Pages

Subscribe:

Friday, April 28, 2006

اخر خبر

ما اعرفش ده خبر ولا اشاعة
وان كانت فجديرة بالاهتمام
ما حدث هو اني داخل اعلق في اخر بوست في مدونة .... خربانه يا جدعان بتاعت وليد
كان الموضوع عن اضطهاد الحكومة للقضاه
وفوجئت بان شخص ما قد علق علي الموضوع ... وذكر في تعليقة ان مالك صاحب مدونة
من ضمن المعتقلين
قولوا معي ع الحكومة .. حسبي الله ونعم الوكيل

5 comments:

tamer said...

خبر محزن والله

هيا دى طريقة الحكومة فى التعامل مع الاراء المخالفة ليها

رغم ان اعلام الحكومة يقولك احنا فى عصر الحرية ومفيش اعتقالات

لكن بالعكس زمن حسنى مبارك ضرب الرقم القياسى فى الاعتقالات

وتغلب على عبد الناصر والسادات

451 فهرنهايت said...

هو ايه اللي حصل بالظبط؟
أنا بقالي فترة مش متابع الحياة ... (بتكلم عن اتحاد المدونين) ... ايه اللي اتشال وايه حكاية مغفل دي؟ ... أنا دخلت الموقع ... ماشي... ايه المشكلة بقة؟
وبعدين فيه حالة سخط غريبة تجاه التدوين والمدونين ... ياأخي حتى الشخص اللي عايز يحول مدونته لمنتدى.. هو حر ... دة عالمه ودي شروطه جوة منطقته
الحرية لا تتجزأ ... داخل يشتم الحكومة , داخل يسب في الأديان , داخل يصطاد مزز يطري بيهم برودة حياته ... هوة دة اللي جواه ... لو جيت في يوم وقلت رأي يعتبره البعض هرطقة وتجديف وعبث .. ودخل هذا الزبون مدونتك يشتم بغباء ويتهمك (غالبا بدون مرجعية , وغالبا عشان يحس انه أحسن منك) ودة فيه منه كتييييير قوي ... حرية التدوين تخليك تفرمه فكريا , وتخليه يعلق بغل ويكفرك في مدونته (لو عنده مدونة) .. وتخلي واحد مالوش في الصراعات الكبيرة والافلام دي كلها يكتب جملة محايدة يشدك بيها لدنيته زي.. ( مدونك جميلة .. ياريت تزورني قريب) ماهو مايهموش كل هذه الأفشخانات المرهقة للدماغ .. براحته برضه ... متهيألي هية دي الحرية حتى لو فيها جوانب بتغيظ
طب هاسألك سؤال وتقول بصراحة ... لو حد من الاخوة بتوع الجاعورة والتشليق الديني ... طلب ينضم للاتحاد (عارف ان رمز الاتحاد- بلا وطن ولا دين- مرفوض من هذا الشخص لكن احنا بنتخيل) ... هل سيقبله الاتحاد؟
بمعنى ...هل ممكن تتقبل وجود شخص لايتقبل ظلك على الأرض ويتمنى يلغيك تماما؟
هل الحرية في حد ذاتها مبدأ أم وسيلة؟
______
اّسف جدا لأني مش متابع اللي بيحصل من فترة وباطلب الشرح ... مشغول والمشاكل بتهبش الجميع ... دعواتك

لا أحد said...

مع كل الاسي الذي اشعر به علي مصر وكل المساندة للمدون المسجون - بس هيا ضريبة الشرف وكلمة الحق -
عندي عتاب صغير ليك يا ادم اين ادم الشاعر وادم الكاتب
بقالك اكتر مت 3 شهور في صراعات تدوينية انت في غني ونحن في غني عنها
انا في خاجة الي ان اقرأ لك حاجة لا تكون تعليق علي الاحداث أو مشادة كلامية
اظن ان هذا هو الاهم وان هذا جزء من حقنا كقراء لك

ادم المصري said...

تامر
ادخل مدونة وليد هتلاقي الاكثر

فهرنهايت
بص يا روح قلبي
حكاية ان واحد يكتب كلام ما يعجبنيش دي وارده
وحكاية اني اتضايق من كدا دا وارد برده
وحكاية اني اعبر عن كدا
ده برده وارد وحكاية انه مايعجبوش كلامي برده وارد
علشان كده انا اعتبرتها فعلا حرية راي
وكتبت الراي بتاعي في مدونتي الخاصة
ولم اقترب من مدونة الاتحاد
لاني متأكد ان الطريق السليم للتطور اساسة الاختلاف
وانا قلت في الاتحاد ان اللي عايز يختلف مع اعضاء الاتحاد نفسهم اهلا وسهلا بيه
الاتحاد يكفل كل ذلك

هناك عرض جانبي ... انا باعتلك دعوة اتحاد
اتمني اشوفك يادكتور


احمد حسن باشا
بص يا ابو حميد.. انا يوم ما عملت المدونة دي كنت خايف جدا اني اقصرها علي الادب او تفرعاته وكنت عادة بهرب من كتابة قصيدة او ماشابه
لكن اوعدك انك ستفاجئ قريب

أحمد said...

ستفاجئقريباً

نياها نياها نياها