.JPG)
نــكــســتـــي
.
.
شيلت نكسة فوق كتافي
ماشي بيها في البلاد
سيبتهاشي الا ما دابت
تحت رجلك يا وداد
وامريني .. امريني لو اجيب م الليالي عنقودين
واطرد الليل الحزين
افرك العنقود بايدي
فالقي نفسي بين وبين
اصلي حبة لولي واقعة
من حبال الذكريات
مستعدة تخلي بكرة
يبقي احسن م اللي فات
ده في حالة واحدة هي
ان بكرة يبقي فات
ده لان النكسة فينا .. ما انتهيتش
لسه فيها عار ودم
لسه ليها كام بقية
والنتيجة الظلم عم
مش هخاف من جمال
قالو نكسة مش بدم
اه هخاف من ابويا
لما وافق ع العدم
تبقي دية عيشة لينا
واحضرينا يا امم
مرة ابويا خد قرار
تعرف النكسة اختبار)
( واجبي اصبر للنهاية .. دا بديل الانتحار
خاف من اللي بدلة سودا
بيضا في عز النهار
خاف لا ضله ينحني
لاجل عوده المنحني
قالو حاجة تكون سليمة
حتي ما يكونشي انهيار
مش هخاف من جمال
برده ارحم م التتار
يكفي ابويا وكل ناسه
اللي هما عاشوا فيه
برده ابويا يا ما شاف
ياما بكيو الناس عليه
يكفي قلبي كل هم الفترة ديه
واللي راحت واللي جاية
واللي شابو الناس عليه
مات ابويا
عاجز اترحم عليه
ساب وصية
اورث الخوف اللي فيه
فيش في ايدي حاجة تانية
غير ساعتها اني اخاف
والعن اليوم اللي شاف
نو صباح الكون .. حبيب
دون ما يحسب الف مرة
للضلام مليون حساب
23 comments:
ساب وصية
اورث الخوف اللي فيه
فيش في ايدي حاجة تانية
غير ساعتها اني اخاف
**
خف إيدك على الجرح شوية يا دكتور
دا الجرح لسه طري !!ا
يا ساتر يا رب! ايه الكأبه دي
خاف لضله ينحنى ..... حلوه
بس لا تلعن اليوم اللى شوفت فيه نور الصباح حبيب لأنه الحاجه الوحيده النظيفه لحد دلوقتى
فانتازيااااااااااااااااااااااااااا
فانتازيااااااااااااااااااااا
ادم الرائع
كم كان تعبيرك الرائع حساس وجذب القلب اليه وتربعه فيه
احييك عليه
ليه يا عم كده
احنا مش عارفين عنك كده
ايبتاف
اشكرك جدا .. بجد احييكي
فيلم
بصراحه مش عارف اقولك ايه
قليل جدا اللي بيحاول يقرا ما بين السطور
لسه باتنفس وعايش
ايه رايك يكون ده اسمك حلو ؟
ع العموم الكئابة دي شيء عادي
فانتزيا
اكيد ما تفوتشي علي شاعر دي
محمد مفيد
اشكرك جدا علي احساسك الجميل
ابن الشارع
ده انا كده وكده وكده كمان
ماشي يا معلم
بس انا اول واحد سمعتها
لأ مش حلو
و بعدين ليه مصمم تحسسني بالذنب؟ ايه موضوع الأنجليزي معاك؟ و طالما مضايقك أوي كده, ليه لسه بتيجي البلوج بتاعي و تشتكي انك مش فاهم؟
أنت غريب!
كلام جميل جدا و انا فعلا بحب النوع دة من الكتابات
يا ريت نشوف المزيد منك
كلام جميل جدا و انا فعلا بحب النوع دة من الكتابات
يا ريت نشوف المزيد منك
سورى الكلام طلع من غير اسم
فى الكومنت اللى فات
حلو يا آدم
والله ما افتكر انك شاعر
رائع
رائع
معجب بلغتك جداً
تحياتى
هاجى كتيير
عندك
ارجو التواصل
sooooooooooooooooo nice
ادم ..
مش لازم تورث الخوف.. اتمرد عليه، لسه بدرى عليك قوى على مايسكنك...
قصيدة جميلة رغم كل مافيها من قهر وحزن وتشاؤم..
تحياتى
كورتيكس
طبع مين ينكر
still pirthing
انا اسف جدا ما منتش افتكر ان الموضوع يضايق بالشكل ده
ع العموم انا مش هاجي البلوج تاني لو ده يريحك
اكرر اسفي
any mous
اوعدك بمزيد من ذلك
استاذ جمال
اشكرك علي تشجيعك
شرفني وجودك بالمدونة
ابو امل
انا مبسوط جدا ان ده راي شاعر في كتاباتي
any mous
thanks
بعدك علي بالي
اوعدك ان فيه مفاجئة قريب
للأسف نحن نعاني جميعا من تكرار النكسات التي أصابتنا جميعا بالأحباط
صورت الفكره بشكل رائع بس كتيره كميه الأكتئاب
جميل جدا الانتقال بين النكسة الذاتية ونكسة البلد عموما
بس مازلت تصر علي كرهك للعصر الناصري وتعبر انه عصر للخوف و الخوف سبب النكسة وانا أويدك ان الخوف سبب كلا النكستين الذاتية والعامة بس مش سبب الخوف كان جمال
القصيدة رائعة فيها نوع من النضج مختلفة عن باقي كتاباتك .
لك من تحية
ايه يا عم آدم دا
انت بتعمل سحر ولا ايه
لا بجد القصيده هايله
والميزه ان الكلام جديد
يعني كلامك انت
مش مجرد اعادة صياغه لمفردات قديمه مستهلكه
مكسوفة
الاكتئاب بقي عندي ثمة مميزة
مش عارف اهرب منه
لا احد
او كما احب ان ادعوك احمد حسن
يا سيدي العصر الناصري ده علي عيني وراسي
بس مش جمال اللي في القصيدة هو جمال اللي في دماغك
علي فكرة انا مبسوط قوي ان واحد في مكانتك كشاعر بيقول عليا كده
ام المريلة
هههه
اه تصدقي مش هينفع
بس انت كنتي فاكراني ايه ؟
صايع ياعني ؟
ههههههه
بس تصدقي والله انا مبسوط جدا انك لسه فاكرة عنوان البلوج وبتعجبك حاجة فيه لانك من الناس اللي بلوجها كان ليه فضل عليا
تونا هانم
الكلام ده ما يطلعش الا من واحد مهتمة جدا بالادب
اشكرك علي اطرائك الجميل
ادم انا بقول عنك دايما انك مشكلة بحب كلامك بس بتخضني وباقفل وارجع افتح تاني
النهاردة بقي انت مشكلة
الترتيب والاحساس والقوة اللي في الكلام
اقولك علي حاجة سخيفة لما بتكتب كلامك اللي بيخض مبعرفش افتح الصفحة رحت نقلت حكاية بني الاهبل علي وورد علشان اخدها لوحدها
لا..انت بجد مــشــكـــلـــة
اوعدك اني ما قولش
كلام يخض تاني
ياعني مش هقول بخ
ههههههه
بس بجد عجبني راييك جدا قليل جدا اللي بيقول علي السلبيات في اي شي يشوفة الايام دي
:) مش هتقولها يعني ؟
اتفقنا
اول مرة جيت عندك كنت بادور علي راي مش مناهض بس علي الاقل مش سعيد بموقف نصر اللة،، بعد 120423 بلوج جيت عندك ،، وبعدها طلعت روحي علي مافتكرت عنوان الصفحة
هنا بقي تاني اعجاز مشكلة جمال ، الخوف ولد النكسة ولا النكسة حفرت الخوف وجمال ارحم من التتار ولا لا؟
الخوف ميراث من قبل جمال بس كان المفروض يكسرة مادامت ثورة بدل ما يحفرة
أدم المصري
بجد حلوة
الكلامات قوية
وسلسة
احييك على هذا البوست حتى اقرا بقية البوستات
/:)
تحياتي
غريبة انا مش مصدق .. بجد ما تصورتش ان فيه حد ممكن يتناول القصيدة بالشكل ده .. علي فكرة انتي كده هتخليني احبها
تعرفي
بالرغم ان انا كنت بقارن بين نكستين واحدة بدم والتانية لا
ولمت ابويا اللي وافق ع العيشة العدم
وافت اني اخد مبدا ابويا اخاف والسلام
هو خاف من نكسة قديمة وحقة لانها كانت بدم وتخوف
وانا خوفت من نكسة جديده بالرغم انها مش بدم
اكتب بالرصاص
اشكرك جدا .. كلامك بجد تاج ع الراس
Post a Comment