Pages

Subscribe:

Wednesday, September 13, 2006

يا ايها الليليات .. انتوا السبب

يا ايها الليليات .. انتوا السبب
.
ليلي هي من اختارت ان تنغلق .. قناعات لديها تجبرها علي الانغلاق .. لا تظلموا الرجل .. ولكن اظلمو نظام التعليم .. اظلموا شيوخ تضلل باسم الدين .. اظلمو الفقر والجهل والمرض .. اظلمو الديكتاتورية .. ولكن لا تظلموا الرجال
.
والدليل (لا مش قالولو ) .. انه في كل المجتمعات التي لا تعاني من الفقر او الجهل .. نجد المساوة بين المراة والرجل عاليان واضحة للجميع
الرجال هم من دافعو عن حقوق المراة .. تذكروا تاريخ النضال الانثوي في مصر من الذي قاده ؟
ومن الذي فتح الطريق الي المراة لكي تصبح كما هي الان ؟
.
اقول لكم .. انكم من اخترتم الانغلاق ..
لقد ارتدت اختي النقاب
فجاة .. ودون سابق انذار قالت لي انها ( حسيت انها عايزة تلبسة ) اختارت لها اسلوب حياه .. اختارت لها زوج المستقبل .. اختارت اسلوب تربية اولادها .. اختارت نظرة المجتمع .. اختارت بكامل اردتها .. لانها تشعر من داخلها ان هذا الصواب
في المقابل كنت انا قبلها ببضع ايام الح عليها كي ترافقني في ندوة .. في جماعة فكرية نتناقش عن الفكر والحرية .. كنت ( بتحايل عليها اوديها سيما ) ولكن هذا ما كان .. وهذا ما سيكون
.
لما امد ايدي للسلام .. لزميلة دراسة مثلا فتقول اسفة مش هسلم .. ده اسمه ايه ؟
لما امشي مع زميلة من باب الكلية لحد المترو وعند باب العربية تقولي اسفة هركب سيدات .. ده اسمه ايه ؟
لما البنت في كلية هندسة .. حلمها وامنيتها تتجوز وتقعد في البيت .. ده اسمه ايه ؟
لما بنت تقول اصل الشغل للبنات حرام .. ده اسمه ايه ؟
.
ولكن اقول علي مستوي المدونات
اخيرا اعترفت ليلي .. انها تحتاج الي وقت كي تراجع موقفها .. ولكن اي موقف يستحق المراجعة .. اتهمتني بعض الليليات اني اناقش الموضوع بتفاهة شديدة وان حركتهم لم تمثل ابدا و اطلاقا تقسيم لمجتمع المدونين .. واني تسرعت في وجهة نظري اذن فالسؤال هنا
.
هل تجمع كل المدونات الانثيات علي كتابة موضوع بهذا الشكل صدفة ؟
هل كل ما عرض في مواضيع ليلي الي الان لا يخرج عن حد الفضفضة ؟
.
تقول احدي المدونات الانثيات .. اني اتجاهل ما تشعر به الانثي .. وان هناك مشكلات بالفعل يجب مناقشتها .. فارد عليا انا واقول لها سيدتي ارجوكي
.
قولي لي حادثة واحدة تعرضت لها احدي المدونات .. او شبهة اضطهاض تعرضت لها احدي انثيات البلوجرز ؟
والسؤال الاجدر بالطرح هنا لماذا كل هذا التجمع وهذا التجمهر في هذا الوقت تحديدا ؟
اشعر اني وقعت في شرك عمل تنظيمي جيد .. في يوم واحد وموضوع واحد وقضية واحد .. وعند ساعة الصفر يتم الهجوم ..ولكن تهاجمون من؟ .. تهاجمون من تفاهموا معكم .. وشاكوكم الحوار والنقاش
اقول لكل معركة ميدان
هل ميدان البلوجرية يحتاج الي معركة من هذا القيبل ؟
.
اظن انه لا .. ثم بعد كل هذا ما هي المطالب التي قد تطالب بها ليلي ؟
لم اجد شيء من هذا القبيل عند احد ؟
.
اني وجدت احدي الانثيات قد علقت مدافعة عن ليلي .. ان البنات غير مسموح لها الدخول الي البيت بعد الساعة العاشرة او انها لا تذهب الي السينما بحرية
.
هل هذه هي مطالب ليلي اذن ؟
هههههههههه .. من قلبي اضحك .. وبكل ثقة اقول خدوها

12 comments:

Mamdouh Dorrah said...

واد يا أدم
في مثل يقولك الفاضي يعمل قاضي
انا مستغرب من الحاصل... خلاص بقينا فاضيين لدرجة ان احنا بقينا ندور علي حاجة نختلف عليها... انا فاكر انك كلمتني لما هوجة كلنا ليلي بدأت... ساعتها قولتلك مش لازم ندي الموضوع اهمية لاننا هندخل في دايرة مفرغة من السفسطائية و الجدل العقيم... و هو ده اللي حصل..الليات المعتدلات برروا الموقف علي انه بوح برئ...أما البعض الاخر شاف انهم بيتكلموا في قضية وطنية مهمة....بغض النظر عن كل ده...انا عايزك تسقط اللحظة التدوينية دي من ذاكرتك تماما..ز و ركز في الحالة العامة و التوجه الجميل اللي انت ماشي عليه و انا بساندك فيه تماما...

مفلس افندى الرايق said...

عاوز تعرف الرد على ليلى تعالى عندى وشوف موضوع سمير

http://mfaysal.blogspot.com/

بس برضه هما السبب

Unknown said...

اتفق مع حاجات كتيرة معك
عاجبانى لغتك
ف الشعر
تحياتى

moorgen said...

هااااى آدم

اولا كل السلبيات ترجع للعادات والتقاليد اللى اتربينا عليها مش هاقولك كلها غلط بس اهلينا اتربوا عليها وعلموهالنابس دا اعتقد غــيَـره التعليم بالنسبه لينا
عارف انا مرة حضرت خطبه وكان الكلام عن المرأة فى الاسلام
وقال عن قاسم امين(قسم الله ظهره هو اللى عمل كدا) :) ه

بس شايفة لو ليلى مقهوره ومظلومه تبقى هى اللى عملت فى نفسها كدا
ولو جينا فىانها مجبرة او لازم تتبع العادات دا يرجعنا لموضوع الانسان مسير ولا مخير

بالظبط زى الجنه والنار اللى اتنين ادامك انت اللى بتحدد

وفى حاجة كمان
انت بتقو ل لما البنت فى كليه هندسه حلمها وامنيتها تتجوزو تقعد فى البيت
مفكرتش ليه بقى دا التفكير
اظن الوضع فى البلد كفيل بالرد
يعن الشباب مش بتشتغل يبقى البنات هاتشتغل

saso said...

المرة اللي فاتت لما سبت كومينت عندك قولتلك اني لما بصيتلها بمنطقك اتضايقت، لاننا رجعنا لنفس التنميط وسخافة عدد السنين والنوع والتعليم
بس انا بتكلم هنا عن الثوابت لدي الاسرة والبنت نفسها ، انا فاكرة لما حاولت اشتغل في الدراسة كان الرد ذهووووول كاني اجرمت لدرجة اني سالت نفسي اية اللي انا عملتة دة
مش حكاية ولد وبنت علشان ماننمطش سمية تمييز نوعي احيانا سني احيانا اجتماعي غالبا
يعني مش ليلي لوحدها دة قيس كمان بيضطهد

سابرينا said...

اولا أزيك يأدم
ثانيا:قبلما تهاجم لازم تكون حاطط نفسك الاول في مكان اللي بتهاجمة
تسال نفسك هم لية عملو كدة
ناقصين شهرة مثلا(طبعا لأ
coz thet are le creme de la societe de bloggers
بيهاجمو حد معين (طبعا لأ دول بيتكلمو في حالة عامة
بيهاجمو مثلأ حدمن البلوجرز الرجال(لأ بردة بيدافعو فقط لو حد هاجمهم
ممكن فيهم ناس بتتكلم بنبرة حادة بس دة طبيعي واعتقد انك اكثر واحدعارف كدة كويس
أهم حاجة انك لم تعامل علي اساس جنسك زي ماحد يعاكسك أو يرزل عليك لانك ساعتها بتكون الطرف الرزل
هم ما حطوش قواعد التعام لهم فقط بيحاولو يتعاملو في حدودها العقيمة )

Nouran said...

ايه يا ادم ما انا ممش مع ليلى اهوه متكلمش بالجمع ده انت غريب اوي وكمان موضوعع تاني انا مشششش من بتوع مارينا يا هندزة انا رايحة ومعايا خطوط حمراء من السيد الواللد والسيدة الوالدة يعني علشان دماغك متروحشش لبعيد اسحب كلامك ع التعليق ف البوسست اللي فات ههههههههههه
سؤال ع الماششي
هو كككل البنات ف هندسة حلمها تتجوز بجد وتققعد ف البييتت
ع فكرة ف حروف متككررة بس مش مني لحسن تقولي بتتهتهي ف الكلام
هههههههههههههه

محمد أبو الفتوح said...

ليلى عندى هى مصر
ده أولا يعنى :)
و بعدين أنا شايف إن تجميع البنات تحت إسم ليلى ده فى حد ذاته-حلوه حد ذاته دى؟- إنتهاك للخصوصيه !!!!
و بعدين إنت سألت يبقى ده اسمه إيه؟ ده إسمه حريه شخصيه ماعدا أخر سؤال بتاع الحلال و الحرام ،مش عايزه تسلم هى حره ، مش عايزه تركب المترو مختلط هى حره ، مش عايزه أى حاجه أو عاوزاها هى حره ماعدا الحلال و الحرام
و أحل سلااااااااااااااااااااااااام
(خدت بالك م القافيه:))

توهة said...

إإإإإإإإيه يابنى إنت قلبتها حرب ولا ايه وبعدين كورتكس عنده حق كده حندخل فى جدل ليس له ناتج
إنت بتنتقم ولا ايه

فانتازيااااااااااااااااااااااااااا فانتازيااااااااااااااااااااااا

MAKSOFA said...

انا دايما اقول ان ليلي هي السبب في الذي وصلت اليه جراء خنوعها وخضوعها واستسلامها قي كثير من الأحيان
كذلك ليلي هي التي ربت الرجل منذ طفولته علي المفاهيم التي اصبحت قناعاته فيما بعد
فأنا مثلا عندما كان يعود أبني من المدرسه مضروبا ومتخرمشا جراء ضرب احدي الليلات الصغيرات وزميلته في الصف كنت انهره بشده كيف لبنت ان تضربك ، عليك بضربها لأنها بنت خايبه وأنت رجل ؟
تلك هي أزدواجيه ليلي التي ربت الرجل
وفي النهايه أقول لك
أذا كانت ليلي تفضل الركوب في المكان المخصص للنساء فهذا لا يعيبها بل هو أحتراما لمكانتها فأنت تعلم أن هناك الكثيرن من الرجال غير المهذبين ومعدومي الأخلاق ممن يهينون كرامتها في الشارع أو في وسائل المواصلات ، كذلك أذا أرتدت الخمار والعباءه السوداء فهذا أيضا حقها في حريه أختيار ملابسها التي تجد أنها تحميها من تطفل الرجال ، ولكن عليها أن تحرر عقلها ولا ترتد فكريا لأن الأسلام كرمها وأعطاها كافه الحقوق ولكنني لست معها أيضا في أنها تشعر بالطلم لأنه لايسمح لها بالبقاء خارج المنزل لساعات متأخره من الليل ، فالمرأه يجب أن تصان ، ليست لأنها كائن منقوص ولكن لأنها جوهرة مكنونه يجب أن نخاف عليها من حوادث الليل وأخره والحذر يمنع القدر كما يقال
وفي النهايه أخبرك أنني أصبحت من المدمنات علي ما تكتب

admelmasry said...

بصراحه مش عارف اقولكو ايه ؟

انا هتكلم بصيغة الجمع عشان مش عايز اطول

انا هعمل زي ما كوتس قال


وهسقط اللحظة التدوينة دي من حياتي

سندباد مصري said...

كيف تستطيع ان تسقط لحظه من حياتك

هل هو سر تحتفظ به لنفسك

لم اظن يوما انه ممكنا

وإن كان ممكنا اافعله

ّ؟؟؟؟؟؟؟؟؟ظ

عزيزي ادم

ليس هجومك مبررا علي من قالوا شيئا خصوصا من طرحوا فكرا

لقد قرأت ربما بعض ما قرأت

ولم اجد من غضاضه

في نتعامل مع الموقف

من منطلق نفس القضايا التي نتعامل معها كلها

بعيدا عن الشكل المتخز من جانب

فلربما سلكوا طريقا غير واضح في تلك القضيه

ومن جانب اخر لابد ان نسموا خلفالشكل ونركز علي ما يجعل تلك القضايا مطروحه للنقاش

وقد

بدأت انت بدايه احببتها في تلكم المواضيع

ولكن نهيتها بهجوم غير مبرر عندما التجأت الي المواقف الفرديه

وحكيت عنها

ادم لا تهمل تلك اللحظه

فهي لا تهمل

لا تقل ابدا لمن اراد ان يتكلم اسكت

فلربما هي اول مره يتكلم

ولا تغضب منه عندما يخطيء بتهجيء الكلمات

فهو جديد في النطق

لنتركهم يعبرون عن وجهه نظرهم كامله

ثم نناقشها اوجه القصور والعيوب

بل والمهم

الاكثر اهميه المزايا

والسلام