Pages

Subscribe:

Tuesday, October 24, 2006

العالم بدون مهندسين




داخل المحروسة
تلاقي عبط وجنان
.
هناك عيال مهووسة
عايشة في مروستان
.
وهناك فيه ناس قمم
غاية في الاخلاق
.
الواحد كا الهرم
شامخ بلا ازاوق
.
وادي حالي وحالهم
بقينا في الحضيض
.
الناس بييجي عيدهم
واحنا ما بيجلنا عيد
.
الناس تفرح تغني
واحنا في نكد وهم
.
الظلم يا ناس قاتلني
ونا عيشي عيشة غم
.
الصايع الكبير
الوفه .. مؤلفه
.
ونا اتظلمت كتير
وباخد ع الافة
.
ياناس شوفولنا حل
قبل ما ننقرض
.
قربنا خلاص نمل
وانتو يا ناس السبب
.
صدقوني هتندموا
لو ما ختوش القرار
.
وصعب تحلموا
ايه في دماغنا صار
.
اخر كلام للناس
بدون هزار وضحك
.
يا اما الدهب والماس
يا تعيوشو الدنيا سك

22 comments:

tamer said...

داخل المحروسة
تلاقي عبط وجنان
.

هناك عيال مهووسة
عايشة في مروستان


هيا فين المحروسة دى على الخريطة موجودة ولا لسة ضايعة


اشكرك ادم على الكلام الجامد

Anonymous said...

أسكت يا إبن الخروف

بنـت ســعد said...

حلوة
انا بقه ح اكتب عن العالم بدون صيادلة
:(
اكيد ح يبقى اخطر طبعا
:)

شــهــروزة said...

عموما
كل سنة وانت طيب
وعيد سعيد على ما اعتقد

ألِف said...

دي إشاعة مطلعها خريجين كليات الهندسة بشوفينيتهم :)

تقصد العالم بدون مخترعين
تفرق كتير

إمحتب، المهندس الاول، ما كنش خريج .

voice of love said...

يا عم قول كل سنة وانتم طيبين
وربنا يخليك للمحروسة

حالة حب said...

ادم المصري
انت اتظلمت من المحروسه شايفها كدا تبقي شايفها غلط دي اسمها ام الدنيا

ادم المصري said...

صديقي العزيز تامر
لا يا سيدي
لسه ضايعة
ايدك بقي ندور سوا



any mous
حاضر يا سيدي


بنت سعد
ههههه
اما اشوف يا ستي
وانا مستني


شهروزة
اعتقادك مش في محلة
وشك في الامر يدل علي وعي بالغ ببواطن الامور


الف
معاك
كل كليات الهندسة .. لا التعليم اصلا في مصر ما بيخرجشي مخترعين
ولو امنحتب كان عايش دلوقتي
اكيد اكيد كان التعليم هيختلف
ولكن دعني احافظ علي ما تبقي لي من قدر داخل مجتمع فقد قدره


صوت الحب
انا ما حبتش اعمل بوست للعيد
عشان عارف ان كل الكومنتات هتكون كل سنه وانا طيب
وبما اني عارف رد الناس .. يبقي مالوش لازمة الكلام


حالة حب
تعالي انت بقي يا سيدي وريهالي صح

SaRa said...

انت لسة ياادام بتقول الكلام الحزين دة ما تغيرتش
بس عارف كلامك ممكن يزعل المحروسةههههه

كل سنة وانت طيب

كراكيب نـهـى مـحمود said...

جميل اوي
والفكرة مختلفه العالم بدون شئ اتعود انه يكون موجود فيه ام حاجة تستحق التامل

مـحـمـد مـفـيـد said...

ادم
كم انت رائع في هذا البوست
وجعتنا بكل الحقايق
احييك جدا ياادم

ادم المصري said...

سارة
واحشتيني يا بنت الايه
شوفتي ؟
انا زي ما انا
لسه برده بصحي الصبح وبنام بالليل
مافيش حاجة اتغيرت



كراكيب
فعلا كراكيب
الانسان منا ممكن يكون مش عارف قيمة الاشياء
بسبب بس انه بيشوفها كل يوم
وهو دا اللي بيسموه الاحباط او الملل
بس دا مش عيب الانسان ولا عيب الاشياء
دا عيب الظروف المحيطة بالاتنين


محمد مفيد
الله يخليك
اشكرك كثيرا علي اطرائك الجميل

Bassma said...

تعيش و تعيد يا هندس ..

بعدك على بالى said...

كل سنة وانت طيب ياشاعر ياجميل ياباشمهندس ..

تحياتى

we2am said...

heyya el ma7rosa za3letak fe 7aga yabne?(shoft elbar2a deh :))
3andak 7a2..akeed e7na mesh mazbooten akeed e7na elsabab..wtg ya pasha.

سلمى صلاح said...

العالم بدون اي شغلة مينفعش

بس بالتأكيد أصعب عالم هو العالم بدون بتوع اداب ..

بس الزجل حلو جدا

Epitaph said...

كان جالي ايميل بالصور دي
عن العالم بدون مهندسين ههههه

معلهش

الخيرة فيما اختاره الله

:)) و انت قدها و قدود

كل سنة و انت طيب يا باشمهندس

Nouran said...

لا بلاش المحروسة لحسن دي سر بيني وبين صحابي لو حد عرفه هتكهوا المحروسة بجد
بس الكلام ليه علاقة بالعنوان؟؟
ولو الحياة من غير مهندسين نص البلوجارية مش هيبقوا موجودين

tamer afify said...

كلام جميل
من شخص جميل

تحياتي

الوردة السوداء said...

يابنى العالم بدون مهندسين ده هيبقى احلى عالم
انقرضو انتو بس وملكوش دعوة

ادم المصري said...

بسمه
هههههه
شكرا وعقبالك


بعدك علي بالي
وانت طيب يا جميل


وئاااام
يا سلام ع البراءة
بس والنبي خليكي بعيد
ههههههههه


ابيتاف
وانتي طيبة يا جميل
الله يخليكي


سلمي صلاح
هههههه
لا بقي
معلشي
بدون المهندسين اصعب
تيجي نقيس ؟
ههههههه



تامر عفيفي
اشكرك كثيرا شرفتني زيارتك



ورده سودا
كدا ؟
طب ومين يقولك شعر ؟
هههههههه

Anonymous said...

العالم بدون مهندسين.... هيبقى احسن اكيد:p