Pages

Subscribe:

Sunday, February 04, 2007

عودا حميدا بعد الغياب

اما بعد ... !! س



.



للمرة الثانية علي التوالي افشل في فهم نفسي .. وافشل كيف اتعامل معها وكيف احافظ علي ما تبقي لديها من كرامة وكبرياء او لنقل افشل في البحث بداخلها علي مزيد من الجبن والحكمة .. لتفادي موقف ما

بحكم التقاليد والعادات وما يفرضه المجتمع علي مثلي فانا شخص محترم مهذب لا يليق بي التعامل مع ألئك المترشدين المتسكعين المستفذين في اغلب الاحيان حتي وان تعرضوا لك ، فيجب عليك ان تتعلم مما درسته ولا تخالطهم باسلوهم حتي لا يجروك الي مستواهم ،
وهكذا تسمع كثيرا من تلك العبارات التي تدعو الي الخنوع والي النكسة حتي مع اشخاص نكرة لا يمثلون سوي عبئا لاهاليهم وذويهم


.




لتاني مرة علي التوالي افشل في السماع الي تلك النصائح التي تدعوني الي كثير من الوهن والتراخي واجد نفسي اتخلي عن كل المبادئ الحضارية في التعامل والحوار .. وانزل الي مستوي هؤلاء السوقيين .. واتعامل معهم منطقهم وطبعا لا يأتي الناس في صفي دائما فانا اخطات بالطع لاني لم اتواهن ولم اتراجع .. وكيف لي ان اتعامل مع مثل هؤلاء الاوغاش الاوباش ؟



.


\.
لا اجد تفسيرا حقيقا لما يجذب نفسي الي قاع المجتمع او لانحدارها السريع هكذا هل بحكم العشرة ؟


فعلي راي المثل _من عاشر القوم _ لا ادري حقا لماذا اتخلي في لحظة عن شخصيتي الحقيقية وارتدي قناعا اخر يصورني اما الناس بالمتشرد البلطجي القادر علي فعل اي شيء مهما كانت عواقبه بل اجدني حتي افكر بنفس الطريقة التي يفكرون بها



.





عادة في مثل هذه المواقف يفكر الانسان المتحضر في الاستنجاد بالشرطة .. ولكني وجدت عقلي الباطن يوحي لي باخيلة من شانها تؤدي الي افكار رهيبة .. مثل استأجار البلطجية مثلا وعمل عركة ضخمة .. يرد فيها اعتبار كرامتي المجروحة لا ادري .. هل لعجزي الاستنجاد بالشرطة .. او لعلمي انها لا تجير الا قادر في بلدنا هنا علي الاقل .. او حبا في ممارسه قانون الغابه الذي طالما انحرمت منه .. حقا لا ادري

.




وغالبا بعد ان اهدئ .. اندم كثيرا علي ما ضاع من هيبتي او علي الاقل لاني تنازلت عن قدرا من كرامتي لهؤلاء .. ولكن ياتيني شعورا اخر خفي .. باني ضعيف .. لا يستطيع ان يدافع عن نفسه في مجتمع تخلي فيه ولي الامر عن نصرة الضعيف .. الي جمع ما يملي به بطنه


.





احس باني احيانا انسان عاجز ضعيف واتخيل لو اني كنت انتصرت في معركتي ولم يتدخل الناس وكان هناك من ياتمر بامرتي فاقول لهم اضربوا هذا .. علقوا هذا .. وتصبح معركة حامية .. يتكلم فيها الناس عن مدي الاهوال فيها .. فلا يجرؤ اي مخلوق بعد ذلك ان يحلم مجرد حلم بالتطاول مرة اخري .. ولكن ما الفائدة ان كنت لا تملك حتي الا قوت يومك .. هذا شان الفقير دائما في بلد ياكل فيها الضعيف القوي





.
يوم الجمعه
26/1/2007

33 comments:

كلبوزة لكن سمباتيك said...

انا ضد البلطجة و الخناق و التشابك بالايدي و ارى ان النتصار في معارك الجسد خيبة و قلة عقل
مادام عندنا عقل نتحاور و نتناقش و نوصل لحل
لان الضرب ممكن يوصل للسجن و القسم و انت عارف لو اتعملك محضر حتتشد في كل خناقة
ليه تتسجل بلطجي لو كان ممكن تتسجل مثقف

مقدرة احساس الزعل اللي انت فيه
يا ريتني عملت و ياريتني سويت
بس صدقني ده احسن من لو كنت ازيت حد و قلت يا ريتني ما تهورت


ربنا يسعد قلبك و يهديك و يسعدك

^ H@fSS@^ said...

مش عارفة اقلك ايه يا ادم
بص
ساعات بتضايق ان ماما ربتني اكتر من اللازم و اني في مواقف كتيرة اتعقدت لساني و معرفتش اخد بحقي من ناس مستواها منحدر زي ما انت وصفت
لكن انا توصلت لقناعة اخير
ممكن تكون جارحة شوية
ممكن تكون في نظر مجتمعنا قليلة ادب بما اني بنت
لكن انا بالنسبة لي ما دام الشخص مش محترم نفسه مهما اختلف عني في السن
اذن انا مش ححترمه
وبناءا عليه لو حصل و اني اتشاكلت مع حد قليل الادب
لو الوقف يسمح اني اعديه بعديه
لكن اذا الموقف طال يبقى لازم يحصل رد و فوري و حاسم
لان المثل بيقول
سكتناله دخل بحمارة
او مثل تاني بيقول
اديته صباعي اكل دراعي
فمتعممش قاعدة على جميع المواقف
فيه اوقات حتضطر تنزل للمستوى ده و ترد
و مرات تانية تتناسى و تطنش زي ما بنقول
و مرات اخرى ترد لكن باسلوب يقلل من شان الطرف التاني و نفس الوقت من غير ما تطلع منك العيبة
حتقلي كل ده ازاي
حقلك كل موقف يعدي عليك و يخلص
فكر فيه
شوف هل كان ممكن تتفاعل معاه بطريقة تانية
وايه هي الطريقة التانية دي
الحاجة التانية اتعلم تحلل الناس عشان بعد كده تبتدي تفهم طبيعة الشخصية من حركة و من همسة و بالتالي تقدر تتنبا بالحاصل
كل ده مش حياخد منك نص ساعة قبل النوم و انت عالسرير
وهي دي جزء من محاسبة النفس
و انك تبقى مؤمن كويس
يعني تتعلم من اللي بيمر قدامك
يا اما مش حنفرق حاجى عن البهايم اللي في الشارع او البهايم اللي بتضايقك
و اذا كان على فشلك في فهم نفسك فمتعتبرهوش فشل
اعتبره محاولة
انا 30 سنة اهو و لسه بكتشف نفسي
عادي متكهربش نفسك

اسفه على سخافة و طول الرد اذا مجاش على هواك

تحياتي

Mamdouh Dorrah said...

ازيك يا وله يا ادم
عامل اية؟؟؟
واحشني جدا
انا جاي القاهرة قريب
و عايز اشوفك
و سلملي علي الجشع

أخف دم said...

انت مكسوف تقول انك اتطحنت ليه يا عن آدم؟ سيبها لله .. كلنا اتضربنا واتطحنا قبل كده بس أنا عايزك ماتفلسفش الأمور وانضرب وانت مبسوط .. انك بتنضرب فى بلدك العظيمة مصر مش فى بلد غريبة لا سمح الله..
ولو انضربت يا بنى من ناس أقل حاجة تتقال عنهم انهم لمامة متزعلش .. يبقى انت أكيد أكيد فى مصر.

محمد أبو الفتوح said...

آدم حبيبى
عارف يا ولا من إسبوعين كده فى الجامعه واد قل أدبه عليه ، كنت ماشى فرمى كلمه و كان ممكن أمشى و اعمل نفسى ماسمعتش بس حسيت إنى مش هكون محترم قدام نفسى و كمان أنا شايف إن الدنيا بتاعتنا كلنا طب ليه هو يفكر إنها بتاعته لوحده و انه قادر يعمل كل اللى هو عايز المهم رجعتله و قلتله أيوه يا سيدى كش شويه فسبته و بعدين رمى كلمه تانيه فزعقت فجه يجرى هههههه قال إيه عايز يتخانق أخوك إتهز فقلتله إحترم نفسك علشان أنا ماغلتطش فيك و بعد كده حسيت إن انا عملت اللى عليه و كنت مستعد لأى حاجه لولا إن الناس حجزت
دايما بفتكر حديث الرسول عليه الصلاة و السلام (فيما معنا) لما جاله راجل يقول لو حد جه ياخد منى فلوسى أعمل إيه ، قاله نبينا المكمل ماتديهالوش فقاله لو قاتلنى قال : قاتله قال : فإن قتلته قال: هو فى النار قال: فإن قتلنى قال : فأنت شهيد
ما بحبش الخنوع و لا الإحساس بالهزيمه و هو باقى للإنسان إيه إلا كرامته
بس بالعقل يعنى مش هروح أطبش ف عشر تنفار و انا كده يعنى
و إن كانت الحكومه مابتجيبش حق يبقى مش من الحق إن حقنا يضيع
الصور حلوه قوى يا آدم
أحلى سلاااااااااااام

micheal mohsen said...

بص يا عم ادم..بما أننا في مصر فالبلطجة و الصياعة أدب علي رأي العم القرموطي فبما أن اللي زينا مالوش ضهر جامد فيبقي اكيد مالوش تمن و البلطجة مش حتفيدة..حاول تتكحكم في أعصابك
تحياتي

aMiR-El ZaLaM said...

هى الناس اللى فوق دى مكبره الموضوع أوى ليه كدا !؟

بوست جميل وكلمات جميله ياعم والله

بغض النظر عن المضمون...

مش هقولك أنا ضد البلطجه ولا إتربينا كويس ولا الكلام اللى ميجيبش همه ده


كبر ياعم دماغك..

Anonymous said...

كرامة و كبرياء مولود برج الجدي

و انت مش قلت ليه الدكترة بتاعتك
***
هههههههه

فكها يا عم ادم
يوم لك و يوم عليك
و مش كل حاجة بالشر و البلطجة و الدراع

فيه مواقف الواحد الصراحة لازم يتنرفز فيها ويجعجع
بس يا سلام لو الواحد عرف يحافظ علي هدوئه و ياخد حقه بالعقل
رغم ان بلدنا ماشية بالدراع

المهم
محبش ابدا اشوفك زعلان
:)

شجره الدر said...

قشطه ولا يهمك
ايه بعنى
اقولك حاجه كمان تعيش ةتاخد غيرها
اناعارفه ان كان نفسك تعيش ايام الفتوات ياادم صح
والله انت شكلك كده جاى من روايه الحرافيش الجزء التالت
يابنى عادى
بص كل يوم الناس بتتخانق بس مش بتكبر الموضوع اوى كدا وكمان تنزل عليه بوست شكلك متأثر اوى
ادم
احنا عالم متحضره يعنى خليهم هما بأسلوبهم واحنا بأسلوبنا
وانا واثقه اننا صح
مش هنكون فى يوم من الايام بلطجيه
وتانى
ولااااااااااا يهمك

Unknown said...

معتقدش ان د ه الحل المناسب

ده بالعكس عمره ماهيرجع هيبتك و كرامتك
لان الهيبه من احترام الناس لك على اساس شخصيتك و ليس على اساس بلطجتك و سطوتك

انا رايي تراجع تعاملاتك و تحاول تجبر الناس على احترامك لشخصك و تحاول ان تفهم لغه الشخص الى امامك حتى لو هو اقل منك تحضراً فيجب عليك ان تعرف شخصيته لتعرف كيف تجبره على احترامك

انا راىى ان الاحترام هو الحل
و البلطجه هتجيب مزيد من البلطجه

تحياتى
واحد كان فاهم ان الحل فى البلطجه و لكن ربنا هداه

tona said...

سلامتك من الوجع يا ادم


سلامتك بجد

عين ضيقة said...

كن أنت ثم أنت ثم أنت
تحياتى

طارق مكى said...

حمدالله على السلامة ياادم
وحشتنة بجد
والله يا ادم انتا جيت على الجرح ودوست
انا عن نفسى بيقبلنى الموقف دا كتير
بس ارجع واقول طب لو استعملت البلطجة
طب اى الفرق الى بينى وبين اى واحد همجى
يبقا التعليم والقراء والثقافة نروح نرميهم فى الزبالة وملهمش لزمة طب واحد استعمل معاية البلطجة وروحت قولات يا واد يا طارق عيب مينفعش تمد ايدك وتضرب زى الناس دول طب والكرامة بتعتى طب لو ضربتو منا كدة ابقا هذات نفسىقدام الناس وبعدين ممكن يكون اجمد منى ويضربنى يبقا احنا وصلنة اننا بقينا فى غابة القوى يضرب الضعيف والضعيف لى ربنا
وشكرا على الموضوع الجميل دة
ولك كل تحياتى
طارق مكى

admelmasry said...

السمباتيك
ــــــــــــــ
وانا كمان زيك واظن ان كل اللوجرية زيك
بس فيه بشر كتيييير جدا جدا جدا جدا .. ما يعرفوش يتفاهموا غير الخناق
وللاسف احيانا بيحطنا حظنا العثر في طريق الناس دي


حفصتوشا
ـــــــ
عيب الكلمتين دول .. انتي كلامك طي حتي لو معجبش حسني مبارك نفسه
لكن ارجع واقولك ان ظروف البنت برده غير ظروف الولد
حتي لو كانت في منطقة شعبية .. ياعني اصلا لو حصل مضايقة من اي نوع هي اصلا مش هتتكلم كل الناس اللي في الشارع هما اللي هياخدوا لها حقها
اما بالنسبة للولد بتيقي مسالة كرامة .. وممكن يتساب يطحن لو مالوش حد يدافع عنه .. في المناطق الشعبية لسه بنتعامل بمنطق العصبية والعزوة .. والنظام القبلي
تحياتي


ممدوح
ـــــــ
تشرف


اشرف توفيق
ــــــــــ
ياعني انا عمال اللحوس الكلام واظبت فيه وما حدش خد باله
تييجي انت تسيح كدا ههههههههه
ماشي ياعم
المرة الجاية هنضرب وانا باسمع فيروز



محمد او الفتوح
ـــــــــــــ
يااااااااااااااااه
فينك ياراجل
شوفت حصل معايا ايه
كل دا عشان انتي بعيد وسايبني لوحدي هنا
ههههههههههههه
علي فكرة يابني
الدنيا دي مش لينا
احنا جينا في الزمان الغلط



مايكل
ــــــــ
تصدق كلمتك جات علي الجرح قوي
فعلا
اللي زينا ملوش تمن
انا لما بقعد افكر واسرح بخيالي لو الخناقة كبرت ايه اللي ممكن يحصل
في الاخر بلاقي الدواير بتدور عليا انا .. ودا لاني ماليش ضهر مما يترتب عليه
اني ماليش تمن
تحياتي ليك



امير الظلام
ـــــــــ
والله ياعم انت جمد جدا
ههههههههه



ابيتاف
ـــــــــ
الدكتارة بتاعتي حضرتك تحصص صغير جدا في جامعة الحياة
اللي الناس دي بقت اساتذة فيها
هههههههههههههه
ام الدراع والفتونة سيبناهم خلاص
احنا بتوع الكلام
هههههههه
انا مبسوط جدا بكلامك



شجرة الدر
ــــــــــ
قشطة ؟
واخد غيرها كمان ؟
دا اسلوب بنات برده ؟
ياعني لما احب امثل اني زعلان دولقتي اعمل ايه
وانا فطسان علي روحي م الضحك
فيه حد يقول كلام زي دا
انتي شكلك فرحانه فيها
ههههههههههههه
ماشي ماشي
بكرة اليوم عليكي يا جميل




ليه انا
ـــــــ
تعرف انا لما باجي اكتب اسمك بالعري باحسه انه قاصدني انا
ليه انا ؟
والله مش عارف
كل الناس في شارعنا بتتخانق وبتتصالح
الا انا
ليه انا اللي دايما بيحصل معايا كدا
هههههههه
مش عارف
شكرا ع الزيارة بس ما تقطعشي الجوابات


تونا
ــــــــ
الله يسلمك يا جميل
انا عارف انك حاسة بيا


عين ضيقة
ـــــــــ
لن استطيع ان افعل
لن استطيع ان افعل
لن استطيع ان افعل
احيانا يجب علي المرا ان يمتلك عدة اقنعة حتي تساعدة علي العيش بسهولة في معترك الحياة
لا اظن ان بامكان شخص ان يعيش بقنع واحد فقط



طارق مكي
ـــــــــ
الله يسلمك يا استاذي
والله انت كمان واحشن جدا
بي اديك شوفت بقي
الظروف هي اللي حالت بيني وبينك
تحياتي ليك

malak said...

ليك حق تزعل علشان احنا فى بلد الانسان رخيص اوى ومالوش تمن لو ملهوش حد يسنده
بس برده انا على اقتناع ان الانسان ممكن يرد كرامته مش بالبلطجة ولكن بالعقل والتفكير
انا اول مرة ازور مدونتك بس حقيقى مدونتك حلوة اوى

تحياتى

متغيرة شوية said...

لما تسيب البلطجي يهوهو بيتفرس أكتر من انك ترد عليه ، وي طرق أوقع انك تجيب بيها حقك

بعدين بقى انا أول مرة أعرف انك بتعرف تضرب:)

bastokka طهقانة said...

اصعب جرح جرح الحبيب

تعالى شوف

جوزي مشردني
على صفحات المدونات


زورني في طهقان و طهقانه

Tamer Nabil Moussa said...

ازيك ادم اخبارك اية

شوف بقى الدنيا دى ملعب كبير واحنا فية زى الاعبين

خليك انسانى طبيعى ولاتتخلى عن طبيعتك مهما حصل ولاتعطى الفرصة لااخرين النجاخ فى تغير طبيعتك مهما كانت الضغوط خليك انسان سياسيى



واى واحد غلط فيك باللفظ يكفى كلمة الله يسامحك او التجاهل واعمل فيها انى مسمعتش حاجة وبعدين الواحد لو اتعرض لخطر وحس بتهديد فعلاا مفيش غير الطريق الصحيح الشرطة هيا زى اى جهاز لها عيوب ومميزات لكن حكاية البلطجة دى ابعد عنها لانها هتضيعك

تحياتى

إنسان || Human said...

والله ياآدم ....الناس دي مستوى دماغهم كده معقوله تنزل مستواك تحت ليهم .......بتحصل معايا على فكره ممكن أكون ماشي في الشارع في حالي ....ومثلا فضولي خلاني أتدخل في حاجه وألا قي الطرف التاني هايشد معايا خناقه وبيشتم ....أقوم أنا كمان أشتم ؟ لا طبعا أنسحب بهدوء ومادلوش فرصه تانيه بحيث الموضوع يتطور للأسوء

rokaaa said...

السلام عليكم
اخى العزيز ادم
بجد اللى انت بتتكلم فيه ده مر علينا كلنا وحسينا بيه كلنا وانا اتعرضت لمواقف زى كده كتيييييييييير
رأيى خد حقك مهما كان حتى ولو كلفك حياتك
كرامتك ثم كرامتك ثم كرامتك
روكى

توهة said...

ايه ده مش ممكن ادم رجع يا ولاه

انا كان حيغمن على اول ماشوفت البوست عود احمد ومحمود وشريف وكل حاجه

بس اه البوست المشائم ده
الواحد فعلا ساعات بيخرج عن شخصيته عشان يجارى الل معاه ولما بنرجع بنندم اشد الندم والكائن الند اللى عندى فى البلوج بيشتغل بقى

بس لازم لنا من طريقه أو اخرى اننا نتعلم من غلطتنا دى ونخرجش عننا تانى

اما موضوع البطجه ده ماليش فيه خالص دنا بسخسخ لما بشوف الدم
وشايفاه حوار همجى لايليق بمتعلم


بس بجد البلوج كان وخش من غير سياتك

على الله ماتكونش نسيتنا بس



تحياتى

smraa alnil said...

مش واخدة عليك وانت كدة
اتوجعتلك اوي يا ادم

بص اللي زينا مش ليه مكان علي الارض
ماكانا مش هنا
واحنا مش لينا تمن حد يشترينا بيه
بس هتقول ايه

العقل والحكمة دول دلوقتي في زمنا دة دليل علي ضعفنا
واستكانتنا
والغالب هي السنج والمطاوي والعصيان
وللاسف احنا مش كدة
عشان كدة بقولك احنا مكانا مش هنا

سيبك بقي من كلامي
المهم انت ايه اخبارك بجد قلقتنا عليك
طمني عليك بقي

aMiR-El ZaLaM said...

بقولك ياكابتن

الموسيقى اللى ع البلوج حلوه أوى

أنا كل مره أسمعها وأتوه مع البوست المكتوب وأعلق عليه وأنسى أعلق عليها

تحياتى على ذوقك الجميل

.............

قولى بئا

كبرت دماغك ولا لسه؟

tota said...

ادم

انت مكنتش محتاج تدور جوه نفسك ولا تكتشفها لانك عارفها كويس
عارف كل تفصيلة وكل فكرة وكل سلوك

اللى بتقوله حلم او امنية وهى لانك غاضب لكن تصور شعورك بعد لما تتحول لوحش بدون قلب وتنتقم وارجع بعدها شوف نفسك تانى هتعرفها ولا هتكرها
يمكن دلوقتى زعلان منها لكن لسه بتحترمها

خليك انت واكثر ارتباطا بمن يقترب منك فى السلوك والفكر ام الاخرين فلا اظن ان الاقتراب منهم يفيد بقدر ما يضر
تحياتى

admelmasry said...

ملك
ــــ
اشكرك جدا علي هذا الاطراء الجميل
بالرغم من اني فعلا زعلان بس فرحت لما قريت كلامك
تحياتي



متغيرة شوية
ـــــــــــ
شوفتي بقي
والله اضرب
لا وايه في اوبشن جديد كمان
باعرف انضرب
ههههههههههه



بسكوته
ـــــــــ
عندك حق فعلا
اصع جرح
هو جرح الحبيب
بس اللي انا اتخانقت معاهم
مش حبايب ابدا




تامر
ـــــــــ
انا فاهم كويس كل الكلام دا يا عزيزي
لكن المشكلة الكبري
ان وقت المحظور
بيكون العقل في الباي باي
اريت يكون الواحد عقله معاه ساعتها
تحياتي ليك



انسان
ـــــــــ
عندك حق فعلا
بس تعمل ايه لو كنت بلا فضول اصلا
ولقيت الشكل بيخبط عليك وانت قاعد في البيت



روكا
ــــــــ
اشكرك جدا يا عزيزي
تعرف ؟
انا مرة اتشجعت شجاعتك دي
وكان نتيجتها
اني سيبت الشغل
تحياتي


توهه
ــــــــ
مش ادم اللي بينسي بسهولة
بس هي الدنيا تلاهي
ههههههه
تحياتي ليكي يا قمر



سمرا النيل
ـــــــــ
اللي زينا مالوش مكان في الارض برده
بتدعي عليا اطلع السما ؟
ياعني اموت يا سمرا ؟
ماشي ماشي
هههههههههههههه
مش هنولهالك برده



امير الظلام
ـــــــــ
اتفضلها ياعم الموسيقي
والله ما تغلي عليك
بالمناسبة
عايز اقولك اني فعلا كبرت دماغي
تحياتي



توتا
ــــــــــ
لكي سحر في الكلام
لا يقاوم
عادة اغضب من نفسي كثيرا
ولكني اصر علي احترامها امام الجميع
وامامي ايضا
لا استطيع ان اتخيل نفسي في شكل اخر
لاني لن اتحمل نظرات الاخرين
تحياتي لك

Nouran said...

بحكم التقاليد والعادات وما يفرضه المجتمع علي مثلي فانا شخص محترم مهذب لا يليق بي التعامل مع ألئك المترشدين المتسكعين المستفذين في اغلب الاحيان حتي وان تعرضوا لك ، فيجب عليك ان تتعلم مما درسته ولا تخالطهم باسلوهم حتي لا يجروك الي مستواهم ، وهكذا تسمع كثيرا من تلك العبارات التي تدعو الي الخنوع والي النكسة حتي مع اشخاص نكرة لا يمثلون سوي عبئا لاهاليهم وذويهم

انت اللي قلتها بنفسك عارف الناس ديه مش عايز تتعامل معاهم بالضراع عايز بالدماغ تعرف وانا صغيرة متشردة كنا بنلعب ف الشارع بنات صغنتتين وكان فيه عيال رخمين وبيهوشونا بحاجة شبه الخرطوم كطويل ويجروا ورانا عارف عملنا خطة عليهم وهوشناهم وخدنا الخرطوم وخبيناه ومن ساعتها مش بيقدروا يكلمونا شوفت ازاي
كنت عملت خطة عليهم يا ادم ومتخشش ف حجات مع الناس ديه تاني علشان دول كده عضلات بس مفيش دماغ يالله اللي حصل المهم تسمع لنصيحتك المرة الجاية

smraa alnil said...

يتقطع لساني يا ضشنايا
انا اقدر برضه
هو انا ليا غير ادم
هو انا اصلا جبت غير ادم
دة انت الحتة الشمال اللي بتقول بم بم

اللي بيصنعوا اللبان
هههههه
عامة اثار الضرب اخبارها ايه؟؟

الوردة السوداء said...

ازيك ياعم ادم
فينك يابنى انت بقالك سنة بتتخانق ولا ايه
عموما انا رأى ان سعات لازن نبقى كدة
انا ولله سعات ببقى متشردة
وشرسة
بس هعمل ايه
مبحبش حد يستهبلنى

عموما متضايقش نفسك
بس حاول متظلمش حد

متغبش علينا كدة

الدبور said...

ايوة كده ياعم اعصر دماغك وطلع الافكار الجامده واكتب
انا ليا وجهه نظر اذا رفعت الايادي تساوت الرتب و ومن لم يحترم نفسه فلن يحترمه الاخرون

تحياتي
الدبور

admelmasry said...

سمرا ...ووردة ودبور

تحياتي ليكم جميعا

asad said...

حاول أن تكون أكثر إشراقا فالحياة لا تتوقف يا صيقي كما أنها ترحم العاجزين

بعدك على بالى said...

لازم تتعلم احيانا كتير تتجاوز وتكبر ...ازاى معرفش، بس علشان ما تفرقعش بدرى


تحياتى ياجميل

Yasmine Adel Fouad said...

و الله يا ادم
مش عارفه
سواء كنت اتبلطجت
او سواء ماكنتش
فانا شايفه مجرد احساسك ان البلطجة مش حل و انك متضايق انك تنزل لمستوى ناس يعتبروا شوارعية و ده اللفظ بتوع الناس اللى قاعدين فى الشارع يجروا شكل خلق الله يبقى ما تقلقش على نفسك
انت لسه جواك نضيف

مش عارفه انا ساعات بحس انى عيبى انى اتربيت
فمش هعرف ارد على الناس اللى ممكن تقل ادبها او تطاولها يبقى باللسان
بس مش عارفه ايه الصح
الا انك تاخد حقك بدراعك ده انا محبذهوش
تاخد حقك بلسانك ده يعتمد ع الموقف و لو فى تصريفات تانيه و للا لا