.JPG)
فرصة بني ادم
اسمعوا وعوا
حورية تتحدث عن نفسها
اسمعوا وعوا
حورية تتحدث عن نفسها
.
.
.
.
عندما كنت اتابع قراءة الارشيف كعادتي دوما .. وقع بصري بالصدفة علي بوست قديم اسمه
.
.
لا ادري لماذا .. تطرقت الي قراءة الكومنتات
لفت انتباهي كومنت غريب جدا
لا اعلم لماذا لم انتيه له وقتها
.
.
صاحبة الكومنت هي المدونة
.
.
وهذا هو فحوي التعليق تبعها
.
.
.
.
.
المرأه هى المرأه
.
همسات من الرقه والحنان وأنات من التعايش كما يشاء الرجال
.
ان كنت ترغب فى معرفة المرأه ، فانظر الى من تعشق من الرجال
.
خلقت المرأه كالغصن المرن ، عندما تعشق فانها لن تكون سوى من عشقت
.
وعندما تتخبطها الدنيا فانها ذلك الطفل الصغير لن تدرك ماذا تريد
.
ولرهافة احساسها تتأثر باقل الكلمات
.
فتتحول الى ورده جميله اذا احسنت رعايتها
.
والى وحش مفترس اذا تناسيت رقتها
.
لا تفكر فى المرأه ولكن فكر فيمن تكون
.
ولاتنسى ان المرأه خلقت من الرجل
.
فكما تكون التربه سببا فى حياة الورده قد تكون سبب في موتها
.
فعلي الرجل ان يصل بالمرأه الى ما يشاء دون تخبط
.
.
.
.
اعتقد انه مهما حاول احدنا ان يصف المراه
لن يستطيع ان يصل الي حقيقتها
.
.
فقد قالت المراه عن نفسها
واصفة نفسها
فرصة بني ادم
اسمعوا وعوا
حورية تتحدث عن نفسها
.
.
.
ــــــــــــــــــــــــــــــــــــــــــ
تنوية : لقد صدر من ديوان في العتمة القصيدة الثانية ارجو متابعتها
11 comments:
احم احم دستور
ممكن الكلام اللى حتبكه دلوقتى حيلاقى اعتراض كبير من ناس كتير بس حقوله
أولا :- أصح جملتين فى الكومنت ده هما
اذا رعيت المرأه تصبح كالورده إلخ
وتصبح كالوحش إن اهملتها
وبصراحه انا شيفاهم ممكن ينطبقوا على اى حد ده الطبيعى انك لما تهتم بحد حتلاقى منه كل حاجه حلوه ولو اهملته حتلاقى منه كل حاجه وحشه
ثانيا :- الكومنت محسسنى إن المراه ضعيفه ووجودها مرتبط بأدم بشده يعنى إذا لم يوجد ادم تموت كما هو موضح فى اخر الكومنت
وبصراحه انا أرفض هذا وبشده أو ممكن هذا يختلف من شخصية لأخرى فانا مثلا بصفتى مراه احب أحسن بالقوه لوحدى دون الاعتماد على أحد وان وجد الحب للطرف الاخر فيكون مجرد إحساس أخر للسعاده وليس هو الاساس كالتنفس والمأكل والمشرب كده يعنى
ومش قصدى حاجه والله ولا انا معقده ولا حاجه بس زى ماقلت ده بيختلف من شخص لأخر يعنى الكومنت ده لا يعمم على كل السيدات وإن يعمم يبقى على انا لأ بقى هو كده بلطجه
وشكرااااااااااااااااااا
معلش اضافة اخرى
ممكن احساس بياتريتس يكون عالى لما كتبت الكومنت ده ممكن تكون هى نفسها كده بس اللى اكيد ان الكلام ده فى شئ من خيال الشعراء الجميل بس فى الأمور دى بالذات لازم نتلمس الواقعيه
وعايزين يا ادم نشوفك حتكتب ايه عن سى أدم
صديقي العزيز : آدم البوست معبر جداً ولكني أعترض على بعض ماجاء فيه فمن الممكن (وهذا حدث معي بالفعل) أن ترعاها و تصبح وحشاً والمشكلة أن هذا الوحش عندما يظهر للوجود تكون أنت الضحية الأولى .ولكن هذا لا يعني أنني عدو المرأه على العكس فأنا عاشق للمرأه لأقصى مدى ولكنها الحياة لا يمكن أن تكون هناك قاعدة ثابتة لأي شيء فلابد من وجود شواذ ملحوظة: حاولت الأتصال بيك يوم الأربعاء ومكنتش بترد رجاء لما تشوف الكومنت تتصل بيا لأطمئن عليك سلام
عارف يا ادم مرة واحدة بس اللى راجعت فيها ارشيف المدونة عندى .
وفجاه لقيت تعليق فى منتهى قلة الادب على البوست بتاع من(عمرو خالد لعمرو اديب) لو تفتكره
من يومها حلفت انى معنتش اى تعليقات قديمة لان مع الاسف لسه فى ناس فاكرة ان الحرية سفالة لمجرد لفت النظر
قبل منسى نزلت بوست جديد فى الاستوديو والمقام ابقى خش شوفهم
وشكرا يا جميل على اضافتى للطاجد
بس زى منتا عارف اخوك مبيتعملش على الكمبيوتر لوحدة لازم يكون حد معاه والناس مش فضيالى كفاية عليا المدونة والتواجد من خلال التدوين اصلا
سلام
حلوه كلمة حوريه دى ياادم
عاجبنى اوى كلام بياتريس وان كنت متفقه مع توهه انى افضل احس بالقوة لوحدى بس فى نفس الوقت لحبى عليا سلطان
المراة فعلا هى الكائن الرقيق الشرس فى نفس الوقت يعنى لما بتحب حبها بيلغى اى حواجز بس لو اتجرحت بتتحول لوحش مفترس للدفاع عن كيانها وكرامتها
انا اكيد متفقه مع ياتريس فى النقطه دى ومع توهه فى كلامها
سلامى يا عم ادم
كلام بيلخص المرأه الي حد كبير...بس ع العموم يعني هي المرأه بس اللي مش مفهومه..طب ما الحياه مليانه ألغاز كتيير
:)
تحياتي
كلام جميل
كلام معقول
مقدرش اقول حاجه عنه
..
بس دى صاحبتى على فكره
صح يا بياترتس؟؟؟
هذه هى حوا
اذن فلننتظر ادم
سيدى
اتفق معك بشدة ومن الموضح انها بالفعل حورية تتحدث عن نفسها
او انك ترى المرأة حورية ..فهنيئاً لصاحبة الجلالة
واعتقد انها فرصة خاصة ل" آدم" ان يعرف من هى حوا
يا أبو البشر ازيك؟
عايز أعلق على البوست اللي قبل اللي فات بتاع الولد
ممكن؟
أصل قد إيه بوست رقيق
انتشيت أوي بعذوبة الموقف ده وابتسمت ابتسامة ضخمة وعنيا دمعت
........................
بالنسبة للبوست ده بقى
فأنا شايف الكلام المكتوب عن المرأة ده بكل صراحة ووضوح كلام فارغ
ببساطة تم اختزال المرأة في الرجل وما يحتاجه الرجل وما يمنحه الرجل وما يفعله الرجل دونما نظر إلى المرأة ككيان حر ومكتمل وكأنها مثلا قطة تربيها وتنسجم مشاعرها مع تدليلك لها واهتمامك بالتمليس على فرائها
استفزتني جدا الحنة دي
وأنات من التعايش كما يشاء الرجال
يعني إيه يعني؟
وجودك في الحياة كله هي دي أهميته الوحيدة؟ إنك تكوني قادرة على التعايش والتناغم لإرضاء جلالة جناب قداسة الرجل؟ يعني شئ
اختزلتي نفسك في شئ زليس إنسان مستقل بالإدراك والإحساس والأهداف والرغبات والهموم
كمان الحتة دي بتأيد فهمي للكلام المكتوب
فكما تكون التربه سببا فى حياة الورده قد تكون سبب في موتها
أي هذي هذيان هذا؟ أي تربة وأي وردة؟
وأخيرا لم أستطع عند قراءة هذا الجزء
ولاتنسى ان المرأه خلقت من الرجل
لم أستطع منع نفسي من قول
أحة؟ هو لسه فيه تاس بتفكر كده في العالم؟ وصدمتي الأكبر إنها بنت مش راجل بيكتب هواجسه الغبية الجاهلة المغرورة عن المرأة وده بيوريك أد إيه التفكير الذكور بقة مسيطر حتى على أدمغة بنات كتير جدا
................
طبعا طولت في الكومنت
وطبعا صاحبة المكتوب ممكن تزعل
وممكن انت كمان تزعل؟
بس ده رأيي وده انطباعي اللي حسيته بمجرد قراءة المكتوب
تحياتي يا أبا البشرية جمعاء
تووووهه
ـــــــــــ
انا معاكي تماما
بس ما تنسيش برده
ان لما ادم يلاقي حوا بتحاول تلخص نفسها
يبقي هو كدا قدر يوصل لنص الطريق
.
.
انا طبعا متفق معاكي
وان كنت شايف ان فيه جزأ كبير جدا في كلام بياترس حقيقي
احمد عصام
ـــــــــ
صديقي هذا هناك مقولة
( لسيت مقولة وطعمية بالطبع )
انها تقول
ان لكل قاعده شواذ والمصيبة ان كل الناس تعقتد انهم شواذ القاعدة
.
.
ملخصها .. انه لا يجب تخصيص حالتك مهما كانت درجة خصوصيتها بالفعل
.
.
تحياتي
الفنان
ـــــــــ
والله يا هيثوم
اتن واحشني جدا جدا جدا ونفسي اسمع صوتك
جدا جدا جدا
لكن لا حولة بي ولا قوة
اعزرني يا صاحبي
شيماء
ــــــــ
لو كنتي متفقة مع توهه ومعجبة بكلام بياترس
يبقي انتي اكيد
اكيد
متفقة معايا
.
.
تحياتي والسلام
مايكل
ـــــــــ
عندك حق
بس دي بداية مهمة لفك باقي الغاز الحياه
دمت بود يا صديقي
كرانيش
ـــــــ
ارجوا الا تاخذك العاطفة بعيدا عن الموضوعية .. كنت اتمني ان اعف رايك بالتفصيل اكتر
وبما انك تي انه كلام معقول .. فانا سوف اعتبرك من مؤيديه
ولتحيا ميدين بياترس
وارجوكي لا تنتظري ادم
المراه التي كتبت ما عشقت
ــــــــــــــ
اشكرك كثيرا مولاتي
فلا انا استحق هذا ولا نصفه
كل ما اردته هو تعميم التعبير
فانا بالفعل اراها حورية
مزمز
ــــــــ
صديقي اللدود
علي فكة انا اتفق معك كليا وجزئيا
افقيا وراسيا كمان
لكن يا صديقي الا يثير انتباهك
ان تتكلم حواء واصفة بنات جنسها في بعض كليمات ؟؟؟؟
لقد عجز كثيرون علي مر العصور ان يفهموا شخصية المراة
واعتقد انها كذلك بالنسبة للرجل
ولكن لم يشغل احد بالبحث في شخصيته لاننا وعلي مر العصور كنا نعيش مجتمعات ذكورية في اوربا او في الوطن العربي
اما اذا انعكست الاية وفوجئنا مثلا بمجتمع نسوي فستجد محاولات كثيرة لكشف اغوار شخصية الرجل
واعتقد ان كلانا انسان
والمعقد هنا هو شخصية الانسان بكلا صورتيه
الذكورية والنسوية
فلا تجد لها وصفا دقيقا في علم الاحياء والبلوجيا مثلا
.
.
كثيرا ما نقرا عن وصف كثير من الحيوانات
مثل
انها تفض العيش في مجتمعات
او لها موسم تزاوج معين
او او او
ولكن لا توجد اي كلمة واحدة حاولت وصف الحيوان الانسان ... اعتقد لانها شخصية معقدة بالفعل
.
.
تحياتي والسلام
Post a Comment