق يقووول ييي ؟

اظن هيخلي كل الناس تضحك عليه بصوت عالي وتقوله اسمها
احه يا .. امك



نمنماية
ــــــــ
اهلا بالزيارة التانية يا ست منمنمة
احب اقولك اني طبعا مش موافك

لان الروح خير كلها .. الروح دي نفخة ربنا في جسم من طين .. اما النفس هي التي قد تحمل في طياتها بعض الشرور

اعتقد ان الظروف المحيطة ونوع التربية .. هما عاملان مهمان في تهذيب النفس البشرية

فلا تلمومي طفل ولد علي اسرة من الحرير .. بطفل اخر ولد في ردهات السجون

اخيرا اقول لك شرفني تعليقك .. وان كان به ما جرح نفسي



تونا
ـــــــــ
وحشاني والله يا جميل
متشكر جدا علي الدفعة القوية دي
.. اظاهر كدا .. اني هاعمل لاحه مقام .. وابقي انا ولي
هههههه
شكرا يا جميل علي الزياة



فانتا
ـــــــ
مين اللي حط تقاليد المجتمع .. واتحطت امتي ؟
احب اقولك ان التقاليد دي شيء واهي بيذوب مع اول مراحل النمو والتقدم

قديما اعدموا من تحاول وتجرا وقال ان الارض كروية

وبعدها .. اقاموا الدنيا ولم يقعدوها .. لمن قال ان الارض تدور حول الشمس وليس العكس

احب اقولك .. ان احنا اللي بنحط التقاليد واحنا اللي بنشيلها ولو فيه حاجة حطينها غلط ... يبقي لازم تتشال وفورا



سمرا النيل
ــــــــــــ
اسف جدا جدا يا جميل اني كتبت اسمك علنا من غير اذن كتابي منك

واوعدك المرة الجاية هبقي استاذن الاحه بتاعتي واجيبها نعتذرلك

مشكرين علي الزيارة .. ويجعله عامر





نوران .. ضاع عقلي
ــــــــــــــــــ
انتي اكتر واحده فهماني يا بنتي
الحمد لله
كفاية عليا الكومنت بتاعك بقي
واوعدك اني ابلغ رسالتك للاحه تبعي



ماعلينا
________
مرسي قوي يا جميل
انك لسه ريممبر مي .. وانك لسه لحد الوقتي كام هير عندي

انا بقي بصراحه نويت اعمل فيكي زي ما بتعملي فيا ... وقررت اكتبلك انجليزي بحروف عربي .. واخليكي تعملي زي ما انا باعمل ودا الحل الوحيد

وان داي ونا ماشي في الشارع .. باشوف ماني بروبلمز كتييير .. استحالة الواحد فيها يقول غير كلمة احه

صدقيني دي بقت ادمان

ما ينفعش التنازل عنها ... ابدا مهما حصل




نوران شمعه
ـــــــــــ
ليه ؟
اوجه ليكي ولكل واحد اعترض السؤال ده .. ليه ؟

بتحسي بايه لما تقريها او تسمعيها ؟
بتفتكري ايه لما تسمعيها او تقريها ؟

ولا انتي بس بتفتكري اشكال الناس اللي ممكن تقولها ؟

لو كان اجابتك علي السؤال الاخير .. بــ اه

فاحب اقولك اني واحد من الناس دي .. وابويا برده من الناس دي .. واخواتي برده من الناس دي



ابيتاف
ــــــــــ
مين اللي عنده القدرة ان يستصدر امرا .. يؤكد فيه رقي كلمات ودنو اخري

الزوق العام .. لابد له من الاختلاف ... ولا ادعي اني شخص راقي .. او ذو مكانة

ولكن يكفيني فخرا .. باني ادعي اني مازلت انسانا .. له حق الاختيار




تمتم جميعا بحبي
اشكركم واشكر لكم كلماتكم
ادم المصري
اول دكتور احه
اول عاشق احه

FrEe.PhArAoH said...

ادم

على فكرة بنظرة واقعية خاليه من محاولة الوصول للمثالية الزائفة
كلمة احه بتطلع لا ارادى عند 99 ف الميه من الشباب تقريبا .. مش عارف مبالغ ولا لأ فخلينى اقول اللى انا قابلتهم .. هى عامة احه مش مسيئه للشخص اللى بتتكلم معاه .. احه دى بتوضح اعتراضك .. انت ممكن تقول ايييييه .. او ايه ده .. او مثلا ليه يعنى .. حاجات كدا .. انما احه اكيد ليها اوقاتها .. انا مش ضدها انما مش مع انى اقولها ع الفاضى والمليان .. احه اعتراضيه بتخرج شحنه غضب لازم تخرج .. واكيد مش هقولها الا على شئ يستدعى الاحه .. انا مش مع محاولة الوصول لمثالية زائفة .. الاحه منتشره رغما عن الجميع .. لكن جزى الله خيرا من بعد عنها .. صحيح انا مشفتش بنت بتعترض باحه ليه ؟؟ .. هل دا خوفا ع المنظر العام ولا مثالية بجد .. الله اعلم
عامة انت حر واللى مبيقلهاش حر .. واللى مش عايز يسمعها حر وانا مع كل دول بحيادية تامة

تحياتى

Anonymous said...

ايه يا عم ادم عيب والله الكلام ده وعيب اللى بيحصل ده ومش لاقى غير انى اقول احااااا للابد
وانا من هذا المزنق انادى بحريه قول احا كجمله اعتراضيه فى برومهات البرامج التلفزيونيه لان اللى بيحصل فى البلد عايزله وقفه وعايزله تحيه اسكندرانيه من الخيشوم بجوار كلمه احا لتاكيد الاعتراض وايضاح اهميته

ادم المصري said...

ايها الثورجي العظيم
ــــــــــــــــــــــ

اوافقك الراي تمام
وما دمنا سنحترم من يخالفونا .. فيجب عليهم بالمثل ان يحترمونا هم الاخرين



ياسر شمس الدين
ــــــــــــــــ
اوافقك الراي .. تماما
واضم صوتي لصوتك ومن هناك .. من زنقتك ونزقة كل المصريين
بحاول ازع كل الارض باحه

توهة said...

إحنا بنصنع التقاليد صح بس للأسف مابنعرفش نلغيها مهما كانت غلط ازاى ؟؟ ماتسألنيش



فانتازيااااااااااا سابقااااااا وتائهه حاليااااااااااا

Anonymous said...

بصراحة
بعيدا عن الكلمة و الكلام ده كله

ضحكتنى أوى أوى أوى
مع إنى على فكرة بتقرف جدا من الكلمة دى
و ممكن الواحد يعبر عن ضيقه بأى كلمة تانية إلا دى

و مابحبش الولد أو البنت اللى بيقولوها و خصوصا إن ليها طريقة معينة كده

بصراحة تقرف

بعيدا بقى عن كل ده

دمك خفيف جدا جدا جدا
لأ جامد يعنى


مها

Anonymous said...

طالع تربتيت امه ازاي يعني؟
برضه يقول اللهم يطولك يا روح يقول اف زهقت
بس ا ح ا
دي عيب خالص
اضحكك بقي هنا في السعودية نمر العربيات بتكون ثلاث حروف و ثلاث ارقام
و كتير بشوف المنظر ده
560 احا

بفتكرك على طول
ههههههههههه
مش واحدة و لا اتنين
دول 560
هههههههه
سلام مربع

شجره الدر said...

ادم اللللللللللله يخرب عقلك
ايه يابنى ماتريح نفسك
على فكره انا كنت فاكره الكلمه دى عيب لغايه لما اتصاحبت على بنوته من الثغر الباسم -اسكندريه- ولقيتها بتقولها كتير بس مع تحريف بسيط هى بقت (أحى) هى بتقولها لما تنسى حاجه او لما تستهجن حاجه بالظبط زى كلمه (أحا)اللى الشباب بتقولها
انا شايفا ان لكل واحد لغه بيحب يعترض بيها
اراء صادمه دائمه يا أدمتى
بااااااى

Anonymous said...

مش عارفة ايه اللي انت مش موافقني فيه يا آدم رغم ان تعليقك نفسه بيقول انك موافقني
طبعا انا مقلتش ان الروح دي حاجة وحشة
انا بقول ان النفوس هي اللي فيها الحلو و الوحش
و اذا الانسان لم يسع الي تهذيب نفسه فبالتاكيد الروح في النهاية بتعتل
يعني عمرك شفت واحد شرير بس روحه حلوة ؟
لو حطينة كوباية ميا زي الفل في وعاء متسخ تفتكر هتفضل الميا زي الفل؟؟
و بعدين مفيش حاجة اسمها متلوميش اللي اتولد في ردهات السجون لانه ممكن يهذب نفسه
لكن في ناس مع اعتيادهم الالفاظ او السلوكيات اللي مش حلوة بيتعبروها في النهاية بالنسبة لهم عادي او مش بيعتبروها ميصحش تتقال من كتر ما قالوها و اتعودوا عليها
و مش عارفة ايه اللي جرحك في ردي رغم انه ليس اسقاط علي اي شخص ايا كان
دا مجرد رأيي
و المفروض اقول ان انت اللي جرحت عينينا بالكلمة اللي اتكرر حوالي 9 مرات غير العنوان :)

ادم المصري said...

انا مش عارف اقولك تايهة
لاني مش حاسس كدا

خليني اقولك فانتا برده
ــــــــــــــــــــــ

انا شايف ان اللي يقدر يبني يقدر يهدم وان كان البني اصعب كتير م الهدم
يبقي الاولي ان احنا نهدم كل الغلط


مها
_____
سلام مربع جدا جدا جدا
للاستاذه مها
بجد والله يا جميل اخجلتم تواضعنا
مش عارف اقولك ايه بصراحه
اصل انا م النوع اللي بيتكسف
ووشي يحمر بقي
ووداني تحمر وتسخن واتبرجل
واقع
وانا دلوقتي واقع اهوه
ههههههههههه
متشكر جدا جدا علي الزيارة وياريت تتكرر



احلي كلبوزة في الدنيا
ــــــــــــــــــــ
احه دي عيب خالص ؟؟؟؟؟؟
يا نونو ... ههههههه
بصي هو انا شايف انها جميلة جدا ياعني حاجة كدا زي بونبوناية
مليانه سكر



شيكولاتية
ــــــــــ
بصراحه الاستايل بتاعك المرة دي مالوش حل
حاجة كدا لايقة علي دلع الشيكولاته
ايه رايك في مهرجان الشيكولاته بتاع الساقية .. هو معمول علي شرفك ولا ايه ؟
بصي .. بتوع اسكندرية .. او بتوع القاهرة او حتي الصعيد
كلهم بيقولوا احه
لكن لزوم الايتيكيت بقي الناس بتتدلع




نمنماية
ــــــــ
علي فكرة انا ممكن اسيب الموضوع الاصلي ونتكلم في الموضوع دا سنين
انا برده مش معاكي

حتي لو كان الانسان فيه كل الصفات الدنيئة .. فيوم القيامة .. اللي بيتعذب هو الجسد .. وليس الروح

تذهب الروح الي بارئها .. ويبقي الجسد مع نفسه يلقيان المصير المحتوم

اما تعليقك فكان فحواه
ان الروح كالسائل
تاخذ شكل الاناء الذي تحتوية

هذه العباره .. بها ما يؤلك يا نمنمة .. خصوصا انك تركتيها وحدها تعبر عن قصدها

اما مقارنتي ين الطفلين .. فاعتقد انها كافية لتبرير وجهة نظري

كيف لفرد ولد في ردهات السجون ان يستقي خيرا من ساقي الشرور .. كيف له ان ينجوا بمعدته من الخبث وهو ياكل من مخلفات البطون

ام انكي تظني فيه بالملاك المهتدي من خالق البرية .ز او ان الله يبعث له برسول يهديه الي النور المبين ؟

في المجمل اشكرك كثيرا انك .. مازلت تحرصين علي التواصل بيننا
لك السلام والي لقاء قريب









الي الجميع
لكم حبي
لكم قلبي
ادم ومصري
محب احه
عاشق لها

مُزمُز said...

العزيز آدم المصري أبو البشر
تحياتي لك أولا وأشكر على زيارة مدونتي
الموضوع جااااااااااااامد فحت جداجداجداجدا وأسلوبك فذ يا جدع وقمة في المسخرة
بلغ تحياتي للسيدة أحة
قوللها معاذ بيقوللك كلنا فداكي
بالنسبة لسيدتنا أحة عطرة الذكر وحاملة السر تلك التي ظلموها وهجروها ومنعوها وهل تمنع إلا الأشايء الجميلة؟

ألم يطرد ابن رشد؟
هل أحة في قيمتها الفلسفية الأبدية الوجودية الأزلية تقل قيمة عن ابن رشد؟
طبعا لأ

في نقطتين مهمين عندي واقتراح مهم
يا ريت تسمعهم بقى

النقطة الأولى
الإنسان المصري اللي لسة ماعملش دوكتوراه في أحة يبقى ما بيحسش أو ماعندوش دم

النقطة التانية
لا تةجد أي ألفاظ في اللغة العربية الفصحى أو العامية تعبر عن المعاني العظيمة الكامنة في هذه الكلمة الصغيرة حجما والكبيرة مقاما ولا أي أوبجيكشن في الكون يساوي لنا كمصريين ذلك اللفظ العزييييييييييز جداجداجدا وخصوصا لوقيلت بصيغة تساؤلية بحيث يكون الستريس على الحاء والهاء ويا سلام لو سبقت بشخرة قصيرة فهذه قمة البلاغة وذروة الفصاحة اللغوية وتغني عن مليون كلمة اعتراض

نيجي للاقتراح المهم جدا
لابد من البدء فورا في حملة أحاوية لتجميل وجه الأحة العظيمة ولجعلها على لسان كل مواطن مأحوح من الدنيا واللي فيها
ولنسميها حملة
شباب في من أجل أحة
لو وافقت على موضوع الحملة قوللي بس وأنا أول واحد هابدأ بالدعم على جميع المستويات
عذرا على الإطالة ولكن الموضوع جدا خطيييييييييييير والوفاء لأحة يحتم علينا الرغي
تحياتي
وعاشت الأحة حرة مستقلة

ادم المصري said...

مزمز
ـــــــ
اهلا اهلا منقذي
حبيبي في الاحه
اخيرا لقيت اخ ليا في الاحه
قشطة في الفكرة الجامده دي
انا هحاول
وانت تحاول
وزي ما فؤاد حداد
زرع كل الارض مقاومة
انا ناوي ازرع كل الارض باحه
وايدي علي كتفك



ادم المصري

Anonymous said...

طب والله انت حد بيفهم :D

Anonymous said...

عجبتني موت نظرية الاحه يا ادم الى الامام داءما يا رب

محمد صبرى said...

مساء الخير تحياتى للجميع

طبعا أنا أعرف مدونتك آدم المصرى من فترة و دى مش أول مرة أشوف فيها المدونة يعنى .. المهم استفزنى شوية مسألة دفاعك عن الآل ايه بذاءات دى .. فقلت أقول رأيى بالمرة يلا مهى حرية رأى بقى جت عليا

و المهم أحب أقول نبذة تاريحة بس عنى عشان نبقى على نور (يمكن يبقى ليها فايدة) و فى الأخر لك عندى مفاجأة .. أقصد تدوينة قديمة

زمان و أنا صغير ..( طبعا كنت بحلم أبقى كبير يعنى) انما مش ده المقصود هو تقدر تقول كده قبل حتى ما احلم ابقى كبير أهلى قرروا أن انا كبير هيييييييييي شوف كبرت بسرعة ازاى .. آه و الله زى ما بقولك كده أهلى قرووا انى ناضج و من حقى مثلا أشوف أفلام على كل شكل و لون بدون تحفظات أو أى رقابة طبعا طلعت بقى واد متفتح من يومى المهم برده القناة الأولى و التانية مكانوش بيعملوا تفتح كبير اوى فقرر أهل حتتى أنى أكبر من كده فعملوا ايه بقى .. عرضوا فى القهوة اللى فى طريقى و انا ماشى فى الشارع آل ايه يا اخويا بذاءات سمعية و بصرية ..فيلم بورنو م الآخر يعنى .. المهم طبعا محاشنيش انى لسه عيل فى خمسة ابتدائى انى اتفرج و لا منعنيش فكرة أهل الحارة عنى و انى واد مؤدب انى ازاحم و اتقدم الصفوف و ممنعنيش برده خوفى ان استاذتى اللى كلهم عارفينى باعتبارى مش اى حد يعنى انى برده ابقى على اهبة الاستعداد انى القط اى صورة و كلى آذان صاغية أنى اسمع اى مقطع صوتى و ربنا وفقنى زى ما حضرتك شايف و نشأت فى بيئة بعيدة أوى عن الكبت و كلها زى ما ناس هتقول دلوقتى انحلال و مية فل و اربعتاشر و بقيت دكتور برده ..دكتور متتصورش لمة طلبة اعدادى(طبعا مش اعدادى طب) بعد كده عليه عشان يحكيلهم عن اللى شافه و اللى عمره ما هيجى على خيالهم و لا على خيال أهلهم قبل ما يوصلوا للسن اياه و يبدأوا يدورا على الأفلام اياها بمجهودهم الخاص ..كان دورى الثقافى فى المدرسة لا ينكر بصراحة و رغم كده كنت برده الولد المتفوق اللى له مكانته بين الناس ( و الله انا كنت حكاية يا اخى) ولما كبرت بقى و وصلت سن المراهقة زى ما حضرتك شايف فى امان الله كنت عاوز اثور بقى على تقاليد المجتمع زيى زى غيرى ... مهو مينفعش كده بصراحة لازم يكون فيه حاجة اتمرد عليها امال ابقى مراهق ازاى :(( المهم فى سن المراهقة بقى بقيت اروح اكتر الكافيتيريات المشبوهة و لما يسالونى فى البيت أقولهم بكل بجاحة كنت فى كافيتيريا كذا و استناهم يعترضوا مفيش فايدة .. ان حد يقولى لأ بس عشان يبقالى حاجة اقول انا اتمردت عليها محصلش بصراحة... بذمتك مش حاجة تحبط:(( ..دورت على سكة تانية اتمرد فيها فربيت دقنى و عشت الدور برده محدش اعترض .الله دا مفيش فايدة بقى فقلبت ع الوش التانى بقيت اروح لاكثر الشيوخ عصبية اجيبيله جنان من اسئلتى فى مواضيع زى القضاء و القدر مثلا و الراجل يبتسم و ساعات كان يجاوب عن بعض الاسئلة بصريح العبارة بانه ميعرفش .طيب فكرة اتمرد عليها و مش لاقى ادرو بقى على حد بيكرهنى اتخانق معاه و خلاص برده ملقيتش ..كنت محبوب م كتير من اصحابى :))))..بصراحة كانت حاجة تخنق بجد لما تبقى فى مرحلة تمرد و مش لاقى لا فكرة و لا شخص تتمرد عليه و يقابلوا تمردك ده بشكل عنيف عشان التمرد طبعا يبقاله معنى.. المهم نسيت اقولك عشان الصورة تبقى كاملة جنب الثقافة المسموعة و المرئية الهايلة اللى كانت متاحة ليا دى كان فيه فى البيت مكتبة حتى دى كمان مكانتش محددة الهوية و كان كل حاجة فيها على كل شكل و لون ( بلا اتجاه يعنى


طبعا أنا بحكى التاريخ المشرف ده كله لهدف مش اعتباطا كده يعنى ..حبيت اقول بس لكل اللى هيقرا اعتراضى على ما يسمى آل ايه بذاءات انى لا عايش فى برج عالى و فاكر ان البذاءات دى مش موجودة وان اللى بيقولها قلة قليلة مندسة و و لا أنا متربى ع الدين و لا حاجة من دى و عشان أوضح كمان أن البيئة بتاعتى دى اللى لا ليها معنى و لا شكل و لا لون و اللى اغلب اللى طلعوا منها عايشيين فى الضياع و التوهان اديتنى حاجة مهمة اوى ... ادتنى هدؤ غير عادى فى مناقشة اى فكرة علمتنى ازاى اكون موضوعى من غير ما يكون هدفى مجرد انى اتمرد على عادات أو قيم .. كل ده عرفته و عرفت معاه ازاى افهم الاختلاف .. و ازاى احترم الاعتراض اللى الناس احترمته فيا و مكبتتوش ... يا جماعة انا مكنتش مكبوت و ممنوع منىكلمة اعتراض عشان اقولها .. انا مش مكبوووووووووووووووووووووت... و صلت كده :((

طيب نرجع مرجوعنا لموضوع ال آل ايه بذاءات زى ما عمنا آدم مسميها

و السؤال بقى هى البذاءات دى مرتبطة باتجاه عشان الاعتراض عليها يصنف على انه اعتراض على حرية راى ؟؟


و البذاءات دى يا ترى ايه تأثير وجودها من عدمه ؟ و هل فيه ليها بدايل


و هل فعلا عمنا آدم مؤمن باللى بيقوله من ان المهم المضموض و المعانى مش الافاظ؟؟

اجابتى المتواضعة على أول سؤال بالنفى لان الكلام الابيح ده ممكن يقوله اى انسان مش حكر على فئة معينة من الناس يعنى و عليه فاعتراضى عليه مش اعتراض على فكر معين و اتجاه معين موجود فى البلد دا اعتراض على اسلوب فى عرض الفكرة مرفوض من معظم الناس


بالنسبة لتانى سؤال فبيتهيالى يعنى ان اى كلمة ابيحة ليها بديل بكلام تانى عادى و مقبول للكل فيبقى ليه احاول اتمرد على قيم معينة رافضها المجتمع اذا كان البديل موجود.. الا اذا كان التمرد بقى تمرد لمجرد التمرد زى ما هو واضح فى كلام آدم و هو بيقول انه بيفرح اوى لما يتخيل مجرد يتخيل ان حد له قلب رهيف دخل و قرا بالصدفة.. و على كل بقولك يا دكتور آدم لو كنت داعية حوار بين الجميع زى ما بتقول فالافض انك تختار الاسلوب اللى يقبله الجميع و تعرض بيه اى نوع من الافكار ... اما اذا كنت ناوى تفتح عرزة فربنا يوفقك


و بعدين هل عمنا آدم أو حتى علاء سيف مؤمن باللى بيقوله و ان المهم المعنى و ليس اللفظ

طيب شوف اللينك ده كده من مدونة آدم المصرى طبعا http://et7ad-modwnin.blogspot.com/2006/08/blog-post_20.html

هتلاقى ان سيادتك بتقول بالحرف الواحد عن كلام بيسو اللى زعل صوت الحب انه كلام ميتقالش الا فى غرزة .. طب بذمتك مش ده تناقض ازاى يراجل تزعل م اللفظ دا انت دكتور احه .. عيب عليك دايما بص للمعنى و سيبك م اللفظ . و لا انت بتسيبك على سطر و تتاثر م اللفظ على سطر زى اللى قلبهم رهيف



و شوف كمان كده اللينك ده http://taboohat.blogspot.com/2006/08/blog-post_11.html

هتلاقى فيه علاء باشا سيف بيقول انه المفروض قعلا يراجع نفسه فى الفاظه .. و اللى اثار الموضوع ايه انه قال لفظ زفت بس .. و مع ذلك اتفهم غلط من مدونين يساريين (على فكرة بحبهم جدا لان فعلا مدونتهم تابوهات بتعرض افكارهم من غير ما يحتاجوا انهم يقولوا آل ايه بذاءات)


المهم شوف بقى أدم و هو بيناقض آدم.. و علاء كمان و هو بيناقض علاء

ع العموم ليا تعليف تانى ع الموضوع ده

Anonymous said...

a7aaaaaaaaaaaaaaaaa shooo 7elew kteer lazeez

ادم المصري said...

محمد صبري
ـــــــــــ

كنت اود جدا لو كنت تركت ايميلك فانا لا اثق في ان يصل اليك ردي هنا

اولا احب ان اشكرك علي التحليل الرائع والموضوعي عن حق في قراءة للمودونة بشكل عام
والذي ان دي فيدل علي تربية مختلفة بالفعل



اولا بالنسبة لمدونتي هذه .. هي صفحة من حياتي تابعتني في سعادتي وفي ضيقي
وشهدت معي لحظات تحول كبيرة


ولم احاول ابدا ان احذف المواضيع المتناقدة منها .. والتي ان امعنت النظر قليلا لن تجدها بالقليلة


ولككني اعترف اني يوما ما هاجمت خيال الظل بيسو .. ولكن كان الاسلوب الذي يدعو هو اليه يختلف تماما وكليا عن اسلوبي انا الذي ادعو اليه

وبالرغم من ذلك انا ذهب اليه اكثر من مرة مكررا اعتذاري له ولم اجده مرة واحده يعيرني اهتماما او حتي يرد علي ردي في مدونته


بالنسبة لموضوع الاحه والدكتوراه .. فهو موضوع لم يثار الا بعد تعرضي عن حق لمشكلة حقيقة

وكانت اول مرة في حياتي وانا ابلغ من العمر العشرين اتعرض لمشكلة فعلا فكل مامضي كان هراءات

كنت ابحث عن عمل يكفيني فترة اجازتي ولا يجعلني اطلب المدد من الوالد الذي كل منا وتعب

ونشرت معاناتي في البحث عن العمل وكيفية حصولي عليه في بوستين سابقين اظنك قراتهم مدام انت مطلع بهذا الشكل

ولكن ابتدت تظهر الاحه في حياتي بشكل مثير للانتباه عندما بدات اتعرض انا الطالب الجامعي في اخر سنين كلية الهندسة والذي ينظر لنفسه بنظرة فخر الي معاملة صاحب العمل التي تنم عن جهل في محل العصير

وطبعا ظهر اول موضوع واللي هو تصنيف احه .. ولم اكتفي بذلك حيث ظهر الموضوع الثاني بعدها مباشرة بعد ان تركت العمل بسبب حفاظي علي كرامتي من هذا المخلوق الجاهل الذي لا يتعامل الا بمنطق الفلوس والمستويات الطبقية الذائفة


ثم تصادف ايضا حدث ثالت وهو صدور نفس الكلمة التي دافعت عنها كثيرا وهوجمت بسببها كثيرا في احدي الصحف المشهورة ولم تتحرك شعرة في راس احد .. ثم كتبت موضوعي هذا والذي تشرف تعليقك عليه


بعد الموضوع الاول والثاني بدت الصورة لي ليست مجرد موضوع مثير نشر علي المدونة ولكني اردت ان احمله جزءا من الجدي الي حد ما


واردت ان اوضح للناس بمعني جليا ما هو مرادي من هه الكلمة التي لا تثير بذاءة ابدا ولكنها رفضت لمجرد الرفض

ثم كتبت القصيدة اللي في اخر لينكات الدكتوراه


معرفش هل انا كدا اكون وضحت حكايتي مع الاحه المسكينة ولا لا


شكرا ليك مرة اخري ومستني تعليقك التاني اللي انت وعدت بيه


تحياتي

Mohamed Ellithy said...

يا جماعه كلمة احا لم تكن كلمه بذيئة . كانت هذه الكلمة قديما يستخدمها صفوة القوم بمعنى انا حقا اعترض .
ولكن بعد ثورة 1952 تناقلت بين العامه والغوغائيين على انها كلمه بذيئة .

Mohamed Ellithy said...

يا جماعه كلمة احا لم تكن كلمه بذيئة . كانت هذه الكلمة قديما يستخدمها صفوة القوم بمعنى انا حقا اعترض .
ولكن بعد ثورة 1952 تناقلت بين العامه والغوغائيين على انها كلمه بذيئة .