.JPG)
انا الصوفي اللي بيدور عليكي
بين جموع الناس
مشدود عقلي ومتكتف
بالصورة والاحساس
واخد عهود ويمين
والعهد عند الله
قلبي يصوم الحب
ميت مالهش حياه
مرهون علي وجودك
وبوجودك
ومين يلقاه
مجذوب حقيقي صحيح
زاهد اي مال او جاه
مطلوق علي العالم
ابحث في تربته
وسماه
عن كائنه مختلفة
مخلوقة من دهب
او ماس
14 comments:
دهب او ماس ودي حتنقب عنها في انهي منجم بقي
: )
بس ايه ده فين ادم وكتاباته
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههه
مش عجباكي ولا ايه ؟؟؟؟
.
.
.
ولا انت بترديهالي ياعني اكمني قولت ما انبهرتش عندك ؟؟؟
ماشي ياستي ماشي
الله
قصيدة رقيقة جدا
وممكن تكون الحبيبة دي موجودة فعلا بجد
وهتلاقيها
أيوة كده ارجع لأيام زمان
تصدق فكره : ))))
لا والله مش كده انا قريتها اكتر من مره علي كذا يوم حتي قبل ما تعلقلي علي البوست بس مش حاسه بيها معرفش ليه
هي كويسه بس ما انتختش مزاجي كالعاده
واحنا متعودين منك علي الحاجات الصادمه
ولا ايه
هي فعلا زي ماقال مراكبي رقيقه
بس زي ما قلتلك قبل كده الكاتب من حين لأخر بيحب يقلل التون بتاعته عادي ده مقبول بس القارئ ديما متوقع الافضل
وده ظلم حقا : )
يعني كلنا ظالمين ومظلومين في نفس الوقت: ))
لطيقة
:))
لولا الامتحانات و مودها الحزاينى اللى بتخلى الشعر و الضحكة الرايقة و احيانا كمان التنفس رفاهية كنت قولتلك ليه الحب مرهون بالدروشة و الاحجار الكريمة و شدته من ارتفاع الكام سم اللى بيرفعوا الواحد عن الارض
بس اعانك الله على بحثك
تحياتي
و أخيرا بعضا من الشعر....
تكريس الجهود و المشاعر و كل شئ فى انتظار من ستأتى دوما مهما بدا مقدمها بعيدا و ضربا من ضروب الهذيان....أحترمه تماما
ذاك الأمل... :)
عجبانى جدا جدا جدا
سلامات
يا مراكبي
ــــــــــ
يا هندسة تسلم
ربنا يخليك
تووووهه
ــــــــــ
علي فكرة البوست بتاعك الاخير حلو وابهرني
اما اشوف بقي تعليقك هيبقي ايه ؟؟؟
كلام وخلاص
ـــــــــــــ
احيانا مود الامتحانات يتطابق مع مود واحد في الجيش ... ياريت تبقي تطمنيني علي نتيجتك
ليه بقي الحب مرتبط بالدروشة تعني الحب بلا اي هدف او غاية .. الاحجار الكريمة محاولة لوصف المحبوبة بشي غالي طبعا المحبوب لا يقدر بثمن ولكن لان القياس اصبح مادي فبقي المشبة به مادي ايضا
الموضوع كبير كبير
شكرا لمرورك شرفتيني والسلام
صيدلانية
ـــــــ
والنبي قولي لصاحبتك بتاعت الزقازيق لحسن بتردلي تعليق بتعليق
شكرا لمرورك
اذا كان كده بقي القصيده فوق الخيال
الخطير الغير الممكن الغير المعقول في اللا وعي المحصور داخل انبهاري المكتوم
: )
يا عم ادم ضميري مش للبيع : )
شكلها حتقلب خناقه : ))
يا فندم ماحدش قال حاجة يا فندم
ولا حد يقدر يقول
.
.
.
وربنا يكفينا شر الخناقات يارب
تحياتي
والسلام
صوفى وبتدور على ذهب وماس
عجبى
بس جميله
وكل عام وأنت بخير حال
حلو اوى البوست يا ادم
كل سنة وانت بالف خير
Post a Comment