Pages

Subscribe:

Saturday, October 28, 2006

وداعــــــــــــــا

وداعـــــــــــــــــــــــــــــــــــــــــــــــــا
.
.
.
اقول للاحزان باي
ابستم واقول هاي
قد جاءت الافراح لي
تبتسم وتقول لي
الحزن سافر الـ سكاي
.
يارفاقي ودعوه
الحزن فات
وثانك يوه
لكل شيئ مدنا
بحب اوقف حزننا
حتي الجمال قال لنا
اي آم هابي وبليزد تو يو
.
صراحه لم استطع وصف ما يدور بخلدي من مشاعر واحساس .. فغالبا ما تكون مثل هذه المشاعر، شيء جديد علي قلب اعتاد الوحدة ولكني اري هنا اني حبو نوعا ما الي عالم اخر
.
عالم .. اجد فيه من يهتم بي .. من ينتظرني اضحك .. من ينتظرني اتكلم .. من ينتظرني اقول شعرا .. من يقلق كثيرا لغيابي .. ومن يغضب كثيرا لغضبي
.
كل منا يحتاج حضنا يأوى اليه عندما تتكاتف عليه الاحزان .. ولكني اظن ان حضن الزوجة وحده لا يكفي .. لن يفهم ما اقول ما لم يصاحب قط
.
دوما احتاج صديقا .. نضحك سويا .. نبكي سويا .. نهرب من المحاضرات سويا .. نذاكر سويا .. يجمعنا كتاب واحد .. نختلف او نتفق فيه .. ونتناقش كثيرا .. نخرج سويا .. تعرف المراهقة طريقها الينا سوياتناغش رقة الجنس اللطيف قلوبنا سويا .. نتهافت عليها .. نبذل في سبيلها ما يكلفنا تحصيل بعض الدروس او حضور بعض المحاضرات
.
اول ايام العيد وثانيها كنت واحيدا جدا .... جالسا مرابط في بيت عقيم ، يمل الناس داخله ، والناس فيه تمله ايضا .. اخذت نفسي وخرجت الي اشهر ميادين القاهرة .. اري انه قد اغلق لمن يمشي بمفرده
.
في الاوبرا يشترط الزي الرسمي .. وفي ميدان التحرير يشترط ان تصاحب فتاة .. وما ادراك عندما تري ذلك وانت حتي بلا صديق تضحك معه علي هذه المناظر
.
تقبل الفتيات في الطريق العام .. وانا وحدي .. يرقص الصحاب في الطريق العام ... وانا وحدي .. انظر الي البحر .. فاجده مشغولا بالكثير
.
اشكو اليه .. فاجده يقول لي في غلظة .. انتظر دورك .. فانا استمع للكثير الان
.
حتي جاء اليوم الثالث .. انتظره بكل حواسي .. بكل خلية في دمي .. بكل عصب في اعصابي .. طردت الصبر من بيتي جتي تعجب البيت من ذلك
.
جاءني التليفون فارد سريعا : اين انت يا هيثم ؟
ليأتي الرد في نعومة : في بنها باقي لنا ساعة ونأتي .. محمد بيسلم عليك
.
يعرف الفرح الي قلبي طريقا .. اخيرا
.
الملم اوراقي واجهز .. انتظر رنه من التليفون العقيم .. وها قد جائت
.
في هذا الميدان الذي شهد وحدتي امس .. اسير .. واخرج له لساني في حركة تلعن باني اشمت فيه لانه لم يستطع ان يضحك علي ثانية .. هناك اري هيثم ومحمد جالسين
.
ادخل الي طرقة المقهي .. اسلم علي كلا منهما .. اخذهم حضنا عميقا .. تذوب فيه احزاني .. واشعر عندها باني ملك .. والدنيا مملكتي

40 comments:

كراكيب نـهـى مـحمود said...

الله
انا عارفه ان الصداقة دي أجمل هدية في الدنيا اجمل هبة واحلى لحظات سعادة
ممكن نحسها واحنا بنقسم الوقت مع اصدقاء مقربين متوحدين مع ارواحنا
تحياتي للبوست الجميل ده
وربنا يديم صداقتكم
وكل سنة وانت طيب

tona said...

آدم

عارف
قريت البوست دا وانا بسمع صباح ومسي لفيروز ومش عايزه اقول لك انهم مع بعض عملولي دماغ وخرجوني من المووود السئ اللي كنت فيه

هيثم محفوظ said...

آدم أنا مش عارف أقول إيه لأول مره أحس إن اللسان واقف زى ماقولت لك فى الساقيه الدنيا دى بتاعتنا و أحلى حاجه فيها إن إحنا عايشين فيها
مافيش آدم المصرى غيرك و مافيش محمد أبو الفتوح غيره و مافيش هيثم محفوظ و مافيش ساسو غيرها و لا شيرى غيرها و لا مفيد غيره
كلنا كده بكل إختلافتنا و بكل تلاقينا هنشق معى بعض سكه و كل واحد فينا هيشق لوحده سكه غصب عن عين السكك كلها هنعيشها

محمد أبو الفتوح said...

آآآآآآآآآآه
أول يومين فى العيد ماكنشى سعيد و آخر يوم كان بألف عيد
من أول ماقريتك على المدونه و انا عارف إننا قريبين من بعض و لما شفتك فى السيده قعدت فى قلبى و إستربعت و لما شافتنا كراسى القهوه فى التحرير زى ماتكون إتحررت
الدفا اللى حاسيتوه معاكم فى كل حته سينتا فيها ريحه لسه سارى ف عروقى
و أحلى أحلى أحلى سلااااااااااام

ادم المصري said...

والله ما تعرفوش المعاناة اللي كنت باعانيها وانا باكتب الموضوغ ده بالذات


كراكيب
متشكر جدا جدا
يا كراكيب
لا
يا احلي كراكيب في الدنيا
من انهارده
انا مش هرمي اي كراكيب عندي تاني


تونا
واحشاني وحشاني وحشاني
تلاته وحشاني
وابقي اسمعي لي معاكي
فيروز كتيير


الي هيثم ومحمد
بصراحه
مش لاقي كلام يتقال
اكيد
اكيد
حاسيين بيا

كراكيب نـهـى مـحمود said...

وانت كنت بترميها قبل كده برضه
عينك في عيني كده

ادم المصري said...

كراكيب
لا يا ختي
انا بانكسف

ROMIL said...

good play
يا تري فيه اللى أنت قولت عليه ده ولا ده من وحي الخيال

ادم المصري said...

لا اكيد فيه بس ابقي تعالي

توهة said...

ياسلام يااااااا ادم اخيراااااااا فى حاجه متفقين عليها ده ايه الهنا اللى انت فى ده انا بجلاة قدرى اوفقاك على حاجه ياااه انت لازم تبقى مزقطط دلوقتى

فعلا وبجد ومن غير نقاش ولا كلام الصداقه دى اعظم شئ فى الكون مش عارفه من غير كروانه كنت حعمل ايه بس بس يلا حظها هى حلو عشان انا صاحبتها

الصداقه عناقيد الأمل التى تترابط بخصلات المحبه حتى لا تفلت ايدينا من الدنيا


فانتازياااااااااا
فانتازيااااااااااااااااا

we2am said...

akeeeeeeeeeeeed 3andak 7a2!!el sadaqa a7san option mowgod fel donia mnz elqedam..a7la 7aga 23da m3a el moqarben 3al 2ahwa..esh6a gedan enak towda3 ela7zan..enta 3rfne motfa2la :D

بعدك على بالى said...

دايما بتأكد لى انك فعلا مشاعرك بريئة وجميلة و نضرة... والاهم عفوية، بتحب قوى وتكره قوى و تغضب بحدة، مفيش وسط والاهم مفيش زيف، لانك صادق قوى مع نفسك وفى ترجمة احاسيسك بالناس والاحداث...
جميل انك لقيت الحضن وربنا يديمه عليك يارب...

تحياتى ياجميل...

eman said...

الاصحاب هم اللي بيحسسونا بامان مجاني منطر نشتريه من الناس التانيين
جد الانسان بدون اصحابه شبه انسان
وتحية الى فداء حبيبتي
بوست جميل ودافىء
:)

ادم المصري said...

كروان وفانتازيا
حبيبتشي
ههههههههه
والله انا فرحان اكتير منك
اتفقنا اخيييييييييييرا
هههههههههه
اذن
قشطة


وئااااااااااام
يا متفائلة هانم
بحب طريقة كتابتك اللي باقعد اقراها في ساعة
هههههههه
بس تعرفي
انتي فعلا ح متفائل



بعدك علي بالي
مممممممم
بصراحه مش لاقي كلام
اصلي مكسووووووف
ههههه
انا بجد مش عارف اقول ايه
بصي ؟
انتي حلوة قوي يا ماما



ايمان
ارجوكي
بجد ... لو سمحت
اوعي تنسي الطلب ده
انا عمري ما طلبت منك اي طلبات
لكن عشان خطري
اول ما تشوفي فداء تسلمي لي عليها
ههههههههه

والسلاااااااااااااام

shaimaa said...

الاصحاب
احلى شئ فى الوجود كله
حافظ عليهم اوى
وخللى بالك منهم اوى
ولو فى يوم بعدوا اسالهم ليه
متسبهمش الا لو قالولك مش عايزينك

ربنا يحفظكم لبعض

ادم المصري said...

شيماء
تفتكري ممكن صحاب يسيبو بعض ؟

انا اعرف ان الصحاب استحاله يسيبو بعض

لو سابو بعض يبقوا اي حاجة تانية مش صحاب

شكرا لمرورك

Epitaph said...

عزيزي
تمسك جديا باصدقائك
فهم من سيخففوا عنك دائما و ابدا
فقط بوجودك بجانبك و ضحكاتهم و نظراتهم الحانية
فمنهم تستمد قوتك

بجد

كل سنة و انت طيب

بنفس بقي المرادي

:)))

ادم المصري said...

ابيتاف
هي المرة اللي فاتت كانت من غير نفس ولا ايه

بس ع العموم

متشكر ع النصيحة

واوعدك هعمل بيها

لا أحد said...

اسلوب جميل ومعبر عن حالة الوحدة و روعة الصداقة

شكلك يا ادم عندك اكتئاب المناسبات العامة

تحياتي

و كل سنة وانت طيب

بنـت ســعد said...

الحاجة الى من نبثه احزاننا و يشاركنا افراحنا

كلام استشعر صدقه يا ادم

تحياتي و اتمنى ان تدوم صداقتك و الا تتأثر بعوامل الزمن

voice of love said...

تعرف انك طيب أوى يا آدم
ربنا يخليكم لبعض
وكل سنة وانت طيب ودايما منور عالم التدوين

Anonymous said...

Frndship is the best thing in this life , it makes u strong against life's problems nd hard times

one who huv many frnds is really blessed

Glad that u spent ur 3rd day with ur frnds nd isa u will never separate or feel lonely again :)

ادم المصري said...

الاستاذ العنيد
لا احد
لا استطيع ان اصف لك مدي السعادة التي استشعرتها حين قرات تعليقك
كنت اظنك غاضب مني لسبب ما
ولكن
شكرا للسماء


بنت سعد
اعلم جيدا انك تشعرين ما اود ان اقول ولذلك افضل السكوت عن البوح
مادامت هناك لغة ابلغ


صوت الحب
ههههههه
والله انتي اللي قلبك طيب جدا .... عشان كده بيشوف الناس كلها طيبة



ما علينا
صدقيني .. اكتر واحد مقدر قيمة كلامك هو انا .. لاني اكتر واحد عانيت من الوحدة

soosa el-mafroosa said...

ربنا يخليكوا لبعض



و كل سنة وانت طيب

مصطفى said...

friendsعارف فكرتني ببداية مسلسل

So, no one told you life was gonna be this way.
Your Job's a joke, you're broke, your love life's D.O.A.
It's like you're always stuck in second gear.
And it hasn't been your day, your week, your month, or even your year.
But -

I'll be there for you ... when the rain starts to fall.
I'll be there for you ... like I've been there before.
I'll be there for you ... cause you're there for me, too.

Your mother warned you there'd be days like these.
But she didn't tell you when the world has brought you down to your knees.
That -

I'll be there for you ... when the rain starts to fall.
I'll be there for you ... like I've been there before.
I'll be there for you ... cause you're there for me, too

451 فهرنهايت said...

تعرف انها مشكلة ان تقدر الصداقة عندما لايقدرها من تحب ... ان تبحث عن اصدقاءك الذين تعتبرهم مقربين , ان تديم الاتصال والسؤال .... ومع مرور الوقت تذوب الايام الجميلة التي لايحرص من تحبهم على استعادتها ... فكل مشغول بليلاه
وتشكو الوحدة كما تفعل ... اعرف هذا الأمر ... اعرف ان تدعو كثيرا ( يارب مش عايز احتاج لأحد ) ... لكن الحياة بدون علاقات انسانية مستحيلة ... حتى لو كانت حافلة بالاحباطات

وعندما يأتيك اتصال من صاحب , تنسى غضبك القديم ... وتسامح وتغفر ... وتحمد الله على ان اصدقاء الامس لم يرحلوا بعد .... وانك - مع كل قرفك - لست وحيدا جدا

انتابتني مشاعر شبيهة كثيرا(خاصة اول ايام العيد ... لأني كنت نوبتجيا بمستشفى ابو جهل التعليمي اياها) .... حقا ... ملعون ابو الوحدة ياشيخ

فكرتني بألم الماضي ... الله يسامحك

Mahmoud Serag said...

توقفت كثيراً امام خانة الكومينت
لا أدرى ما اكتب لك
البوست حِنين جداااااااااااااا
أنها مشاعر و ليست كلمات
اتمنى دوام تلك الصداقة النادرة
و ربنا يخليكم لبعض

ادم المصري said...

سوسة المفروسة
وانتي طيبة يا جميل
ومتشكر جدا علي الزيارة


الباشا الكبييييير
مصطفي
ههههه
صراحه كلماتكاعملت في نفسي مالم تسطع عليه البلدوزرات في الاسفلت
لا اجد كلمات تحتوي ما اشعر به حيال ذلك
فقط اشعر الان بالحاجة الي كلمات جديدة
علها تصف نصف ما اشعر به
تحياتي القلبية لك
شرفني كثيرا مرورك
اتمني التكرار


فرهنهايت
الدكتور الكبير
حمد لله ع السلامة غيابك طال
وربنا يتوب عليك م الوحدة يا ابو الدكترة
وتسيب بقي مستشفي ابو جهل دي



محمود سراج
لا شاعر يابني
ماشي يا شاعر
حاسس بكل اللي نفسك تقوله
اكمني حاسك قوي



والسلام للجميع
وربنا يجعلة عامر

مـحـمـد مـفـيـد said...

جامد اللوك ده

حــلم said...

مبروك اولا اللوك الجديد
وثانيا مبروك ان اصدقائك لحقوك فى العيد
لحظات متعة لا تضاهيها متعة عندما تجد من اخترته انت بجوارك بلا غرض ولا هدف غير المشاركة
كل سنة وانت طيب

Epitaph said...

مبروك النيولوك الجديد

ماشاء الله
احلي كتير


تحياتي

توهة said...

يا نيو لوكاتك

مبروووووووووك


عقبال افكارك



فانتازيااااااااا
فانتازيااااااااااااااااا

ادم المصري said...

محمد مفيد
شكرا


حلم
وانتي طيبة يا احلي حلم
احب اقولك انه من حظي انهم لحقوني في العيد لانه لو ماكنش كده كنت همووووت

ابيتاف
شكرا يا ايبي
رايك مهم


كروان وفانتازيا
ميرسي يا عسل
بس مش عارف ليه حاسس ان فيه نبرة تريقة
مع اني هتغاضي
افكاري كل ثانية متغيرة
راي خطا يحتمل الصواب
وعلي استعداد في اي لحظة ان اغيرة ان وجدت الصواب
الدور والباقي ع اللي رافض يسمع اصلا
هه؟
عارفاهم ؟
انا بالقح بالكلام .. واخدة بالك ؟
ههههههههههه





الي كل الناس
اللوك الجديد دا لفترة تجريبية بسيطة
ممكن اغيرة لو ما استريحتش علية
لو عجبكوا

ممكن تكتبوا تعليق في السي بوكس
ونجمع اصواتكو

رايي مش مهم
المهم راي الجمهور

هههههههههههههههههههههههههههههههه

والسلااااااام
ويجعله عامر

بعدك على بالى said...

مبروك على النيو لوك، ده شكلها فيها تغييرات كتير


تحياتى

المواطن المصري العبيط said...

يا سيدي مبروك على النيولوك، هو ده اللي بيقولوا عليه لبس العيد الجديد

توهة said...

اه واخده بالى انه تلقيح كلام

ماشى مقبولك منك ياسيدى

وماله عيل وغلط هههههههههه


بس بص انا متفقه معاك ان كل رأى يحتمل الصواب والغلط
بس الا رأيى فى موضوع الاسلام لأنه ببساطه مش رأى دى حقيقه ومصير الايام تثبت ذلك ان شاء الله



فانتازياااااااااافانتازيااااااااااا

saso said...

وبعدين بقي
من الاسود للفواتح دي وفيروز كمان؟
فين اغنية هيثم . شفت انا عندي شغالة وانت لا
:)
بعد الشر عليك من الوحدة.. يا اجمل مهندس وشاعر واكتر حد بحب اعاكسة واغلس عليه

vero said...

اول حاجه كلامك جميل جدا والصداقة دي فعلا اهم واحلى حاجه في الدنيا فعلا بتغير الواحد .

tamer said...

الصداقة جميلة والاجمل تقديرها

اشكرك اخى العزيز ادم على البوست الرائع

التغير مطلوب

تحياتى

sabrina said...

يارب تفضل علي طول فرحان ومبسوط
ومبروك النيولوك الجديد