Pages

Subscribe:

Thursday, July 08, 2010

خروجا عن النص

ممتعضا لتعويمة معدتي المملوءة عن اخرها بسبب اكله غريبة لم تهضم من سعات كثيرة ... محاولا التصنع بشرب سيجارة لا يصيبني منها الا بضع انفاس صحيحة ويضيع الباقي هباءا محترقا بين اصابعي .. مستمعا لعبد المطلب .. وحبيبه الساكن في السيدة .. اكتب
.
تنتابني حالة قرف شديدة من جراء الملل القاتل الذي بات يفتك بكل اواصر مقومات الحياة الاولية علي كوكب الارض اساسا .. هذا باعتبار ان اي مصري يشترك معي في ظروفي .. فان كوكب الارض بالنسبة له هو حدود شارعه المتواضع .. هذا مع اعتبار بعض الترف ايضا .. هناك اناس اختزلت العالم كله في حدود منزلهم فقط
.
الكلام كثير والمعاني تائهة والافكار مشوشة .. والعقول التي اختبأت تحت عدة طبقات من القار والزفت مزايا عبقريه لذلك الكائن العجيب الملقن بالمصري، لذلك اتقن المصري الحديث السطحية باستفزاز يظهرجليا في كل افعاله حتي انه اصبح يستنكر علي المصري القديم كل ذلك الترف المتجلي في قضاء وقت كبير جدا في اعداد قطعه فنيه او ما شابه ... فلا بالدقة او الجودة وحدها يحيا الانسان بل بالخبز فقط
.
مضحكا جدا لشخص معوق ذهنيا مثلي ... ويدفعه للتسائل لماذا يتفنن الرجال في كتابة نمر تليفوناتهم المحمول علي الحمامات العمومية للرجال ايضا موجهين الاعلان لانثي تحب تيجي . طب ما اللي هيخش راجل برده .. ولا عشان يبقي شكله حلو ولا ايه ؟؟
.
ضحت كثيرا عندما قال صاحبي الحشاش الصايع .. مشيرا لاحد لاعبي كورة القدم عندما كنت جالسا مع صاحبي المحترم ابن الناس الكويسين ،، محاولا لفت انتباهي عن ذلك ابن الناس الكويسين .. اخد يمدح احد لاعبي الكورة التي يحفظ اسمائهم عن ظهر قلب ويقول .. لا بس حريف حريف حريف .. اخد الكورة علي صدرة طلعها من مرخيرة .. عندها لم يتمالك صاحبي ابن الناس الكويسين .. الذي كان اخذ رشفة من الكولا بفمه .. فخرجت من ودانه
.
ظهر مؤخرا حديث طويل ولغط كثير عن الاخطبوط المعجزة بول .. الذي يتنبأ بحوادث في المستقبل ... اخر ما تنبأ به الاخطبوط المعجزة كان فوز اسبانيا علي المانيا ... عدوى الدجل والشعوزة انتقلت الي الغرب ايضا .. مش بعيد اوباما يقلع ملط ويمشي في الشارع وييقولو عليه ولي وهينشر الديمقراطية في كل شعوب الارض

5 comments:

Saydalanya Mat7oona said...

أتفهم تماما خروجك عن النص اللى نفسى ألاقيه

و لو انى لو لاقيت النص هاكتشف انه ممل

تمام جدا جدا رأسك فى المصرى الحالى....مصدقاك جدا لأنى قابلت نفس الشخصية دى و هى متثملة فى مساعد الصيدلى الموجود فى الصيدلية اللى بتدرب فيها

يريد أشياء عدة و لا يفعل ما يذكر لتحقيقها...و لا ينسى أبدا أن يمزج هذا بالتضجر من أن العالم ضده مع اصراره بأنه مش غلط

مشكلة أوباما انه عرض مسرحى نجح فى خداع العديد....لعبة ظريفة موجودة على رف اللعب فى مراجيح الحياة...نفسى أعرف أخد نوبل ليه....حتى و ان كان السبب تافه بس نفسى أعرفه

أحترم تلك اللحظات التى يخرج فيها العقا ما فى جعبته بلا أى فلاتر....خاصة و ان كان يشبه الحالات اللى وصفتها بحرفية شديدة

بحترم مدونتك لأنها المتحدث الرسمى باسم عقلك

سلامات

سلامات

Saydalanya Mat7oona said...

هى مش رأسك هى رأيك

و كمان تحت العقل مش العقا

و سلامات مرتين مش مشكلة أحسن من مرة واحدة

مراجعتش التعليق قبل ما أنشره

:D

توهة said...

like like

بس الكلمات تاهت مني بما اني توهه يعني

ولعدم وجود النص المنشود

ادم المصري said...

صيدلانية
،،،،،،،،،
كان نفسي يا فندم والله تلاقي النص اللي نفسك فيه عندي هنا ... ولكن المحل في الفترة دي بقي بيقدم وجبات ذهنية شعبية لا ترقي حتي لارضاء اصحابها .. حال مصري بقي
انما نحب نقولك ان رايك بيهمنا جدا جدا وزي ما سيادتك مهتمة احنا مهتمين اكتر .... لانك من القلائل الباقين اللي لسه بيفكروا
تحياتي والسلام



توهه
ـــــ
عاش من شافك يا فندم والله
اظاهر ان التوهه بقت من شيمتك
دا انت حتي توهتي عننا كتير
ان شاء الله يافندم تلاقي النص المنشود

توهة said...

انا فعلا توهت في الدنيا الواسعه
انا بدور عليا : )

اعمل ايه موضوع البلوجات ده ما بقاش جايب همه : ))