Pages

Subscribe:

Monday, November 19, 2007

صعبان عليا - شعر

صعبان عليا اشوفك انت
.
بتناديني
.
وصوتي مش قادر يقولك
.
اني فين
.
اه لو تبص جوة منك حبتين
.
تلقاني راقد فيك يا عمري
.
من سنين
.
بس انت عادتك
.
تعمل انك
.
مش لاقيني
.
فـتـناديني
.
صوتي من جواك يرد
.
لو مش حاسسني
.
يبقي بس ازاي ياعمري هتلاقيني ؟؟؟؟؟؟

17 comments:

شجره الدر said...

ولا عمرها هتلاقيك
لازم نحس الاول
قبل الصوت اتخلق الاحساس

ومن غيره
....................
تحياتى
بعيد عن مدرسه القرع العسلى المباشر

عين ضيقة said...

آه والنبى ازاى؟؟؟؟؟؟؟؟؟


حلوة الحالة ياباش مهندس

مهندس بقى ودعاء الكروان
والموضوع كبير كبير يعنى

dramaqueen said...

مش محتاجة اقولك قد ايه هى حلوة
تسلم ايدك ياادم
وربنا يديم عليك التفاؤل والسعادة

أميرة الشوق والحنين said...

جميلة خالص يا ادم المصرى
بس لو بتحبها بجد اكيد هيقدر صوتك
يقولها
وطالما انت بالاحساس العالى دة اكيد هيكون احساسك صح وتطلع بتحبك
مين عارف؟

تحياتى

Epitaph said...

ازاي صحيح



__

بسيطة و جميلة :)

M.R said...

ياه لو الناس تدوب ف بعض بالشكل دا.. و ما حدش يعرف حدوده إلا لأنه معاهام... ياسلام


حلوة.. انا عارف اني مش أنا بس هيا فعلا حلوة

واحشني والله

توهة said...

تلاقيك ؟؟

هو فى عيل تايه هنا ولا ايه

لو هى فعلا بتعمل نفسها مش شيفاك يبقى اكيد الشاعر بيضيع وقته
وبعدين الحاجات دى معتقدش انها بقت موجوده كله ادفن تحت اقدام رتم الحياة السريع واصبحت الحياه عمليه اكتر



هذا على الصعيد الموضوعى للقصيده


اما على الصعيد النقد الادبى

والله وبصراحه انا ملقتش موسيقى خالص رنت فى ودنى

بس هى دى ابرز حاجه


وربنا معاك ياسيدى فى امتحانات الميد ترم


منصور ان شاء الله سواء فى الامتحانات أو فى اللى يلاقيك

:)))

MAKSOFA said...

شكلك بتحب موزة بس تقيله قوي ومدياك الطارشه

توتة توتة said...

تسلم ايدك

احـمـد عصـام said...

جامدة يا ادم
بس نزل تكمليتها
و اخيرا عمرو نشرلى العمود
ماتنساش تحسه
....ا...أ
قصدى
ماتنساش تقراه

نوري said...

فييييييييييييينك يأدم وفين امجادك ايوه كده طلع المواهب
الي أنت ناوي تدفنها
حلوه جدا لانها اتكتبت
باحساس دون تنسيق وزغرفه
بس يارب ديما يكون الي جاي احلي
ف(بست وشز فور يو)0

البنت الشلبية said...

ايه الثقة دى كلها
مش يمكن تكون قلبها هيا جوه حد تانى؟!!!!
=======
ازيك عامل ايه
انا قولت اجى اشوف ايه الاخبار

هيثم محفوظ said...

ازيك يا جميل
جامد قوى اللى انت كتبه ده
بجد يا ادم شخصيتك بدأت تبان قوى فى كتابتك
بجد ربنا يوفقك

أنونيمس said...

صوتي من جواك يرد
.
.
اللـــــــــــــه
.
.
بس تعمل ايه لو الصوت اتخنق؟؟

همسات said...


لذيذة وحلوة ياأدم

لو مش حاسسنى يبقى بس ازاى ياعمرى هتلاقينى؟؟؟؟؟

شهر ديسمبر said...

ازيك يا ادم
مايصعبشى عليك غالى
جامعه حلوان
فيها لقاء يوم الأربع
وطبعا انا جاى مش عشان
يشرفنى والكلام اللى مايجبش همه
انا سامع ان فيه فلوس
بس
انت نظامك ايه

shayma said...

سورى يعنى هيا هتحسك ازاى وانت ساكن راقد مش اكتر
الى عايز حبيبه لازم يبقى قنبله موقوته يتحرك بكل جوارحه عشان يخليها تحس بيه
وكمان من سنين... يلا يا عم انت من هنا
سلامى برضه
:))