Pages

Subscribe:

Tuesday, January 02, 2007

قولي قبلة

قـــــولـــــي قـــبــلــــة
.
عندك استعداد تحبي
حد مش هيقول بحبك
عندك استعداد تحبي
حد طالع دين ابوه
يكون في علمك
مش لوحده
هو واللي خلفوه ؟
حد بائس
حد يائس
حد كاره للحياة
حد لما يـيـجي يفرح
يملي كل الدنيا اه
حد لما يـيـجي يبكي
الدموع مغرقاه
حد واقف بين نارين
حد قلبه بين وبين
ومستحيل هيبدي بين من البنين
مستحيل
مسنحيل يقدر يغشك
عندك استعداد تحبي
حد مش هبقول بحبك
بصي انا .. حد طيب
مرة قالوا اني وسيم
كتير قالوا لي اني كريم
وصحابي ياما اتمألسوا
وقالوا عليا .. شاعر عظيم
كل دول ناس طيبين
ناي من زمان
ناس كدابين
يخدعوكي في الكلام وملونين
اسمعي مني الحقيقة مجردة
انا .. مش كدا
انا حد عادي جدا
حد خلقة ربنا
لما ييجي الصبح باصحي
ولما الليل بنام
وشعري دا .. مش حاجة ذرة
دا كلام زي الكلام
والحب عندي .. حاجة مرة
فيه اسية .. وفيه الام
قال لازم اضحك لما اشوفك
تـنسي فيا معني خوقك
وابقي بردك
وابقي حرك
وابقي تحت الشمس ضلك
وابقي دم بيمشي فيكي
وتبقي دم بيمشي فيا
ولو تغمض يوم عنيكي
يبقي لازم حلم فيا
ولو اغمض يوم اشوفك
ماليا كل الكون عليا
لا
مين هيضمن كل دا
صعب جدا اضمنه
عايز اقولك .. اني مش مالك مصيري
عاز اقولك .. ان كلي ملك غيري
عايز اقولك
اني مستحيل هافكر
يوم اقولك قلبي حبك
عندك استعـداد تحبي
حد مش هبقول بحبك
هاه سمعيني الوقتي ردك
ولا اقولك
شاوري قلبك
وابقي قولي بكرة ردك
عندك استعداد تحبي
حد مش هيقول بحبك

25 comments:

الوردة السوداء said...

هههههههه
ايوة عندى استعداد
هخاف يعنى
انا مبحبش التهديد

Epitaph said...

وده مثال حي لبرج الجدي يا رجالة
عارف هي مش بالكلام
فهي اكيد بتحبك

:)

عجبتني علي فكرة اوي
ودي اول قصيدة في العام الجديد
وكل سنة و انت طيب يا اجدع باشمهندس

aymen.farouk said...

على رأى الشاعر والفيلسوف والاديب والمفكر شعبان عبد الرحيم
هبطل السجاير وكون انسان جديد ومن اول يناير هكون انسان جديد وهىىىىىىىىىىىى
وكل سنه وانت طيب

Ma-3lina said...

انا برده عندى استعداد مفيش مشاكل ههههههه

بتهيالى هيا حباك من غير كل الكلام ده بس لو قريته هتحبك اكتر

اكتر قصيدة عجبتنى النهارده ما شاء الله عليك
تسلم ايدك

tona said...

ايه عم ادم هما بهدلوك اوي كده في المعتقل لدرجة انك مش هتقدر تقول لها بحبك




المهم حمد الله علي السلامه
وكل سنه وانت طيب يا ادم .. والله كبرت وبقيت راشد



وبرضه عايزه اقول لك ان اللي عجبني في القصيده دي ان الفكره مختلفه ودا اللي بيعجبني فيك

انك ليك شخصيتك الخاصه في الكتابه

متغيرة شوية said...

أنا غالبا هقتلك بسبب البلوج ده..دي تالت مرة برد على القصيدة دي

ما علينا

كنا بنقول ايه يا عم بقى...اه
القصيدة عاجباني جدا، يعني خلينا في الشعر شويتين تلاتة كده.
وياريت كمان نسمعك بتلقيه في الساقية زي زمان..ماشي..
بس كده

ahmed abdelhady said...

السلام عليكم
انا اول مره ارد علي قصيده قرتها او حتي اقول راي
بس المره دي بجد عجباني اوي
ويارب دايما
احمد عبد الهادي

saso said...

تحفة
ايوة كده .. بقالي شهر ادخل اتخض امشي واقول اعدي بعد حبة يكون هدي اعصابة
حلوة حلوة حلوة جدا
بس رغم كل دة يقدر يقوللها بحبك
آدم الجزء من اول.. قال لازم اضحك لما اشوفك .......الجزء دة تحفة ويتحس اوي
ما شاء الله عليك

اةة خد اجازة من الخضة حبة ربنا يخليك كفاية بوستات الشهر اللي فات عليا
:)

smraa alnil said...

لالالالا انا اعترض
ايه الكلام دة بقي
انت يا ابني كل مرة بتتحفني بكلامك دة
بجد قصيدة روعه
عامة يا سيدي مش لازم التسييح
انا خلاص وافقت عليك ههههههههه
حلو اوي اوي اوي اوي الكلام يا ادم
ودي مين دي اللي مش تحبك بمشاعرك دي
بجد يا ادم بحس فيك كل حاجة
ربنا يوفقك يارب

451 فهرنهايت said...

كل سنة وانت اكثر تألقا يابرنس

بسيطة ومباشرة وفي الجون

" عندك استعداد تحبي .. حد مش هايقول بحبك"
:)
مش بقولك ... دكتور ياجدعان صدقوني

ادم المصري said...

وردة سودا
ــــــــــ
ههههه
يا جميل من غير تهديد ولا حاجة
هههههه
دا يوم المني طبعا



ابيتاف
ــــــــ
وحشاني جدا جدا جدا
انا حاسس كدا والله اعلم انك زعلانه مني مش عارف ليه بقالك كتير مش بتيجي زي الاول
ع العموم كل سنه وانتي طيبة
مش عيد ميلادك كان اليومين دول
انا كمان كان عيد ميلادي اليومين دول



ايمن فاروق
ـــــــــــ
وعلي راي الاديب والمفكر صاحب الروائع عبده شلولو
وانت طيب يا جميل

ما عليها
ـــــــــ
الله يخليكي يا جميل
مش عارف ليه شاكك انها تحبي بعد كل الدبش دا
انا اول ما واحده قريتها قالتلي علي ايه يا حسرة
ياشيخ روح اتلهي
هههههههه



تونا
ـــــــ
لا بقولك ايه البهدلة اللي اتبهدلتها في المتلقل .. لا تمنعني ابدا واطلاقا من قول بحبك لاي انسانه احبها
فانا خرجت من المعتقل بكل قوايا الصحية والتي تجعلني قادرا علي قول بحبك
هههههههههههه

اما بخصوص الشخصية فدي احب اقولك متشكر جدا يا جميل دايما رافعة من معدنياتي




سلمي .. او المتغيرة
ــــــــــــــــــ
انشاء والله نفسي اجي الساقية قريب بس انتي عارفة يا جميل شل الامتحانات
والافشخانات دي بتعطل الواحد ازاي
ع العموم لينا روقة
ولا ايه ؟



احمد عبد الهادي
ـــــــــــ
انا متشكر جدا ان القصيدة دي عجبتك يا استاذ احمد ما تتصورش انا دلوقتي فرحان قد ايه
انا كدا كسبت صديق جيد



ساسو
ـــــــــ
تعرفي ان الجزء دا بالذات كان مش عاجب ناس خالص ,, وكانت نصيحتهم ليا اني احذفه م القصيدة
بس الحمد له انه عجبك عشان انتي حد ةبيفهم برده
انا متشكر ليكي جدا وعلي فكرة انا فعلا بقالي فترة واخد اجازة من البوستات اللي بتخض




سمرا النيل
ـــــــــــ
يا بركة دعاكي يا مه
سمرا النيل وافقة عليا خلاص
انا متشكر جدا يا جميل
بس اوعي بعد ما تشوفيني تغيري رايك
مش كلام عيال هو ماشي ؟



الدكتور فرهنهايت
ــــــــــــــــ
مين الدكتور فينا يا ابو الدكاترة
ياعم بلاش تواضع
هو انا هاجي زيك برده
انا والله بجد مبسوط جدا انك لسه فاكرني واني باكتب حاجة بتعجب مزا الباشا





الي كل الناس الحلوين
حبايبي الطعمين
كل سنه وانتوا طيبين
بمناسبتين
العيد المجيد
وعيد ميلادي السعيد
تحياتي القلبية اليكم جميعا

Epitaph said...

مين زعلان ده
بعد الشر
لا ابدا و الله
انا عندي امتحانات
و مزنوقة في الوقت جاااامد يا هندزة
فييييييين ايام العز و الرغي هههههه
هانت
بكرة تيجي الاجازة و نقعد نحكي ههههه

و بعدين انا باجي اشقر عليك
و انت و لا هنا
هههههه

يللا كل سنة و انت طيب
و عقبال 656575765 سنة و اخناتون بيسلم عليك

أبو أمل said...

كل سنة وانمت طيب

سبق وان قرأت لك قصيدة جميلة واردت التعليق ولم اتمكن
كانت رائعة وهى التى تقطع فيها كلمة احا
وهذه القصيدة رائعة
اجمل ما فيك
انك تكتب دون ان نشعر
بأنك تفعل شيئاً صعباً
بالظبط زى شكة الإبرة
تكتب
كأنك تتحث حديثاً عادياً
تحياتى

zordeak said...

الله


على موعد انا مع قصائدك التحفة


تحفة تحفة تحفة



بجد فكرة جديدة جدا .., محدش قبلك فكر فيها



يا بنى ..روح وانت شاعر

زعرورة said...

لييييييييه بس.. هاتبقى انت والزمن وحسنى مبارك عليها !!

على فكرة بقى على فكرة

اللى هابتقرا الكلام ده ويعجبها وانت تعجبها فى الاول هى هياها بردو اللى هاتطالبك بعد كده تقولها انك بتحبها

دى طبيعه فى النساااء .. الست بتفتقد جزء من ثقتها بنفسها لو حبيبها ماسمعهاش كلام حلو واهتم بيها طول الوقت


ثم ان الانسان لما بيقول كلام حلو هو نفسه منعوياته بترتفع يعنى سيادتك لو مخنووق ومش طايق العيش والعيشة واللى عايشينها

د
بعدين خليتها هى ضحكة ايامك ولما تشوفها تنسى كل الناس اللى عرفتها واللى هاتعرفها


تحس انك مشحوون كده و عندك استعداد تكمل العيشة المأندلة دى


ده كلام ثبت علميا فى اوروبا والدول المتقدمة .. مش كلامى انا
ههههههههههههههه

ماتشوف حل فى بلووجك اللى بيقفل كل الصفحات المفتوحة دى يا عم ادم !!

صفصف لادي said...

يا عم الرومانسية
ايه الكلام ده
طبعا لازم تحبك و اذا محبتكش ان احقنعها
بنات عميانه معندهاش مخ

tamer said...

صباح الخير ادام

اية الحكاية بقى

حبنا ولا اية

على العموم فرحان فيك

اوىىىىىىىىىىى

الحب اساس الحياة اوعى اقولى لا وتفضل على رايك القديم

فاهم ولا اوح اقولها
هههههههههههه

ادم المصري said...

ابيتاف
ـــــــــــ
لولولوليييييييييي
طب الحمد لله ان غيابك ليه اعذار
وان كان عليا انا يا ستي هاملصك وداني


ابو امل
ــــــــــ
دائما ما اقرا كلامك فلا اجد ما يوفيك حقك في الرد
دائما ما تخجلني هكذا حتي لا اقول انك شاعر جميل
مصري اصيل
بيشرب نيل
بيحب مصر
بصراحه انت اكبر من كوني اقولك كلام




زوردك
ـــــــــــ
متشكر جدا جدا جدا .. دا انا اللي دايما امي بتدعيلي بس عشان اسمع منك الكلام الحلو دا
احيك بشدة



الزعرورة
ـــــــــ
في اوربا والدول المتقدمة
الانسان مش لازم يقول بحبك
وكمة بحبك اصلا كلمة كدابة فيها من النفاق اكثر من الصدق
لكن انا ممكن اقول كلام احلي وافعال احلي واحلي من كلمة بحبك
ولا ايه ؟
دا مش كلامي
دا كلام اللي جنبي



حفصتوشا هانم ام مصطفي بيه
ـــــــــــــــــــــــــــت
اولا الصورة جميلة جدا جدا جدا
ياتري دي الست حفصتوشا ايام لما كانت قد مصطفي ولا دي اخت السيد مصطفي نفسه علي العموم بقي انا هسيب عليكي مهمة اقناع البنت دي لحسن انا تعبت قوي




تامر
ــــــــــ
دايما ليك قفشات كدا في مناطق حساسة
هههههههههههه
بقي كدا دي اخرتها برده هتروح تقولها ؟
هههههههههههه
واحشني والله وكل عيد وانت طيب







الي الناس جميعا
تحياتي
الامي وفرحي
واهاتي
خليط احزان
خليط افراح
دي حياتي
سلام يا احلي شيء فيها
سلام للناس

صفصف لادي said...

يا سيدي انا جيت شقرت عليك انت اللي مش بتظهر غير كل فين و فين

ايوة دي صورتي و انا هبلة عندي 4 سنين و بيسجلوني خطر في المتيسة

سلام

we2am said...

ياسيدي يا سيدي..وقعت البنات كلها هنا بالكلمتين دول خلاص كده! :D
اشطة جدا..الفكرة تحفة و الكلام يخلي اي بنت تقلك اوكي وهي مقتنعة وانت تعيش بقي :D
بتكتب حلو مش قلتلك انا قبل كده؟ :))

Anonymous said...

a7aaaaaaaaaaaaaa

دينا فهمي said...

عجبتني وشدتني جدا
ومش أي كلام ممكن أكمله لآخره
تحياتي

أخف دم said...

إيه يا عم الجمال ده كله .. رائع والله والفكرة جميلة .. حتى التناول بسيط .. ربنا يوفقك

Hamed Ibrahim said...

جميل ..
فكرتني بقصة كنت كاتبها
على العموم لما تصارح أفضل لما تخون ولو حتى بالإحساس

==

الخائن


- فيه عريس متقدّم ليا.
(قالتها من هنا ونزلت الصاعقة عليَّ.)
- بقول لك عريس متقدملي .
* والحب إللي بينّا .. والسنين ؟!
- أعمل إيه .. أنا زي أي بنت عايزة أطمن على مستقبلى.
* أفهم من كده إنك موافقة .. ده إللى واضح.
- ممكن تقول - علشان متجرحنيش - أنا مرغمة.
* لأ إنتى موافقة .. موافقة .. وتركتهااا.



لم أنس يوماً هذا الحديث الذي دار بيننا يوماً ما . نظرت لزوجتي هاجر أم طفلتي الجميلة وقلت لنفسي سارة خائِنة .. ثم .. أنا خائن معها .
ما ذنب تلك المرأة الرقيقة ، مرهفة المشاعر التي أُسمعها كل يوم ( بحبك ) ،
لم أنس يوما تلك النظرة التي توهبها إليَّ عندما أقولها لها .. هي تحبني ولكن .. أنا لا .
في الفراش، وفي كل لحظة أُمارس حبي معها وأُوهمها بالحب، تطرب وتطير فرحاً وسعادة وكأنها تملّكَت الكون ، وأنها أحسن النساء حظا وأوفرهن نعيما .


لم أستطع أن أخدعها أكثر من هذا ، أصبحت جامد الشعور معها برغم إعطائها كامل حقوقها ..
هي كذلك أحسَّت بالتغيُّر الذي ظنَّتهُ طرأ عليَّ حديثا .
إنها تحبني لكن .. أنا لا .. ،


أنا خائن .

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室