Pages

Subscribe:

Friday, May 11, 2007

المسا هتربينا من جديد

اللي مربهوش ابوه وامه .. هتربيه الست امال عبد الوهاب
.
.
في جريدة المساء بتاعت 9 مايو ياعني الاربع اللي فات دا علي طول .. في باب قلبي يسال اللي تشرف عليه الست هانم المبجلة امال عبد الوهاب
.
.
بنت يادوبك عندها سبعتاشر سنه بتسال
عمري سبعتاشر سنه .. طالبة بالصف الثالث الثانوي علي قدر كبير من الجمال والادب والثقافة .. اعيش مع اهلي وليس لي سوي شقيق واحد يصغرني بعامين
.
لحد هنا الكلام عادي خالص
.
بدأت مشكلتي عندما تعرفت علي زميل لي من خلال احد الدروس الخصوصية .. هو شاب جميل شكلا وموضوعا .. مؤدب جدا ويسعي للتفوق
.
هنا الكلام بدا يختلف وبدات تظهر المشكلة
.
في البداية كنا نتعامل بحساب .. نتبادل المذكرات او يصور مني ورقه والعكس .. ثم تعود كل منا علي الاخر فحكي لي عن نفسه .. ثم اصبح يتصل بي باي حجة فاحيانا يطلب مني شيئا او يطمئن علي فقط .. انا لا انكر اني اعجبت به جدا .. بل احببته وكثيرا ما افكر به او احلم به ايضا .. الغريب ان كل هذا يحدث دون ان يصارحني هو باي شيء مما يسبب لي حيرة كبيرة فلا ادري ان كان يحبني مثلما افعل ام لا ؟
.
هنا فعلا صميم المشكلة
.
وهاهي الامتحانات قد اقتربت واوشك الدرس
علي الانتهاء وسيذهب كل واحد في حالة
لا استطيع الاستغناء عنه
فهل اصارحه بحبي ام انتظر ان يفعل هو ذلك
وماذا يكون رد فعلي ان لم يقل لي شيئا
علما بان صديقتي المقربة
رايها انني واهمة وانه لا يحبني
وانا حائرة بين مشاعري وبين لا مبالاة هذا الشاب فماذا افعل
.
لحد هنا خلصت البنت كلامها وبدات
وصلة طرب من عزف الهانم المبجلة امال عبد الوهاب
.
تقولين عن نفسك انك مؤدبة ومثقفة
فابحث عن هاتين الصفتين فأكاد لا اجد لهما اثرا
.
دي اول شتيمة
قالت لها انك مش متربية م الاساس
.
فليس من الادب في شيء ان تنشغل ابنه
السبعتاشر عام عن دراستها بحب وهمي لا اساس له
.
صدمت البنت في مشاعرها كمان
و من الواضح انها اول تجربة للبنت
عملت زي الدكتور
اللي مش عارف يداوي الجرح فيكويه
.
ولا الوقت وقته وهو حب حتي ان صح فيضر
اكثر مما ينفع بل ويسئ ايضا
ويهدد السمعه في وقت مبكر جدا
.
يانها ابيض احنا وصلنا للسمعه والفضايح
ياحاجة البنت بتقولك انه
حتي لسه مافتحهاش في حاجة
.
اما بالنسبة للثقافة فاعلمي
ان جزء كبيرا منها يحثنا علي التعلم من تجارب
الاخرين فلماذا لم تمنعك ثقافتك
من الوقوع في اخطاء من سبقك
والتجارب الفاشلة عن الحب الذي
يبدا في مثل هذا السن تملا الصحف وكل وسائل الاعلام
.
ياعني اللي زيك مغرقين المسلسلات
والجرايد ليه مش بتعظي يا بنت انتي
انت ايه اهلك ماربكويش
.
انك علي وشك الدخول لاهم امتحانات
في حياتك وعليها يتوقف الجزء الاكبر
من مستقبلك ولا اظن انك يجب ان تنشغلي
عنها بقصة تافهه اخترعتها وصدقتيها
.
اوبااااااااااااااااااا
دا استهزاء مباشر بعواطف بريئة يادوب عرفت طريقها للنور
بدل التوجيه السليم
نقطعها من جدورها
.
استمعي لكلام صديقتك التي تنصحك من قلبها
واصرفي نظر عن هذا الشاب فورا
كفاكي ضياعا للوقت انت في اشد الحاجة اليه
.
عرفت منين بقي ان صاحبتها بتنصحها من قلبها
ليه البنت ما تبقاش عايزة الواد ليها
والله انا شاكك في امال دي انها تكون من الاخوان
.
ولا تنسي ان الاهل تكبدوا الكثير
حتي يوفروا لك مكانا في هذا الدرس
وهم فعلوا ذلك لتتعلميوتتفوقي ليس لتحبي
.
حبة تانيب ضمير عشان وصلة الطرب تكمل بقي
.
ثم واضح ان هذا الشاب يتعامل معك كزميلة فقط
فلا تعطي الامور اكبر من حجمها
وكوني موضوعية واحرصي علي نفسك
جيدا مع تمنياتي لك بالنجاح والتوفيق
.
زميل فقط بيتصل يطمن عليه كل شوية يا ست يا مفترية
ليه مش قولت لها انه ممكن يكون بيلعب بيها
وانها لازم تكون احرص من كدا
خصوصا وان عواطفها في المرحلة دي جياشة وبدون حدود
ثم والله كتر خيرك
عملت اللي عليها وختمت لها بالدعاء
ههههههههههههه
والله هم يبكي وهم يضحك
.
ملحوظة
الكلام بالاحمر منسوب للبنت فعلا
الكلام بالازرق منسوب لامال عبد الوهاب محررة باب قلبي يسال بجريدة المساء فعلا
الكلام بالاسود تعليقاتي انا

39 comments:

SomeOne said...

يعني انا مفهمتش برده
انا معاك في سخافة الرد

بس انت لو مكانها تنصح البنت بايه
؟؟

Ahmed Shokeir said...

لقطة ذكية ياأدم

Post of the day

:)

غمض عينيك said...
This comment has been removed by the author.
غمض عينيك said...

بوست جميل وتعليقاتك في محلها

Anonymous said...

زي ما قال شقير باشا
لقظة زكية يا ادم

انا مش باشجع البنت
بس مش مع التقليل من مشاعرها
حتي لو كانت موهومة
مش نفوقها بالعنف ده
المفروض يكون فيه احتواء
الحاجة اللي واضح جدا ان البنت مالقتهاش من البيت
يعني هي دورت عليه بره
ع التوجيه و النصيحة
لكن برضه هي صدمتها
باستخدام الفاظ عنيفة

وتحياتي

reri said...

هو الرد بتاعها رخم جدا ... وتقليدي لدرجة محفوظات المدرسه ... المفروض أن من يقدموا تلك الأبواب يكونوا أكثر ثقافه وقدره علي محاورة النفس البشريه بإسلوب يبتعد عن النمطيه التي تملأ الرد
بس برده أنا شخصيا مش عارفه أرد عالبنت دي أقولها إيه

سلاماااااااااااااات

سكينة said...

أنا مستغربة ليه اخترت يكون كلامها باللون الأزرق وهو لون يصف الحكمة المفروض يكون أسود ومنيل أو أحمر وخطير
مجرد رأي
نقول للبنت أنشغلي بدراستك عشان وقتها قليل والحب والمشاعر معانا نعشها العمر كله فكرزي شوية في الأهم دلوقتي ثم نذكرها بقيمة وحقيقة أن الرجل يحب أن يكون المبادر في التعبير عن مشاعره وغالبا ما يزهد فيمن تعبره الأول
ركزي في دروسك ولو مشاعره صادقة هيدور عليك بعد الامتحانات ما تخلص أدام معاه الرقم
مجرد رأي

FATMA said...

هي البنت لو كانت حكيت الحكاية لمراة ابوها كانت جاوبت عليها بطريقة مختلفة شوية

رحلة said...

عزيزى القارىء
ماحدث امتداد لحالة العشوائيات التى تعيشها مصر
كان هناك من فترة مجلات مثل أعرف نفسك او طبيبك الخاص وبها رد قانع بمشاكل الشباب والشبات...وبها متخصصين مثل
د/عادل صادق
انا لاأعرف تخصص الست/أمال
قد يكون خطاء الانسة 17سنة ان بعثت مشكلتها لهذا الباب لعدم تخصصة

وعن وجهه نظرى ماتمر به فتاة 17 اى بنات تحت ال20 ظاهرة صحية فى تعرفها بالاخر مع الاحتفاظ بانوستها وكبيريائها

SaSo said...

الوليه دى هزأتنا كلنا
وبعدين هو موش المفروض يعنى,يختارولهم واحده معندهاش عقد نفسيه اصلا -او عندها عقد اقل شويه-عشان ترد ف باب زى ده؟

الوردة السوداء said...

مشكلة الناسدى يا ادم
انهم بيتكلمو من فراغ
مش قادرين يحسوا فعلا ان السن ده انقى واطهر سن للحب
وان المفروض المشاهر تتوجه صح فعلا
مش تنكوى زى مانت قولت

يعنى انا لو مكانها كنت هقولهاحاولى تنسى الموضوع لحد ماتقابلى الانسان الصح
مش اكتر من كدة
مكنت هتكلم فى تربيتها
او الكلام ده

عموما هما البنات كدة
قلبهم رهيف

شيماء الجيزى said...

اولا انت انسان ذكى ولماح
انك تعرض حاجه ممكن يكون كلنا بيعدى عليها مرور الكرام كده
ويقرا وخلاص
لكن انك تقعد تقراها وتفصصها وتلاحظ؟

وملاحظتك بجد فى مكانها
انا شايفه ان المفروض مش اى حد يرد على باب زى ده
المشكلات العاطفيه دى من اعقد الامور
واكثرها حساسيه
حد معندوش خبره فى الحياة ولا عارف بيحصل ايه
وممكن زى مناس قالت معقد من تجارب شبيها
ايوة وليه لاء
البنت دلوأت لما تقرأ هتفهم ايه؟
انها انسانه ملهاش مشاعر
كل المطلوب منها تذاكر وتنجز دراستها ومشاعرها ترميها فى اول باسكت (لامؤاخذه )
ومتفهمش اساسا الى بتحسه ده حب ولا اعجاب ولا انجذاب لمشاعر الحب فى مرحلة المراهقه دى؟
غير كده هى فرضت حسن النيه والبنت لما تشوفها بتفرض حسن النيه هتعمل زيها
طب افرضى انه مش حسن النيه ؟
افرضى كمان ان صحبتها بتحاول توجهها اتجاه غلط؟
فعلا
ردها سئ جدا جدا
وممكن تأخد درجة سئ مع مرتبة ال.....
مش عارفه اقول ايه
انا طبعا بحييك
وبقول الله يخربيت الواسطه
خلت الكوسه دكتور نفسى
:d
تحياتى يا ادم
واسفه على التطويل

bluestone said...

احييك اولا على ملاحظتك
اكيد محدش بيتابع المسا عشان يتفرج على المسخرة دي

المشكلة ان فيه ناس بتنصب نفسها قضاة وآلهة وتحاكم الناس وتربيها وتتحكم في مصيرها ,, حاجة مقرفة بجد
والاكثر قرفا وسخافة انهم لا يكونوا دارسين ولا فاهمين أي حاجة من اي نوع ...

يعني لو الست هبابة دي كانت بتفهم اي حاجة او عندها القليل من المعرفة العامة كانت فهمت يعني مراهقة ويعني ايه مشاعر المراهقة وكيفية التعامل مع الشاب او البنت في السن ده وهو لسه بيتعرف على مشاعره وطبيعتها وازاي بيبقوا مشوشين ومضطربين ومحتاجين اكبر قدر من التفهم والحنان والمعالجة الحكيمة ...

لكن الست الحمارة نصبت نفسها قاضي من القرون الوسطى .... حاجة مقرفة بجد

Esmeralda said...

من الواضح امال ديه ليها تجارب اليمه بتطلعها عالخلق

عالم مكلكعه

الأرمـوطــي said...

انا قلت اعدى امسى على حبيبى

Anima said...

مين أمال عبد الوهاب؟

و كمان ردودها ما كانتش موضوعية

دي كإنها بتلقى محاضرة نظرية في جامعة

MAKSOFA said...

تعرف المشكله أن اي حد قاعد مالوش شغلانه في الجريده أو المجله يقولوا له تعالي حل المشاكل

حاجتين مابحبش اقراهم في الجرايد والمجلات

الأبراج والمشاكل

تعرف ليه

لأني بأشوف الخلق والنوعيات اللي بتعملها وأزاي بيكتبوها وعرفت أنها ضحك علي الدقون

بوست حلو

وعجبني اكتر تعليقك

وبعدين ايه يعني البنت في سن المراهقه وطبيعي تنجذب لزميلها
وممكن تكون النصيحه أرقي وأحن من كده

دا أحنا في زمن صعب والعالم كله مفتوج علي بعضه
والبنت المسكينه بتحكي حدوته رومانسيه مافيهاش اي نوع من قله الأدب وعدم التربيه
تصدق بالله أنا لو أم البنت دي وجت قالت لي علي رد الست المتخلفه دي
لكنت أجرت عليها أتنين ستات من أم المصريين ضربوها علقه وقلعوها التمبكه اللي حاطاها علي رأسها

قدام مبني الجريده المتخلفه اللي مشغله أمثالها

محمد عبد الغفار said...

هى صحيح اسلوبها زفت

بس انت يعنى كنت عاوزها تعمل معاها ايه!! ترود عليه رد من نوعيه الرد بتاع اسامه منير على نفس المشكلات

Randomly said...

يا جماعةو هي بس مشكلة الست الكاتبة,
دة إحنا اصبحنا محاطين بكل من يدسون انوفهم في حياتنا ، ليه ؟ علشان يساعدونا نعدل تصرفاتنا ....

واحـــد مـــــن الـنـــاس said...

لو اختك اللي في ثانوي هيا اللي بعتت الكلام ده للست دي

هتعمل ايه ؟؟

BaTresYa said...

بجد ردها سخيف جدا وملوش اي نوع من اللباقه او الذوق في الرد ...دا اول سطر كتبته تخلي البنت متكملش ردها عليها .. أصله مش كارثه في الزمن دا ان بنت 17 سنه تحس انها بتحب واحد لأن بنات كتير جدا بيشعروا بنفس الشعور وبيتسرعوا اكتر من البنت دي...بجد غريبه جدا

admelmasry said...

شادي فايد
ــــــــ
بص
انا هنا مش باعرض مشكلة وباطلب فيها الحل ومش عايز حد يقدم نصيحة
لكن انا هنا بس بادق جرس انذار لناس فاكرة انها الصح وكل ماعداها غلط
تحياتي ليك وشكرا لمرورك


احمد شوقير
ـــــ
اشكرك كثيرا علي ذلك
اخجلتم تواضعنا فعلا


محمد سمير
ـــــــ
اشكرك كثيرا مرورك الكريم
واتمني ان تكرر الزيارات


ابيتاف
ــــــ
فعلا هو دا اللي كنت بحاول احط حواليه دايرة
بس هتقولي ايه بقي
فاقد الشيء لا يعطيه


ريري
ـــــ
الرد علي البنت دي هيكون من اسهل الردود
اسهلهم انك تقول نفس المعني اللي اتقال حتي ع الاقل
بس باستخدام الفاظ مهذبة تنم عن شخص مثقف وواعي
بس هنقول ايه بقي
بلد بتاعت شهادات صحيح


سكينه
ــــــ
برافوا
دا احد الحلول اللي ممكن تتوجه للبنت ودي طريقة مقبولة ميه في المية
تحياتي ليكي والسلام



توتة توتة
ــــــــ
والله عندك حق يا بنتي
بس هتقولي ايه بقي
عالم معقدة



رحلة
ـــــ
بالظبط
انا شايف ان اي انسان طبيعي لازم هييجي عليه مرحلة ويحس بنضج في المشاعر
ومش عيب جدا انه يستزيد من خبرات السابقين عشان يعرف يتوجه صح
لكن مش نصدمه بالطريقة دي
تحياتي ليك والسلام



ساسو
ــــــ
هنقول ايه بقي
ماهي كل حاجة ماشية بالوسايط
بلد بتاعت وسايط صحيح



الوردة السودا
ـــــ
هههههه
فعلا هي البنات كدا قلبها رهيف
بس انا اشك في كون الست دي كانت بنت في يوم من الايام



شيماء الجزيري
ــــــــ
اولا الف شكر علي الاطراء اللي في البداية دا
ثانيا انا باضم صوتي لصوتك وبطالب بعدم تفشي الجهل والمحسوبية في الشغل خصوصا المناطق الحساسه اللي زي دا
لان الباب دا المفروض انه بيعوض حاجة مش موجودة في البيت تربية ياعني
بس للاسف شكلها مش بتعرف تربي




بلو ستون
ـــــــــ
اولا الف ميت تحية للزيارة الكريمة
ثانيا احب اقولك ان هو دا حال كل المصالح الحكومة اي حد في اي حتي لادراسة مهمة ولا فهم مهم
وادي النتيجة
نصدم بنت عندها سبعتاشر سنه في اطهر وانقي مالديها
تحياتي اليكي والسلام



اسميرالدا
ــــــــ
اظاهر كدا فعلا
وحظنا احنا بقي اننا بنتعامل مع الجريدة دي



الارموطي
ــــــ
حبيب قلبي الجميل
مساك سكر وعسل
اكتب بالعربي بقي شوية لحسن انا زهقت م الانجليزي بتاعك



انيما
ـــــــ
بصي يا ستي بما اني عرفت انك منين
فهقولك
الست دي صحفية مغمورة في جريدة مغمورة في بلد فقدت مكانتها الثقافية
فاكرة انها عشان مسكت قلم وورقه تبقي عرفت فين الصح والغلط وعلي اساسه تولت مهمة تربية النشيء الصاعد
عرفتي بقي دي تطلع مين ؟




مكسوفة هانم
ــــــــــ
ياهلا يا هلا
اهلا بالعودة الجميلة
بجد فرحتي انهاردة بقدموك كبيرة جدا
ياريت البنت دي تقري فعلا كلام زي دا وتعرف ان امها اقرب ليها من ولاد الشوارع
تحياتي ليكي والسلام




محمد جعفر
ــــــــ
هههههههه
لا طبعا هو يا اما دا يا اما دا
ايه يا اما نسيب الجرح بينزف يا اما نكوية ؟
لا طبعا فيه اكيد حلول وسط
ودي كتيير جدا
شرفني وجودك
تحياتي ليك والسلام



ايجيزيانا
ـــــــــ
والله عنك حق فعلا
امتي بقي ربنا يتوب علينا
تحياتي ليك والسلام




واحد من الناس
ـــــــــــ
تفتكر انت
ممكن اعمل ايه ؟





باتريسيا
ــــــــــ
هي فعلا مش جريمة طبيعي جدا ان اي كائن حي ينجذب ناحية شيء عجبة
مش جريمة بقي ان بنت اعجبت بشاب وبتسال النصيحة
ياجدعااان بتسال ع النصيحة
ياعني واحدة مش همجية ولا مندفعه
استر يارب علي عبيدك
تحياتي ليك والسلام

أميرة البلطجية said...

واضح ان الصحفية دي معقدة اصلا
!!
هي الكتابة في صفحة المشاكل دي بالتعيين وله بالانتخاب؟

Anonymous said...

هو انا معرفش الناس البترد على الجوبات ده خريجة إيه ولا تخصص إيه !!!

لو رحت قلت الكلام ده لرجل بتاع فول..كان هيعرف يرد و ينصح أحسن منها !!!ا
صدمنى الرد
!!!



برده لقطة ذكية يا ادم
;)

Anima said...

يعني لا هي طبيبة نفسية ولا مربية أجيال

مهنتها الصحافة طيب ما تركز مع الصحافة

و تخلي الناس الثانيين يشوفوا شغلهم

محمد عبد الغفار said...

محمد عبد الغفار لو سمحت
:)
نكويه يا باشا ، عاوزه بكسره ولا لف

متغيرة شوية said...

المشكلة ان أغلب اللي بيحلو المشاكل دي بيبقوا غير مؤهلين بالمرة ، ويأما عايشين فري وسبور يا أما عايشين في دور الفضيلة ، لكن مش بيحاولوا يعيشوا المشكلة فعلا من وجهة نظر صاحبها اللي هو أكيد شايفها أكبر مشكلة في حياته بينما هي بتبصلها بنظرة علوية فبتوكن مشكلة هايفة.

في برضه واحدة اسمها ايمان حاجة بتقدم برنامج اسمه همسات عاطفية تقريبا مش فاكرة على أي اذاعة ، انا سمعتها بالصدفة وانا بقلب كده ، كانت كل ما واحدة تبعتلها أي مشكلة ايا كان نوعها تقولها لو بيحبك هيروح يخطب من أهلك لدرجةانانا افتكرت انها علقت أو ان مفيش مذيعة وهو شريط بيحطوه بيقول لو بيحبك هيروح يخطبك من أهلك

يا عم سيبك من الحاجات دي ، اللي عنده مشكلة عاطفية هيجيلك انت:)

Mohamed said...

مبدئيا كده عرضك للموضوع ممتاز .. دي حاجة مهمة جدا ..
ثانيا الانسانة اللي اسمعها آمال مش عارف إيه دي تطلع مين يعني وأهميتها إيه بس معلش عشان مش واخد بالي .. وبأي صفة بترد على مشكلة زي دي .. بصفة اجتماعية ولا تربوية ولا دينية ؟
ثانيا أيا كانت الصفة اللي هي بتتكلم بيها .. فكلامها ده ناتج عن جهل شنيع وعن عدم دراية بعلم النفس وأساليب التوعية والتوجيه .. والأهم من كده ناتج عن عقد نفسية زي ما ساسو قالت .. وأنا أراهن إنها في سن 17 سنة كانت عايشة في كبت وبالتالي طلعت لنا بكلاكيعها ..
عموما أنا برضو مش مع البنت -اللي أكيد بتعاني من مشكلة إنها مش قادرة تكلم حد من أهلها أو أصحابها وعايشة في اضطراب نفسي - مش معاها إنها تعرض المشكلة على أي حد جرنان ولا تلفزيون لمجرد إنه مشهور .
آسف إني طولت بس رد الست دي حرق دمي بجد .. وتحياتي

لا أحد said...

ادم المصري ينظر عن الحب
ويضع مقطع صوتي " علشانك يا قمر اطلعلك القمر"
ادام الله عليك حالة الهيام

طارق مكى said...

صديقى العزيز ادم باشا

البوست جميل ولمح زكية ومش غريبا على ادم ولكن احب اعرفك شياء مهم اوى يا ادم ان لمة البنت حكت عن الواد بتريقة كويس يعنى انو كويس وبيشوف دروسو وبيحب يبقا متفوق فقالت الست ان الود طلمة يجى منو طب موزع البيت واخدو عريس لبنتى او اى قرسبة من قريبى هههههههههههههههههههههههه

Ma 3lina said...

ايه دا الست امال دى كانت كويسة و بنت ناس ايه االلى حصلها
تعليقك على كلامها تحفة

أخف دم said...

أنا لو من البنت بعد الرد الجميل الهادى الرصين المتفاهم ده .. أروح اضرب ورقتين عرفى زى الفل .. ولا الحوجة لآراء الست ..وبالنسبة لفادى اللى بيقول تنصح البت بغيه .. أقول له يا عم حتى لو هانصحها بنفس النصح .. ما يبقاش يالطريقة دى يعنى .. دى تروح تبيع عجل فى شرم الشيخ أحسن

admelmasry said...

اميرة البلطجية
ـــــــــ
لا وانتي الصدقة
دي بالقرعه
ههههههههه


نوران
ـــــــ
بالظبط كدا دي فعلا مفتقده لابسط انواع الثقافة الشعبية
دا حتي الكلمة الطيبة صدقة
بس هنقول ايه ليه ماتفتيش
شرفني وجودك يا جميل



انيميا
ــــــــ
ههههههههه
مش بقولك يا بنتي ان دا موجود في بلد فقدت مكانتها الاجتماعية
دا في اي حتي تانية بس في العالم
غير هنا
في مصر
وربنا يرحمنا بقي




محمد عبد الغفار
ـــــــــ
يااااااااااه
الحمد لله انك مش دكتور يا اخي
وبالنسبة للاسف فانا اسف جدا العتب ع الجزر



متغيرة شوية
ــــــــــ
اظاهر ان حتي المناصب دي بقت اخوان
هههههههههههه
ربنا يستر بقي علي الباقي



محمود
ــــ
كلامك فعلا في الصميم
انا مش عارف ازاي هي مفتقد لكل انواع الباقه والياقة والزوق في الكلام
بس هنقول ايه
دا ممكن يكون عقاب لينا من ربنا



صديقي العزيز لا احد
ـــــــــــــــــ
ادامها الله علينا وعليكم
وعلي جموع المسلمين
قول امييين




طارق مكي
ــــــــ
ههههههههه
تصور والله جايز
انا ازاي مخدتش بالي
هههههههههه
تحياتي ليك يا جميل والسلام




ما علينا
ــــــــ
ياااااااه كفارة يا ست
حمدلله ع السلامه وعاش من شافك
شاكلك كدا من متابعين الست امال
والنبي لو ليكي عليها دلال او حاجة ابقي قولي لها تخف علي الناس شوية مش كدا
تحياتي ليكي يا جميل والسلام




اخف دم
ـــــــــ
والله حتي تعليقك موتني من الضحك
انت بقت اي حاجة من ريحتك تضحك
ههههههههههههههه
وانت بتقول تضرب ورقتين انا قولت دا هاينصح البنت ببانجو ولا ايه
بس لقيت التكلمة عرفي
الا ولما بتقول انها تبيع عجل في شرم الشيخ تخيلتها علي طول شبه عبلة كامل ام اللمبي
ههههههههههههههههههههههههه
روح يا شيخ
وتعالي بسرعه

يا مراكبي said...

آخر حاجة كنت أتصورهها إنك بتشتري جرايد الحكومة

صدمتني

admelmasry said...

يا مراكبي
ـــــــــ
هههههههههه
تعليقك موتني م الضحك
بس والله الجرنال مش انا اللي اشتريته دا ابوياجابو بالليل وهو جاي
وابويا من النوع اللي مش بيشتري جرانين .. فانا اخمن انه يكون خده من واحد صاحبه
ههههههههه

micheal said...

دكتوره مين يا عم...شوف الواحد ممكن يطلع كميه الجهل و التخلف اللي في كلامها ده أد ايه
متعاطف جدا مع البنت بصراحه
:)
تحياتي لك

Reemo said...

ادم انا معاك انها كانت قاسيه مع البنت جدا فى ردها
بس المرحله السنيه دى خطيره جدا
وصدقنى القساوه مطلوبه نوعا ما مع مرحله المراهقه دى
لان فعلا اللطه فيها بيمت غلطه بعد كده
هى جايز تكون عنفتها بطريقه صعبه وغلطت فيها وانا مش معاها فى ده
بس الحده مطلوبه شويه
مش للدرجادى اكيد
بس برده مطلوبه
السن ده وحش جدا ومشاكله كتير
عجبنى فكره تدوينك وملاحظتك الشديده
تحياتى

غادة الكاميليا said...

طب والله يا آدم انت ضحكتنى في لحظة مش عندى نفس أعمل أي حاجه
يلا ربنا يخليلنا الجرايد الكوميديه

صاحب البوابــة said...

رغم أني اتفق مع السيدة آمال عبد الوهاب

في ضرورة ضبط وتقنين عواطف تلك المراهقة

إلا أننى اختلف معها جزرياً في طريقة التناول والطرح

فأسلوبها لم يعجبنى كثيراً

فهو مباشر وقاسي

وفي هذه المواضيع

يستحب أن تؤخذ الامور بروية

وتغلف النصيحة في ثوب من الحنان والأمومة

بعيداً عن قسوة النصيحة المباشرة او السخرية المستترة

تحياتي اخي الغالي

وانتظر جديد دائماً