Pages

Subscribe:

Sunday, October 15, 2006

يابكرة يا مستخبي


يا بكرة يا مستخبي
ومخبي حالي .. خبي
قولي حاجه وخبي
عني باقي الحجات
.
يا بكرة قولي مين
في دول هيكون صحابي
وهل صاحبي الامين
هيفضل من صحابي
ولا أنا لسه هاعرف
صاحب ماعرفتهوش
وهــاشوف معاه معاني
صاحبي اللي ما شوفتهوش
ولسه من صحابي
هشرب مر في كاسات
يا بكرة قول وخبي
عني باقي الحجات
.
يا بكرة يا مستخبي
ومخبي حالي .. خبي
قولي حاجه وخبي
عني باقي الحجات
.
عـــــارف بنـات كتـيـر
ميـن اللـي هـتـبـقي ليا
احـسـاسي مــش اكيــد
مـش بـايـــن في عنايـا
حـاســس بالحـب فيهم
لـكـن مـنـي مـا فـيــش
خــايـف اقــول بحبـــك
هـــي مـا تـحـبـنـيــــش
خايف استـنى واسكــت
تـزهق وتسبني اعيـش
وحـدي مــع الاهـــــات
يـا بـكـرة قـول وخـبـي
عـنـي بـاقـي الـحـجـات
.
يا بكرة يا مستخبي
ومخبي حالي .. خبي
قولي حاجه وخبي
عني باقي الحجات
.
يا بكرة قولي ايه
أنا بكرة هبقي ايه
لساني فقير صغير
ولا أنا هبقي بيه
.
نحلم يا بكرة ولا
كفايانا م الاماني
ده حتى الحظ ولي
ومش راجع لينا تاني
.
وانت كمان يا بكرة
ايه حكايتك معانا
ولا ما عندكش فكرة
ايه هيحصل معانا
.
يا بكرة قول حقيقتك
ارجوك ما تخبيهاش
أنا صاحبك القديم
اسراري محشتهاش
.
لو مش عايز خلاص
وامشي يا اناني
أنا هستني ساعات
وانت اللي جايلي تاني
.
وساعتها مش هتقدر
تخبي عني حاجه
ده هيبقي نصيب مقدر
ان حزن او سعاده
.
ويابكرة يامستخبي
ومخبي حالي خبي
ما تقولشي حاجة خبي
عني كل الحجااااااااااات
.
**********************
.
ها يافنان ممكن تلحن دي ؟
انا اتمني

29 comments:

توهة said...

ماشاء الله انا حتعود كده انى اول واحده اعلق قليل على والله


بس ايه الحلاوه دى تحسنت والله يابنى وانا نفسى زيك بالضبط اشوف حاجه من بكره حاجه بسيطه وبعدين يخبى

اما بالنسبه للبنت اللى بتحبها قولها هو العمر فيه قد ايه عشان تضيعه



بس كفايه عليك كده




فانتازياااااااااااا
فانتاياااااااااااااااااااا

Anonymous said...

حلوه ياشاعر وبجد انت حاطت النغمه اللى تساعد اى حد يلحنهالك يعنى زبون سهل لاى ملحن

:))

Adel said...

بكرة ان شاء الله تتلحن هههههههههههههههههههه

FrEe.PhArAoH said...

اكيد بكره احسن

ان شاء الله

المواطن المصري العبيط said...

بتبهرني وبتشدني دايما لا يا عم آدم يا مصري .. حلوة يا سيدي .. محتاجة شوية تظبيط خفيف .. بس أنا تعجبني دماغ الصيام المتكلفة بتاعتك دي

admelmasry said...

كروان وفانتازيا
يا جميل والله دا من حظي
عشان بس امي دعيالي


جبلاوي
الله يخليك ياباشا
كلو من زوقك


المزاجنجي
ههههههههههه
شكرا


free_pharaoh
انشاء الله
شكرا علي مرورك



المواطن المصري
الله يخليك
انتي اللي دايما بتحرجني بزوقك الجميل
اوعدك اني احاول اظبتها



وللجمييع

السلااااااااااااااااااام

^ H@fSS@^ said...

جميلة اوي سهلة الدخول للقلب و في نفس الوقت لها معاني كتير
حلو الكلام
سلام

Unknown said...

ابداع
والعمل الجيد يفرض نفسه وبكرة نشوفك
شاعر عظيم

shortcut said...

جامدة جدا بالذات فقرة الصحاب بس انا عايزة الزمن و الدنيا تلرجع صحبتي من بره وحشتني اشوفها و ترجع تاني

tamer afify said...

اسلوبك جميييل برافو عليك


تامر العفيفي

sherif gharib said...

عجبنى بجد اسلوبك و تعبيراتك
و اكيد كل واحد فينا مستنى من بكلره اى لمحه امل جديد
بس اعذرنى مش عارف ليه حسيت انها طويله و ان الموضوع ده اتناول كتير قبل كده و لكن هذا لا ينقص من ابداعك فيه من جديد
تحياتى

Ayyam said...

آدم باشا حلو الشعر ده.. كل منا أكيد سأل على الأقل سوءال من أسئلتك بالذات بعد أى تجريه أدت إلى نتائج غير مقبوله. وبعديه أنت طلقت ليه بس سعاد, شفت بقه سعادتك غاوى نكد و ملكش فى الطيب نصيب. أوكيه لو عايز تشوف بكره ,اللى جاى قريب أو بعد عشرين سنه ,مخبى ليك إيه يبقى لازم تجرب كتير ياحلو وتبدأ من النهارده و مضيعش وقتك فى حجات أنت مش محتاجها. فى النهايه أرسم طريق لخطواتك وربك يعدلها. أما الزوجه فدى بقه حكايه عاوزه مشوار بس لكليه البنات اللى فى مصر الجديده أنا سمعت أن فيها بنات زى لهطه القشطه زى ما يبقولو فى الأفلام.. وبالله التوفيق

admelmasry said...

ابيتاااااااف
الله يخليك يا جميل
علي فكرة انا مبسوط
ان فيهحجات تانية عجبتك
اصلي باحب الصراحه


حافصة
شرفني كتير زيارتك
وكلامك احلي يا جميل
حلو الكلام ؟
تمام
وقشطة



ابو امل
الله يخليك يا كبيرنا
هي العين تعلي عن الحاجب برده


شورت كت
انا اسف يا جميل
اني جيت ع الجرح
بس اعمل ايه
ادي سنه الحياه
والنبي اما صحبتك ترجع
ابقي سلمي لي عليها




تامر عفيفي
شكرا يا شاعر
الله يخيك
علي فكرة
رباعياتك فعلا .. عبقرية




شريف الغريب
شكرا علي تعليقك
والنقد
وهبص تاني لحكاية طويلة دي
والسلام




ايام
تفتكري
لما سالنا نفسنا السؤال ده
كام واحد حاول يجاوب عليه ؟
او كام واحد فضل يلح علي بكرة عشا بكرة يجاوبة ؟
تعرفي انا لما الحيت علي بكرة انه يقولي ايه اللي حصل ؟
طلقت سعااااد
هههههه
تحياتي

^ H@fSS@^ said...

قل حفصة و لا تقل حافصة
تحياتي

admelmasry said...

حاضر

واسف علي العطب الفني


معلشي

العتب ع الجزر

دماغ ماك said...

دعوة إفطار للمدونين المصريين

الدعوة مفتوحة وعامة لكل المدونين المصريين

الافطار هايكون بنظام الديش بارتى كل واحد يجيب اكل معاه وكلنا ناكل مع بعض

كل واحد يدعوا كل المدونين اللى يعرفهم بنفسه، نتعرف على بعض ونأكد على

اجمل حاجه فى التدوين ، روح التدوين اللى ممكن تجمعنا كلنا

المكان المرة دى مش هايكون مطعم ولا فندق ولا غيرة

هانفطر فى المكان الوحيد اللى المفروض نفطر فيه

ســـوق الأســرة

مشروع متميز لمجموعة شباب زينا ، بيشتغلوا ويقدموا خدمة حقيقية و واقعية

للمجتمع ، بشكل حضارى ومبتكر،

يقدم السلع باسعار مخفضة، عن طريق اختصار الوكلاء

السوق بيساعد الفقراء وبيشغل العاطلين و بيضرب مثل على العمل التعاونى

والتضامنى وقدرة الشباب على

الاعتماد على انفسهم

التجربة رائدة ومحتاجه تضامن من الجميع

تم الاتفاق مع مجوعة ادارة السوق على موعد يوم الخميس القادم 19 اكتوبر

عنوان السوق : سوق الاسرة 288 ش السوادان المهندسين القاهرة

ماتنسوش الدعوة عامة واليوم بتاعنا كلنا ، كلنا هاندعوا بعض

هانفطر سوا كلنا

الخميس القادم 19 اكتوبر فى سوق الاسرة

فكرة وتنظيم

نورا يونس و أيــــــوب المصرى
****
:) لا اعلم بصراحة تفاصيل اكثر عن الموضوع و لكن يمكنك ان ترسلها الى جميع من تعرفهم من المدونين

***
تحياتي

أجدع واحد في الشارع said...

الله عليك
بكرا ده صعب
نشوفه
هو بكرا هيجى امته
؟؟؟؟؟؟؟؟؟؟

Anonymous said...

جميل يا آدم
حلو قوي

إيمــــان ســعد said...

شوف يا ادم
واحد زميلى كل ما اجي اقوله حاجة

يقولي اكيد بكره احلي

ناوية لما اشوفه اسأله سؤال واحد

و تكون معايا نتيجة بس

اقوله شاورلي على بكره اللى انت قصدك عليه

:)

بس بجد حلوة

تحياتي

مـحـمـد مـفـيـد said...

ممكن اقولك يا احمد بلاش ادم دي
انا حسيت اني كنت جامد معاك شويه في نقدي ولكن انا قولت لك ما تزعلش لاننا عايزين نعمل حاجه
في انتظارك

admelmasry said...

demaghmak
متشكرين علي عزومة المراكبية دي
هههه
ما ينفعشي حد يعمل حسابي
وانا اجي ؟


اجدع واحد في الشارع
السؤال دا صعب جدا
او لقيت له اجابة
ارجوك تقولي



محمد خير
الله يخليك
متشكر



قلب مكسور
مين عارف
ما بكرة مش راضي يقول



بنت سعد
ياااااااه
صعبة الحكاية دي قوي
تعرفي ؟
كل واحد فينا اصلا
عايش علي امل ان بكرة حلو
وكل يوم بيعدي اصعب م اللي بعده
لكن تعرفي ايه هي ميزة بكرة ؟
انه ما بيجيش
دايما اسمه بكرة



محمد مفيد
اولا لا مش ممكن
واتمني انك تحترم رغبتي في دا
انا عمري مازعل من النقد ابدا
انا اتقالي كلام اكبر من ده عشرات المرات
تحياتي القلبية لك
اخوووووك .. ادم



والسلاااااام

We2am said...

7elw el kalam..7'ayef mn bokra? wla mstaneh bas?..3aiz eh mn bokra?..6ab 3amltlo eh elnharda?
7ala gamila mn elas2ela elktera :)
ana et27'art awe sryy..bas ana eftkrtne geet mn badre :D

محمد أبو الفتوح said...

آدم حبيبى
معلش على التأخير
أغنية الشيخ إمام حلوه قوى قوى
أول ما سمعتها نقلتنى لدنيا تانيه
القصيده حلوه طبعا
اللازمه ملهاش حل
بس فيه مقطع نزل خالص من لغة الشعر إلى الزجل و هو
يا بكرة قولي ايه
أنا بكرة هبقي ايه
لساني فقير صغير
ولا أنا هبقي بيه
ما عادا كده أنا إستمتعت بيها قوى
و أحلى سلااااااااااام

Anonymous said...

جميله يا ادم بجد جميله

يا مصر اكتب إليكي رسائلي said...

يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال

أجدع واحد في الشارع said...

تعالو بسرعه ادعو معايا
الحق اليوم الاخير ليله القدر
وادعى معايا
وقول امين

توهة said...

كل سنه وانت طيب يادكتور ادم

بس بجد متنفعش حاف كده العديه توصلى على الفاكس ده ماشى
1111111111111111111111111111111111


فانتازيااااااااااا
فانتازيااااااااااااااااا

Mahmoud Serag said...

جميلة يا آدم
موسيقى داخلية رائعة
و فعلا يا ريت تتلحن

:)

و كل سنة و انت طيب

Anonymous said...

لا جامده

حقيقى ..جامده

تسلم الايادى