Pages

Subscribe:

Saturday, May 19, 2007

مدونة .. نظيفة جميله متطورة

طبعا انا لا اقصد مدونتي بالطبع فهذه المدونة وسخة وبنت كلب ولكن هكذا طالعني البعض في الفترة الاخيرة عن حملة اخري .. كمثل سابقتها من الحملات التي لاتنوي ان تلد مطلقا .. طبعا الخطب الرنانة والعبارات الزنانة .. الشيء لزوم الشيء ، ولا مانع مطلقا من زرف بعض الدموع استجداء ذوي القلوب الضعيفة .. باختصار قام البعض بتقسيم اخر للمدونات يفترض ان هناك مدونات نظيفة واخري لا
.
يفترض التقسيم الجديد ان المدونة النظيفة هي المدونة التي لا تحتوي علي بذاءات .. مرة اخري يعود مثل هذا الموضوع ليطفوا علي السطح مجددا .. وكاننا لا نمل حديثا او تكرار لمثل هذه المهاترات .. اظن ان الحديث في هذا الموضوع بات من باب الشياكة ليس الا
.
.
فلم يخبرني هؤلاء اصحاب التقسيم الجديد زوي اللوب الضعيفة والحس المرهف ماذا يقصدون من كلمة بذاءات .. هل هي ايحاءات جنسية ام مجرد التفوه بالافاظ والتي قد تبدوا للبعض قبيحه ؟ .. ام هي فكر متطرف دينايا او سياسيا ام ماذا بالظبط .. وهل نقف سويا علي حدود هذا التعريف ام لا ؟ فهل ما اعتبرة بذيء هو بذيء بالنسبة لهم ايضا والعكس ام لا؟
.
هل كلمة (احه) عندهم تعتبر كلمة بذيئة ام لا .. انا لا اتصور مطلقا انسانا بشريا او حتي مخلوقا جنيا يمنعني من التفوه بهذه الكلمة العبقرية المصرية الصميمة والتي باتت تسري في الوريد مجري الدم .. كل ما اعرفه عن هؤلاء انهم اقاموا حملتهم وروجوا لها .. ومنهم من صنع البانر الخاص بها .. ليصبح هناك مدونة نظيفة واخري وسخة .. ومن يريد ان يصبح نظيفا .. فعليه الانضمام ولكنه لن يصبح رئيس وزارة بالطبع
.
صراحه انا اشعر بالمغص الشديد من مثل هذه المهاترات والتفاهات .. تقسيمات جديدة وانشقاقات عديدة وانا لا اعرف لماذا هذا ولماذا ذاك .. لماذا يريد البعض منا ان يحتكر فكرا بعينه ويفرض سلطته علي الاخرين .. هؤلاء جميعا انشؤا محرك بحث خاص بهم .. حتي يستطيع المستخدم العادي ان يجدهم بسهولة عند عمل اي بحث بسيط داخل الشبكة العنكبوتية .. في محاولة الي اقصاء كل مخالف لهم في الراي والفكر والشكل بل و حتي المضمون
.
.
بت اشعر بامتعاض وقرف شديد من كل مثل هذه الجماعات والحملات التي تروج لمثل هذه الافكار .. ذكروني مثل هؤلاء بجماعه الاخوان المسلمين .. مع الفارق في الفكر والتوجه وايضا الميدان ولكن المثل الح علي
فإذا كانوا هم الاخوان المسلمين .. اذن فمن نحن ؟
او اذا كانوا هم اصحاب المدونات النظيفة .. اذن فمن نحن ؟
هم ونحن
لماذا ظهرت مثل هذه الكلمات داخل مفرداتنا اللغوية .. لماذا لا نتكلم بصيغ اخري اكثر شمولية واكثر احتواء .. لماذا نرغب في مزيدا من الانقسامات حتي علي المستوي الصغير الذي لا يتحمل ذلك اصلا
.
وانا اكتب داخل مدونتي كنت افرح كثيرا فلا احد يستطيع او حتي يجرؤ ان يراقبني او يمنعني او حتي يصادر علي رايي لا اب ، ولا مدرس ، ولا حكومة ، ولا اي شيء فقط ضميري ولكن مادام الامر كذلك وكل من تقفز في راسه فكرة .. فيقزفها في وجوهنا ويجعلها حملة لا تلد مطلقا .. ويروج لها ويساعده في ذلك رفقائه فانا من موقفي هذا اتبني حمله انا الاخر .. ولن اجعلها تلد .. فانا لست باقل منكم يا اصحاب الحملات
.
ساعلن من موقفي هذا حملة جديدة بعنوان
مدونات عدم الانحياز
.
فليضحك كل من يقرا ولكنها الحقيقة وليكن شعاري من الان هو انا مدون غير منحاز .. لا انا مع هذا ولا مع ذاك .. ولن اشارك في حملة مطلقا ما دمت غير مقتنع بها ولن يزج بي البعض في عرض اعلامي يحاول ان يظهر به نفسه .. بحثا عن شهرة او شيء فلن اصبح كالحمار يحمل اسفارا .. انا مدون غير منحاز
.
.
صاحب البوابة
مرة اخري .. اعتذر لك صديقي لاني لن اشارك في حملتك .. ولن ادافع عن شيخك هذا .. فقد طلبت منك بيانات عن هذا ولم تفدني بشيء .. فانا لن اشارك في شيء مادمت لا اعرف عنه شيء .. هكذا انا .. مدون غير منحاز ولكن فالتعلم انا لست مدون سلبي
.
اخيرا .. ادعوا كل من تروق له الفكرة ان ينضموا معي مادمت انا الاخر اصنع حملة واحاول عمل تقسيم اخر .. ولكن تقسيمي هذا يختلف فانا لن اوصف نفسي مطلقا ولن اصبغ من يشاركني الراي صبغه ما .. فليبقي كل منا مستقل بشخصيته وليبقي كل منا كما يريد .. ولكن دعونا نستظل جميعا بمظلة واحدة هي
مدونات عدم الانحياز
.
عندما اقرا هذا العنوان .. اضحك كثيرا واتخيل هذه المدونات وكانها بلدان تتصارع في ما بينها صراعات سياسية .. يحاول ان يصنع بعضهم كتل لمحاربة البعض الاخر .. لذلك دعونا نفكر فكرا سياسيا .. انا ادعو كل من له دراية بفن التصميم ان يصمم لي بانر خاص بمدونات عدم الانجياز هذا .. وان اراد اجرا فانا مستعد
.
.
اما الان فيكفي هذا .. وساكمل مشواري لاحقا
الي لقاء اخر والسلام

50 comments:

youssef said...

آدم يا مصري ..
مدونتك أنضف من النضافة ..مع اني موافقك ان تعبيرهم متعصب لوجهة نظرهم اللي بتتصور البذاءات بطريفتها .. لكن هاقوللك حاجة .. من باب عدم الانحياز برضه .. طب ما اللي يقول يقول .. لا اعتقد ان حتي انشاء محرك بحث خاص بهم يؤثر او يقصي الاخرين عن المستخدم العادي ..بتقول فكروك بالاخوان .. رغم انهم القوة الاكبر حاليا .. لكن هل المستخدم العادي .. اقصد المواطن بقي هنا مقتنع ان هم بس المسلمين؟؟ ما يقدرش يلاقي غيرهم ؟؟.. دي زيها .. طريف عدم الانحياز ده لكنه فعلا هيحسسنا اننا في حروب و انقسامات حتي في التدوين .. هدي نفسك مش مستاهلة تقول أح... مش باقولها لانها بذيئة لكن لاني مش متعود بس و هتكون مفتعلة مالهاش طعم مع ستايلي .. لكن منك بتكون تلقائية و زي الشهد .. احيي تلقائيتك.. يا مصري .. يا نضيف ..

FATMA said...

و انت مالك بيهم ما تسيب كل واحد في حاله و بعدين البذاءات دي نسبية يعني ممكن اللي انت تقول عليه عادي يكون بالنسبة ليهم بذيء او العكس

غمض عينيك said...

ايو ه عندك حق....كلمة مدونات نظيفة كلمة نسبية ربما تعني ليا مالايعني لغيري...انا ليه احط قيود على حاجة المفروض اني بطلع فيها كل خواطري واحاسيسي الوحش فيها قبل الكويس .
وليه ندور على اللي يقسمنا بعد لما لاقينا مكان يجمعنا ونشارك فيه افكارنا بكل حرية...لازم يعني نتفرق ونتقسم
على فكرة الراجل اللي فاتح الاكسبلورر وبيقرا مدونات ممكن بكل بساطه يقفل الويندو لو الكلام معجبوش مش محتاج وصاية من حد ولا محتاج حد بحددله طريقه
تحياتي

غمض عينيك said...
This comment has been removed by the author.
BaTresYa said...

بص .. أنا مش بتابع اوي مواضيع الحملات اللي بتحصل في المدونات ..بس أنا أول ما شفت البانر بتاع مدونه نظيفه .... هنا يقصدوا نضيفه من الردود الوحشة والناس اللي بتدخل ترد علشان تشتم وكدا .. هو دا اللي فهمته واللي وصلت له ... وبعدين بالنسبه للكلمة المصرية الصميمة .. على فكرة إحنا إللي بندي للحروف معاني ..يعني إحنا إللي مممكن نخلي معناها كويس او معناها وحش ..وبس خلاص

Anonymous said...

أنا لما بدخل مدونة ..وألاقى البانر بتاع ...قف انت فى مدونة نظيفة ...بقفلها عالطول ...بلاش شلشل

بس برده متكونش فيها بذاءت كتير على الفاضى و المليان ساعتها هنحس
بنفس المغص


معاك فى عدم الإنحياز
بس وضحه أكتر ....

Nohaz said...

انا مجتش من يجي شهر

اخر مرة اما اعلنت ولادة نيسكافية وكباشتينو


اية يا عم الدلع ده كله
يا واد يا تقيل وشخلعة
والوانات
يا لعبك يا لعبك
والمدونات بالحروف
عايز اقولك الحق في وشك ولا اخدعك؟

انا بامانة بشتم انتمتي و بصبح عليها بيا بنت كذا وحشتيني
او وحشتيني يا كذا

دليل المحبة بينا
لكن لو جينا للحق
المسلم لا فاحش ولا بذيء

و اخر كلامنا والله فرحت انك لسه بتفتكر تبص بصه علي كلامنا
تحياتي
وتمنياتي بدوام الدلع في المدونة دي

واحد مصرى said...

العزيز ادم المصري..... اولا مدونتك حلوة كدة زي ما هي و كل واحد مدونته عاجباه على حالها طالما انها من وحي الضمير و العقل ..... أما بعد...اللي يشتم يشتم و اللي عايز يعمل فيها عم المؤدب اللطيف اللي مامته كانت بتعمله ساندوتشات الصبح قبل ما يروح المدرسة يبقى يعمل كده في مدونته... انما هافضل اقول احه لجميع الاوباش و اللحيسة و الخونة و اللي هاحترمه هو فقط من يستحق الاحترام..... بلا مدونة نظيفة بلا بضان روحوا اعملوا حملة تنظيف لشوارعكم يا عم الحبوب انت و هو و هي

semsem said...

انا معاك فى عدم الانحياز ومادم هما بيعملو حمله منعملش احنا كمان ليه
بس ده ميمنعش ان اى الالفاظ تحدش الحياه حاجه مش حلوة
انا ضد مصادرة الافكار ومع الحريات واللى مش عاجبه ميدخلش المدونه من اصله
.
.
.
.
.
بس فى حاجه يعنى انا مثلا بفتح المدونات وساعات بابا او اخويا جامبى اقولهم ايه بس لما يشوفونى بقرا الكلام ده
.
.
.
.
انما نظيفه وغير نظيفه دى انا معرفهاش ومش عاوزه اعرافها انا بقرا اللى بيعجبى واللى ميعجبنيش مش هعلق عليه ولا هدخل عنده تانى
بس خلاص

هيثم محفوظ said...

هو فى ايه يا جماعة بالظبط.
المدونات والنت كلها على بعضها زيها زى الدنيا فيها الحلو وفيها الوحش واللى له لزمة واللى ملوش اللى بيدخلو على المدونات هما اللى بيختارو وصدقونى هما احسن فلتر المدونة فيها بزاءات مفيهاش مش دى المشكلة
المهم المدونة لو بتمس الناس حقيقى وكل واحد بيدخل غلى المدونة يلاقى نفسه...... هو ده المطلوب اثباته.
قبل منسى فرقة صبا اللى انا فيها عندنا حفلة يوم 3/6 فى قاعةالحكمةوياريت تجيبوا بعض وتيجو.
وعلى فكرة سعر التذكرة 10 جنيه

Dawshaaa said...

انا حبيت المدونه دي اوي

وشوشني said...

انا معاك والله يا ادم اما بالنسبه للكومنت بتاع صاحب البوابه صدقني اتكتب عندي وقراته بس مش فهمت اي حاجه كويس انك وضحت

من ناحيه المدونه حلوة ولا لأ اعتقد ان لو اي واحد مدونته مش كويسه مش هيبقى عليها اقبال واسمحلي في التشبيه يعني لو انسان كويس الناس هتحترمه لكن لو انسان مش كويس الناس مش هتحترمه عشان كده احنا لو لقينا مدونه مش حلوة احنا من نفسنا مش هنرتاح ان احنا ندخل ولا نقرأهل وكده ساعتها هتبقى زي اكنها مش موجوده

شكر على الخدمات مش عارفه اودي جمايلك فين؟

سكينة said...

عجبتني حكاية مدونات عدم الانحياز
بقى احنا طالعين الفضاء نقول بقين محشورين في زورنا يجوا ورانا يقريفونا طب يا رب نروح فين
:(
أعتقد أن

ومش فاكرة باقي اسم المدونة كتبdhب تعليق عند أبو الليل قال أن القباحة لها اصولها وفنها الخاص بها عجبتني الفكرة جدا
ومع ذلك فأنا لا أشتم أبدا وصعق البعض عندما عرفوا أني من مدمنين أحة أبو الليل بدخلها يا مؤمن قبل مدونتي ولو لقيت الموج عالي ملاقيش كلام أقوله
يعني عشان نكون نضاف لازم نستحم بالبانر؟؟ صابون جديد ده ولا إيه يا جدعان
عموما الرحمة حلوة ارحموا أهالينا ينوبكوا ثواب

طارق مكى said...

ادم صديقى العزيز

تسمحلى اتكلم كدة بل بلدى
هو ايه الى حصل هو احنا لازم نقعد فى اوضة متر فى متر
ولمة ربنا يوسعها علينا ونجيب شقة وسعة نقوم بنين اوضة متر فى متر جو الصالة ونقعد فيها
كلامى واضح

سلام صديقى العزيز

وسيبك الى يقول يقول لة الكلام كان بيتاخد على فلوس مكنش حد اتكلام
وانا من موقعى اقول انى اتبنا حملا جديد
بس حملاة شرعية
يعنى مخنتش حد دى متجوزة وحملاة من جوزها
واسم الحملة
مدونات بدون كتابة

توهة said...

ايه ده كله بقى انا اغيب عن عالم المدونات ليومين اجى الاقى صراعلت سياسيه حربيه محتدمه
بين الاطراف التى ليس لها اى علاقه بموضوع الخلاف

ماعلينااااا

وبعدين لو شايف مدونتك مش نضيفه اكنسها من ان لأخر عندنا ست بتيجى تنضف ميه ميه

وعلى العموم انا بحب سوويسرااا
بحسن انها بلد عاقله

فلأكن إذا مدونه سويسريه
ياااه واخيرا لاقيتلى جنسية
ههههههههه

ربنا يعدى امتحانتنا كلنا على خير ان شاء الله

daktara said...

يا عم انت راجل نطيف وانطف من احمد نطيف كمان
انا علي فكره موافقك علي الرأي
فالمدونة يجب ان تكون حرة وان تتناول جميع المواضيع
طبعا مع وجود خطوط حمراء خاصة في الدين
غير كده فالحرية هي الاساس
واذا لم تستح فاصنع ما شئت
د. خالد عزب

ساعه الغروب said...

مش هقولك غير
خليك على طبيعتك
وزى ما انت
وما تخليش كلام حد يغيرك

اللى عايز يقرالك يقرا واللى مش عايز يتفضل

سورى يعنى

Esmeralda said...

كل اللى حاقوله عندك حق
كنت حاكتب بوست عن ده برضه
مش فاهمه يعنى ايه لا تؤذنا بكلامك البذئ؟؟
هو حد بيفرض نفسه على حد؟؟؟؟
انت بتتئذى لو رحت محدش بيغصب عليك فى حاجه
و تلاقى المدونه مرشقه شعارات
اللى مش بيحب ميروحش
امال الناس جايه هنا ليييييييييه؟؟؟
حتى العالم الافتراضى فيه رقابه على بعض؟؟؟؟

حاجه تغييييييييظ

LAMIA MAHMOUD said...

مش عارفة ليه انا مش تبع حملات التدوين دي .. ولا زعامة مدونين

ولا رابطات البلوجرز المصرية .. ولا الشعارات اللي بيطالبونا كلنا ننفذها

انا رأيي ان المدونة دي
space 2 call my own

اكتب فيها اللي انا عايزاه واللي عايز يقراني هايل واللي مش عايز يقلب ويشوف لينك غيري مش حيغلب

ما اكتر اللينكات يعني

admelmasry said...

يوسف
ــــــــ
والله انت وكام واحد كدا اللي طلعت بيهم م التدوين دا
بتحسسني اني مش لوحدي او ان دماغي طقة كدا
شكرا ليك يا باشا



يا توتة
ـــــــــ
والله يا توتة انا ماليش دعوة بيهم .. هما اللي بيحاولوا يجروا شكلي
ههههههههههه
ياعني مجرد اعلان انهم مدونة نظيفة او انشاء محرك بحث تضم نتايجة مدوناتهم هما بس دي في حد ذاتها كبيرة قوي
هما عايزين ايه دول انا مش فاهم



محمد سمير
ــــــــ
بالظبط كدا عندك حق
احنا مش ناقصين كمان وصاية من حد


باترتسيا
ـــــــــ
اولا احب اقولك حاجة
اسمك صعب قوي ومش عارف انطقه حتي
ثانيا اللي خايف من الردود يعمل كومنت مودريشن ويريح دماغه لكن ما يحاولشي يعمل رقابة علي ناس تانية داخل مدوناتهم
تحياتي ليكي



نوران ضاع عقلي
ـــــــــــــــــ
عندك حق فعلا
انا مش مع ان الواحد شغال شتيمة عمال علي بطال .. وزي ما الكل بيعمل انا لو مش عاجبني مدونة هاقفلها ومش هعلق علي موضوع فيها .. وفي نفس الوقت مش عايز حد يقولي اقول ايه ومااقولشي ايه ؟ ولا ايه ؟
واوعدك اني هشرح موضوع عدم النحياز دا بالتفصيل
مدام لقيت ليه صدي عند كتير من الناس
تحياتي والسلام


اني ماوس
ـــــــــ
هههههههههههههههههههههههههههه
والله وجودك بيثبت لي اني صح





نهي
ـــــــــ
انا نساي اه لكن مش للدرجة .. مش اي حاجة تتنسي
والدلع اللي انت بتتكلمي عنه دا شيء لزوم الشيء هههههههه
اما بالنسبة للموضوع انا ان المسلم مش عارف ايه
لكن ماننكرشي ان كل واحد فينا جواه وبنسب مختلفة شيطان احيانا مش بنعرف نسيطر عليه .. دي طبيعه بشرية حتي مدعين النضافه فيهم كدا برده
تحياتي والسلام



واحد مصري
ــــــــــــ
يسلم بقك والله
اللي فالحين نضفوا مدوناتهم نضفوا اولا بلدهم من الفساد والتخلف والفقر والجهل .. ولا نضفوا نفسيهم من كل الامراض الخلاقية الخبيثة مثلا زي الطمع والذب والحسد وما شابه ولا هي شعارات كذابة وخلاص
تحياتي ليك يا مصري .. الا قولي .. هو احنا اخوات ؟
ههههههههههههه


سمسم
ـــــ
بصي يا جميل
بابا او اخوكي عارفينك كويس ول حصل اللي بتقولي عليه دا اكيد تصرفك انتي تجاه الموقف هيكون كفاية ياعني تقفليها وخلاص وهما اكيد هيقدروا
اخيرا انا معاكي جدا في الراي دا .. اعلق علي اللي يعجبني وماعلقشي عند اللي ما يعجبنيش .. ماحدش بيغصبني اني اخش عند حد
برافووووووووووووووو



الفنان
ـــــــ
الف مبروك الحفلة يا فنان
وانشاء الله جاي .. وحاضر هاسمع نصيحتك يافنان


دوشه
ــــــ
وانا حبيتك قوي


وشوشني
ـــــــ
مارد وشوشني دلوقتي الكل تقريبا اتفق علي نفس رايك اللي يعجبه مدونة يقرااها واللي مش عاجبة يقفلها ويريح دماغه لكن يعمل اللي بيتعمل دا يبقي غلط
تحياتي ليكي وشوشني والسلاااااااااام


سكينه
ـــــــ
هههههههههه
شوفتي بقي حتي الفضاء مش سلم منا
علي فكرة انا عايز اقولك انا كمان من زباين ابو الليل
ههههههههه
بصرة


طارق مكي
ـــــــــ
صديقي العزيز
هههههههههه
ضحكتني والله .. فكرة برده حكاية الجملة بتاعت مدونات بدون كتابة دي
والله انت مهون عليا كتير
شكرا يا صديقي والسلاااااااااام




توووووووووووووووووووووهه
ــــــــــــــــــــــــــ
خلاص هتتنازلي عن جنسيتك وتبقي سويسرية ههههههه
ماشي ماشي والله تصدقي اضمن واحسن
ههههههههههههههه
بجد والله وحشاااااااااااااااااني
تحياتي والسلاااااام



دكترة
ـــــــ
شكرا يا دكتور علي الكلام الحلو دا الله يخليك
ومتشكر كمان علي وقوفك جنبي
تحياتي ليك يا دكتور والسلام



ساااااااعة الغروب
ـــــــــــــــ
فعلا هو دا اللي مفروض يتعمل
اللي يقرا يقرا والي مش عايز .. هو حر مش هنقفل ونقول شطبنا ياعني
تحياتي يا سااااااعه والسلام



ازميريلدا
ـــــــــ
والله انا كنت فاكر نفسي لوحدي والناس هتلومني اني باتكلم في كدا لكن الحمد لله ان الناس كلها معايا اهه
متشكر ليكي جدا يا ازمي وربنا يسهل فعلا انا ناوي اخد الموضوع جدا

admelmasry said...

لامياااااااااء يا هلا يا هلا
اهلا بيكي
..
.
.
ونعم الراي يا فندم

SomeOne said...

ههههههههههههههههه

عموما لو فضيت حصصمملك البانر
بس مش تعتمد عليا
:)

21arestoo said...

وانت عامل ايه دلوقتيي
؟

الرجل الاخضر said...

هذه مدونة من أجمل ما قرات فى حياتى الاتية نعم فساظل اقرء لك يا ادم حتى لو كففت عن الكتابة

واحد مصرى said...

طبعا يا ادم يا مصري احنا اخوات... انا اخو كل المدونين الجدعان و الوطنيين و العقلانيين و المتدينين بتعقل مسلمين كانوا او مسيحيين و الليبراليين بدون الحاد لأن الله موجود شاء أي من البشر أم أبى... و متشكرين يا عم ادم على تعليقك اللطيف و تشريفك لمدونتي

تمر حنه said...

أدوووم
ياخويا بعد الشر عنك و عن مدونتك .. العدو و اللى يكهرك هو اللى ابن كلب
دالنضافة آدم و الأدب آدووم .. أنا معاك فبتوع عدم الأنحياز
بقى الواحده مننا مكتومة طول عمرها .. لا عرف تصد ولا ترد لا من فوق ولا من تحت .. و يوم مانبق الكلمتين يقولولك جمارك عالكلام؟؟
خايفين على ايه؟ فساد الذوق العام؟ ولا على ماتبقى من الأخلاق و الفضيلة؟
عايزين الأول فضائيات نظيفة .. تعليم نظيف .. مواصلات نظيفة .. أخلاقيات نظيفة .. أسعار نظيفة.. ألخ ألخ ألخ
ثم طالبوا برد فعل نظيف
فما نحن فيه ليس الا رد فعل لكل ماهو غير نظيف حولنا

أنا من موقعى هذا فى هذه المدونة الطاهرة لصاحبها آدم و ولده المصرى أطالب برفع الرقابة عن ضمائرناو مخاوفنا و هواجسنا و تركنا نمرح و نلهو فى منطقتنا الخاصة و نشجب و نندد كما يحلو لنا.. يعنى هنلاقيها ماللى فى البيت ولا اللى فى الشارع ولا اللى فى الكراكون؟؟دى مابقتش عيييشه دى

شهر ديسمبر said...

احه مين قال عليك كده
احه جدا
مش كلمه مصريه ونا مصرى
اذن انا غير منحاز
ولا ايه
واخيرا قشطه نبات زينه مستديم الأوراق
ولما اعرف حاجه تانى هقولك

david santos said...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

.:.-=- ELGaZaLy-=-.:. said...

شوف برغم اسلوبك الى ليا علية اعتراض كتير

بس بلاش علشان دى اول مرة

كلمة "مدونة .. نظيفة جميله متطورة"

موتتنى من الضحك بجد

مسخرة

layal said...

المسأله مسأله قناعات
سوء كانت مدونتي نظيفه او لا
فأنضمام الشخص لتجمع يعتمد علي قناعته بالفكره والطرح
تحياتي

حواء said...

فكرتنى بالمدارس اللى كاتبة لافتة اد كدة مكتوب عليها مدرستى جميلة نظيفة متطورة هههههههه ما كل واحد شايف مدرسته .. قصدى مدونته جميلة نظيفة متطورة اصل الدونة دى هى انت بتعبر عن رأيك انت واللى جواك انت مش حد تانى واللى يعترض او يختلف اهلا وسهلا الاختلاف فى الرأى لا يفسد للود قضية بس من غير كم جارح او يأذى المشاعر .. وللا ايه ؟؟؟؟؟؟ .. سلام

admelmasry said...

شاااااااادي
ـــــــــــــ
ونا مستنيك يا باشا
الموجود دا احطياطي علي ما تخلص انت البنار الاساسي يا برنس


اريسطوا
ــــــ
والله متضايق جدا


ميل
ـــــ
صديقي العزيز جدا
كلامك وسام شرف ارفعه علي راسي ما دمت حيا
لك كل حبي وتقديري واحترامي



واحد مصري
ـــــــــــ
اللي انت قولته دا شرف ليا
انا متشكر ليك جد الله يخليك



تمر حنه ايوة خدامه
ــــــــــــــــــــ
بصراحه
كلامك دا تااااااااج كبير جدا احطه علي راسي
وبالذات لما يكون الكلام الحلو دا منك انت بالذات
والله انا خجلااااااان منك جدا
صدقيني تاني تعليق ليكي عندي
بالدنيا كلها
تحياتي ليكي والسلام




شهر يناير
ــــــــ
شوفت يا يناير يا اخويا
اتعمل فينا ايه
احه بجد
بقي قشطة نباتت زينه مستديم الاوراق
تحياتي بالقشطة
والسلام



ديفد ستون
ـــــــ
والله ما فاهم منك حاجة


الجزالي
ـــــــ
كان يهمني جدا
ان اعرف ايه وجه اعتراضك علي اسلوبي
ولكن شرفني وجودك برده
تحياتي اليك والسلام



ليال
ـــــــ
فعلا بس دا ما يديش لحد الحق انه يحاول يعزل الاخرين طالما رفضوا الانضمام والموافقة علي قناعاته ولا ايه ؟



بوسي كاااااات
ــــــــــــــ
رايك في الصميم فعلا
تحياتي ليكي والسلام

hoda omran said...

حلو مدونة غير منحازة دى
الله عاملة زى دول عدم الانحياز كدة
...................
المشكلة ان احنا بنحط مفاهيم
من غير ما نفهم معانيها او نحطلها أليات لتحيدها
يعنى مدونة نظيفة
يعنى ايه مفهوم النظافة بالنسبالهم؟!؟
..........................
وانا فى نفس الوقت عايزة كل واحد يقول اللى فى نفسه وبحرية مطلقة بس فيما يفيد ويوظف موضوعه مش عمال على بطال
بما لا يؤذينى ويفيدنى فى نفس الوقت
......................

وبعدين اللى مش عاجبه مدونة مش يدخلها مش يحكر عليها
بس خلاس

aMiR-El ZaLaM said...

ياجدع إنت مالك متنرفز أوى كدا ليه؟ :D
الـ.....والقافلة تسير :D

روق كدا يابو البشر

واحشنى . . قولت آجى أمسى :)

صاحب البوابــة said...

أخي الكريم

آدم المصري

تحياتي لك بداية

لا لشئ غير اني اعجب بكل صاحب موقف او ذا رأي

حتى وإن كان يختلف عن موقفي أو يضاده تماماً

في النهاية لك كل الحق في أن اظل احترمك مهما اختلفت معك في فكرك

-------------
فلندخل الى صلب الموضوع

من اساليب حل أي مشكلة ان نقوم بتفكيكها وتحليلها الى وحدات صغيرة يسهل التعامل معها

هيا اذن لنتامل مع هذه المشكلة بنفس المنطلق

أنت قلت :
طبعا انا لا اقصد مدونتي بالطبع فهذه المدونة وسخة وبنت كلب ولكن هكذا طالعني البعض في الفترة الاخيرة عن حملة اخري .. كمثل سابقتها من الحملات التي لاتنوي ان تلد مطلقا .. طبعا الخطب الرنانة والعبارات الزنانة .. الشيء لزوم الشيء ، ولا مانع مطلقا من زرف بعض الدموع استجداء ذوي القلوب الضعيفة .. باختصار قام البعض بتقسيم اخر للمدونات يفترض ان هناك مدونات نظيفة واخري لا .يفترض التقسيم الجديد ان المدونة النظيفة هي المدونة التي لا
تحتوي علي بذاءات ..

-------------------------

1- من قال ان امتناعك عن المشاركة في حملة مدونات نظيفة يعني بالضرورة ان مدونتك غير نظيفة

كقياس مباشر : من قال ان وصف اي شئ بصفة يعنى بالاطلاق نفي تلك الصفة عن غيره

هل لو قلت لك ان محمد شجاع يعنى هذا ان زيد او عمرو جبناء بالضرورة ؟؟؟

لا طبعاً , المقصود من الوصف هنا تحديد إطار للشئ الموصوف وهو إطار تلك الصفة المراد إثباتها له ...

------------------

أنت قلت :

فلم يخبرني هؤلاء اصحاب التقسيم الجديد زوي اللوب الضعيفة والحس المرهف ماذا يقصدون من كلمة بذاءات .. هل هي ايحاءات جنسية ام مجرد التفوه بالافاظ والتي قد تبدوا للبعض قبيحه ؟ .. ام هي فكر متطرف دينايا او سياسيا ام ماذا بالظبط .. وهل نقف سويا علي حدود هذا التعريف ام لا ؟ فهل ما اعتبرة بذيء هو بذيء بالنسبة لهم ايضا والعكس ام لا؟.

-------------------

2- هناك مصطلحات يتم الالتجاء اليها كعرف في اي مجتمع وفق عاداته وتقاليده , اذن في مصر مثلاً ( أو الأمة العربية عموماً )كلاً منا يعي تماماً معنى كلمة بذاءات والمقصود من معناها الواسع بما اشتملت عليه

لأن كلاً منا قد تم تلقينه نفس الخطوط الرئيسية المستمدة من الدين والاخلاق وبيئة المجتمع المحيطة

وهذه الاسس ( الدين سوءاً اسلامي أو مسيحي ) والأخلاق ( سواء ناتجة من رادع شخصي أو رادع عين المجتمع ) أو بيئة المجتمع المحيطة ( سواء كان مجتمعاً خاصاً كالمنزل او عاماً كالشارع وما شابه )

كلها تدور في فلك واحد يتقارب كثيراً ما دام يقع في نطاق البلد الواحد او حتى الثقافات المتشابهة والمتقاربة

ولنا عبرة كبيرة في تشابه التقاليد الاساسية بين المسلمين والمسيحيين من الشق الاول -رغم اختلاف الدين - وبين اصحاب الاخلاق النبيلة عن إقتناع أو المتخلقين بها عن نفاق من الشق الثاني - رغم اختلاف الدافع - وبين اخلاق بيئات الصعيد ووجة البحري من الشق الثالث - رغم تباعد المسافات -

اذن فالاخلاق ثابتة ومفاهيمها واضحة
ومعنى ما يناقضها من بذاءات واضح وضوح الشمس للجميع...

-------------

يُتبـع

صاحب البوابــة said...

باقي الرد على موضوع أخي العزيز آدم
المصري

----------
أنت قلت

لماذا يريد البعض منا ان يحتكر فكرا بعينه ويفرض سلطته علي الاخرين .. هؤلاء جميعا انشؤا محرك بحث خاص بهم .. حتي يستطيع المستخدم العادي ان يجدهم بسهولة عند عمل اي بحث بسيط داخل الشبكة العنكبوتية .. في محاولة الي اقصاء كل مخالف لهم في الراي والفكر والشكل بل و حتي المضمون ..بت اشعر بامتعاض وقرف شديد من كل مثل هذه الجماعات والحملات التي تروج لمثل هذه الافكار ..

-----------------

3- هل عندما أدعو الى قضية أنا اومن بها يعنى هذا اننى احتكر الفكر وافرضه على الآخرين ؟؟؟

هل عندما ادافع عن اعتقاد خاص بي أو إقتناع فكري أنا اتضامن معه , هل معنى ذلك أنني ادعو الى اقصاء كل مخالف لي في الرأي والفكر والشكل بل و حتي المضمون ؟؟؟؟

لا يا عزيزي ويا أخي الكريم

وإلا بنفس المنطق والقياس لصار سيدنا محمد وقدوتنا هو محتكر الفكر الاوحد , ومُقصي المخالفين الاعظم !!!

ياسيدي الفاضل كل إنسان يؤمن بفكره يحاول ان يدعمها بشتى الطرق , ويحاول ان يجد لها مخرجاً مناسباً لترى النور , لكنك هاهنا تقع في خلط للاوراق بغير المغزى تماماً , فهناك فارق كبير بين ان اعرض فكرتي وادعو الكل لها , وبين ان أغرس فكرتي قهراً في أدمغة من أقابلهم وأحاول فرضها على الكل بإستخدام كافة الاساليب

الأول يشبه البائع الذي يرى انه ينتلك سلعة جيدة قد تستطيع ان تنفع الناس

والثاني يشبه رئيس محاكم التفتيش الاسبانية القديمة , فهو يفتش في النفوس , ويبحث في النوايا , لكي يغرس فكرته , ويدعم إستمرارها , لإذا ما وجد فكراً مضاداً قام بقهر صاحبه , وقام بإقصائه تماماً ونفيه حتى يتنازل عن فكره المختلف

قارن بين وضع من قام بالحملة في ضوء هذا المثال وستجد فرقاً رهبيا وشاسعاً بين الموقفين !!!!

-----------------

أنت قلت :

صاحب البوابة مرة اخري .. اعتذر لك صديقي لاني لن اشارك في حملتك .. ولن ادافع عن شيخك هذا .. فقد طلبت منك بيانات عن هذا ولم تفدني بشيء .. فانا لن اشارك في شيء مادمت لا اعرف عنه شيء .. هكذا انا .. مدون غير منحاز ولكن فالتعلم انا لست مدون سلبي .

----------------

4- اخي الكريم يعلم الله ان هذه النقطة بالذات لم أرد ابداً التطرق اليها بالرد , لا لشئ الإ لأنك قد إختصصتنى فيها بالإسم صراحة , ولا أود ابداً ان تظن انت يا عزيزي او يظن البعض أنما أكتب هذا الرد كله دفاعاً عن نفسي , ولكنى وجدت في الرد - بعد تفكير - استفادة اكبر من الصمت عنها

بداية دعني أسألك سؤالاً واحداً

هل تعتقد أني أحترمك فعلاً ؟؟؟

لن اجيب على هذا السؤال الآن ولكنك ستعرف اجابته في نهاية الرد

اولاً : كان المغزى من الحملة إظهار رمز حقيقي لمصرنا الحبيبة , لم يكن الهدف الاساسي لهذه الحملة الإفراج عن شيخ المجاهدين كان هذا هدفاً فرعياً صعب التحقق وبعيد المنال , فأنا وانت والكل يعلم تماماً ان تلك الحملة لن تقدم ولن تؤخر , لكن الهدف الاسمى والأكبر أن نُعلم الجميع انه ما زال هناك بيننا من نظنهم قد اندثروا , ان نظهر للكل أنه ما زال لدينا القدوة التي بات الجميع يتحدث عن غيابها وإختفائها , إذن المحصلة أن يمر أحدنا يوماً على قصة هذا الرمز فيعلم أن مصر بها الكثيرون من الشرفاء , لكنهم مغيبين إعلامياً ومهمشين جماهيرياً ...

إذن وبصراحة وبعد كل هذا الكلام , لم يكن ليؤخر أو يقدم في سير الحملة إنفصال شخص واحد عن التضامن معنا , أو تخلف فرد واحد عن دعمنا ...

لكن هل معنى كلامي هذا أننى لم أرسل إليك معلومات لأنى لا اريدك معى في الحملة ؟؟؟

سامحك الله يا أخي العزيز ان ظننت بي ذلك !!!

فلا هذا قدرك عندي ومقامك , ولا ذاك اسلوبي ابداً , ارجع الى رابط الموضوع وسترى انني قد شكرتك على إنضمامك الينا وقمت بعمل تحديث بعد سؤالك عنه بعدة ساعات فقط , وفور ما وصلتنى المعلومات عن قصة حياته , التى كنت أجهلها مثلك تماماً !!!

وهذا هو رابط الموضوع لكي تتأكد من صدق كلامي
http://elbawaba.blogspot.com/2007/05/1952007.html

أنت كنت قد سألتني عن معلومات عنه
ولم أكن املكها وقتها , وعندما حصلت عليها نشرتها فوراً في نفس البوست بعد تحديثه ...

إذن أنا لم أقصر معك , وارجع الى مواضيعى كلها بعد هذا البوست وستجد انها كلها اختصت بالشيخ وسيرته , لكن يبدو انك لم تزرني منذ وقت سؤالك

وإعلم يا أخي الحبيب أعزك الله , أننى كنت أمر في سبيل نشر قضية هذا الرمز , على ما يقارب ال250 مدونة يومياً , وفي فترة دخولى على شبكة الانترنت , ولا تتعدى تلك الفترة الساعتان او الثلاثة يومياً على أقصى تقدير !!!

انا قد وجدتك في مدونتي تسألني عن الحملة , فعلمت ان الحملة قد وصلت اليك , فظننت انك ستتابعني وتزورني لتلعم الجديد , هذا - والله على ما اقول شهيد - هو كل ما في الامر , واذا كنت تعتبرني مقصر فأنا آسف لك , غير أننى التمس العذر منك لأنشغالي الشديد بنشر الحملة وقتها , أما عني أنا فإن أكثر ما آلمني منك فهو أن تظن أنني كنت أريد ان تكون منحازاً لي بدون ان اخبرك بالمعلومات الكافية , او ان تظن بي انى اريدك مدونا سلبياً !!!

لا لست انا ذاك الرجل يا أخي الكريم


وليس ذلك ظني بك , ولا تقديري لمقامك عندي

أنت أغلى من هذا بكثير

تحياتي لك اخي الحبيب

وعذراً للإطالة

فإنما هي عتاب القلب للقلب

وتناجي المحـــب لــمن يحـــب

انتظر ردك اخي الحبيب

عصفور المدينة said...

أنقل لكم بعض التعليقات التي علقتها اثناء حملة المدونات النظيفة رجاء قراءتها بعناية

أنا اخترت لنفسي من زمان للمدونات اللي باعلن عنها عندي عنوان
مدونات صديقة للبيئة
أي نعم أنا مقصر في اضافة الكثيرين ولكن هنا اقترح استخدام هذا الشعار
او مثلا زي ما الأمريكان بيسموها
safe
ممكن نقول مدونات آمنة
ولي اقتراح أيضا هام وهو أن هذه الحملة لا ينبغي أن تكون رد فعلا لا احنا نضاف لأن النظافة من الإيمان مش عشان نفضح الناس التانيين
دي رسالتنا مش عشان هم موجودين ومشوهين الجو احنا عاملين الحملة عشان نحاربهم احنا عاملين الحملة زي ما قال الأخ الوافي عشان تظهر الصورة الحقيقية ان فيه مدونين كثيييييير محترمين
وان اللي عايز يقرا مدونات ممكن يلاقي كلام طاهر وان فيه نفوس نقية بتطلع كلام نقي والتعبير عن النسبة الحقيقية للخبث بالنسبة للطيب


جميع المشاركين في الحملة تقريبا اتفقوا سابقا فيما فهمت إن هذه الحملة ليست ضد أحد معين
ولكنها نداء الطبيعة أقصد نداء الفطرة يعني للتمايز بين المدونين الوحشين والمدونين الحلوين الطيبين بحيث لما تحب تقرا تدوينة نظيفة تصل لها بسهولة طبعا هي مبالغى لو ظن احد اننا سنقف لهم بالمرصاد وإن ماحدش حيقرا لهم أو انه حيقفلوا الدكاكين ويعضوا أنامل الندم على ما فرطوا في جنب الله إلا بمشيئته سبحانه وليس بمجرد بنرات أو شعارات ولكن كما سبق هي للتمايز والتمايز ده مطلوب شرعا

الحملة واضحة صاحبتها وضحتها والجميع أيد كلامها
مش ضد حد ...للتميز ورفع الصوت النظيف الهادف البعيد عن البذاءة حتدخلونا في خلافات مالها


بتاريخ 5-4-2007
جاءني هذا التعليق وأسعدني جدا من الأستاذعلاء سيف صاحب مدونة منال وعلاء
رغم أن مدونتي غير نظيفة لكن نصيحتين لخدمة المدونات النظيفة

جووجل عندهم حاجة أسمها
custom search engine
إلخ تعليقه عندي


يعني فكرة محرك البحث هي أساسا من المدون المنصف علاء سيف
وكان هذا ردي على أ علاء سيف
شكرا للأستاذ علاء
وأنا متابع مدونة حضرتكما ومدونة مالك رغم عدم النظافة المذكور
وذلك من باب الوعي
وشكرا على اهتمامك والنصيحة

وقوبلت الفكرة بالترحاب وشكر الجميع الأستاذ علاء سيف وبعدها قمنا بتفعيل
rss
على العنوان
www.bloglines.com/public/cleanblogs
بناء على اقتراح ثاني من أ علاء
وقامت دكتورة فضفضة بعمل محرك البحث وشكرت الأستاذ علاء ونسبت الفضل إليه

وبعد ها قام الستاذ الديب بعملموقع
www.ef7at.com

وكما أؤكد ليس هذا ضد أحد معين ولكن من كان يريد قراءة مدونات خالية من الألفاظ الخارجة سيسهل عليه إيجادها
وتعريف البذاءة هو عرف عامة الناس وهو الفطرة السليمة وقبل كدة كنت علقت عند مالك
وأوضحت أن في اي ثقافة يوجد كلمات لها درجات وهذا معترف به وإن كلها تدل على نفس الشيء
يوجد كلمات مستهجنة أما أن ننادي بتطبيع البذاءة فهذا لم ولن يحدث في أي ثقافة ناهيك عن ثقافة المسلمين

Anonymous said...

انت زى الفل
و محدش يقدر يقول عنك حاجة
كلنا معاك ياعم ادم
.........
و سيبك من المعترضين
اكتب زى ما انت عاوز
برضه ليك جمهورك
...........
تحياتى يا نجم

يا مراكبي said...

على فكرة .. موضوع غير منحاز ده لو إنضم ليه ناس كتيرة .. هتبقوا ساعتها منحازين لعدم الإنحياز وهتقعوا في نفس المشكلة برضه

:-D

ليا واحد صاحبي كان دايما يقول لي: أنا راجل ديمقراطي .. يعني ماليش رأي

:-D

micheal said...

يا عم ادم دماغك..اللي عاوز يدون يدون براحته بس برضه الصراحه أنا لا أحبذ استخدام ألفاظ خارجه
:)
تحياتي لك

kaed said...

انا زى الأخ يا مراكبى
ديموقراطى
وبحب أحتفظ برأيى لنفسى
دمت بخير

yasmina said...

شوف يا اخي
هو كل واحد عامل مدونة لهدف معين وبالنسبة لي احب التكلم عن بلدي وتعريف الناس بنا اكثر ولكن بشكل عام
لا احب ان ارى كلمات خارجة واقراها
فعندما ادخل مدونة من هذا النوع فانا لا اعود اليها مرة اخرى
بالنسبة لعدم الانحياز فهذا شيء نسبي يتعلق بالموضوع وبالسياق للكلام

على كل مدونتك جميلة وجيدة كذلك المدونة الثانية

تحياتي

Anonymous said...

انا مدون غير منحاز
ماشي ولو ان الدنيا مش هتسيبك في حالك
لان لازم يكون لك رأي في اي حاجة وكل حاجة
وفكرة ضبط الكلمات الخارجة او السفيهة كما يحب ان يقولها البعض دي مسألة ضمير زي ما قلت
ولان الضمير بيقول لازم اراعي الله والضمير فيما اكتب او انقل
فطبيعي لازم تكون المدونة نظيفة
المدونة دي بتاعتك حر فيها تكتب ماتحب وتنقل ما تحب
لازم ماتنساش ان كمان الناس بتدخل عندك (راقب عدادك) يعني اصبح عليك التزام تجاه الناس دي وعليه لازم تلتزم بآداب معينة توصل للناس فكره معينة عنك
معليشي طولت عليك
تحياتي

Alaa said...

أنا مدون منحاز
و منحاز جدا كمان
منحاز للمدونات النظيفة
و انا مش حاطط بانر لها و لا حاجة
لكن احب ادخل مدونة لما اخرج منها اكون اخدت ثواب من ربنا مش قريت كلام اخد عليه ذنب
يا صديقي آدم
لن يمنعك بشري أي كان أن تسب و تشتم كما تشاء
بل بالعكس الحكومة اليومين دول بتشع على كده
انما ان كلمة "..." بتجري في الوريد المصري
اعذرني
دي بتجري في وريدك انتا لوحدك
او البعض فقط
لكن في ناس بيجري في وريدها الخوف من ربنا
و تعاليم الاسلام
يا حبيبي قول اللي انتا عايزه
محدش هيمنعك
انما اعرف ان ربنا دايما شايفك
و اللي بيكتب مدونة نظيفة ده عشان لما حد يدخل يعرف انه مش هيلاقي كلام وسخ زي اللي حضرتك كاتبه في البوست ده


مع كل احترامي لرأيك عن مسألة التقسيم
لكن ده مش تقسيم
بس كل واحد بيعلن عن نفسه
و عشان سيادتك حاسس بالنقص
و ان مدونتك لا نضيفة و لا تمت للنظافة بصلة بتقول كده

و الاخوان المسلمين ليسوا افضل الناس
انا منهم و لكني اقول لك
المهم في الموضوع ان تتقي الله و تؤدي فرائضه و سننه عليك
و تدعو غيرك
ان فعلت ذلك
فانت خير من الاخوان المسلمين
و المسلم يا استاذ ادم عفيف اللسان
يعني لسانه نضيف يا افندم
مش بيقول بذاءات زي ما حضرت سميتها

ارجو تكون فهمت يعني ايه مدونة نظيفة
و انا مثلك لا اشجع التقسيم
لكن نتق الله جميعا
و ستكون مدوناتنا اكيد نظيفة

سلام عليكم

لا أحد said...

أدم بيك , انا اكره أن يتم تصنيف المدونات , كم أكره ان تتكاثر الاصوات للاجتماع علي افكار هي بطبيعة حالها متباينة
ادم , ما يحدث علي الفضاء السيبري التدويني الان هو ثقافة العشوائية المصرية . مساحة الحرية تفسر علي انها غموض يحتاج الي تكتل فيتكتل الاخوان والاقباط و.. و... علي الرغم من انها متنفس لايحتاج الي ارشاد
ادم بيك مابين كنادي الي التزمت الي ساقطة لاتدري ماذا تكتب الي واهم يروي تفاصيل حياته المملة الي بني ادم يريد أن "زبط حريم" الي كلبوظة ورفيعة وشاب جامد واحلي بنات و و و و
لقد انسحب العدد الاكبر من المدونات المحترمة ( تابع معي اين اوتوجراف , زرقاء اليمامة , ايهاث , نزوات الرب , مواطن مصري .. الخ )
علي رأي يحي مجاهد أننا جميعا نسبح في عالم من الخراء

admelmasry said...

همسااااات
ـــــــــ
شكرا لك
مع تحياتي والسلام

امير الظلام
ــــــــــ
وانت كمان والله واحشني


صاحب البوابة
ــــــــــــ
صراحة لا ادري كيف ارد علي كلامك .. اسلوبك في منتهي الرقي والاحترام
ولكني هنا خلال بعض كلماتي الضعيفة حاولت ان اسجل اعتراضي علي وضع لم يروق لي
وقد فعلت .. اما بالنسبة لموضوعك عن هذا الشيخ
انا بالفعل توجهت الي مدونتك اكثر من مرة ولم اجد بيانات عن هذا الرجل .. الهم الا بعض لينكات .. تهت فيها اكثر
لذلك لم اشترك معك .. ولذلك فقط اردت التنوية
اما بالنسبة لاختلافي واختلافك علي راي معين في موضوع بعنه فهذا لا يمنع الود المتواصل بيننا
تحياتي لك والسلام



استاذ عصفور
ــــــــــــــ
انا لم اقصد حربا .. او ما شابه ولكن قصدت فقط ان اطرق ناقوصا للتنبية
كثر الكلام عن الرقابة علي المدونات من قبل جهات ادارية لها سلطات مخولة اليها من الحكومة ذاتها .. وكثر الحديث في الصحافة والاعلام عن مدي السماح للمدونات بالحرية
اجد ان المدونات اصبحت شيئا مقلقا للبعض بات همه الاكبر هو محاولة اخراسها باي خجة مهما كانت واهية
اليوم بحجة الافاظ او البذاءات او او او وما اكثر او في ايامنا هذه
لك كل حبي وتقديري واحترامي
لك تحياتي والسلام



عاشور بيه
ــــــــــــ
الله يخليك يا نجم
مشرفني وجودك



يا مراكبي
ـــــــــ
هي دي ضريبة الديموقراطية
ههههههههه
شكرا ليك يا باش مهندس


مايكل
ـــــــــ
ازيك يا برنس واحشني


كيد
ـــــــ
انت برده ديموقراطي ؟
وانا كمان ديموقراطي
ولا فيش ديموقراطي احسن من ديموقراطي



احمد الحسيني
ــــــــــ
فعلا عندك حق
شرفني وجودك
تحياتي والسلام


علاااااااء
ــــــــــــ
بصراحه مش لاقيلك كلام ارد بيه عليك
اولا : انا لا اتفق كليا او جزئيا مع اي اخواني
ثانيا : احب اشكرك علي زوقك يا ابو الزوق



لا احد
ــــــــ
صديقي .. انت اللي بتهون عليا الفضا السيبري
ربنا يخليك ليا يا صاحبي

صاحب البوابــة said...

أخي العزيز آدم المصري

ياعزيزي الاختلاف في الأي لا يفسد للود قضية

انتظرك في مدونتي لأنني أثق فيك وفي عقلك مهما اختلفنا في الاراء والتوجهات

واتمنى منك ان تشاركنا الحوار هناك لعرض اعتراضك كاملاً على كافة النقاط التي ترى انها لا تناسبك في تلك الحملة

لقد فتحت شريطاً خاصاً لتبادل الاراء

انتظرك سريعاً في مدونتي

لأن رأيك يهمني

تحياتي أخي الكريم

صاحب البوابــة said...

أخي الفاضل وعزيزي ادم المصري

ولهذا تماماً دعوتك

ولمثل هذا أصررت على إستضافتك في مدونتي

حتى يتبين للجميع اننا لا نتناحر

انما هو اختلاف في وجهات النظر

بالاجمال أتفق معك في عدة انقاط واختلف معك في أخرى

لكنني في النهاية أحببت أن أراك هناك بيننا

لكي تدلو بدلوك وتعرض افكارك في حرية تامة

وإعلم يا عزيزي أننا ابداً لن نلقى الاتهامات جزافاً , ولن نتناحر لمجرد اختلاف توجهنا الفكري

انا واثق في عقلك الرزين وفي تفكيرك المنطقي تمام الثقة

وواثق ايضاً في عقلي وفي قوة منطقي

اذن كل ما بيننا الآن خلاف يستوجب النقاش ولا يستوجب ابداً التناحر

اما لماذا لم أعرض ردك على ردي هنا

فلأني وجدت ردك يمتلئ بالثناء على شخصي , وهو ما لا ابغيه ابداً , انما أبغي تواصلاً فكرياً بين اصحاب الحملة وبين المعارضين لها , تواصلاً يقوى الروابط ويشيد الجسور لنتقابل على ارضية مشتركة

كما أني دعوتك للنقاش هناك وسط الرأي الآخر , لتعلم ما نبغيه فلا نحن نهاجم أحداً ولا نحن نقيد أفكاراً بعينها

ولثقتي في أنك ستحضر بنفسك وتتناقش بكل هدوء مع اطراف الرأي المخالف لرأيك

وهذا ما حدث فعلاً

تحياتي لحضورك المميز

واشكرك على إجابة دعوتي

وياسيدي لا تعتذر على الاطالة

فإنما هي مدونتك

تحياتي أخي

صاحب البوابــة said...

صدقني أخي آدم

استفدنا كثيراً من حضورك هناك

وأكثر ما إستفدناه أننا أظهرنا للجميع

حواراً حضارياً بين اصحاب رأيين مختلفين , كلاً منهم يرى انه صاحب الرأي الأصلح

لكننا جميعاً في النهاية في خندق واحد ونبغي الاصلاح لهذه البلاد

وليعلم الجميع إننا اذا لم نتفق اليوم , فإننا لم نفترق

تحياتي اخي وأشكرك ثانية لحضورك الرقيق وحوارك الحضاري

Maha said...

لا حول ولا قوة إلا بالله

هل أصبح الكلام الطيب ورفض التفوه بالكلام السيء هو الخطأ ؟!!

أم فهمت أن أصحاب المدونات المتضامنين مع حملة مدونة نظيفة هم فقط المدونين الجيدين والباقي سيء !! ليس هذا هو المقصود وليس هذا هو الهدف .. لا تقف في الصف الآخر وتنظر للامر من هذا المنظور