Pages

Subscribe:

Sunday, September 10, 2006

احه .. كلنا قيس بقي

احه .. كلنا قيس بقي
لفترة ليست بقصيرة .. كنت اتصفح النت يوميا .. هنالك اشخاص ارغب في ان اكون اول من يعلق لهم في مواضيعهم .. احس احيانا برغبة قوية في مصادقتهم .. ولكن لفترة شعرت بالملل لاني لم اجد موضوعا جديدا عند هؤلاء لفترة ليست بالطويلة .. لكني قد تعودت فيهم النشاط .. لم اجلس البارحة فقط كي اتصفح النت .. البارحة فقط .. اي انه يوم الجمعة السابق كان كل شيء علي ما يرام .. ولا هناك شيء غريب
.
ولكن
.
البارحة حدث ما قلب البوجرز راسا علي عقب .. ادخل الان لاجد ان كل البلوجرز اجتمعوا علي انهم كلهم ليلي .. ما السبب لا ادري .. في ابهام واضح في كل موضوع قد كتب عن هذه الــ ليلي هناك من تناول الموضوع بشكل ساخر وهناك من تناوله باسلوب ادبي انشائي وهناك من تناوله بطريقة بسيطة ولكن اتفقوا جميعا علي ان لا يذكروا من هي ليلي
.
هناك من حكي مغامرات لها .. فهي ليلي ومرسي .. او .. وليلي وحنفي وكان الامر كقصة او رواية يتناقلها البعض مع تحريف بسيط ولكن مايميز كل المدونات انها وضعت لينك خاص للانسة ليلي .. لنقرا لها .. وكانها دعوة منهم لان نقرا لها
.
فالسؤال هنا لماذا تتكلمون اذا كنتم غير قادرين علي توصيل رسالتها ؟
او لماذا نقرا لها طالما انكم قلتم ما تريد ان تقوله ؟
ام ان هذا نوعا من الاعتراف بحق الملكية الفكرية مثلا ؟
.
لماذا العنصرية التي باتت واضحة في بوست ليلي ... منذ متي وكان مجتمع المدونين منقسم رجالا ونساء .. منذ متي وكانت العنصرية شيء مميز في البوجرية ؟
لا اعلم .. ولكن ما اعرفه الان وما انا متاكد منه اننا بالفعل لم نتعلم شيء عن حقوق الانسان والديموقراطية وهذا الكلام الزائف لزوم المحاضرات .. والرغي ليس الا .. وعلي اول مشارق الطريق ظهرت انياب الوحش النسوي الكاسر ليعض الرجال في عالم خاص سادت فيه روح السلام لوقت طويل
.
لمصلحة من ان يتكلم البوجرز باسم النساء والرجال ؟
لماذا اخترنا اذن اسماء مستعارة ؟
كنت اظنها لاخفاء الدين او الجنس حتي لا يمثل حاجز .. ولكن كسرت كل الشعارات الرنانة التي نادينا بها .. في اول منعطف يمر
.
اذن لقد باتت الامور هكذا .. انفصل النساء في عالم خاص بهم وباتو ينادوا بانهم كلهم ليلي .. وان الظلم قائم عليهم من مصدر واحد هو نبع الظلم والشرور اسمة الرجال
اذن فلنعلن نحن ايها الرجال .. اننا كلنا قيس

22 comments:

admelmasry said...

غريبة
انا لسه باكتب في الموضوع وبظبته
لكن ع العموم اهلا بيكي يا ست الكل
انتي شايفة انقسام المودنين رجالا ونساء في صالح التدوين وفكرة الوحد وشعارات المساواة اللي بنادي بيها في واقعنا الافتراضي اللي بانيناه بعيدا عن الواقع الاليم

انا شايفها مش في مصلحته

soosa el-mafroosa said...

يا بني مانقسمناش ولا حاجه ..ده يوم واحد ..مرة واحده ..معملناش انقسام و هانتكلم كده على طول ..بعد كده كل واحده هترجع زي ماكانت بتكتب

بجد رد فعل البوجرز غريب جدا ..هو احنا طول مابنتكلم في السياسة و الدين و الحب نبقى حلوين و ديمقراطيين وأول مانفتح بقنا و نفضفض باللي جوانا نبقى خلاص كفرنا ..معرفش ليه الحساسية دي من بنت بتشتكي ..هو انت لو اشتكيت من حاجه هنقولك اجري اجري ..بتشتكي ليه مانتا واخد حقك و زيادة..لأ هنسمعك و نحاول نفهمك ..احنا ما بنهاجمش حد..احنا بنفضفض على حاجات مضايقانا ...فيها حاجه دي؟؟

moorgen said...

:)
قبل ماعلق يا سى ادم
انا بسمع عنك بس دى اول مرة ادخل مدونتك
بس بصراحة انا مش بعرف اجامل
طريقة سرد الكلام حلوة

اما بالنسبه لموضوع ليلى
عادى انا شايفه انه مجرد تعبير وسرد وقائع لحالات فى المجتمع تتعرض لها المرأة (ليلى)
سواء كانت بطريقه ساخرة او طريقه عاديه
() بس لو ليلى حاسه بالظلم يبقى هى اللى ظلمت نفسها يوم ما ضيعت حقها وسكتت عنه بس انا شايفه ان ليلى مش مظلومه او ع الاقل حاليا الكل بيحاول ينصفها لان ربنا والدين نصفها
وعلى فكرة ليلى مش ضعيفة هى اللى بتضعف نفسها
عموما لو عايز تبقى قيس حد ماسكك
ويا سيدى الدنيا لا تنفع من غير ليلى ولا تنفع من غير قيس يعن فى النهايه لا هو انقسام ولا عنصريه

بعدك على بالى said...

وجع ليلى مش من آدم ولا قيس بس، وجعها من المجتمع كله وادم او قيس جزء منه ...

خسارة يادم كنت فاكراك حتفهم

لكن .. الف خسارة

farida said...

ازيك يا قيس
زعلان مني من آخر مره؟؟
رديت عليك على فكره

المهم يا دكتور

يا سيدي و لا عنصريه و لا حاجه

هو في أوضاع غلط إحنا بنتكلم عنها مره في الشهر و خلاص

ليه كلنا ليلى؟؟
علشان كل واحد يتكلم عن نفسه

لكنها لا خناقه
و لا إنقسام

أنا مصريه اكتب عن مصر و السياسه
أنا مسلمه اكتب عن الإسلام
و انا إمرأه اكتب عن المرأه

عادي
و ممكن اتكلم عن الرجل
و ممكن انت تتكلم عن ليلى

و على فكره نحن لا ننادي بالمساواه
على الأقل أنا لا انادي بها
أنا انادي بالعدل

saso said...

mmmm
مش عارفة لما فكرت فيها من منطقك اتضايقت :( احنا فعلا احلي حاجة في البلوجز اننا مش متقسمين التقسيمات الغبية حسب النوع والتعليم والسن والكلام دة
اقولك، طيب متعتبرهاش حملة اعتبرها تاج بيتمرر او باب مناقشة، مش انقسام

الأميره أوسه said...

ألف مليوووون خساره
هو قيس ماله زعلان ليه
طيب مش يسمع ليلى ويحس بيها ويناقشها
يسمع شكوتها بدل ماهو نازل أشعار فى ليلى
حتى أنت يا دكتور أحه
فين بقا الدكتوراه بتاعتك
رغم أنك وصلت لأعلى مرحله فى التعليم
وهى الدكتوراه بتاعتك
لكن بصراحه
أأأأأأحه

admelmasry said...

اهلا بالهوانم الليليات
هرد الرد اليكم جميعا .. منعا لتشتت

هل مجتمع البلوجرية يشتكي من ضغط الرجل علي المراة ؟

هل شعرت احدي المدونات السيدات منهم والبنات ان هناك شبهة اضهاط لكونها مراة ؟

اذن لماذا نخترع مشكلات غير موجودة بالفعل ثم ندعي اننا نواجها ؟

مشكلة الرجل والمراة مشكلة ابدية في الواقع الاليم الذي هربنا منه جميعا لننشئ مجتمعنا الخاص ( البلوجرية ) دون اي حواجز بينا

لا اظن ان مجتمعنا الجديد .. يعاني مثلا من مشكلة البطالة .. يجي بقي واحد فاضي ويقول البطالة وسنيننها

احه

احنا ليه بنرجع لورا مش بنمشي لقدام .. الكلام ده كلو موجه لمين ؟

هل موجه لكل الرجال الذين اضطهضوا ليلي ؟

ام موجه الينا نحن ذكور البلوجز التي تعامل النسا باحترام مبالغ فيه في بعض الاحيان ؟

كنت اريد منكم ان تفصلو وتوضحوا الي من توجهون خطابكم

هل قابلت احداكم ما من فرض منا ما دعا الي ذلك ؟

اريد دليلا

Nouran said...

والله يا ادم يا اخويا انا اروح يومين مارينا ارجع لقيت البلوجر كله ليلى بصراحة انا مفهمتش حاجة ولما دخلت عند كلبوزة ورحت عند ليللى برضه مفهمتش حاجة بس اللي فهمته ان ف عنصرية وحجات غريبة كده

مفلس افندى الرايق said...

ياعم كبر الدماغ هما اخرهم كلام واحنا بس نتزوج وف الغرفه المغلقه اللى جدع يقدر على التانى

Anonymous said...

هههههههههه
يا ابنى بالراحة
مش مستاهلة كل دة
الموضوع مش موضوع تمييز وقهر وظلم
الموضوع يوم اثبتنا فيه انا ليلات تقدر تتحد وتتعاون
عكس النظرة السايدة فى الاذهان عننا
كل الحكاية بس قرصة ودن لقيس
علشان يحس بليلى وميسيهاش كم مهمل مالوش لزوم الا وقت النوم وبس
------
يا دكتوووور
لو انت مقتنع ان مفيش اى حاجة تستاهل اننا نتكلم فيها ونحس بيها
يبقا متنرفز لية كدة واخدت الحكاية كانها صراع شخصى؟؟
--------
لا ليلى تقدر تستغنى عن قيس
ولا قيس يقدر يعيش من غير ليلى
لكن كل ليلى بتحلم بتاج يضعه قيس فوق راسها ويعاملها بما تستحق ان تعامل به
دى كل الحكاية
مش على اساس انها ام احمد الخدامة او على انها عالمة ذرة
لاء
زى ما بتتعامل بكل الاحترام مع صديقك وزى ما بتفرغ عواطفك برة لعشيقتك
وفر كل دة لليلى ...هى اولى بيه
--------
وضحت الرؤية؟؟

تحياتى الك

محمد أبو الفتوح said...

بص ياسيدى
أولا أنا شاعر عاميه زيك و عجبتنى قوى بصراحه.أنا بعشق الطلاقه فى الكتابه و عدم التكلف و الصور دى اللى بتيجى من عند ربنا.أبقى زورنى
ثانيا شايف إن أحلى حاجه فى المدونات الحريه الكامله و إن من حق أى حد يعمل أى حاجه . الفكره الكويسه هتفرض نفسها و الوحشه هتندثر إنتخاب طبيعى يعنى فما تقلقش نفسك قوى طالما مافيش سلطه بتتحكم فينا

هيثم محفوظ said...

أولا يا عم دى أول مره أزورك فيها و بجد كانت مفاجأه ليه إنى أتعرف بيك
بجد أنت شاعر كويس و لسه قدامك كتير هاتطلعه
ثانيا أنا ضد فكرة النيك نام خالص أعتقد إن إحنا مش مستنيين فكرة النيك نام دى علشان تدوب أى فروق
إحساسنا الحقيقى بالإحتياج لحريه هو اللى خلانا نروح للبلوجز و إيمانا بالإحتياج ده كفيل بإنه يسقط فكرة النيك نام دى خالص
ما تقلقش نفسك من موضوع ليلى ده لأن أنت عارف إن مجتمع البلوجريه مليان من كل الأنواع فمش كل المدونيين هتلاقيهم وراهم حاجه كبيره عايزين يواصلوها يعنى فما تخنقش نفسك بقى
كل فى الأخر بيتفلتر
أنا عايز أعلق ع الحدوته اللى تحت و إكمنى أول مره أزورك و مش ضامن إنك تنزل تحت تانى فأنا ها علق فوق
حلو قوى أسلوب صياغتك و فيه لغه بتاعتك قوى بس الحواديت مش عايزه الأبيات القصيره لأنها مع الحكى بجد بتعمل صداع و بتخلينى أفصل بعد شويه و فى النهايه
أنا ملحن و مغنى ياريت تزورنى و أتشرف بتعليقاتك

MAKSOFA said...

تعرف أنا ضد التقسيم الي رجال ونساء الا أنني أيضا في طرح الفكره والكتابه فيها تجربه تستحق الأهتمام الا أنني وجدن أن أكثر ما يعيب الموضوع هو كثره المشتركات الذي لايجعل لنا فرصه للمتابعه الجيده كذلك فأن الكتابه بطريقه عشوائيه تجعلنا نتشتت في القضايا التي من المفروض أن تطرحها ليلي واهميتها ، الا أنني أعترف أن هناك بعض المقالات الجيده والتي أستطاعت ليلي فيها التعبير عن نفسها وعن بنات جنسها بصدق وموضوعيه
ولا أدري لماذا كان يوم التاسع من هذا الشهر سببا في أنطلاق تلك الحمله وكان الأجدر أن تكون في أحد التواريخ التي تهم المرأه كيوم المرأه العالمي أو حتي عيد الأم

توهة said...

يا عم براحه علينا شويه .... إيه قطر ماشى

طب حاسب لتدسنا ولا هو سلو القطارات اليومين دول

أنا مشوفتش بوستات بالشكل ده اللى إنت بتمثله
وعموما أنا ضد حملات المرأه ... شوية ستات إتجمعوا وبيعملوا حملات ومظاهرات ليه معرفش


وأنا شايفه إن مشاكل المجتمع السياسيه والماديه والدينيه بدوب هذه الفروق وتخلى الكل من أول الطفل لحد الكهل والرجل والمرأه منصهرين فى بوتقه واحده
لا يميز أحد عن الأخر

وإن كان فى يوم الراجل كان سى السيد والست هى الخادمه فهذا غلطة الرجل والمرأه سويا والمجتمع والإحتلال وتأخر المجتمع

وبعدين إنت شوفت بوستين تلاته ليلى على طول كده تيقى قيس ياعم خليك إنت الكبير

وبعدين الإسلااااااااام واضح فيه كل حاجه وحقوق المرأه والرجل



فوتك بعافيه
بلوجات بقى ماشى



فانتازياااااااااااااااااااااااااا
فانتازيااااااااااااااااااااااااا

المواطن المصري العبيط said...

هو مين ليلى دي يا جدعان ؟ هو الواحد كل ما يرمش او ينام دقيقتين يلاقي حاجة جديدة مثل فقاعات من الوساوس والأوهام والهراءات

مش من باب أولى نتوحد حول هدف معقول ومقبول قبل ما ننقسم لقيس وليلى، دايما هنفضل كده طالما طول عمرنا

انا جالي تعليق من واحد اسرائيلي على بوستي الأخير بيأكد الكلام ده في اننا احنا العرب الكلاب الجائعة المشردة هتفضل منقسمة وبتهوهو واسرائيل هتفضل هي اللي راكبانا. هي دي الحقيقة اللي للأسف الشديد جات من الغريب واحنا ولا كأننا عايشين، بس كل اللي يهمنا على رأي ابليس، منقسمون إلى صندوقين، واحد منهم من القضبان، والآخر من البظر

تحياتي

admelmasry said...

نوران
هو انتي من بتوع مارينا
يبقي كده ما اضمنش تكوني العروسة

مفلس افندي
وطي صوتك الكلام ده عيب


شهروزة
تفتكري لو انك صبحت يوم الصبح دخلت البلوج
لقيتي كل المدونين الذكور مجتمعين بقدرة قادر علي كلمة واحده
ان الستات دي ظلمة قاسيين ولازم ناخد حقنا منهم
ده هيكون شعورك برده

محمد ابو الفتوح
شكرا ياشاعر
اخيرا فيه حد معايا

هيثم محفوظ
تعرف انا مبسوط جدا انك جتني يا فنان
وملحوظاتك هخدها في الاعتبار طبعا


مكسوفة
انا معاكي هي هوجة او ممكن تقولي فيه ناس بتكتب قبل ما الهوجة تخلص حاجة كده .. والغريبة ان مافيش مطالب
بيكتبو ويهاجمو بس


فانتازيا
اه قطر وحاسبي بقي
هههههه
بس خدي بالك انا ما شوفتش تلاته بس انا شوفت كتييير
ده اللي استفزني
حسيت انها مدبرة
مش صدفة ياعني

admelmasry said...

جميل يا مواطن
وقول لابليس هو فين ده واحشني

توهة said...

اولا بدحرج التماسى على ادم باشا
ثانيا انت لو فكرت شويه كنت قلت كلام غير ده.
على الاقل كنت تقول ان الراجل جاى من انثى ولدته وربته وزرعت جواه اللى بقى هوه عليه
يعنى لو كانت كل ام بتعلم ابنها انه لازم يساعد اخته ويقف جنبها ويعملو كل حاجه سوا زى ما بيتعلموا سوىمكنش فيه راجل يضرب مراته ولا راجل يكون بتاع نسوان ولا راجل يحس بازمه ويموت فى مكانه
دىة كلها تربيه والمشكله ان كل واحده بتخلف ولد بتحب يكون راجلها وتحقق فيه اللى مش شيفاه فى جوزها يعنى نفسها يكون قوى ويشخط وينطر زى مايكون الراجل كده فتقويه على اخته او متحبش تضربه اصله راجل والبنت تضرب ادامه وفى الاخر تقلها اصله راجل مينفعش ينضرب قدامك
طيب لو سمحت كل البنات المظلومه دى لو قدرت بجد لما تخلف ولد تعلمه صح ومتطلعوش فوق فى السما وتعيب عالرجاله
ده مننا معشر النساء ولابد ان نتحمل خطايالم يرتكبها فى الاصل ثوانا
احنا اللى بنربى واحنا اللى بنطبخ الطبخه وبعدين انتوا قلتوا اننا بنربى الولاد والاب شايل قيده خلاص ربوهم صح زى مانفسكوا يكون زوجكم حنين وصادق ومتفهم ومشارك

ومتزعلش نفسك ياعم ادم بس يارب تكون فهمت كلامى وعرفت ان عليك دور انت كمانوسلام
كروان

إيمــــان ســعد said...

هو من وجهة نظرى كل الموضوع اننا لا نعادي الرجال او الجنس الاخر بالمرة .. و لسنا ضد الديموقراطية و المساواة بل اننا اول من نطالب بتنفيذها فعلا و ليس شفهيا

كل ما هنالك اننا ضد الموروثات الثقافية التي نالت طويلا من كرامتنا

على فكرة انا باكره الجمعيات النسوية من هواة شد الشعور و الصراخ .. و لكن هذا لا يمنع اننا لنا حق الاعتراض على ما نراه خطأ في المجتمع

تحياتي

محمد أبو الفتوح said...

بالمناسبه إنت عامل الينك مزاجات محمود أبو الفتوح و هى محمد مش محمود

البوهي said...

السلام عليكم،واحب ادخل في الموضوع.هي تفرق معاك كتير يا عم ادم انهم يتحدوا انهم ليلي انهم مظلومين.ما الي عنده كلمه بيقولها واللي عنده حاجه بيعملها المهم انا قيس يفضل مرتاح.مش بيقولوا اتجوز اتنين يقدمولك العينين