Pages

Subscribe:

Friday, June 08, 2007

حوارية ابن القديسين



.

تايه انا

ولا الطريق هو اللي كان خوان ؟

.

عايش انا ؟


ولا انا ميت بقالي زمان ؟

.

جني انا ؟


ولا ملاك ؟


ولا انا انسان ؟

.

محتار مابيني وبين حقيقه اسمها

ادم
.


وحدي انا

وضدي جميع الخلق في العالم

.


ميت انا .. او منتهي مالم


اعرف حقيقة نفسي والعنوان

15 comments:

reri said...

ليه التشاؤم ده يا آدم ؟؟
لأ إنت عايش وإنسان
حاول تحس ده من جواك
ما توهش نفسك بنفسك
وتحيرها وتدخلها في متاهات

سلامي ليك

Anonymous said...

بجد مكتوبه تحفففففففه
حلوة بجد
هو اكيد مش انا الى هقولك انت مين
بس مش هتقدر تعرف الا من جوة اوىىىىىىىى ... بص جواك كويس وكتير ..هتعرف
بس تحفففففففففففه
سلام

admelmasry said...

ريري
ــ
والله بحاول
ادعيلي بس


شيماء
ــــــ
بصراحه انا غلب حماري

Reemo said...

علشان تعرف مين أنت
لازم تفهم عايز ايه
وبتعمل ايه
وعايش ليه
لو فهمت كل ده تعرف انت مين
ونصيحه منى متدورش على نفسك غير جواك
محدش بيعرف نفسه غير نفسه
الكلمات كالعاده جميله
تسلم ايديك

khaled adel said...

يا باشا انا قاريهم كلهم من قبل ما ترد عندي بكتير
بس الشعر بتاعك مش محتاج حد يعلق عليه معروف رآيي من قبل ما اتكلم
وبصراحة اي شعر فيه موت بيعجبني وخاصة طبعاً منك يا باشا

FATMA said...

ايه حكايتك

admelmasry said...

ريموووو
ـــــــــ
نفسي ملت مني خلاص
وانا تعبت من كتر التدوير


خالد
ــــــ
انت فنان وموهوووب


توته
ـــــ
انا نفسي مش عارف ايه حكايتي

boshra mohamed said...

جميلة اوى ياادهم
بس حاس انها كانت تبقى احلى لو بقيت
ولا ميت بقالى زمان؟
مش ولاانا ميت بقالى زمان ؟
حتحسع ان كده السجع مع الانا اللى بعديها واللى قبليها احلى

Anonymous said...

كئيب و جميل
........
فكرتنى بالقس الراحل ابراهيم عبد السيد الذى كان مشهورا بتمرده على الكثير من تعاليم الانجيل
قالوا له
العالم كله أصبح ضدك
فأجاب بكل بساطة
و أنا أيضاً ضد العالم
.........
تقدر تشيل؟

admelmasry said...

بحب السيما
ـــــــــ
انشاء الله نبقي نبص في الموضوع دا
متشكر ع الاضافة



عاشووور
ـــــــ
قبل ما اجاوبك ؟
جاوبني انت الاول
هو الاخ دا حصله ايه بعدها ؟

غمض عينيك said...

ياباشا تحياتي لكلامك الجميل وان كنت عاتب على الحالة اللي انت فيها
ايه ياعم ادم يامصري ماتروق شوية
حاول تخرج برة الحالة دي واكتبلنا حاجة تانية تطمنا عليك

تحياتي ليك
محمد سمير

نهر الحب said...

مرحبا

دي و اللي فاتت و اللي قبلها تحفه
تحياتي

admelmasry said...

نهر الحب
ـــــ
متشكر جدا

sakayar said...

ياااا عم بعد الشر علييييك ... بس جميلة والله
تحياااتي

admelmasry said...

متشكر جدا سكاير