Pages

Subscribe:

Tuesday, April 22, 2008

تاج خدته من بوست عند شوقير




ماهو المهم في التدوينة ولايهتم به المدونين ؟
العنوان رغم اني مش باعرف اعمل عناوين كويسه

كيف أكون مدون مثير للجدل ؟
اكتب عن التابوهات الثلاثة

إيه الغريب في التدوين ؟
انه بلاش .. لمصلحة مين المساحة الهايلة اللي بلاش دي .. مش عارف ، المعلومات اللي علي صفحات المدونين دي محفوظة فين وعند مين ومين اللي ليه حق الاطلاع عليها ، مش عارف

من هو المدون الذي إنزعج من إضرابات 6 أبريل ؟
اللي مش فاهم حاجة ، او بمعني اصح انا ماكنتش شايف انزعاج انا كنت شايف لا مبالاه وسلبية من المدونين في التعامل مع الموضوع ياعني كانه موضه والسلام ، واحداث المحلة هي اللي خلت الناس تبص للموضوع بجدية لا اكثر

مالذي يشغل بال المدون ؟
ماذا يقول وكيف يقوله ، خصوصا لو كان من المدونين السياسين واللي علاقتهم بالامن مش ولا بد

ماالذي يشكو منه المدون ؟
اولا
التعليقات .. سعات تخش علي واحد كاتب موضوع جاكد جدا فكر ايه مافيش كدا وتلاقي تلات اربع كومنتات وواحد تاني كاتب كلمتين مالهمش لازمة وتلاقي مية متين تعليق .. نصهم لصاحب المدونة نفسه
ثانيا
الهبل ، ياعني تلاقي واحد داخل يقولك هايلة وبرافوا وتسلم ايدك علي موضوع مثلا مطروح للنقاش .. بالذمة هينفع ترد ؟؟؟


ماهو التعليق الذي يسبب إحباط ؟
تعليق دعائي ليس له علاقة بالتدوينة ، او بتاع اخينا الللي فوق من نوعية تسلم ايدك

مالذي يقيد حرية المدون ؟
التعليقات عامل مهم .. والناس اللي عاملة نفسها بتفهم اكتر من باقي الناس وبتحاول تفرض سطوتها علي التدوين بمحاولة تنظيم عشوائية التدوين مثلا

متى يتوقف المدون عن التدوين ؟
عندما يشعر انه غير مؤثر ، او انه لا جدوى منه وله ، عدم التكيف في المجتمع التدويني او الاحساس بالوحدة فيه

مالذي يميز التدوين ؟
عشوائيته ، الحرية الغير محدودة والتي لا سلطة عليها ، المساحه الواسعة المفتوحة للحوار

متى يشعر المدون بتأثير التدوين عليه ؟
عندما يفيد ويستفيد

متى ينزعج المدون ؟
عندما يشعر من البعض بمحاولة خبيثة في تقييد حريته او فرض راي عليه ، او ارهابه بسبب ما يعتقده من افكار

مالفرق بين المدونات والمنتديات ؟
المدونة هي بطاقة شخصية المدون الذي يكتب فيها ، كل حاجة فيها هو المسئول عنها

متى يصبح المدون مدمناً ؟
عندما يتحول حديثه مع كل المحيطين به عن المدونين واخبارهم ، عندما يصبح تفكيره دائما مشغول في محتوي البوست القادم

ايه النصيحة اللي ممكن تقدمها لاي مدون ؟
ما تهتمش بالتعليقات او بعددها ، اكتب اللي جواك بغض النظر عن كون حد موافق او معترض ، نشاطك ومدي ايجابيتك مش بيتقاس بعدد التعليقات اللي في مدونتك ، بالعكس دا بمدي تفاعلك مع موضوعات الناس في مدوناتهم
.
.
.
.
انا شوفت البوست دا عند الاستاذ احمد شوقير ، وحبيته جدا وقولت بما اني مش باعمل تاجات يبقي من نفسي بقي ، بعد اذنك طبعا يا استاذ ، احب امرر بقي التاج دا لكل واحد يقرأ او يعلق


9 comments:

مجداوية said...

السلام عليكم

أنا عجبنى تحليلك لشعر الأخت الحبيبة شيماء سمير فحبيت أتعرف على دماغك أكتر ومن اجاباتك على التاج مش حاقول تسلم ايديك متخافش لكن حاقول انك تملك دماغ كويسه وده قليل جدا بين الشباب
ومن اجاباتك فأنت مراقب جيد وناقد ممتاز
السطحية بقت سمة فى حياتنا وخصوصا بين شبابنا ولما تلاقى حد عنده فكر سواء بتختلف معاه أو بتأيده بيسعد وبيترى العقل وأكثر ما يزعجنى هى زيارات المجاملة او الزيارات السرية أو التعليقات الغير معرفة من ناس الجبن سيد أخلاقهم
أنا كده تقريبا برضه جاوبت على التاج,,تشرفت بزيارة مدونتك وبزيارة دماغك وان شاء الله حتتكرر
وتسلم ايدك هههههههه
تحياتى وتقديرى

Unknown said...

سبقتني يا ادم
اناكمان كنت بفكر اعمله تاج واجاوب عليه
بس طبعا عمرها ما كانت هتكون حلوة كده زي اجاباتك
بجد ابدعت وجبت كل المهم
تحياتي

شهر ديسمبر said...

يا حبيب قلبى
انا مقصر فى حق النا س كلها
وانت حبيبى من ايام الاحتلال القاهرى
اولا
على موضوع القيده الرائعه
بليتشو
فى حاجه صغيره
ياريت تاخد بالك منها
المقرنه
فى حته صغيره
الجامع والحمام)
انت عارف اننا مش متطرف بقى
وحرام وكده
الموضوع انها صوره مش مريحانى
ثانيا
الاستقلال
بحب اهنى شعب حلوان الباسل
والجندى المجهول
لابد ان يكون من اولويات المحافظ والشعب بالكامل
ثالثا

التاج
اهم حاجه (ما هو التعليق الذى يسبط الهمم)
وانا بحب اقولك
تسلم ايديك
سلام ياصديقى المستقل
وعيد نظر فى حكاية
استقلال العاشر
علشان العاشر شرقيه
يعنى تمنى لأخوك الاستقلال
ولا انت بعد الاستقلال
بعت القضيه
لازم نتحد من اجل الاستقلال
وسلالالالالالالالالالالالام
جدا

shaimaa samir said...

هههههه
خضتينى يا مجداوية
اولماادخلالتعليقات الاقى اسمى منور
هو الاخ ادم
فعلا ليه نظرة مختلفة
ممكن اتفق معها
ممكن اختلف معها
بس المهم انه فاهم هو رايح فين
ماعلينا

ردودك ظرية على التاج
فيها كثيرمن الواقع
بالرغممن قصر الوقت الزمنى لى فى التدوين
ولكنى لمست الكثير مما ذكرته

بالتوفييق

ياقوت الأزهري said...

ايه ياعم الكلام الجامد ده
انت فين
طل علينا ياقمر

تنياتى بالتوفيق
والنجاح
دائما

Anonymous said...

وجبة دسمة من الأسئلة والأجوبة
بس مش كل الناس بتتعامل مع التدوين بنفس النظرة
التدوين عالم كبير
وتعليقات تسلم ايدك ممكن تكون سبب مهم في التواصل
ممكن تكون رفع معنويات لو واحد عنده مدونة ابداعية
لكن اكيد السلبيات بتضايق اي مدون

admelmasry said...

المجداوية
ـــــــــ
يا فندم متشكرين جدا علي الكلام الكبير جدا دا
بس احب انبه سيادتك ان الكلام دا مش هيعفيكي ابدا من الاجابة ع التاج


لماضة
ـــــ
ياريت بقي تتشجعي فعلا وتعمليه تاج انت كمان


يابو الشهور يا فللي
ـــــــــــــــ
واحشني يابن الايه والله
متشكر يا حبي واوعدك اني هابرص ع اللازمة اللي مضايقاك
بس مش هسيبك لازم تجاوب ع التاج



شيماء سمير
ــــــــــــ
متشكر جدا يا فندم بس برده زي ما قولت للمجداوية
ان دا مش هيعفي حد م الاجابة ع التاج مفهووووم




ياقوت
ــــــ
يا واحشني
والله بجد نفسي اشوفك واقعد اتكلم معاك زي زمان
مش هافكرك التاج يا حلو



مصطفي السيد سمير
ــــــــــــ
متشكر جدا جدا ياسيدي بس برده هاتعمل التاج ياعني هتعمل التاج

saso said...

:)
مش بذمتك حلاوة التدوين لما متفكرش فيه ولا تحلله

لما كان مجرد رغي مع نفسك صادف ولاقي هوي اللي حواليك فبقي بوست

قبل مايبقي مجلة وعدد نصف شهري ولا اسبوعي ولازم تكتب او تفتح حتي

المهم
:)
معرفش اول ما سمعت موضوع المحافظة جيت علي بالي
بس مسكت نفسي قلت عادي يعني هتفرق ايه

مصيبة لايغيروا كود التليفونات
والله وبقيت مغترب يا ادم

Anonymous said...

السلام عليكم
شرفتنى أخى الفاضل بزيارتك/ وفتحت لى أفق جديد معك
أشكر تعريفاتك
ولكنى أطلب منك شرح معنى "تاج" أشكرك