Pages

Subscribe:

Wednesday, November 15, 2006

هو فيه ايه ؟

هــــو فـــيـه ايـــه ؟
.
.
شهادة مواطن بريء
ـــــــــــــــــــــــــــــ
.
اعتقد اننا بتنا نعاما .. لا نحن في الاصل نعاما بل نكذب علي انفسنا بكلام معسول ، لم اكن انوي الكلام ، ولكن قدر الله ما شاء فعل ، لذلك هذا قدر كل من سيقرأ
.
اولا الحدث : يقال انها حادثة تحرش بوسط البلد
ـــــــــــــــــــــــــــــــــــــــــــــــــــــــــــــــــــــ
.
التحرش !! .. لم يكن التحرش بالفتيات بشوارع القاهرة بالشيء الجديد اطلاقا علي اي حال ، فقط اعتادت القاهرة وضواحيها ذلك النوع من المعاكسات ، وبالاخص تلك المناطق النائية وتلك شديدة الزحام
.
يقال علي السنة الكثيرين ان هناك شيء غير عادي حدث ، وان المصرين عرفوا بتدينهم وسماحتهم وشجاعتهم وكل الكلمات الاخري التي لم تسعفني ذاكرتي بها وتنتي بـ هم ايضا ، وتستنكركل الاصوات ماحدث لانه ليصح ولا يعقل ان يحدث ما يحدث من المصريين
.
ثانيا : سبب الاعتراض
ـــــــــــــــــــــــــــــــــــــــــ
.
يتلخص اعتراض البعض علي ماحدث في عدم تصديقه ان ماحدث قد يخرج من شعب كالمصريين باعتبار ان المصريين هم ملائكة الله علي الارض _ راي الناس
.
وهناك راي اخر يعترض ويقول انه لم يحدث شيئا علي الاطلاق وتعاملو مع المدونات التي تكلمت عن الموضوع بنظرية المؤامرة وكانها مدونات تبث سموما لضرب السياحة المصرية _ راي الحكومة
.
وجهة نظري
ــــــــــــــــــــــ
.
اعتقد ان ماحدث ليس بالشيء الغريب ، يعزي البعض ان ماحدث ، كان نتيجة الضغوط السياسية والاقتصادية التي وقع فيها الشعب المصري لاكثر من ثلاث عقود
.
اعتقد انا ان الشعب المصري من بداية خلق الحليقة وهو يعاني من الفقر والجوع والمرض .. وذلك تحت حكم الفراعنه والرومان والبطالمة والمسلمين والعثمانين حتي المصرين انفسهم افقروا انفسهم ، يغرق البلد في خيرات وينعم بها الحكام ، في الدولة الفرعونية الطحنيت لا يقوي عليه سوي الامراء والملوك ..وكذلك الحال في كل العصور
.
اذن بالمنطق البسيط نجد ان لا ظروفا ضغطت او عوامل اقتصادية اثرت او شيء الفقر منذ ان خلق الانسان المصري موجود ، منذ ستون عاما تقريبا كان اكثر من 90% من شعب مصر يمشي حافيا
.
اذن ما الجديد .. اشعر انه لا جديد .. فمنذ ان وعي التاريخ لنفسه وكانت اراضينا تسرق وتنهب ونقتل في مخادعنا ، ومنذ ان وعينا نحن للتاريخ ونحن نعيش في ظل دكتاتورية حكام
.
اذن كيف حدث هذا فجاة
ـــــــــــــــــــــــــــــــــــــــ
.
اقول انه لم يحدث فجاة وان الشعارت التي نغني بها علي انفسنا من طيبة وخفة دم وشهامة ورجولة وجدعنة ما هي الاصفات استخدمناها لنجمل بها الوجه القبيح فينا ، فلو ان ما حدث قد حدث بسبب الفقر والبطالة فاعتقد انه كان يحدث اذن من قديم الازل .. حتي ايام الدولة الفرعونية
.
شهادة مواطن
ــــــــــــــــــــــــــ
.
كنت في ميدان التحرير ثاني ايام العيد العيد .. شهدت بنفسي ماحدث وقد نوهت عن ذلك في احدي المواضيع ، شهدت علي الكورنيش ناحية البحر ما يستفز اي شاب منطبق علية بعض من الصفات السابقة وهو بالطبع لم يستفزني
بنت لم تتعدي الثمانية عشر عاما .. اغمي عليها تماما وباتت اختها تصرخ في هيستيرية تامة تطلب النجاة من قطيع يتجاوز الثلاثين لن تتراوح اعمارهم من عشرة الي ثلاثة عشر اعوم
.
الفارق مزهل .. في نظر اي انسان هؤلاء اطفال .. ولكنهم ليسوا كذلك .. اغماء البنت لم يكن ابدا في مصلحتها .. في البداية كانت تقاوم هي واختها .. ولكن بعد الاغماء لم يقاوم سوي اختها التي انهارت هي الاخري
.
تطوع كبيرهم في سندها علي كتفه بحجة انه يشربها كوب عصير .. واخرون بحجة المساعده .. حتي جاء اثنان يقال لهم امن .. يرتدون القميص اللبني والبنطال الكحلي ولا ادري يتبعون اي امن
.
انطلقت في طريقي حيث شارع طلعت حرب .. واما سنيما مترو حدث ما لم اتخيله ، وقف اتوبيس ليس بالصغير حيث وقف اما السينما مباشرة ، ليخرج منه سعد الصغير وجميع رفاقة في الفيلم ليتصلقوا الاتوبيس ويرقصوا فوقه .. حتي بات شارع طلعت حرب كومة من اللحم الملتصق .. وكانت الفتيات تدفعني للتدخل الي الزحام حتي لايفوتها خذ صورة بالموبايل
.
ولن افصح لكم ما قد يحدث في مثل هذا الزحام
.
دعونا نقول احقاقا للحق .. اني لم اري مطلقا الراقصة دينا في الشارع ترقص او تفعل اش شيء ، فانا لم ارها مطلقا ..
.
ايضا هناك شهادة اخري للذي لا يعلم ..كل رواد منطقة وسط البلد هم سكان المناطق الشعبية المتناثرة حول القاهرة والجيزة .. دار السلام ومصر القديمة وغيرهم
.
هؤلاء لا يخضعون لاي سلوكيات عامة بالمرة ولا يمكن ان يتوقع تصرفاتهم علي الاطلاق
.
اخيرا : هو فيه ايه
ــــــــــــــــــــــــــــــــــــ
البارحة استضافت القناة الاولي تقريبا اثنين من المدونات .. احداهما صحفية والاخري طبيبة للاسف لم استطع ان اتبين الاسم ولكن مالاحظتة ان المذيعين كلاهما باتو يكيلون الاتهامات للمدونين
.
وكيف ان التدوين قد يتيح لجماعة محظورة مثلا ان تتكلم ... وان ماحدث في وسط البلد هو فبركة صحفية هدفها ضرب السياحة .. وانه يجب عمل رقابة علي ما ينشر
.
وكان الفكر الرقابي المسيطر علي كل العاملين بالدولة يجب ان يشمل كل شيء .. اذن فهذه هي حقية بلد تحتضر
.
اعتقد ان كل شاب مصري مر علي الدراسة الثانوية يعلم جيدا ما يحدث في محطات المترو اثناء الزاحم المصاحب لموعد خروج المدارس
.
كانت مدرستي في الملك الصالح .. دعيت ذات يوم لنركب في اخر عربة بالقطار لم اكن اعرف لماذا .. عند محطة دار السلام يكون الموقع متميز .. تحت الكوبري .. وظلام دامس بالعربة .. زحام حريمي كافي .. صيد ثمين وافر
.
والي اللقاء

17 comments:

still breathing said...

أنت شوفت الفيديو اللي علي
utube?

ادم المصري said...

نفسي والله


نفسي اعرف اشغله

aMiR-El ZaLaM said...

بوست جميل طبعاً يا آدم..

وبعدين المسأله مش مسأله إننا بندارى وجهنا القبيح ورا مسميات الشهامه والرجوله وما إلى ذلك...

المسألة إن اللى بيحصل واللى حصل ده ليه؟؟

أنا مش عارف فعلاً ده إستفزاز من البنات دى ولا إيه بالظبط ؟

بس أنا سمعت إن كان فى بنات لابسين نقاب وكدا...

مش عارف...الشباب تقريباً تعبان اليومين دول :d

ربنا يستر...

تحياتى للبوست ياباشا
(f)

رحلة said...

الاخ المحترم ادم يمكن تحليل تهييييييييييج بعض المواضيع التى ترتبط بالراى العام(المصرى)
وذللك لانشغالةعن مايهمة من جوهر المواضيع التى تهم حياتنا من اجل التغير
مدلول هذا الكلام عبر تاريخ تجد ذللك فى مصر -- طريقة تقليدية للحرس القديم فى مصر وهى طريقة مفقوسة/// مثل حادث فتاة العتبة-- عبدة الشيطان-- حادث عملية تخسيس لفنانة-- حادث الوحش الذى يظهر بالاقاليم(السلعوة) انه استخفاف بالراى العام المصرى ---نحن فى حاجة الى التغير-- ثورة بكل المقايس --تيار سياسى جديد--جوهر مصر بخير
الاعلام المصرى له دور سىء فى ذلك لفشلة فى مسايرة العصر وملاصقتة بالحرس القديم

451 فهرنهايت said...

ككثيرين .... سمعت من الصحف والمدونات ولم ار بنفسي موكب التحرش العظيم ... لكن كلام الناس عموما في هذا الاتجاه (المؤكد للحادث) لايمكن تجاهله

طبعا اي شخص سيتكلم عن الشعب المتدين والشباب العفيف , والقلب النظيف يستحق لعنة اللاعنين (مع الأخذ في الاعتبار اني ضد مصادرة الاراء)... لأنها اكذوبة تفطس من الضحك صارت تنتمي بجدارة لأساطير الأولين
__________
وللحق ... سمعت قبلا عن أمور مماثلة كانت تتم في ميدان الحسين (انقضاض القطيع السعران على الضحية الغلبانة مزّة كانت أم لم تكن ... فيتفرق دمها بين القبائل الهائجة) ... نفس الميكانيزم مع فارق العدد ... والضجة الاعلامية
__________
عايز تتكلم عن الكبت ومايتبعه من انفلات منطقي لبخار حلة الضغط؟
عايز تتكلم عن اعلام مايص بشدة ؟
عايز تتكلم عن مجموعة تائهة تتحدث عن مجد عريق وشعب يعتقد انه ابن حلال بتاع ربنا وشباب مؤدب وبنات حشمات (ولو ان الحشمة مافرقتش كتير مع جزاري الأعراض)؟
عايز تتكلم عن كل هذا ثم يأتي اليوم التالي لتجد انك نسيت حادث البارحة لأن امرا جديدا قد ظهر في الأفق

يبقى انت أكيد ... أكيد بتتكلم عن مصر

Anonymous said...

طبعا عندك حق ان المجتمع طول عمره فقير ..........دي مش مشكله اقتصاديه او سياسيه .....دي مشكله اخلاقيه مئع بالمئه ..........وبعدين الظروف اختلفت عن زمان .......دلوقتي العري في البيوت على عينك ياتاجر ..ده غير الظروف المنيله والحكومه الزباله والسياسه الأنيل .......ياله ربنا يستر

tamer said...

ازيك اخى ادام

شوف الموضوع حصل لكن لم يتم الترتيب لة هو مجرد كانت نتجة الزحام وجود البنات وسط شباب لاضمير ولااخلاق يعمل اكثر من كدة لكن حكاية ان كل الشباب كدة ودى مصر كما حاول البعض يصورها انا ضد كدة

لان في معارضة استغلت الحدث وكبرتة جدااا وهو رغم حدوثة لكن اسبابة منطقية وهى الزحام

تحياتى

كراكيب نـهـى مـحمود said...

العزيز جدا والغالي ادم
من اول بوست بعد الاماكن وانا عندي كلام كتير اوي عايزه اقوله بس كان عندي مشكله في كتابه التعليقات
تباعا كلامك جميل وحامك النونو معدش متاح في زمن بتندبح فيه الاحلام
وعن اللي قلته في البةست ده تفتكر ايه اللي بيحصل ده هما دول احنا؟ اتغيرنا وبقينا كده ليه وازاي تحياتي
كراكيب نهى

smraa alnil said...

شفتوا بقي عشان تعرفوا ان احنا دايما مظلومين
انا عن نغسي حاولت افكر في الموضوع دة من كل نحية
وبصراحة عقلي رفض اي تبرير او عذر
انا شفت كل الفيديوهات اللي عرضت الحداث المأساوي دة
حتي عيني مش قادرة تستوعب اللي شفته
بس اللي حصل دة مش كان اول مرة
زي مانت قلت في محطات المترو بما ان انا من كبار زواره وما ادراك علي الي بيصحل فيه
ولا الاوتبيسات الزحمة اللي الموظفات بيركبوا فيها
ولا دريم بارك ولا اي حتةتانية
دة انا يا مؤمن ماشية انا وواحدة صاحبتي وكانت منقبة وماشين عند طريق المحكمة حصل ما لا يحمد عقباه
دي ظاهرة اسبابها ايه
الله اعلم
نرجع ونقول يمكن اطباق طائرة جت ورمت فيروس في الجو
ولا السبب هو حريق قش الرز
ولا بسبب العبارات اللي غرقت فالناس حبيت تجرب الغرق في الملذات الغير مشروعه
ولا يمكن تأثير القطارت اللي بتعمل حوادث فالنس حبيت تجرب الاحساس بالاصطدام بس في الجسد الطري
ويمكن ويمكن
يا لهوي دة احنا كلنا بلاوي
ربنا يسترها علينا
معلش بقي انا رغاية شوية

مـحـمـد مـفـيـد said...

ادم الجميل
مش بنداري وشنا
لا بنهرب من الواقع وعايزين نعيش في الحلم علي طول ولازم نصحي ونفوق ونشوف ايه اللي بيحصل لنا

tazart said...

أنت على حق

ادم المصري said...

اولا احب اقول كلمة صغيرة
ـــــــــــــــــــــ
مستهيألي ان الشماعة بتاعت لبس البنات والذي منه دي شماعة دابت خلاص

لان البنت ممكن تمشي عريانه في الشارع ومايحصلشي حاجة .. وممكن برده تبقي منقبة ويحصل مالا يحمد عقباه

انا ارفض التعامل علي ان البنت هي الشيطان اللي يقدر يوسوس للكائن الضعيف اللي اسمه الراجل وعلي اثر الوسوسة يحصل حجات تخرج عن ارداته

والشيطان يستاهل لانه هو السبب .. ارفض كل ذلك رفضا جذريا .. اعتقد ان غياب المسولية وعدم وجود اطار عام لما نسمية التقاليد والعادات هو اللي عمل كده

التلفزيون والجرايد حتي الناس العادية مابتقولش غير العادات والتقاليد .. طب انا بطالب بتفنيطها واحده واحده كده عشان انا مش عارف بصراحه العادات والتقاليد دي تشمل ايه بالظبط

انا شايف ان اللي حصل ده مرض سببه الاساسي نقص الوعي الثقافي اللي طبعا ناتج عن مستوي اقتاصدي متدني

وجود اكتر من 83 منطقة عشوائية حوالين القاهرة وضواحيها وغياب وعدم قدرة وصول الامن للمناطق دي بمساعدة الفقر والمخدرات ادت للي احنا شايفينه

داغير بعد عشرة خمستاشر سنه كده كمان لما نشوف الجيل التاني من ولاد الشوارع دا العهر في الشارع وعلي عينك ياتاجر

كل دا سببه ان احنا بنتعامل مع المشاكل عن طريق المسكنات .. بيقولوا لو كان فيه امن في الشارع ماكنش حصل اللي حصل

اعتقد ان الفكر الرقابي نمي عندنا موهبة كيفية التخلص من الرقيب ومجرد اختفاء الامن هتعود الظاهرة لو ماتمش حل السبب الرئيسي ليها وهو العشوائيات والمستوي الاقتصادي المتدني


ـــــــــــــــــــــــــ
امير الظلام
اعتقد اني في الكلام السابق في بعض المحاولات للاجابة عن تساؤلاتك


رحلة
اعتقد ان مايهم الشارع المصري يفرض نفسه بقوة .. ومشكلة مثل هذه لا اعتقد انها باي شكل من الاشكال بالامر الهين حتي نتغاضي عنه
دي مشكلة امن وامان .. ودي ابسط حقوق المواطن العادي
وكون ان فيه صوت بيقول احنا في خطر اعتقد ان دي بدايه ثورة


دكتور فرهنهايت
اعتقد ان ماقلته عين الصواب .. ولكن هناك مايري ان الاعتراف بالحقيقة استعدادا للمواجهة والبحث عن حلول يعد جريمة في حق مصر وضرب للسياحة
اخشي ان تسن في القوانين عقوبة اخري اسمها عقوبة اهانة مصر علي غرار عقوبة اهانةالرئيس


انسان
اتفق معاك .. ولكن اختلف في نقطة ان العري في البيت علي عينك ياتاجر
دعنا نقسم الشعب علي اساس امكانياته الاقتصادية ستجد ان الفرق الاعلي ماديا لاتشعر اطلاقا بان هناك عري وهذا مايحدث في عصر وفي كل زمان
اما الفقرا والذين لايستطيعون متابعة اخر صيحات الموضة وخلافه فالاسلم لهم ومن اجل مصلحتهم ان يبعودا عن العري لان طقم واحد او طقمين يكفي في السنه
يحضرني مثل الفيلم العربي الوسادة الخالية
كان فيه مشهد لما عبد الوراث عسر مريض واللي بيكشف عليه عمر الحريري وام عبد الحليم في الفيلم واقفة بنص كم وصدرها تقريبا باين .. وحهت نقد هنا وقلت ما هوه الناس زمان كانت عادي اهوه ومافيش مشاكل امال ايه بقي ؟



تامر
صديقي .. ليس الزحام وحده هو السبب لا اصدق هذا
ولكن الزحام هو طقس جيد ومناخ يساعد علي ذلك .. الاستعداد اهم اشعر ان كل شاب من هؤلاء يبحث عن اماكن الزحام ليفعل مايحلو له
اتذكر في ايام الثانوي كا لي زميل بعد ما تنتهي حصة الدرس يحب يمشي من الشوارع المحفرة علشان يمسك ايد زميلتنا وقال ايه بيعديها .. علي راي سناء يونس في المسرحية
طبعا عشان احنا عبط ومابنعرفش نعمل زية .. كنا بنتريق ونقوله عديت الفحت


نهي
لقد اجبرتيني بالفعل ان اومن بتناسق الارواح
بالفعل قد زرت مدونتك اليوم وقرات موضوعك عن صالون الصراحه وضغط علي اللينك اللي كان موجود وسرحت مع اللي اتفتحلي ساعتها ونسي اعلق لك
مش عارف يمكن فعلا تناسق ارواح
اعتقد اني ممكن في الكلام السابق اكون رديت علي بعض تساؤلاتك


سمار النيل
كلامك جميل جدا .. بس ابقي خدي بالك من نفسك وانتي ماشية عند المحكمة تاني
تعرفي ؟
انا مستغرب جدا .. لما يحصل كا حنب محكة واللي مفروض يكون ليها قدسية في قلوبنا .. يبقي احنا منتظرين ايه من شعب زي دا
مش بعيد تحصل جنب الجوامع والكنايس


محمد مفيد
اتفق معك جدا


تازارت
اشكرك
اشكر كل من خطت اصابعه في صفحتي بالكلام
والسلام

توهة said...

يلا بكملة القرف


انا جيت اسلم



فانتازياااااااااااا
فانتازيااااااااااااااااا

لا أحد said...

اثبت وجودي و أعتذر عن التأخير
و أعلن تأييدي و اعجابي بالقصيدة السابقة لهذا البوست


تحياتي

MAKSOFA said...

انا لم تحدث لي مفاجأه وهلع مما حدث من تحرشات
وكل من يقول دي حاجات ماكنتش موجوده عندنا
اقول له الكلام ده بيحصل
كل يوم في شوارع القاهره
في المواصلات
وفي الأنفاق
والشوارع

بصراحه احنا شعب عايز يتربي

we2am said...

ana zah2t mn el7war dah fe3lan..mesh hakrr nafs elkalam b2a :S

ادم المصري said...

كروان
اظاهر ان عندي حق
ومودك مش حلو
المرة ما تتحسبش
ومش هزعلمنك عشان احنا صحاب



لا احد
اشكرك صديقي العزيز
دائما اشعر انك لك حس مختلف في كل شيء حتي في حروفك القليلة
طريقة ترتيبها مختلفة
معانيها مختلفة
تقبل تحياتي


مكسوفة
دي الحقيقة فين اللي يسمع


وئام
اسف اني دوشتك بكلام مكرر
بكرة هغير