.JPG)
قعدت فترة كبيرة افكر في امكانية ان الواحد يتجوز اربعه .. وكانت الفكرة عجباني جدا لدرجة اني بدات اقنع بيها كل حد افاتحه في الموضوع
.
اولا امي باعتبار انها صدقيتي ياعني
سالتها ايه رايك في اللي يتجوز اتنين .... كانت الاجابة سريعه وبدون تفكير يبقي منافق وبــ وشين
قولت لها امال لو حيتجوز اربعه
ما ردتيشي بصراحه .. هي خبطت علي صدرها مع شهقة يا لهوي ... دا طفس بقي
.
اصدقائي المقربين بصراحه ماحدش فادني بشيء
اللي قالي مش هتقدر
واللي يقول صعب
واللي شايف ان الموضوع مستحيل
.
ماحدش فكر تفكير عملي جاد في امكانية حدوث الفعل نفسه .. اللي هو الجواز من اربعه ... بدات الحكاية معايا لما حسيت اني اكيد بعد الصبر والاستحمال اللي مستحملة دا كله ان ربنا اكيد هيكافئني وهيجوزني جوازة حلوة .. بعد كدا بدات اطمع .. طب ليه واحدة .. ليه ما تبقاش اربعه ؟؟؟؟ مافيش حاجة كبيرة علي ربنا
.
اولا انا شايف ان الجواز من اربعه دا في مصلحة الاتنين الراجل والست دا في حالة ان الجواز اساسا وسيلة وليس غاية .. يهدف بيها اقامة اسره صاحلة داخل مجتمع صالح
يبقي اي فعل يتم داخل الاسرة دي .. لا يجب ان يتصف بالانانية ... اعتقد هنا هانسمع صراخ من الاخوات العزيزات وهيقولوا اهه اديك بتناقض نفسك صبرا صبرا يا ال ياسر .... بنقول ان اي فعل يتم داخل الخلية الصغيرة دي لا يجب ان يتصف بالانانية .. ياعني كل واحد لازم يضحي بجزء من راحته في سبيل انجاح الغاية الاسمي والهدف الاكبر .. الا وهو انتاج اسرة صالحة نافعه للمجتمع
.
ولان طبيعه الحياة ملولة ،، متغيرة باستمرار .. يمل الرجل سريعا زوجته وذلك يحدث حتي مع اجمل الجميلات .. فلا الحلاوة بتنفع ولا الجمال بيفرق وع الاصل دور
.
الامثلة كتيرة ولا حصر لها لكن مش وقت امثلة .... الجواز من اربعه دا بيحل مشكلة الملل دا ... دايما الراجل رايح لمراته مشتاق لها .. وهي دايما مستعده ومتهيقه له .
.
تخيلوا معايا هذا المثال ... لو كشاف عمره الافتراضي عشرين سنه .... وحطيناه في اوضه عشان ينورها ... كمية النور اللي هتخرج في اول سنه غيرها بعد خمس سنين ... غيرها بعد اول عشر سنين .. غيرها بعد اول خمستاشر سنه .. علي اخر خمس سنين يكون تعب جدا وبقي مش قادر
لكن لو الاوضه دي بتنور باربع كشافات بالتبادل واحد ينور الباقي مطفي ... هتلاقي ان شدة اضاءة المصباح لحد نهاية عمره الافتراضي قوية وتكفي
.
نفس الحكاية ... الزوجة بالشكل دا عمرها ما تكبر قبل اونها او تعجز قبل الراجل زي ما هو متعارف عليه في مجتمعنا .. عشان كدا الراجل بيتجوز واحدة اصغر منه بكتير ... لانها واسف للتعبير .. مش هتستهلك لحد ما تنفذ طاقتها ... لحد ما تكبر في سنها هتفضل قادرة علي العطاء
.
طبعا الموضوع مش سهل ولا بسيط .. خصوصا في مجتمع زي مصر .. لو مراتك شمت ولا حست انك هتتجوز عليها قول علي نفسك يا رحمن يارحيم
دا غير ان تكاليف جوازة واحدة بلوة مسيحة ومنيلة بنيلة اساسا ... ما بالك بتكاليف اربع جوازات ؟؟؟؟
.
والله انا شايف ان الراجل لو قدر يعيش الاربعه في شقة واحدة .. يكلوا مع بعض علي طبلية واحدة ... العيال كلهم يتربوا مع بعض .... في الحالة دي والحالة دي بس ممكن اسمح له انه يتجوز اربعه
.
افتكروا معايا الشرط الاساسي اللي احنا اتفقنا عليه
هو الغاية الاسمي ... عمليه انتاج اسرة ناجحة تصلح لبناء مجتمع ناجح ... في حالة فصل البيوت عن بعض حتي لو كانت ادوار في عمارة واحدة ... بقت الاسرة مفككة .. وفي الحالة دي يبقي الجواز كان لسبب الطفاسة فعلا .. غير ان العيال هتتربي وكانها اغراب عن بعض
.
يبقي الشرط المعلق عليه ان الراجل يتجوز اربعه هو قدرته علي انه يعيش الاربعه في شقة واحدة وانه يقدر يولف بينهم بيحيث انهم يقبلوا الوضع دا
.
.
ولكن الوضع دا اصعب ما يمكن ... دا المقصود .. عشان الموضوع ما يبقاش سبهلله برده
كون الراجل يلاقي اربع ستات تقبلوا انهم يكونوا ضراير انجاز .. مش صعب قوي في الايام لو كان مقتدر خصوصا في الظروف المنيلة اللي بنعيشها
كون الراجل يقدر يقنعهم انهم يعيشوا في شقة واحده .. دي المعجزة بذاتها .. ويستحق عليها نوبل
كونه يقدر يولف بينهم بشكل يجعل البيت هادئ ومستقر وبلا اي خناقات ... اعتقد انها معجزة اخري كمعجزات موسي مثلا يستحق عليها مش نوبل بقي .... اكيد خاحة لسه ما اخترعوهاش
.
.
والله انا شايف برده ان مافيش حاجة بعيدة علي ربنا ... ياعالم مش يمكن بعد الصبر دا كله .. يرزقني بالاربعه فعلا .. مين عارف
7 comments:
يارب أبعت
ياسي أدم
كانت زمان والدتي رحمها الله تقول جوز الأتنين ياقادر يافاجر
أما جوز الأربعه دي مالوش مثل شعبي اقدر اقوله لك ، ولكن في رأيي الشخصي كان زمان بيقدروا يتجوزوا اربعه وكانوا بيقعدوا مع بعض والأولاد موش عارفين مين أمهم الحقيقيه، زمان كان فيه خير كتير وكان الراجل راجل بجد،لكن بالله عليك ممكن الراجل يتجوز اربعه على أيه؟؟؟؟
يا ادم حرااام عليك اربعة اية فى الزمن الاغبر دة طب قول واحدة مدونتك عجبتنى ودى اول زيارة وان شاء متبعاك وعايز تعرف مصير اللى يتجوز اربعة تعالى شرفنى فى مدونتى واقرا قصة دوخينى يا لمونة سلام
الزواج غاية و وسيلة فى نفس الوقت
مينفعش يتوصف بإنه غاية بس أو وسيلة بــس
رائع جدا إن يكون من ضمن غايات الواحد انه يتجوز الشخصية اللى إلى حد ما بتكمله....جوازه من شخصية واحدة الى حد ما هيرضى نزعة حب التملك البشرية و هتخليه يحاول على قد ما يقدر إنه يفضل معاها
جميل برضو إن الزواج يكون وسيلة للاستقرار و البحث عن السعادة و كمان إنك تجيب ناس للدنيا أحسن منك.....و شرط كبير جدا إنهم يكونوا أحسن منك
نتكلم بقا فى موضوع الأربعة....المعادلة بشعة جدا لسببين فى دماغى ملهمش تالت.......لو كانواالأربع ستات مختلفين يبقا مشكلة التشتت قائمة(بفرض إن أربع ستات مختلفين هيوافقوا يتجوزوا نفس الشخص)....تشتت فى المشاعر و فى التعامل مع دى و دى على حسب شخصياتهم....ده غير الإهانة المستترة للأربعة.....الصورة هتبان من بره(ده بفرض إنهم مصرين على التماسك) إن البيت بيكمل بعضه....فى حين إن فى الحقيقة عمر ما واحده هتشوف التانيه على إنها رفيقتها فى الكفاح و عمرهم عمرهم ما هيشوفوا جوزهم على إنه قائد المسيرة...الموضوع هيبقا مليان مشاعر معقدة بين الأطراف الخمسة
لو وافق الأربعة على الزواج من نفس الشخص يبقا صعب جدا نقدر نقول عنهم إنهم كل واحدة ليها تفكيرها المختلف....و لو كلهم كان هدفهم واحد و هو عمل الأسرة النافعة إياها....يبقا فكرة أربعة ملهاش أدنى لازمة.....ما هى ست واحدة هتغنى عن الأربعة
مش الإنجاز خالص أن خمس بنى آدمين يطلعوا أسرة صالحة
الإنجاز كل الإنجاز فى إنه يبقا واحد و واحدة يعملوا كل حاجة سوا
مكسوفة المكسوف
ـــــــــــــ
حمدلله علي سلامتك في البداية
انا عندي نزعة كلاسيكية بزيادة حبتين
الوضع زمان غير دلوقتي بياسرني قلبا وقالبا
.
الاختلاف مش مجرد وضع اقتصادي والقدرة علي الانفاق قد طريقة التفكير نفسها والثوابت والمقاييس مختلفة
اللي كان عيب ومستحيل ومايصحش هو العادي والكول دلوقت
.
والشيئ الطبيعي والاصول والتقاليد موضات قديمة
.
فكر المجتمع نفسه كان متحول
الفكر اللي كان بيقيس بيه اي حدث جديد مختلف عن دلوقتي
عشان كدا فكرة المقارنه عبر الزمن اصعب ما يمكن
هبه فارق
ــــــــــ
انا رايح اهه
صيدلانية مطحونة
ــــــــــــ
ممكن اوفقك بشرط انه يبقي هدف سامي لتحقيق هدف اسمى
لكن لو الانسان مننا بيفكر باعتبار ان الجواز في حد ذاته غاية هتلاقي مقاييسه ومعاييره اللي بيقيس عليها مادية بحته
.
باختلاف لو واحد هدفه اكبر من الجواز في حد ذاته
هيهمة الاستقرار والدين والاخلاق اكتر من المال والجمال مثلا .. وطبعا البشر مختلفين فبالمعايير مختلفة
.
.
لاحظي ان قولت شرط صعب او يكاد ان يكون مستحيل لقبول الجواز ن اربع .. وبصراحه لو حد قدر يحققه في الزمن دا يبقي بطل ويستاهل يتجوز من اربعه
.
.
.
ممكن الكلام دا يكون عادي جدا لو اتقال من ميه سنه مثلا لان طريقة تفكير الناس مختفلة .. طبعا ما اقصدش ان احنا نرجع لعصور تخلف ... ولو اجرينا الدقة والامانه هنلاقي ان احنا لم نتقدم خلال المائة سنه السابقة قدر انملة بل تراجعا الاف السنين من فقط منظمة الاخلاق والقيم التي يحترمها المجتمع
.
.
خلاصه الكلام
ان فكر كل مجتمع بيتشكل نتيجة طروف اقتصادية وسياسية واجتماعية معينه بيتخليه يقبل او يرفض حاجات ليس لها علاقة بالمنطق ابدا .
ممكن تتغير نتيجة تغير الاحوال المحيطة
.
.
مين عارف
مش يمكن تقوم حرب انهارده ويموت الرجالة اللي في مصر كلهم .. وساعتها اتجوز حريم مصر كلها لوحدي
ههههههههههه لا وايه ممكن هما اللي ييجو لي ويقولو لي اتجوزنا ....مين عارف
مرحبا
أنا بقول حسمع عن جنازه احد المدونين بعد إن اوعدم من قبل " شجره الدر" الإلكترونيه
لوووووووووووووول
بضحك معاك
اسفه,, بس بجد هاي اول فكره اجت ع بالي وأنا بقراء ب إدراجك
تقبل مروري
ومسائك سعيد ....
واضح انك لسه اعزب
البوست ده بالذات صادف في نفسي هوى
;-)
:-D
المهم أنه عندما شرّع الله عز وجل الزواج بأكثر من زوجة كان ذلك لحكمة ووسيلة لإصلاح خلل ما لا يعلمه إلا الله عز وجل فهو الأعلم بالنفوس وهو خالقها وخالق كل نقائصها
أي أنه حل وليس عيب
أما أن يكون الشخص قادراً ومحتاجاً لتعدد الزوجات ويمنعه المجتمع أو الزوجة أو الأهل أو أو أو فهو عبارة عن احداث خلل في قوانين وطبائع البشر
وهو ما يجعل المجتمعات الحالية بالفعل تعاني من ذلك
Post a Comment