Pages

Subscribe:

Tuesday, June 05, 2007

لسه بدون اسم

رغم الحياة بتهدني
رغم السكوت والصمت ماليين المكان
الا اني ناوي اعيش طليق
فارد جناحي لفوق بعيد
لامس حدود الشمس
زراع عندها
شاهد قبور
هاحفر عليه
في هذا يرقد
اخرك يا نور
واطير لفوق
مش مهم ان كنت يوم بجناح مكسور
المهم اني هاطير
وارجع واقول
ان الحياه
مش بس برواز ازاز
محكوم بحيطة تعلقه
انا كنت عايش من زمان
داخل أطر
كنت باتفنن صنعها
لكن خلاص الوقتي ماتت رهبتي
وم انهاردة مش هكون
غير " انا " ... س
اصلي انا
احسن عبيط في الكون دا
يقدر يكونـّــي
اصلي انا
اشطر مغفل في الحياه
يكون فاهمني
وبدل اما اعيش عاله
علي كل صفحة في الكتاب
راح ارسم بايدي
فوق كل السحاب
بعرض ارض الكون
بطول كل السما
اطول كتاب
هاسطر فيه حكاية
شاب كان بينزف م الجراح
كل حب وطيبة وكل اه
فضل لحد ما عمره اصبح ذكريات
مكتوبة فوق حبة مطر
متجرجرين بالريح
بيروو حبة زرع بعيدة
فوق الجبل
لكن يامين هايقول
كانت هنا
سيرة ولد
شاعر كبير
لكن خسارة
بالحب و الخير والبراءة
الشاب انقتل

18 comments:

shlapia said...

الله بجد كلام جميل ومعبر اوى وفيه نبرة تحدى واضحة وده احلى ما فيه
سلام

أخف دم said...

آدم باشا
القصيدة بجد جميلة يا آدم وفيها معانى حلوة وصور جميلة وخصوصا صورة البرواز وغيرها كمان..
خللى بس بالك شوية من موضوع الأوزان يا آدم باشا .. انت شاعر جميل بجد .. كمل الموهبة دى بقى بشوية مراعاة للشكل الموزون للقصيدة
ربنا يوفقك

يا مراكبي said...

حلو قوي آخر جزء خالص .. ولو إنه نتشائم شوية .. يمكن شويتين كمان

لكن إن شاء الله هتروق وتحلى وتفرد جناحاتك زي ما إنت عايز .. كله في وقته

رينـــــــــــا said...

كلام جميل
تحدى
وقوة
وفى الاخر تشائم :D:D:D
كعادة المصريين:P

shayma said...

صحيح هيا اخرها نكد بس هيا فعلا مليانه امل وتحدى
وده احلى حاجه فيها
سلامى
:)

shayma said...

نسيت اقولك
وانا كمان ارفض حدوث هذا
:D:D:D:D:D:D:D

غمض عينيك said...

بجد بجد كلام جميل ومعبر اوي ياباشا
حقيقي كلمات جميلة
تحياتي ليك

انت صحيح فين مابتزورناش ليه
ابجى تعالى صيف عيندينا

محمد سمير

غمض عينيك said...

بجد بجد كلام جميل ومعبر اوي ياباشا
حقيقي كلمات جميلة
تحياتي ليك

انت صحيح فين مابتزورناش ليه
ابجى تعالى صيف عيندينا

محمد سمير

غمض عينيك said...

بجد بجد كلام جميل ومعبر اوي ياباشا
حقيقي كلمات جميلة
تحياتي ليك

انت صحيح فين مابتزورناش ليه
ابجى تعالى صيف عيندينا

محمد سمير

ادم المصري said...

الشلبية
ـــــــــ
متشكر قوي علي الاطراء الجميل
الحمد لله انه عجبك


اخف دم
ـــــــ
انا عارف والله انها مكسورة بس القصيدة دي زي ما اتكتبت علي الورقة اول مرة اتكتبت علي البلوج
بدون اي تلقيح او اختزال
مش عارف ليه حاببها كدا
متشكر قوي ع النصيحة يا شاعرنا



يا مراكبي
ــــــ
التشاؤم دا هو حالي
مزروووووووع فيه




رينا
ــــــ
هما المصرين كدا
مش راضيين يجيبوها لبر ابدا
متشكر لكلامك الجميل يا عسل




محمد باشا سمير
ـــــــــ
ياباشا انا مقدرشي اغيب عنك
دا حتي انت واحشني
تحياتي
والسلام

مادو said...

سبقني أشرف توفيق في بعض الللي عايز أقوله حاول تهتم بالوزن لا لشئ غير إنك قريب منه جدا و سهل انك تطوعه زي مانت عايز
ثم ماتخليش قلمك يسرح في الكتابة أحكمه و بص للنص تاني و تالت و رابع و ماتستعجلش عليه
تحياتي

ادم المصري said...

شيماااااااااااااااء
ـــــــــــــــــــ
هيه هيييه هيييييه
انا خلتها تقولها
برافوا عليكي يا بنتي والله
نصيحي مني بقي
اوعي تبطليها



مادو
ـــــ
اخيرا يا نجم
رجلك جابتك عندنا
متشكر قوي يابرنس ع النصيحة
اوعدك اني هابقي ابص تاني في القصيدة
شكرا ليك والسلام

طارق مكى said...

ادم صديقى

كا العادة لا اقدر الى على الانحناء
واقول لك
جميل وروعة
يادم يا صديقى

ضد الظلم said...

حتى ولو الشاعر انقتل شعره هيفضل حى والى كلامه ذى كلامك هيفضل حى

تحياتى

ادم المصري said...

طارق مكي
ــــــــــ
صديقي العزيز
دائما ما تخجلني باطراءك الجميل
اشكرك دائما
واتمني من ربي ان افضل في مفضلتك
تحياتي لك والسلام



ضد الظلم
ـــــــــ
نموت ويبقي ما اقترفت يدانا
تحياتي لك وشكرا لكلامك الجميل

رحلة said...

النية= .......... أعيش طليق
كيف؟=.......... فارد جناحى
وأمنيتك= ..........أخرج يانور
والتحدى= ........المهم انى هاطير
انت مين=................. أنا
لايشك= ...........اشطر مغفل
حدوتة=.لحد ماعمرةاصبح ذكريات
يأس= .........الشاب انقتل

(هلا بيك أدم)

الامل فى الله كبير

تفتكر أدم الجزء الاخير فكرنى
لما يأس سعد زغلول وقال مافيش فايدة

أحمد سلامة said...

انت فين يابني من زمان
ازاي اول مرة اشوف مدونتك
الله
الله عليك بجد
وبرافو برافو النهاية
روعه
او اسمحلي اسميها
البداية

ياقوت said...

البقاء لله
أحسن عنوان فى نظرى

مستنيك عندى
سلام كبير أوى

والسلام