Pages

Subscribe:

Monday, April 17, 2006

افهمومها .. بقي

حدث في الاونة الاخيرة شيء عبيط جدا
الناس بتتعامل معاه عادي جدا
وكأن الشيء ده مش عبط ولا حاجة
وكأني الوحيد اللي شايفه عبط
فده منطقي جدا انه يسوقني الي الحقيقة المرة
الا وهي
اني انا اللي عبيط
سيطر مؤخرا علي حركة التدوين بعض الشلل اللي هما فاكريين التدوين ده عبارة عن لعبة مسلية .. اخش اتعرف علي بنات وفي ده واشاغل في ده .. واذا كان مدون جديد
تقوم طبعا المدو نين اللي سجتهم .. واللي شاغلتهم في تسجيدك بالطبع
ايه خلاص الكل بقي رومانسي
كل المواضيع واحدة ايه كل اللي شاغلنا مواضيع من نوعية
الجرح
الحب
الالم
الوحدة
بصراحة حاجة تثير القرف وتبعث علي الاشمئزاز .. بقيت اقرف من اغلبية المدونين كل المدونات تقريبا واحدة نسخ مكررة .. ايه ياجماعة
فين الناس .. فين الناس ... فين الناس
شلل تخش تعلق لشلل .. وتقول كلام عبيط يثير الاشمئزاز .. من نوعية
بارك الله فبك
بوست جميل
وفقك الله
ولا اكننا في منتدي وكل واحد حاطط مواضيع .. وعايز يحصد اكبر زيارة لمواضيعه .. ايه ؟
لو عايز ناس تعلق بكلام من هذه النوعية .. فالمنتديات علي قفي من يشيل
لا وايه .. المصيبة الكبري
لقد وصل عدد التعليقات في بعض المدونات الي الرقم خمسين .. لا بل تخطاها في بعض الاحيان
قبل ان يتهمني البعض بالغيرة .. او ان ذلك هم سببة بحجة انهم من احدثوا رواجا في حركة النت .. او المدونات فاحب ان اجيب
اغلب المعلقين .. مدونين ايضا .. ينتظروا من علقوا لهم ان يعلقوا لهم في مدوناتهم
هناك ايضا طريقة اخري في زيادة اعداد التعليقات وهي .. ان يقوم صاحب المدونة في التعليق كل فرد في تعليق خاص به .. يهدف بذلك الي جمع اكبر عدد من التعليقات .. وذلك حتي يكسب مدونته شهرة مزيفة ... مؤقته لبعض الوقت
لا ليس هذا فحسب بل تجد ان التعليقات اصبحا غرفا للشات .. والتحاور عن اشياء ليس لها علاقة بالمرة لا من بعيد ولا من قريب للموضوع المطروح للنقاش .. فتجد في بعض المدونات تعليق ورد صاحب المدونة ثم رد صاحب التعليق الاول ثم رد صاحب المدونة علي التعليق التاني وهكذا في سيمفونية مكررة باخت حتي مملت تكرارها
اري من وجهة نظري ان المدون شخصية تري ما لايراه الاخرون .. عندما يطرح موضوعا للنقاش .. فلا بد ان يكون هذا الموضوع جدير بالفعل ان يناقش ..
واجد ان المعلق علي اي موضوع .. هو بالفعل يقوم بدور المتلقي .. هذا اذا خلعنا علي المدون لقب مبدع
فعلي هذا المتلقي .( المعلق) ان يكون علي قدر المسئولية .. وان يكون تعليقة علي مدي استيعابه للموضوع .. وليس مجاملة .. او احسن له ان لا يعلق مدام الموضوع لم يمسه من الداخل .. ولا ينزل بمستواه لمجاملة شخص ما .. ليس فقط ليشئ الا انه سوف يعلق لي في مدونتي
ابدا هذا المبدا مرفوض ..
ايضا رسالة الي كل مدون .. ان لم يكن الموضوع جادا .. يهم اطراف عده .. يحتاج فعلا الي الناقاش .. فلا تدع له مجالا للنقاش
وقف موقفا فيه تثبت انك جدير بلقب مدون

4 comments:

أنا said...

هو انا اول مره اعلق هنا..وبصراحة مش عايز اخبط
لكن مضطر اشد السافون قبل ما اسأل سؤالين:-
هو يعني ايه مدون!؟
ويعني ايه تدوين!؟
وكان الله بالسر عليم

حائر في دنيا الله said...

والله يبو حميد عندك حق
ففيه ناس قلبت مدوناتها مصطبة يقعدوا عليها ومستنين اي حد يقول سلامو عليكو عشان يقعدوا يردوا ويزيدواويعيدوا في الرد
مع ان رد سلامو عليكو
مش أكثر من وعليكو السلام

والسلام عليكو بقة

ادم المصري said...

فيكوا من يكتم السر

.. انا مش عارف ياعني ايه تدوين ؟


وعليكوا السلام ورحمته بقي

manora said...

المرة دى بقى انا مش معاك يا ادم..
يعنى لما بتيجى تسجل مدونة جديدة..
التعريف بتعاها بيقولك حط صور حط كلام حط الى (انت عاوزة)وحطها بين مليون قوس
يعنى محدش قال ان المدونات دى مفتوحة فقط لمناقشه..
فى مدونات مفتوحة علشان الواحد يكتب الى جواه سواء حد عبره ولا لاء..
انا ساعات بدخل على مدونات والاقيها اكتر من 10 بوستات بلا رد و صاحبها مش منزعج..
بدليل انه بينشر اكتر و اكتر او يمكن يكون منزجع بس مش هدفه هو تجميع الردود..
دى نقطة..
النقطة الاخرى لو فى حد داخل فاتح مدونتة علشان يشوف ردود من الناس..
فدى حرية شخصية!
مش دى بتدخل من ضمن حرية التعبير الى كنا بنادى بيها يا ادم

معاك انك ممكن تستاء لان ده دور واحد فى حياته..
بس اظن مادام ده مش بيؤذى حد ومادام دى (حريته)ملناش احنا دخل بيها