.JPG)
.
تايه انا
ولا الطريق هو اللي كان خوان ؟
.
عايش انا ؟
ولا انا ميت بقالي زمان ؟
.
جني انا ؟
ولا ملاك ؟
ولا انا انسان ؟
.
محتار مابيني وبين حقيقه اسمها
ادم
.
وحدي انا
وضدي جميع الخلق في العالم
.
ميت انا .. او منتهي مالم
اعرف حقيقة نفسي والعنوان
Subscribe to:
Post Comments (Atom)
15 comments:
ليه التشاؤم ده يا آدم ؟؟
لأ إنت عايش وإنسان
حاول تحس ده من جواك
ما توهش نفسك بنفسك
وتحيرها وتدخلها في متاهات
سلامي ليك
بجد مكتوبه تحفففففففه
حلوة بجد
هو اكيد مش انا الى هقولك انت مين
بس مش هتقدر تعرف الا من جوة اوىىىىىىىى ... بص جواك كويس وكتير ..هتعرف
بس تحفففففففففففه
سلام
ريري
ــ
والله بحاول
ادعيلي بس
شيماء
ــــــ
بصراحه انا غلب حماري
علشان تعرف مين أنت
لازم تفهم عايز ايه
وبتعمل ايه
وعايش ليه
لو فهمت كل ده تعرف انت مين
ونصيحه منى متدورش على نفسك غير جواك
محدش بيعرف نفسه غير نفسه
الكلمات كالعاده جميله
تسلم ايديك
يا باشا انا قاريهم كلهم من قبل ما ترد عندي بكتير
بس الشعر بتاعك مش محتاج حد يعلق عليه معروف رآيي من قبل ما اتكلم
وبصراحة اي شعر فيه موت بيعجبني وخاصة طبعاً منك يا باشا
ايه حكايتك
ريموووو
ـــــــــ
نفسي ملت مني خلاص
وانا تعبت من كتر التدوير
خالد
ــــــ
انت فنان وموهوووب
توته
ـــــ
انا نفسي مش عارف ايه حكايتي
جميلة اوى ياادهم
بس حاس انها كانت تبقى احلى لو بقيت
ولا ميت بقالى زمان؟
مش ولاانا ميت بقالى زمان ؟
حتحسع ان كده السجع مع الانا اللى بعديها واللى قبليها احلى
كئيب و جميل
........
فكرتنى بالقس الراحل ابراهيم عبد السيد الذى كان مشهورا بتمرده على الكثير من تعاليم الانجيل
قالوا له
العالم كله أصبح ضدك
فأجاب بكل بساطة
و أنا أيضاً ضد العالم
.........
تقدر تشيل؟
بحب السيما
ـــــــــ
انشاء الله نبقي نبص في الموضوع دا
متشكر ع الاضافة
عاشووور
ـــــــ
قبل ما اجاوبك ؟
جاوبني انت الاول
هو الاخ دا حصله ايه بعدها ؟
ياباشا تحياتي لكلامك الجميل وان كنت عاتب على الحالة اللي انت فيها
ايه ياعم ادم يامصري ماتروق شوية
حاول تخرج برة الحالة دي واكتبلنا حاجة تانية تطمنا عليك
تحياتي ليك
محمد سمير
مرحبا
دي و اللي فاتت و اللي قبلها تحفه
تحياتي
نهر الحب
ـــــ
متشكر جدا
ياااا عم بعد الشر علييييك ... بس جميلة والله
تحياااتي
متشكر جدا سكاير
Post a Comment