Pages

Subscribe:

Wednesday, May 30, 2007

هذا حرام والعظيم


لا تجعلي

ما دار يوما بيننا

حبا شبيها بالضمير المستتر

ولتعلمي .. س

ما كان يوما مبتدا

او كان في يوم خبر

ما كنتُ يوماً أن أوافق

جعله .. مفعول به

حتي وإن كان الفواعل من حجر

ارسلتُ كلَ مُكـَــاتـَبي

في ظرفِ زمـنٍ جاعله

حال المحبين الذين

تجمعوا

راجينكِ أن تـَجـلِـسي

فوق القلبوبِ مليكة ً س

ولتـُصبحي انتي الوحيدة الفاعلة

وليبقي كلُ الناسِ جمعاً مفعلولين

هذا لانك في الحقيقةِ كاملة

والناسُ دوماً ناقصين

انت الحقيقة الممكنة

بل انت والله المحال

بل في جميع الازمنة

أنت المثال

بل إنك وصفٌ دقيقٌ للكمال

هذه الشفاة الساحرة

الشعر فيها مستحيلٌ ان يقال

هذه المآقي الباخرة

تسري علي بحرِ الدموع والسؤال

هذه الصفات الماثلة

في كل عينٍ جاعلة .. س

كل القلوب الثائرة

تبتغي منك الوصال

فاين انت ؟؟

واين كنت ؟؟

الم يَحن وقتٌ تردي ؟؟

هذا حرام والعظيم

فهل يصح ان نردَ

سائلاً متوسلاً فينا السؤال ؟؟

27 comments:

21arestoo said...

العامية أحسن بكتييييييييييير

ولا انت شايف ايه يا سيد المُعلمين
؟؟؟؟

طارق مكى said...

اى يعم ادم الحلوة دى
انا عجبتنى القصيدة دى او حلوة تسلام ايديك

عين ضيقة said...

آه يصح

هههههههههههههه

خفيفة القصيدة , مش كده؟

تحياتى

admelmasry said...

اريسطو
ـــــ
كنت مستنيك يابرنس عشان تقولي الراي السديد
بالذات في النحو يا معلم
مش تفتكر هيكون احسن برده
ولا ايه ؟




طارق مكي
ـــــــــ
صديقي العزيز
اشكرك كثيرا


عين ضيقة
ـــــــــ
مش قابل منك الكلمتين دول
حقي عليكي
انك تقولي نقد ادبي يملي عيني
في القصيدة
خصوصا اني مش باكتب فصحي اصلا
مستنيكي تاني

Reemo said...

عجبتنى فكره استخدام القواعد النحويه فى وصف المشاعر
وأعتقد انك وظفت القواعد توظيف صحيح فى المعانى
القصيده عجبتنى
تحياتى

رحلة said...

جميلة هذه السطور الشاعرة
بها خفه ماهرة
ومكتوبة من القاهرة
*****
فكرتنى يادم بمقدمة برنامج لغتنا الجميلة

انا البحر فى احشائه الدر كامنّ
فهل سأل الغواص عن صدفاتة

تحياتى

محمد عبد الغفار said...

حرفيه واضحه ، ولكن عن من تتحدث؟

break said...

لذيذة اوى اوى بجد الفكرة
تسلم ايدك بجد
تحياتى

غمض عينيك said...

ابه الحلاوة ديه
قصيده حلوة اوي مبنية في محل رفع كلام جامد اوي مرفوع بالمزاج العالي

تحياتي ليك
محمد سمير

admelmasry said...

ريموووو
ـــــــــ
والله يا جميل وحشااااااني
كويس انها عجبتك


رحلة
ــــــ
ياباشا دا انت من المنصورة معقل المثقفين المصرين
تسلم يا باشا


بريك
ـــــ
الله يخليكي يا جميييييل انا متشكر جدا
انتي الاجمل والله


محمد جعفر
ـــــــــــ
الله يخليك ياباشا
انا هاقولك فعلا .. بس ما تقولشي لحد
دي لوحده
تحياتي والسلام


محمد سمير
ـــــــ
الله يخليك يا برنس
والله انا قلبي اتجر بشوق وحنين

BaTresYa said...

جامده اوي الفكرة "بريلينت" بس أعتقد أنكـ في العاميه احلى وأحلى بجد .. بس دايما تفضل الأفكار بعد الإحساس هي اللي بتدي حلاوة للقصيدة أكتر من الكلام نفسه ...وبس خلاص

youssef said...

لا يهمني النقد التفصيلي بقدر الانطباع المباشر للكلمات .. هي جميلة ومتناسقة و شايف فيها تلقائية و احساس بسيط و جميل .. لكن حسيت بضعف في جزئية النقل من الكلام عنها ووصفها الي وصف حال المحبين .. اعتقد جزء الشفاه الساحرة يبدو زائد لانك لم تستطرد في سرد اوصاف تانية .. كان شكله لوحده كده .. وكمان يا ادم حسيت ان المآقي الباخرة دخيلة بين الشفاه الساحرة و الصفات الماثلة اللي يعود الضمير فيهم عليها ففيه تناسق بينهم مش كده .. لكن مآقي المحبين دخيلة بينهم.. و اخيرا اعتقد نحويا ان الاصح و الاخف في التلاتة تقول هذي مش هذه .. حتي انطق هتلاقيها اجمل .. كان ممكن اكتفي بكلمتين لكن اعتقد انت عاوز نقد او اشادة .. ولا ايه؟؟.. بالنسبة لموضوع الكلام .. نبرة صوتك لسه هادية و رقيقة .. لكن يا خوفي يا مصري ليكون الموضوع بجد و داخل في مراحل ابعد بالنسبة لك .. أصل انت مش ممكن تخلي المفعول فاعل لو لوحدك و مفيش رد لتوسلاتك..علي كل حال هنعرف من نبرة صوتك بعدين .. خد بالك ..
اه يا ادم .. خدمة انسانية لو سمحت .. لو تعرف خطيب جمعة عنده فكرة عن الدين او له علاقة بيه ابعت لي اسمه و عنوانه و رقم موبايله .. وايميله لو ممكن ..سلامي ليك

.:.-=- ELGaZaLy-=-.:. said...

ههههههههههههه


حلوة يا ادم جميلة

بس انت بتكرة النحو اوى

وجميلة اوى فكرة القصيدة اوى يا ادم

hoda omran said...

بجد حلوة اوى القصيدة دى وعجبانى اوى
وانا شايفة انها عالية اوى مع اعتذارى للى شايف ان العامية احسن
فلو كان ده اول مستوى فى الفصحى يبقى رايح لفين تانى
:)
........................
ولتـُصبحي انتي الوحيدة الفاعلة
وليبقي كلُ الناسِ جمعاً مفعلولين
هذا لانك في الحقيقةِ كاملة
والناسُ دوماً ناقصين
عجبونى الابيات دى اوى اوى
وعجبنى جدا استخدامك لمفردات النحو عشان توصل المعانى دى
غير انك بتقدمها بطريقة سلسة جدا
بس قولى من دى اللى تكون كاملة والناس كلها ناقصة
:)

غادة الكاميليا said...

ياربي عليك يا آدم هترد ازاى مش تعذروا الناس ممكن جدا تكون الشبكه مسقطه أوالنت فاصل دايما الولاد ظلمه منكم لله يامفتريين
هههههههههههه
لألألأ نتكلم بجد شويه
أنا فعلا حسيت انها قصيدة خفيفه كده لذيذه يعنى لكن لو هنتكلم عن شغلك يبقى العاميه أفضل كتير فعلا
تحياتى يا افندم

admelmasry said...

الوردة البيضا
ــــــــ
بريلينت مرة واحدة
دا كلام كبير قوي يا جميل
ع العموم انا متشكرك لك جدا
ربنا يخليكي ليا
وترفعي من معدنياتي



يوسف باشا
ــــــــ
الواحد مش عارف يقولك ايه بصراحه
انا فعلا محتاج نقد .. يعرفني مستوي القصيدة ايه
.
.
لكن انا مش فاهم وجهة نظرك في الاعتراض علي المآقي الباخرة
انا اقصد عيونها هي .. اللي عبارة عن باخرة ماشية فوق بحر من دموعي واسئلتي
وبعدين بقولها برده
ان كل صفاتها دي الماثله في كل عيون الناس
خلت كل القلوب الثائرة تبتغي منها الوصال



جزالي
ــــــــ
الله يخليك يا باشا
مش بكرة النحو ولا حاجة .. دا عشق بس من تحت لتحت
تحياتي والسلام



همسات
ــــ
رايح لحد هناك ههههههههه
ياستي الحكاية مش مستويات
انا والله متشكر ليكي جدا .. رفعتي من معدنياتي كدا الله يخليكي



غادة
ـــــــ
سيادتك المحامي اللي بيرد بالنيابة ياعني
ههههههههههههههههههه ماشي
ياعني ايه قصيدة خفيفة ولذيذة
ياعني تنفع بين وجبة وجبة مثلا
ههههههههه
انا مش باحب نقد بالشكل دا ياريت تقولي رايك ايه عجبك وايه لاه
وايه اللي خلاكي تقولي العامية احسن
تحياتي ليكي يا غادة
والسلام

توهة said...

طبعا انا ماليش فى تقد الشعر خالص بوتيتا

بس حاسه انها فعلا لذيذه

ومش عارفه ايه ايه المشكله لما تكون قصيده باللغه العربية والفصحى وخفيفه ايه الضرر الاكبر حتكفر القصيده يعنى
بس على رأى عين ضيقه يترد ..وليه لأ هههههههههه
وربنا معنا كلنا فى الامتحانات

مُزمُز said...

بالراحة شوية يا عم آدم عمال تقول عايز نقد عايز نقد إنت جعان وللا إيه؟

عموما محدش هيقدر يفيدك برأي متكامل لأننا زي مانت عارف ماحناش متخصصين يعني

أنا رأيي الشخصي جدا إن لو دي أول تجربة بالفصحى تبقى كويسة

بس ليا شوية نقط كده هقولهملك في السريع

واحد
من الناحية اللغوية
فيه شوية خلل كده في ضبط الإيقاع
يعني مثلا وليس حصرا السطر ده

جعله مفعول به

علشان ده يمشي مع وزن النص لازم كده تنق مفعول بع بالطريقة العامية إنما لو قرأت بالفصحى هيتكسر الوزن

وفي كذا سطر بالطريقة دي

ولتـُصبحي انتي الوحيدة الفاعلة

وليبقي كلُ الناسِ جمعاً مفعلولين

الاتنين دول الوزن فيه اتكسر عند كلمة
الوحيدة الفاعلة

ومفعولين في السطر التاني كسرت الوزن برضه

انت الحقيقة الممكنة

مكسورة برضه
يعني لازم الواحد ينطقها الحقيقه بالهاء عشان تمشي مع الوزن لكن لما تتنطق بالفصحى تاء مضمومة بيختل الوزن

هذه الشفاه الساحرة

مكسورة والهاء بتاعت هذه زيادة على التفعيلات والصح تخليها

هذي

وده اسم إشارة صحيح برضه كما تعلم لكن هيظبط الوزن

فهل يصح ان نردَ

مكسورة برضه ومبتمشيش غير

هل يصحو بالواو وده طبعا مش فصيح

كده خلصنا الموسيقى
بس لاحظ إني أنا بقول الخلل في كل سطر وكأنه مستقل تماما وأذكر فيه الخلل بالنسبة لتفعيلته ولكن لو نظرنا للنص ككل ستجد تداخل غير منظم للبحور

سؤال بقى قبل ما أخش على القسم التاني والتالت

هو انت درست العروض كويس وللا بتوزن بالفطرة؟

لو كنت بتوزن بالفطرة فلازم تدرس عروض هو علم سهل وبسيط جدا لو تعرف أي واحد طالب في ثانوي أزهري ويكون أدبي اطلب منه كتاب اسمه

اللباب في علم العروض

ده مقرر عليهم وده أحسن كتاب تبدأ بيه الدراسة المنهجية للعلم ده لأنه مبسط وظريف وكافي جدا

نخش بقى على شوية ملاحظات لغوية برضه بس من الناحية النحوية

حتي وإن كان الفواعل من حجر

المفروض كانت الفواعل مش كان

وليبقي كلُ الناسِ جمعاً مفعلولين

المفروض وليبق بحذف حرف العلة وسبب الحذف الجزم اللزم لفعل الأمر

والناسُ دوماً ناقصين

بم أن هذه الجملة معطوفة على ما قبها الذي هو كالآتي

لأنك في الحقيقة كاملة

إذن يجب أن تكتب كالتالي

والناس دوما ناقصون

حيث ستصبح الناس اسم إن منصوب وناقصون خبرها مرفوع

فيه بقى حتت مفهمتش معناها

قوللي بقى معناها اللي قصدته
وهذه الجمل هي

ارسلتُ كلَ مُكـَــاتـَبي

بل انت والله المحال

هذه المآقي الباخرة

سائلاً متوسلاً فينا السؤال ؟؟

كده الملاحظات اللغوية خلصت كلها
..................

نيجي بقى للمعنى نفسه

الفكرة في الحقيقة عجبتني جدا جدا
فكرة المثال اللي انت خلقته ده وبتبحث عنه
جميلة

بس ما عجبنيش استخدام المصطلحات النحوية لأنه خلاها كأنها لعبة أو حاجة لايت كده وخلاص كمان في بعض الأحيان كان بيعمل عندي لبس في المعنى المقصود ده غير إنها تجربتك الأولى زي ما بتقول فخللي التلاعب بالكلام ده لما تتحكم أكتر في لغتك

المقطع ده عجبني

هذا لانك في الحقيقةِ كاملة

والناسُ دوماً ناقصين

انت الحقيقة الممكنة

بل انت والله المحال

بل في جميع الازمنة

أنت المثال

بل إنك وصفٌ دقيقٌ للكمال

هذه الشفاة الساحرة

الشعر فيها مستحيلٌ ان يقال

هذه المآقي الباخرة

تسري علي بحرِ الدموع والسؤال

هذه الصفات الماثلة

في كل عينٍ جاعلة .. س

كل القلوب الثائرة

تبتغي منك الوصال

فاين انت ؟؟

واين كنت ؟؟

الم يَحن وقتٌ تردي ؟؟

هذا حرام والعظيم

فهل يصح ان نردَ

سائلاً متوسلاً فينا السؤال ؟؟

.............

باستثناء تلات حاجات فيه معجبونيش

وهما

أول حاجة إنك كنت بتتكلم عنها كرمز مجرد وبعد انتقلت للوصف الحسي جدا والتقليدي جدا عن العيون والشفاه

تاني حاجة تعبير هذا حرام والعظيم حسيته ركيك ومينفعش فصحى ممكن لو كان باللغة العامية كان يبقى أظرف طبعا الوزن هو اللي أجبرك تعمله كده

تالت حاجة هو السطر اللي مفهمتوش زي ما قلت من شوية

سائلاً متوسلاً فينا السؤال ؟؟

بس خلاااااااااص

شكلك زهقت

زهقت؟

طيب

لكل هذه الأسباب أنا أرى أيضا أنك أكثر حرية في العامية وأكثر جرأة فيها

قد يرجع هذا لأن هذه أول كتابة بالفصحى كما قلت أنت ولكن هذا لا يمنع أن في العامية لك بصمتك ولغتك القريبة منك أنت أكثر كما أحسب أنا

باختصار شديد جدا

كل سنة وانت طيب

ومع السلامة

micheal said...

ايه الحلاوه دي كلها
تحياتي لك

sakayar said...

يا عم انت تاعب نفسك ليه ؟؟؟ اللي خلقها خلق غيرها كتيييييير
بس شغال يا ريس
سلالم

Unknown said...

القصيدة بدأت حلوة
عايزة منك شوية تعب
وتصلح الوزن
يا ريت الفكرة رائعة

bastokka طهقانة said...

انا شايفة انها روعة
و خصوصا حرصك على اختيار اسماء نحوية للتشبيه

نجم ساطع
فعلا

اوروفوار

admelmasry said...

تووووووووهه
ـــــــــــــ
عاش من شافك
والله بتوحشينا
ربنا معاكي يا جميل في الامتحان .. انا واقع لشوشتي في الغريييق


مزمز
ــــــ
اولا : حمدلله ع السلامة
انا مش عارف اخش مدونتك تاني يا برنس .. مش عارف ليه انت حولتها خاص
.
ثانيا : نقدك راااااائع جدا ومانكرشي انه فادني جدا .. واهم حاجة اشكرك عليها انك اسجبت لطلبي في نقد القصيدة فعلا
.
ثالثا : فيه بعض الحجات اللي ليا عليها رد
.
بالنسبة
للتاء المربوطة
اللي المفروض تنطق هه
دا عادي جدا اظن ان طريقة النطق بيفرضها الشاعر .. زي مثلا لما يكون فيه حرف متشكل .. وانت تسكنه عشان الوزن دا جائز
مافيهاش حاجة لما تكون فيه تاء مربوطة وانا انطقها هه .. مش شايف مشكله خالص
.
.
بالنسبة لهذه او هذي .. دا انا معاك فعلا فيها
لاني بانطقها في الالقاء هذي فعلا .. لكن مجاش في بالي خالص اني اكتبها هذي
.
.
بالنسبة للنحو
اعذرني بقي فيه لاني مش متخصص
انا بس يا دوبك شغال بالحبة بتوع ثانوي
.
في المجمل احب اشكرك كتييييييير علي الاضافة الكبيرة بتاعتك
بجد متشكر جدا
.




مايكل
ـــــــ
انت اللي حلو يا باشا
تسلم لي



سكاير اند ريمو
ـــــــــ
بس انا احب اكدلك
هي مالهاش شبيه
صدقني
دا حقيقي



ابو امل
ـــــــ
انا فعلا
مسكت الكام سكر الواقعين
وبشتغل فيهم
متشكر ليك يا عمنا
ربنا يخليك للوراور اللي زي حلاتي




طهقانه
ـــــــ
دا كلام كبير قوي
اشكرك جدا عليه
يارب شغلي يعجبك علي طول



تحياتي للجميع والسلام

شيماء الجيزى said...

ولونى عرفت آدم الشاعر بالعاميه
الا انك اتقنتها
جيدا

عجبانى اوى المفاعيل الى انت دخلتها
:d

بصراحه حلوة جدا
تحياتى

الوردة السوداء said...

عم ادم الزعلان منى
ولله يابنى انا شرحتلك الموضوع

مكنتش يعنى مضطر تكتبلى القصيدة الحلوة دى
وش بيطلع لسانة)

المهم انك متزعلش
بالنسبة للقصيدة
هى يمكن مش جامدة
بس هى عجبتنى

Anonymous said...

ما أجمل الحب والمحبين
رائع أن تعود بنا الى شواطئه المهجوره
تحبها كثيرا
أن كانت حقيقه
وتحب حالحب نفسه
أن كنت متخيلا لاأكثر
من يحبون يعيشون معنى الحياه الحقيقي
قصيده جميله ومعبرة
بالتوفيق

sakayar said...

حال المحبين الذين

تجمعوا

راجينكِ أن تـَجـلِـسي

فوق القلبوبِ مليكة ً

جميلة جدا جدا ... مشاعر مؤثرة فعلا ... دي مين بنت المحظوظة دي؟؟؟
ههههههه تحياتي