Pages

Subscribe:

Friday, December 14, 2007

لقد كان يدعي .. هشام

عندما تقسم البشر بين البشر
ويصبح لك واحد دايرته الخاصة
.
.
كنت اسير عائد الي منزلي ، وعندما كنت علي مقربة منه صدمني شخص اعرف جيدا من هيئته انه لا يعي اطلاقا ، اتخيل كم الادوية المخدرة التي يتناولها ، فيدعوني ذلك الي عدم اثارته ، قال لي في حده وعصبية : مش تحاسب ؟؟
ورغم انه المخطئ ورغم اني اعرف جيدا انه فعلها عمدا ليفتعل عراكا معي .. اعتذرت له معللا اني كنت سرحا بعض الشئ وطلبت منه المغفرة علي ما اتيت به ، هممت بالانصراف وانا ادعو ربي ان يمر الموقف بيننا علي سلام ، فانا لا اريد اثارته مطلقا ، فالعواقب لن تكون في صالحي ، نداني قبل ان انصرف فتوقفت حتي لا اثير غضبه
ققلت له : ايوة تحت امرك .. اي خدمة
قال لي : ياعني انا واقف اكلمك كدا وتسبني وتمشي ياعني هو مافيش احترام كمان
بالفعل اعتذرت له .. فانا لم اقصد اهانته ولكني لم اتخيل ان سيادته بالطبع قد يحتاج صعلوك مثلي في شيء، فانا اسف علي كل شيء فكان علي الانتظار حتي ياذن لي هو بالانصراف ، قال لي انه اذا صدمني كما صدمته انا فلن اتحمل شده الصدمة ، فقلت له مـُــأمننا علي حديثه اني بالفعل لم اكن اتحملها ولذلك كررت له اسفي مرة اخري علّه يسامحني وانجو من فعلتي هذه
لا اعلم هل شفقة منه او تأنيبا لضميرة الذي اشك في وجوده اصلا، نظر الي نظرة شفقة علي حالي وقال لي : انت عارف انا عملت معاك كدا ليه اصلا ، بالطبع قلت له لا اعلم ويا حبذا لو تعطف علي وتكرم وقال لي هو .. كنت احاول تجنب اثارته بكل السبل ، ما منه الا ان اخرج التليفون المحمول خاصتي من طياتيه هو
في ذهول وشرود مني واستغراب شديد تركته يتكلم ، منصحا ايا الا احمل تليفوني بطريقة ملفتة للنظر مرة اخري بالذات وان كان جهازا غالي الثمن مثل جهازي ( 3310 ) .. لا اعرف حقا هل راي انها لا تستحق عناء السرقة ام اني بالفعل كنت مسكينا بالقدر الكافي الذي يجعل لصا كهذا يرجع في مقصده لعطيني تليفنوني مرة اخري .. لا اعرف كيف تبدل الخوف بداخلي لعده احاسيس اخري متداخلة مركبة ، شكرته جدا ودعوت له بان يرزقه الله خيرا مني ،وسلمت عليه بحرارة شديدة وعرفت منه انه يدعي هشام
قالي لي انه لم يفضل مطلقا ايذائي وخصوصا اني واحد من دايرته ، الحمد لله رب العالمين انني من دايرة هشام ولم اكن من دايرة لصا اخر ... لذلك ادعو كل من يقرا رسالتي هذه ان يبحث جيدا عن اي دايرة هو ينتمي .. ولكم جزيل الشكر
.
.
والسلام
المرسل : ادم المصري

15 comments:

smraa alnil said...

ههههههههههههههههههه

وعاملي فيها عبده حركات وانت المخ والعضلات وتخاف من هشام
هههههههههههههه

انا هنزا ادور يا عم انا في دايرة ايه عشان يرجعولي تليفوني

Unknown said...

انت من دايرة هشام
اية اسامى العيال دى
ههههههههههههههههه
اصلا انا من دايرة سعد المجنون
وعطية الخرامى هو النائب بتاعة

ربنا يخليهم لنا يارب
على فكرة انا
برضوا تبع دايرة مصر

طبعا عارف كبيرها

dramaqueen said...

حصل خير يا ادم
انت بس عشان طيب ربنا سترها معاك
كويس انها جت على اد كدة
وبعدين انت المفروض تبقى عارف اعضاء دايرتك كويس
سلام

Mustafa Rizq said...

تعرف لو كان دا حصل مع حد تاني كان ممكن احساسك ناحية الريس هشام يفضل زي ما هو، لكن الأمور لما بتبقى شخصية حاجات كتير بتتغير، و لو بشكل مؤقت، و دا ممكن يفسر حاجات و تصرفات كتير

ع العموم عود أحمد لجهازك الكريم.. العشري، ربنا يخليه
دي دعوة من قلبي و الله ، أنا مقدر قوة العلاقة اللي بينكم، أيا كان اتجاها، لأني عندي فتحي ربنا يخليه يارب

اه... ابقى خلي بالك من الريس محمد علشان دا ما فيش حد ف دايرته، أصله مفضي منطقة و قاعد فيها لوحده

سلام

واحد مصرى said...

لو انتا في بلد اخر و لن اقول اوربي بل عربي او خليجي لا يجرؤ أي شخص على فعل ما فعله الشرموط اللي اسمه هشام عارف ليه؟ ببساطة لأنه هايتسجن في ساعتها بمجرد ان تشكوه الى الشرطة و بالتليفون وحياتك و هايتسجن وياخد حكم و لو مش من ابناء البلد يبقى هايتسجن و بعد المدة سيبعد عن البلاد و الخليج للابد....هي دي بقى البلاد اللي احنا بعنجهيتنا الكاذبة بنتريق عليهم....انما مصر ...الا مصر ...مصر بنت النيل..مصر الحضارة...مصر المؤسسات...مصر هي أحه

Unknown said...

أتاريك غايب بقالك مده
مخضوض ولا مستغرب؟؟
على العموم الحمد لله إنها جت لغاية كده
تعيش تاخد غيرها

وكلنا اصبحنا كالمتاع تقسمنا حيازات ودوائر ومناطق نفوذ والجدع اللي يخش ف اللعبة

عالم قذر

نوري said...

ههههههههههههههه
لاحلوه
الراجل عنده احاسيس اهو وبيفهم
صعبت عليه ورجعهولك تاني
بس هو حاميها حرميها برضه ولا ايه
مهو صاحب الدايره بقي
يلا بقي كل موبايل وانت طيب
ولو ده الي هيخلينا نشوفلك بوستات
يبقي يا رب اعطيه ولا تحرمه
ههههههههههههههههههه
قصدي ع هشوم طبعا مش انت
يلا(بست وشز فور يو)0

youssef said...

ههههههههه

عاصرت اكتر من حادثة مع الاخ هشام - او رفاقه في المهنة يعني - بس مش انا اللي كان مسروق و الله ... و السيناريو واحد .. بعد ما الاخ صاحب العدة يكتشف ضياعها بيتصل بموبايله قال يعني يمكن يكون وقع منك هنا و لا هنا و قال يعني فيه واحد ابن حلال لقاه و هيرجعهوله .. يرد عليه الاخ هشام فايق و رايق طبعا .. يقول أيوه يا باشا لقيته قابلني في العباسية بعد ربع ساعة .. و في العباسية مفيش هشام .. يتصل بيه .. أيوه يا باشا في صلاح الدين بعد تلت ساعة .. وبعدين .. معلش يا باشا المواصلات مقرفة محل ... اول شارع .... وسط البلد بعد نص ساعة .. و طبعا في الاخر .. تعيش و تاخد غيرها يا باشا ..
و انت يا عيني بتكون مضطر تسمع كلامه .. علي امل .. و لو انت غلبان لسه جديدة عليك الحواديت دي
لكن انت ابن حلال مصفي و محظووووظ قوي كمان .. كويس انك اتعرفت علي هشام ابن دايرتك و الا كنت خدت فسحة محترمة في البلد ... يا باشا

كل سنة و انت طيب يا ادم

youssef said...

ههههههههه

عاصرت اكتر من حادثة مع الاخ هشام - او رفاقه في المهنة يعني - بس مش انا اللي كان مسروق و الله ... و السيناريو واحد .. بعد ما الاخ صاحب العدة يكتشف ضياعها بيتصل بموبايله قال يعني يمكن يكون وقع منك هنا و لا هنا و قال يعني فيه واحد ابن حلال لقاه و هيرجعهوله .. يرد عليه الاخ هشام فايق و رايق طبعا .. يقول أيوه يا باشا لقيته قابلني في العباسية بعد ربع ساعة .. و في العباسية مفيش هشام .. يتصل بيه .. أيوه يا باشا في صلاح الدين بعد تلت ساعة .. وبعدين .. معلش يا باشا المواصلات مقرفة محل ... اول شارع .... وسط البلد بعد نص ساعة .. و طبعا في الاخر .. تعيش و تاخد غيرها يا باشا ..
و انت يا عيني بتكون مضطر تسمع كلامه .. علي امل .. و لو انت غلبان لسه جديدة عليك الحواديت دي
لكن انت ابن حلال مصفي و محظووووظ قوي كمان .. كويس انك اتعرفت علي هشام ابن دايرتك و الا كنت خدت فسحة محترمة في البلد ... يا باشا

كل سنة و انت طيب يا ادم

عمر بوك ستورز said...

زورونا تجدون ما يسركم، جميع دور النشر عندنا، والكثير من الكتب بأسعار لا تقبل المنافسـة ...

كل عام وأنتم بخير :)

Anonymous said...

وشوشني


هههههه
طب انا كمان هنزل ادور على الدايرة
ومبروك على رجوع الموبايل
انا حاسه بيك ماحدش بيعرف قيمه اللي في ايه الا لما هشام ييجي يشيله

تاني حاجه انت كنت غايب بقالك كتيييييييير كده ليه

انا عايزة اعرف حاجه الحقيقه في البلوج هسالك على حاجه فلو تسمح يعني
ابقا ااقولك بعدين اما تأذلني لحسن هشام ييجيلي وابقا في ورطه
hwahma3.blogspot.com

Anonymous said...

مش عارفه بصراحه.. الموقف صحيح ميضحكش او المفروض انه ميضحكش
بس حاسه انى لازم اضحك
مش عشان حاجه غير انى مش عايزة دموعى تنزل
يعنى حسبى الله ونعم الوكيل
ليه هشام ده والى زيه مليين الشوارع
وليه هشام والى زيه لاقين الزفت الى بيشربوه فى كل مكان وبكل سهوله وعلى عينك يا تاجر
وليه الحكومه سيباهم ولا يمكن كمان مسهلالهم الزفت عشان يلهو الشباب الى المفروض انه يكون كله حماس
وايه الى فى الاصل وصل هشام والى زيه للى هما فيه

مش عارفه
بس حسبى الله ونعم الوكيل

admelmasry said...

سمرا
ــــ
انا بصراحه بحاول اتعرف حدودي
ودا مش عيب
انا لا عضلات ولا نيلة ما انتي عارفه البير وغطاه
بلاش فضايح بقي



واحد مش فاهم حاجة
ـــــــــــــ
علي فكرة انا فرحت جدا اني عرفت اسمه والله
ع الاقل لو حاجة ضاعت هدور عليه واكيد هو هيجبهالي
بس انا دلوقتي افتكرت اني نسيت اخد نمرته
ما هي اكيد هتنفع برده


دراما كوين
ــــــــ
ربنا يخليكي يا جميل
ربنا يسهل وانشاء الله ناوي اعمل عزومة لكل اعضاء الديرة علشان يتم التعارف باذن الله



مصطفي رزق
ــــــــ
تعرف انت لو حد تاني كان قالي الكلام دا ما كنتش هاحسه بالشكل دا
تعرف الدايرة الكبيرة .. الكبيرة قوي دي عماله بتتسرق وكل الناس بتعمل زي ما انا عملت
والغريبة ان ما حدش بيضحك يا اخي



واحد مصري
ـــــــــ
عندك حق والله
يس للاسف احنا مش في اوربنا ولا حتي في دول الخليج



انوميموس
ــــــ
ههههههههه
يابني انا بقت احس بالامان اكتر
ياعني اي حد دلوقتي ما يقدرشي يتعر لي انا عرفت مين كبير الدايرة
ولو حد عملي حاجة هابقي اروح اشتكيله
وسلمي علي سنه الفين



نزري
ــــــــ
اه يا حببتي هو كان مستني دعوة زي دي
علشان اداني الموبايل .. تعرف دي شغلانه سهلة جدا علشان الواحد يلم بيها دعوات ببلاش



يوسف
ــــــــ
الحمد لله ياخويا
كبير الدايرة بتاعتنا راجل جدع
مش بيحب يبهدل حد


عمر بوك ستورز
ــــــــــــــ
ان شاء الله



وشوشني
ـــــــــ
انا تحت امرك يا جميل .. شوفي انت عايزة ايه وانا تحت امرك
وعلي فكرة هشام مش هيمانع ابدا
دا طيب جدا وانا عارفه



شيماء
ـــ
لا اضحكي اضحكي
علي راي المتنبي
وكم لقيت بمصر من مضحكات
ولكنه ضحك كالبكاء

يا مراكبي said...

بجد نورتنا .. أنا لما هأنزل مصر تاني هأدور وأسأل عن حرامي المنطقة علشان نبقى في حمايته

^ H@fSS@^ said...

قدر و لطف
بس والله هشام ده زوق زوق زوق
و باين عليه حديث الاجرام
ربنا يحرسك

تحياتي