Pages

Subscribe:

Tuesday, December 26, 2006

العالم كله بيشوف هيثم


بصراحه مش لاقي كلام تاني اعلق بيه بعد غياب طويل جدا ... كان نفسي اكتب حجات كتيرة قوي .... شعر جديد ومقالات معينه عايز افضفض بيها لروحي .. لكن الخبر دا .. احلي من اي شيء تاني ممكن ابوح بيه لنفسي او لاي حد .. هيثم فنان ممتاز يستاهل اكتر من كدا بالاف المرات .. انا فخور جدا اني باقول وسط صحابي .. الفنان دا .. اللي طالع في الجرنال دا .. واللي بكرة اسمه هيبفي اكبر اسم انشاء الله صاحبي .. مين عالم
بكرة يا هيثم .. مش هنعرف نخترق الزحمة اللي هتكون حواليك ولا البودي جارد علشان نعرف نسلم عليك حتي .. بس انا عارف انك ابن حلال .. وهتبقي تسلم علينا بعد الناس ما تروح وبعد البودي جارد تمشي .. عشان احنا صحاب .. مش كدا ؟
جوايا كلام كتير قوي قوي قوي عايز اقوله بس مش عارف اعبر عن اللي جوايا .. الشعر واقف علي لساني يا فنان .. انا فرحان جدا دا جدا .. انا بعد ما رجعت من حفلة هيثم اللي في الساقية .. كنت ماشي باتطوح .. تابويا فكرني شارب حشيش .. هيثم !!! .. روح يا شيخ الله يعمر بيتك .. انت خدت فيا ثواب .. انا كنت فقط الامل في اي صوت جديد ومسيقي حلوة بجد
يمكن قراءة الموضوع من هنا ايضا

9 comments:

Mohamed A. Ghaffar said...

ياريتنى كنت هناك

لا أحد said...

اعتذر مرة اخري عن التاخير
و اثبت مروري
وكل سنة و انت طيب

tazart said...

عيد مبارك

Anonymous said...

أولا مكنش العشم فى انك تغير البلوج لبيتا




ثانيا كلامك جميل بس لما نشوفه على ارض واقع لما صاحبك ميكلمكش تانى ابدا بصراحه عنده حق لو عمل كده

هههههههههههه


تالثا عيد سعييييييييييد



رابعا امتحانات زى الفل ان شاء الله



خامساااااااا

انا تائهة .... فانتازيا سابقا

toty said...

هو فنان

بس بصراحة ومن غير زعل اول مرة اسمع عنة

Noran said...

يبختك بيه ...بجد

هو الواحد يا سى أدام ممكن يسمعوا
إزاى ؟؟؟عندك حاجات ليه ؟؟

عجابنى
...........
كل سنة وأنت طيب .....عشان العيد والعيد

ana mean said...

كل سنة وانت طيب


عيد سعيد

saso said...

بجد انت صاحب حلو اوي
ربنا يخليك لهيثم .. اصل يستاهل اكتر من كده، اةةة كل سنة وانت طيب يا ادم
:)

عــيل شــقي said...

0):