Pages

Subscribe:

Friday, May 25, 2007

تغيرات لا يشعر بها الا قلبك

بعد ان شعر انه واخيرا قد رضي الله عنه
وانه اخيرا ذاهب لحضور خطبة الجمعة
حتي وان كان بالغصب ، فهذا لا يهمه مطلقا
فمجرد ذهابه لحضور الخطبة هو المعجزة ذاتها
.
حاول ان يجعل هذا اليوم
مختلفا ال حد ما
الباس الجديد
الريح الطيب
المظهر الجميل
ثم توكل على الله .. وذهب
.
.
_1_
اللي بيته من ازاز ما يحدفشي الناس باطوب وانت بيتك من القش يا حبيبي
....
ردا علي اصحاب الديانات الاخري
وما يحويه كتابهم من خرافات واساطير
.
.
_2_
الرسول عمل م الفسيخ شربات
....
هذا لانه لم يجد تشبيها في اللغة العربية
يصف به ما فعله الرسول مع العرب
بعد ان كانوا مجرد قبائل بدوية متشرذمة تقاتل بعضها بعضا
بحثا عن الماء والكلا ، تاكل الجيفة وتشرب الخمر وتأد بناتها
.
.
_3_
لولا الادب مع ربنا
لكنا قولنا ان اصحاب النبي خير من انبياء بني اسرائيل

...
دا ردا علي من يحاول تشويه
صورة اصحاب النبي
.
.
_4_
لو عايز تنام ربنا بـيـنـيـمك ، لو عايز تصحي ربنا بـيـصحـيـك
لو عايز تاكل ربنا بـيـأكلك ، لو عايز تشرب ربنا بـيـشربك
لو عايز تخش الحمام ربنا بـيـدخلك

...
دا لاثبات ان كل شيء في الدنيا دي بإيد ربنا
ولا دخل للانسان في اي شيء
.
.
_5_
كل شيء في الدنيا دي حصل وخلاص
لان ربنا ماعندوش ازمنه ، كل الازمنه عنده ماضي بس
مش زينا فيه حاضر وماضي ومستقبل

....
مثال : لما تتفرج علي ماتشي متسجل من عشر سنين
وانت عارف ان نهايته كانت
2/0
هل ممكن في الاعاده يبقوا اتنين واحد .. او يتعادلوا
او ان الماتش يتلغي حتي .. هي الدنيا كدا بالنسبة لربنا
.
.
_6_
عند خروج الشاب من المسجد
لفت انتباهه .. تمسك رجال المرور
بالقيام بعملهم علي اكمل وجه
حتي اثناء الصلاة

.
.
.
بعد ان سمع الشاب الخطبة جيدا وتأثر بها كما تأثر بها كل من حوله
وبعد ان رأي دموع والده الذي اصر علي اصطحابه الي الخطبة
تنهمر علي وجنتيه .. قرر قرارا حكيما

.
آثر ان يحتفظ به لنفسه

32 comments:

Esmeralda said...

اظاهر ان رجال المرور دول حضروا له خطبه قبل كده

Esmeralda said...

بقي بالذمه ديه طريقه كلام
و بيسألوا الشباب ليه مبتعد عن الدين

KOKKO said...

معاه للاخر
لكن لما الماتش متسجل فائده الدعاء اللى ربنا امرنا بيه ايه
لا ..مثقف,,والحقيقه افحم كل اللى بيعتدى على الدين
بس بجد...انت متاكد انك كنت فى مسجد
تحياتى

khaled adel said...

مصر فيها مليون مسجد وفيها مليون شيخ بيعرفوا يتكلموا كويس
محبكتش انه يروح المسجد ده وبعدين يقعد يتريق عليه وخلاص
لو فعلاً مهتم جرب روح مسجد تاني وتالت ورابع لحد ما تلاقي شيخ اسلوبه مناسب ليك وكلامه مقنع
@esmeralda
يعني ايه ليه الشباب مبتعد عن الدين
اولاً مفيش حد قال ان الشباب مبتعد عن الدين
الحمد لله المسجد عندنا في كل الصلوات وحتى الفجر مليان بالشباب
ممكن المشكلة ان في ناش مبتشوفش غير الشباب اللي قاعد في الشارع طول الليل والنهار ومش فدماغه اي حاجة
ثانياً مفيش حاجة في اللي اتقال ممكن تتاخد حجة عشان تبعد عن الدين
كون الشيطان متمكن من بني آدم فده مش سبب انه يقول ان المشكلة في الشيوخ
عندك النت والتليفيزون تختار الشيخ اللي على مزاجك وفي آلاف من الشيوخ المحترمين واللي على مستوى عالي من العلم

عامل ايه يا....بالمناسبة( العريش ) ؟

سندباد مصري said...

أثر أن يحتفظ بها لنفسه
.................

مش عارف .. مش باين

أنت متأكد

؟

..........

طيب


تحيه

Mohamed Samir said...

الحقيقة ياباشا ان الموضمع ده مهم اوي...انا فعلا عندي مشكلة كبيره في خطب الجمعة...ياراجل دا انا حاوليا 6 مساجد..اللي لسه بيقول الصدق حلال والكدب حرام واللي يقعد يزعق ويكفر الناس كلها واللي يقعد يخطب لحد قبل العصر ولا الشيخ صاروخ يدوبك تسمع الادان وتنزل يكون هوا بيقيم الصلاة... من شهرين كده حضرت خطبة جمعة جنب بيت واحد صاحبي كان نفسي الخطبة ماتخلصش بس للاسف مش هينفع اقضيها عنده كل اسبوع
تحياتي

aMiR-El ZaLaM said...

الحقيقة ياباشا ان الموضمع ده مهم اوي...انا فعلا عندي مشكلة كبيره في خطب الجمعة...ياراجل دا انا حاوليا 6 مساجد..اللي لسه بيقول الصدق حلال والكدب حرام واللي يقعد يزعق ويكفر الناس كلها واللي يقعد يخطب لحد قبل العصر ولا الشيخ صاروخ يدوبك تسمع الادان وتنزل يكون هوا بيقيم الصلاة... من شهرين كده حضرت خطبة جمعة جنب بيت واحد صاحبي كان نفسي الخطبة ماتخلصش بس للاسف مش هينفع اقضيها عنده كل اسبوع
تحياتي ....
...............
ومينفعش ليه؟
جاهد نفسك
الموضوع مش صعب زى م الناس متخيلة...
مقولناش تبقى متشدد
بس طبق دينك الله يكرمك
..........
تحياتى يا أبو البشر

نبيــذ said...

هههههههه
طيب كويس انة احتفظ بة لنفسة

بس نرجع تانى لأسلوب الخطاب الدينى
لازم يتغير

يا مراكبي said...

أنا خضت التجربة دي بالفعل في مصر .. كنت كل صلاة جمعة بأغير مسجد .. ولما كنت ألاقي خطيب كويس .. يتشال بعد كام شهر

التصدي لخطبة الجمعة والإمامة في صلاة الجماعة والإفتاء من الأمور العظيمة جدا جدا ولها مسؤولية من أخطر ما يمكن أمام الله عز وجل

لكن ناس كتيرة بتهون من قدر المسؤلية دي للأسف .. والنتيجة بتكون إيه؟ تغييرات لا يشعر بها إلا قلبك زي ما إنت قلت .. وبالذات لو كنت لسة محتاج تثبيت للقلب ده على الطريق الصحيح

عصفور المدينة said...

أنا عرفت هو قرر إيه
قرر يتعلم دينه ويحفظ القرآن ويبقى خطيب
ومش بعيد يعمل مدونة ويقول مدونتي نظيفة وجميلة ومتطورة
(:
قول صح
:)
ياريت لو تشرفني وتقرا البوست بتاع مكتوب عندي فيه رأيي في موضوع الحرية اللي حضرتك أشرت إليه

بس الله يخليك بلاش تحرجني زي المرة اللي فاتت
:)

عصفور المدينة said...

مش عايزك تفهمني غلط
مش انت المقصود ولا حاجة حضرتك لو لاحظت أنني تبنيت عدم الحجب وفضلت عليه ان نعمل علامات للتمييز اللي عايز يروح هنا يروح واللي عايز هناك يروح بدون حجب لأن كما قلت أنت أن مسلسل الحجب لا ينتهي كل مرة بسبب
فأعتقد أننا متفقون في الغاية حضرتك فقط اعترضت على وجود تاجز للتمييز
وبعدين مفيش تهكم والله هو حضرتك المقصود بمحرك المعركة بس من غير تهكم وربنا يهدي النفوس
:)
وبعدين أنا دعيتك للقراءة لتعرف أنني لست مع الحجب
ولكن أنتم لم تحلوا مشكلة الذي يريد أن يدعوا أحد أفراد أسرته لقراءة فكرة أعجبته عندكم ماذا يفعل

tazart said...

أنا أيضا طفت مساجد حيي باحثتا عن شيء شبه مفقود أو على الأقل لم أجده

ياسر حسين said...

أنا جيت أرد الزيارة
لقيت متفجرات
مع الاسف ده نتيجة وجود نوعين من الواعظين
الأول النوع الموظف اللي بيطلع يقول كلمتين في 20 دقيقة طبقاً للقواعد الموضوعة
والنوع التاني بيكون من الناس وواخد تصريح طبعا كواعظ .. مجتهد وبيحاول يبسط اسلوب الوعظ بشكل شعبي للغاية فبتكون دي النتيجة
بالفعل احنا محتاجين لتغيير اسلوب الحوار الديني
ولكن بشرط ألا نتدنى بالالفاظ
ومع الأسف عندما يظهر داعية شاب يتحلى بالاسلوب اللبق والمعتدل
يتعرض للهجوم الاعلامي
والهجوم من أصحاب الاسلوب القديم والمنتقد في موضوعك هذا
على فكرة أنا لا أعلم اتجاهك ولا اعلم ديانتك
ولكن الموضوع المثار واقعي ووجب التعليق عليه

خالص تحياتي

ضد الظلم said...

الكلام دة خارج من رجل دين
مظنش دة كفتجى الاسلوب فى الكلام عن الدين لابد ان يكون مختلف
تحياتى

Epitaph said...

مع اعتراضي التام علي الاسلوب الخطابة الدينية واللي اثرها بالسلب
ده مش معناه انه يستسلم وانه يقرر عدم حضور خطبة الجمعة
ومش معناها انه يحضرها رياق و نفاق عشان المظهر العام للناس اني رايح صلاة الجمعة

يوغرطة said...

بصفة عامة أن أفضل الفصحى وخطبة الجمعة
صراحة بعض الأئمة مثيرون للاحراج
لكن لا يجوز التعميم
تقبل تحياتي

الهام said...

هذه أولى خطواتي الى مدونتك العامره
هل من الصواب أن نحدد مضاهر للتدين ؟
ثم هل من الضروره البحث عن شيخ ؟ومن لاشيخ له لا دين له !!أفكر دائما بالأيمان وماذا يعني وكيف نعبر عن ذلك الأعتقاد بطرق روحيه بعيده عن الأدعاء وأجد أن أقرب الطرق الى ذلك هو عدم تدخل الأخرين بينك وبين الله
كما أنني أخالفك في التعميم
فمن لايفيدك أو لايقدم لك جديد أمر نادر الحدوث حتى لو كنت مختلفا مع ما يقدم لاأعتقد أنك لن تخرج بشيء ولو كان الضد لكل ما قيل في خطبه أو جلسه
أو محاضره وتلك ربما تكون هي أكبر
فائده
ما يصيبك من ضجر يصيب الكثيرين لكثرة ما يقال وقلة فائدته
متى ننجو من هذا الغثاء
تحياتي

رينـــــــــــا said...

هو انا عايزة بس افهم حاجة صغيرة
هو دا تلخيص للى فهمه
والا دا كان اسلوب الخطيب فعلا!!!!

لو دا اسلوب الخطيب
ممكن نقول ان هو بيبسط الامور علشان كل الناس تفهم

لو دا تلخيص للى فهمه يبقى بردوا كويس انه قدر يلخص فى دماغه المفيد

تحياتى

صاحب البوابــة said...

تردي الخطاب الديني

هو نتيجة طبيعية لتردى جميع الاوضاع

بلادنا تمر بمرحلة كارثية

تحياتي لموضوعك الجميل

smraa alnil said...

واد يا ادم
الكلام دة حصل بجد
ولا افتكاسة حاكم انا عارفاك يا منيل

بس تدني اسلوب الخطابة مش غريب لان اوضاعنا كلها متدنية

توتة توتة said...

اصل دلوقتي خطيب الجمعة بيختارو امن الدولة لازم يقول كدا


لو عايز تخش الحمام ربنا بـيـدخلك

nirfana said...

مشكلة والله مشكلة
لما شاب صغير يكون مشوش وجوديًا ووقت ذهابه للمسجد يجد مثل هذا الخطاب الدينى

هتكون النتيجة ايه فى رايك
مشكلتنا فى الدين ان كل واحد قال كلمتين بقى خطيب ومن الدعاة

ده حتى اساتذة الازهر بيغلطوا بفتاويهم
فما بالك بالدعاه الوهميين دول هيعملوا ايه

المفروض كل واحد يعيش تخصصه ويقوم بدوره صح

بلاش لخبطة عقول

بس بردو لو انت محتاج تعرف
هتعرف



الله يوفقك

break said...

الكلام دا بجد كان فخطبة جمعة !!!!!!!
انا طبعا عمرى ما حضرت خطبة جمعة بس ببئا سمعة الكلام من البيت وبيبئا نفسى والله انزل اروح الجامع احضر صلاة الجمعة مع الرجالة
المهم ان امتهيألى فعلا انك تغير المسجد لان اكيد مش كل المساجد كدا

أبو أمل said...

على فكرة نا بحسدك على قدرتك الإستيعابية
وقدرت يا قاسى تقتطع الفقرات الجبارة من خطبة الجمعة
يا مدمر
ان با نام بعد ان اصلى ركعتين تحية المسجد وبمجرد ان يفرد الخطيب
مش حسن شحاتة
يفرد عريضته التتى تشبة مطالب احمد عرابى
الشهيرة
ثم يدكمنى الجالس جنبى قوم الصلا قامت

21arestoo said...

ههههههههههههههههه
بص يا عم آدم م الآخر كدا
الحل الأول كان الأصوب




عيبه ايه السايبر يعني
؟

تاخد سيجارة
؟

MAKSOFA said...

طبعا قرر ماعدش يروح

ادم المصري said...

ازميرليدا
ـــــــــــ
لا والله
دول متعهدين خطب


ازميرليدا تاني
ــــــــــ
شوفتي بقي
ههههههههه
ادي الحقيقة


كوكو
ـــــــ
هههههههه
والله يا بنتي كان مسجد
بس هنقول ايه
انا مش رضيت اقول الكبيرة
دا قال ان تاي تانيك كانت سفينه كبيرة فيها ملاعب كرة وحمامات سباحه غرقت لما طلع لها حته تلج في الماء الدافئ شوفتي عظمة ربونا



خالد عادل
ـــــــــ
نجم !!!
ازيك يا برنس
بص انا هابقي اقول للاخ دا انه ييجي عندك بعد كدا .. والله لانه فعلا دور كتير لحد ما تعب
تحياتي ليك يا برنس



سندباد
ــــــــ
ازييييييك
والله ليك وحشة




استاذ محمد سمير
ـــــــــــــ
والله انت محظوظ
انا لحد دلوقتي مافيش خطبة سمعت فيها كلام جديد
اتمسك بصاحبك دا قوي ما تخليهوش يفلت منك



امير الظلام
ـــــــــ
الحاضر الغائب
واحشني جديدك جدا
فعلا .. الحكاية محتاجة جهاد مع النفس اكتر .. اصبت فعلا
تحياتي لك
والسلام




نبيذ
ـــــــــ
فعلا .. محتاج يتغير



يا مراكبي
ــــــــــ
فعلا .. انت اكتر واحد فهمت البطل بتاع القصة دي
تحياتي يا باشمهندس



استاذ عصفور
ـــــــــــــ
اولا : لا مش صح
ما اظنش ان سلك الخطاب الديني قد يستهوي مثل هذا الشاب
بعد ان اصبح هو الاخر طريق للشهرة ولكسب المال .. انا اعرف هذا الشاب جيدا
اما بخصوص اني جرحتك .. مش فاهم حضرتك قصدك علي ايه بالظبط
انا تعليقي علي قصة معينه وماقولتش حاجة اظن انها ضايقتك
ممممم؟ الله اعلم



استاذ عصفور مرة اخري
ـــــــــــــــــــ
لا داعي للاعتذار
ربنا يديم المعروف
تحياتي والسلام

تازت
ــــــــ
انه القدر يا عزيزتي .. ان نعيش الحياة حائرين
تحياتي والسلام


استاذ ياسر
ـــــــــــ
شرفني كثيرا وجودك علي صفحات مدونتي المواضعه
اما بالنسبة للمتفجرات .. شر ولا بد منه
اما بالنسبة للدعاه الدينين .. حضرتك تعلم ان اجر الخطيب عن الخطبة الواحده في الشهر لا يتعدي الخمسة وثلاثين جنيها فقط .. اظن ان ما يسمعه البعض منا في خطب المساجد علي قدر تمنه فقط
تحياتي والسلام




ضد الظلم
ـــــــــــ
المرة الجاية هبقي اسجله صوت وصورة علشان الناس تصدق
تحياتي يا برنس


ابيتاف
ــــــــــ
يا هلا يا هلا بعد الغياب
فعلا رايك نعم الراي .. بس ياريت يحصل الاقتناع


بوغرطة
ـــــــــ
فعلا لا يجوز التعميم
كل هذه المحاولات فقط للترشيح
ومعررفة الصالح من الطالح
تحياتي لك والسلام


الهام
ــــــــ
انها المرة الاولي لكن بالفعل اشعر معك بالالفة الغريبة
فعلا .. بضع كلماتك تمس الكثيرين منا وصاحب القصة بالاخص
اما عن عدم التعميم فهو طبيعي غير مقصود .. عندما اخترع اديسون المصباح الكهربي
فشل لقرابة 9999 مرة .. وعندا قال اكتشفت 9999 طريقة للفشل في صناعه المصباح .. ليس كل ما لا يفيد .. يضر بالطبيعه تحياتي لعقل راجح والسلام



رينا
ـــــــــ
انا اسالك بقي .. حتي لو كان دا تلخيص للفهمة .. انتي شايفه ان الكلام دا فيه شيء مفيد ؟
بس للامانة ليس الا .. احب اقولك ان دا اسلوب الشيخ فعلا
تحياتي والسلام



صاحب البوابة
ــــــــــــ
صديقي .. بالفعل تمر بلادنا بكوارث عظيمة ولكن اشدها جللا هو ما يبعد المرا منا عن خالقه
تحياتي والسلام



سمراء النيل
ــــــــــ
هههههههههههه
عاش من شافك
والله كلام الشيخ فعلا .. مش معقولة هاتبلي عليه ياعني
تحياتي يا جميل
والسلام




توته توته
ــــــــــ
تعرفي انه لما جه عند الحته دي بالذات توقعت انه هيقول
لو عايز تتشطف .. بس استنيه يكمل ما كملشي .. ضحكت والله غصب عني .. لكني فوجئت باندماج كل من حولي فاصطنعت الخشوع
تحياتي والسلام


نيرفانا
ــــــــ
فعلا .. الانسان منا اصبح مشوش وجوديا دا احسن تعبير عن الوضع الحالي واللي بيعبر عن الشباب
وفعلا .. اللي عايز يعرف .. بيعرف
تحياتي والسلام


بريك
ـــــــ
والله دا ربنا بيحبك بس انك ماروحتيش خطبة في جامع
اكتر حاجة بتضايقني هناك دا غير الخطبة ياعني .. الباب الضيق قوي .. اللي بيكون زحمة موت والناس خارجة
دي طبيعه في كل جوامع مصر العملاقة منها والقزمة ايضا



ابو امل
ـــــــــ
والله انا زيك علي طول
بس المرة دا كانت طالبة معايا عند حبتين .. لدرجة اني بافكر احضر بعد كدا بانتظام واجيب معايا ورقة وقلم كل مرة اسجل الحجات المعترض عليها
اهه منه ثواب ومنه اطلع غلي في الناس دي
ههههههههههههه
تحياتي يا باشا والسلام




ايمن اريسطو
ــــــــــــــ
هههههههههههه
والله هو عين الثواب
بس هنقول ايه بقي .. مجبر اخاك لا بطل
تحياتي يا برنس
هات السيجارة بقي مافيش فايدة خلاص


مكسوووووفة
ــــــــــ
والله موراني
هو فعلا .. قرر حاجة زي كدا
تحياتي ليك والسلام

BaTresYa said...

:)
زي كدا لما في شيخ نسب فساد الشباب الخليجي بسبب أن جيرانهم أجانب اللي هما احنا يعني :D
ملهاش علاقه بالموضوع بس ليها علاقه بإن في شيوخ بدل ما بتبني ...بتهد

طارق مكى said...

صديقى أدم

رائع رائع

البوست جميلا جدا

أمـــاني said...

آدم
إنت متناول الموضوع بطريقه بجد بجد جميلة...و عجبتني جدااااااا...يا ترى إنت تعرف الشاب ده ولا مجرد حاله كتبت عنها؟

أحمد مختار عاشور said...

ممكن تكون عارف الحكاية ديه
"كان الخطيب مملا و المصلون نائمون
يقول الخطيب : و تكذب الفتاة على أمها و تقول انها ذاهبة للخياطة فى حين انها ذاهبة للقاء (وبصوت عالى) الحبيب"ا
و بسرعة افاق المصلون و هم يرددون
"عليه الصلاة و السلام"
........................
عسل يا ادم

reri said...

اهو ده الخطاب الديني اللي طوروه أو اللي عايزين يطوروه
عقول متحجره
مفيش مخ بيشتغل
بس هو إيه القرار يا آدم؟؟؟؟

سلامااااااااااااات