Pages

Subscribe:

Monday, November 20, 2006

خطبة الريس

خطبة الريس
.
مش الريس خطب امبارح
ايه ده هيتجوز علي سوزان في السن ده ؟ اما رجاله ناقصة صحيح .. يلا عقبال كتب الكتاب ياعم
كتب كتاب ايه الله يخرب بيتك هتودينا في داهية
ايه بس ؟ جري ايه ؟ مش بتقول خطب ؟
ايوه خطب في الناس .. انا قعدت طول اليوم سعادتك ادام التلفزيون احاول اعرف الرس قال ايه ... ابدا
اعدت بتركيز شديد جدا ... يتزاع ع القناه الولي معاه ع التانية معاه كنت وراه بالمرصاد .. اني افهم حاجة .. ابدا
قولت طبعا العيب مش في الريس
طبعا
طيب ياخويا دا اللي انت فالح فيه المهم .. ماكدبتش خبر قولت اجيب الجرنال .. افهم كلام زي الناس العاقلين .. قمت جيبت مين ياخويا
جيبت مين ؟
جيبت المصري اليوم
طب كويس بيقولوا عليه مستقل
اه انا سمعت كدا برده المهم .. اقلب الجرنال يمين شمال ياخويا .. مالاقيش حاجة ... وراح عليا الجنيه
كل ماهونالك بس ان الريس بيقول انه هيفضل يحكم طول ما لسه في نفس
قولتييييييلي ...
ايه قولتلك ايه ؟
اصل امبارح .. البلد كلها كانت واقفة .. مبني وزراة الصحة كله فضوه .. ممنوع دخلو اي حد ولا حتي الموظفين .. انا قولت دا ارهاب ولاحاجة جايين عشان المجمع .. افتكرتهم مش عارفين العنوان
الكلام دا فضل لحد الساعة اتنين بعد الضهر ياعني الناس خدت اجازة بلاش .. الله يخليك ياريس
اه وايه كمان
اسكت .. شارع قصر العيني دا كله كان مقفول .. لحد شارع العروبة ييجي ساعة كدا ..وميدان عبد المنعم رياض
ماله راخر ؟ مش بتاع التحرش ده ؟
اه هو فضوه
ايه ؟ ميدان عبد المنعم رياض ؟ ازاي ؟ والناس راحت فين ؟
انا مالي انت بتسألني انا ؟
كمل
اه .. وكل العربيات اللي كانت واقفة انتظار علي الارصفة اتسحبت
يانهار يانهار ؟ دا انا نايم في العسل بقي ؟
امال انت فاكر ايه ؟ لا خد الكبيرة دي بقي ؟
قول يا سيدي
محطة السدات ومحمد نجيب
مالهم راخرين ؟
اتقفلو .. وماحدش كان بيخرج ولا بيطلع منهم خالص .ههههههههههههههه
بتضحك ؟
اه هههههههههههههههههه
الا قولي صحيح .. انا ماشوفتش صوان ولا رقاصة ولا فرقة .. انا كنت شايف بلاليص بس .. هو كان بيخطب من غير فرح ؟
كنت شايف ايه ؟ بلاليص ؟ عندك حق .. هما كده فعلا .. عمار يا مصر

21 comments:

Epitaph said...

اسكت
مش يومها الصبح
رايحة الكلية
الباسية بيفضوها
صلاح سالم و العبور اترشق عساكر
شارع خليفة المأمون
فيه عساكر من الجيش مخصوص و بتعدي المواطنين يومها
و تشديد الحراسة و الامن المركزي
و زغرطي ياللي مانتيش غرماااااااانة

still breathing said...

أمال يعني انتو عايزين يوم ما الريس يقوم من بيتهم مخصوص عشان يكلم الشعب الحافي يبقي يوم عادي؟ ده حتي يبقي عيب

aMiR-El ZaLaM said...

هههههههههه

جميل يا آدم البوست ده

جميل بجد

ماعلينا...

شكلنا هنتسلم قريب فـ أمن الدوله :d

ولا إنت متعود ؟

تحياتى ياباشا (f)

adhm said...

ممكن اقتراح بسيط تخلى المقدمة انة حيخطب سوزان فعلا مش بيخطب عليها
وبكدة تضرب اكتر من حمار بطوبة واحدة
بكدة يوصل المعنى المطلوب من انة راجل ناقص
وانة كان عايش فى الحرام دة كلة مع الست
والمهم ان جمال وعلاء يطلعوا ولاد حرام
اية رايك فى التعديل البسيط دة مش انفع اكتب قصص سكس

Anonymous said...

3ady 3ady enta gait fe gaml

one day kan el rays m3rfsh ray7 feen 2aflna sala7 salm we ro7t exam met27'era 1 hour 3ady y3ni 3amar ya masr

bs howa fe3lan enta mafhmtsh el 7'otba bet3to anyway howa bi2ol many words like democracy we shafafia we ma7dody el da7'l m3a b3ed klam 3an el ta7diat el 3almya we el gat :)

very very nice article , i like the sequence of el a7das gamda thx alot

Noran said...

أقول إيه ...مكنش نزل من بيته أحسن
ضيع مصاريف أمن و قفل مترو و وقف حال الناس
عشان يقول للشعب المصرى...ولا حاجة
مجرد أنا لسه رايسكم أنا هنا !!!!ا

أستغربت لما شوفت كل ده أمن و رجاله وعساكر
لمبارك ..أصلى افتكرت بعد حكاية وسط البلد أنه مفيش أمن فى مصر!!!!ا

العيب مش فيك أنا كمان مفهمتش
حاجة ..قعد يرط فى الكلام على الفاضى.......

توهة said...

هههههههههههههههههه
ضحكتنى وانا ماليش نفس

بس بالنسبه للمره اللى فاتت انطس فى نواضيرى ان كنت اقصد حاجه بتعليقى ولا قصدى اتخانق خالص ... بس ده العشم برده انك مزعلتش

ودامت عشرة البلوجات


فانتازياااااااااااا
فانتازيااااااااااااااا

أُكتب بالرصاص said...

الناس بتقول دلوقت

والنبي المرة الجاي مافيش داعي تكلف نفسك وتيجي تقول الخطاب بنفسك

اهو عمنا فتحي سرور موجود ويسد

:)

Anonymous said...

ايوة يا سيدي خطب لا فض فوووه
و قال انه قاعد علي قلبنا لغاية ما عزرائيل ياخد باله انه ناسيه

ادم المصري said...

ابيتاااااااف
لولولولولليييييييي
يا مرحبا يا مرحبا كنت فين بقالك سنين
ياعني يوم ماتيجي تيجي وانت متضايقة م الريس تشتكي هموم
بس انا اشكر الريس انه خلاكي تتعطفي علينا وتنورينا بطلعتك الباهية


لسه باتنفس
اه والله دي تبقي عيبه حق
ياني يجي ويمشي زي الغرب كدا مايعدشي يجي عشرة خمستاشر سنه
لا عيب برده


امير الظلام
انا قولت قبل كده انا خير من يمثلكم داخل سجون المعتقل
بس انتخبوني



ادهم
لا دي جامده قوي
دا كمان هيطلع الشعب كدا لامؤاخذة
وانا ارفض اني اكون راجل لامؤاخذة
وما اظنش اني اعرف حد عنده استعداد يكون لامؤاخذه
ولا ايه ؟




ماعلينا
هههههههه
انا باستني تعليقك والله مخصوص علشان اقعد افك شفرااات
والله ماتعرفيش تعليقك مهم عندي قد اه
وانتي بتقولي شفافية
افتكرت عطوة السعاتي رمز الشفافية
هههههههه
بس حلوة الدخلة
ون داي الريس معرفش رايح فين
جميل جدا يا ما
قصدي ماعلينا بس انا باقص الكلا




نوران
الحمد لله انا كنت فاكر ان العيب فيا انا
اتاريه طلع م الريس
تعرفي انه لو فعلا النظام هيبقي كدا كل مرة
انا اقترح ان احنا نجيب نواب الشعب والشوري ونطلع بيهم علي بيته
ع الاقل نوفر مواصلات ومصاريف



فانتازيا
بعد الشر عنك يا جميل
وكويس اني عرفت ازعلك وانا عارف انك متضايقة قوي كدا


اكتب بالرصاص
اسف بس هي القافية حكمت
احه .. هو لسه الاتنين هيفضلو عايشين لحد الخطبة التانية
لا احه بالجامد كمان



نمنماية
يامرحبا يا مرحبا
نورك غطي ع الكهربا
مش عارف اقولك ايه بصراحه .. شرفتني اول زيارة ليكي يا جميل
اما بالنسبة لمبارك انا اشكره من كل قلبي انه خلاكي تيجي




السلام لكل الانام

change destiny said...

ههههههههه
لا جامدة بلاليص دي

still breathing said...

انا مصدقتش أنك جيت عندي...النهاردة عيد يا ولاد
:)

أجدع واحد في الشارع said...

قشطة كلنا لها يا معلم
كلنا هنروح وم هنعرف نرجع تانى
بس المهم اننا نضحك

adhm said...

يا عم ادم انا نفسى اعرف التعليقات بتاعتك دايما بتحدف شمال شوية وتخاطب الناس كلها على انها بنات الى ان يثبت العكس
نون النسوة واخدة حقها معاك حبايتين
اقصد حبتين
طيب زبادى وقلنا معلش الواحد ممكن يتلخبط فى الزبادى
انما عمرك بذمتك وحياة نور عينيك
شوفت بنت اسمها ادهم
راجع هنا
http://mfmhassanen.blogspot.com/2006/04/blog-post.html

لا أحد said...

برغم الجراح التي تعتريه
برغم السهام الدفينة فيه
يظل القتيل علي ما به
اجل و ا كبر من قاتليه

هو دا الشعب المصري

mano said...

و الله انا كنت عارفة انه مش هيقول حاجة جديدة كلة كلام معاد
اهو وقف الشوارع على الفاضى

still breathing said...

للعلم بالشىء

أنا كل لما أجي أفتح مدونتك يطلعلي
party poker.com
(in a new window)

Ayyam said...

ياجماعه الريس بيحب البلد قوى وخايف أن الناس تكون مش بتبادله نفس المشاعر يعنى لا سمح الله... الواضح أنه فيه سوء تفاهم بينا وبينه..ياريب حد يقوله أنه مافيش داعى للخظب وكفايه 25 سنه من عمر مصر أنت تعبت وأحنا كمان قرفنا قوى حرام عليك.. وياريت يوفر الفلوس اللى بتنصرف على مشوايروه الهباب ويقعد فى بيتهم أحسن

Anonymous said...

و نحن من مزنقنا هذا قررنا ان نجمع تبرعات لشراء طيارة هيلوكوبتر لسعادة الرئيس علشان يرحم بيها ام الشعب الغلبان و يتنقل بيها من مكان لمكان من غير ما يعطل الناس عن اعمالهم و مشاغلهم
تصوروا ان في واحدة حامل و عايزة توصل المستشفى تولد و الشارع عطلان بالشكل ده
تولد في الشارع و تسمس الواد حوحو؟!!!!

تبرع يا بلوجري انت و يا بلوجرية
علشان نجيب طيارة لحمادة
و يجعل بيوت البلوجرية عمار


---


ازيك يا سي ادم عامل اية يا خويا؟
اجيبلك جبنة رومي و سميط و لا حلاوة طحينية و عيش؟
ابقي اعمل حسابي معاك في بطانية
لحسن ورا الشمس برددددد
:)

ادم المصري said...

راح اغير المحتوم
متشكرين يافندم


لسه باتنفس
خلاص بقي لحسن بانكسف
هبقي اجي كتير


اجدع واحد في الشارع
دا اجنا هنضحك ضوحك


ادهم
والله يا ادهم ياخويا ضي ضاربة معايا عكس
البنات بيزعلوا مني برده اكمني باكلهم بصيغة المذكر
ومش عارف اعمل ايه
معندكش وصفة ؟


لا احد
الصديق الحاضر الغائب
اعتقد ان الشعب قادر علي الفعل في حالة اذا اراد ان يفعل


مانو
طب مش كان ينوبك ثواب تنصحي بقيت الخلق الغلبانة اللي اتفاجئت دي



لسه باتنفس
لا انا مش بيعمل كدا معايا
حتي لو من كافية
بس متشكرين ع المعلومة
ويجعلة عامر


ايام
يوفر ؟
هو بيصرف حاجة اصلا ؟
دا بيركب ببلاش علي راي عادي امام
احنا اللي هنقعض في بيوتنا
ويورونا بقي
هيمشوا البلد ازاي


احلي كلبوزة في الدنيا
ازيك يا جميل
انتي خلاص قررت تجي السنه لورا الشمس
بس الحجة دي مفهاش عرفات
دي فيها مبارك لامؤاخذة
والله ليكي واحشة
ابقي هاتي معاكي اكل يكفينا يجي شهرين تلاته ورا الشمس .. لحسن هناك الاكل غالي

Anonymous said...

yaaaaaaaaaaaaaah..deh ma2sah e3'reqyya aslan..masr kolha kant w2fa 3la regl..mafesh ta7rkat wla dyawlo..yalla ma7na konna 3arfen..ma2lsh gede..
aham 7aga..7'alle balk el box ba3d kida hay7'osh el blog 3andak bdahro :D