Pages

Subscribe:

Saturday, February 25, 2006

هزيـــــــــــان

مش هنتكلم عن العبارة ... الناس اتكلمت كتييييير
مش هنتكلم عن انفلونزا الطيور ....... مافيش اكتر من الكلامفي الموضوع ده
مش هنتكلم عن تلوت النيل بالفراخ الميته ......... هو اصلا متلوث خلقة
طب امال هنتكلم عن ايه ؟
سؤال مهم ... في سؤال اهم منه هو احنا لازم واحنا بنحط موضوع جديد في البلوج نتكلم ؟!
ييجي واحد و يقولي لا يا عبيييط ...
وانت بتحط موضوع جديد في البلوج انت بتكتب ... وهناك فرق
مع احترامي لسيادته ... وانت بتكتب لازم هتكون بتتكلم ... او ع الاقل اللي انت بتكتبه هو عبارة عن خلاصة الكلام اللي داوش بيه اللي حواليك ليل ونهار
طب ايه الحل .... الحل ان احنا نحط موضوع جديد في البلوج من غير ما نتكلم ... بس نسمع
طب هنسمع مين ؟
سؤال مهم برده .. انا احب الناس اللي بتسأل ..
ايه رايكوا نسمع جمال الدين الافغاني مثلا !! شخصية يقال عنها في زمنها انها محترمه
السجن في طلب الحق من الظالمين العتاه رياضة .... والنفي في ذلك السبيل سياحة ..... أما القتل فهو الشهادة ..... وهي اسمي المراتب
فأنا غير راض عن نفسي ذلك لان الخمول قد اقعدني فلم يوصلني الي اسمي المراتب
ييييي ده كلام نيله قوي
ياعم رياضة ايه وسياحة ايه يا عم روح اتنيل ..... بقي بالذمة ده اسمة كلام
طب هنعمل ايه ياخوانا لا الكلام نافع ولا الكتابة نافعة ولا السمع نافع ... نعمل ايه
الله يخرب بيوت كل اللي عملوا فيا كده

14 comments:

ruby said...

ادم يا ادم انت وعدتنى ان البوست الجاى حيكون بوست متفائل ولكن اللى انا شيفاة غير كدة خالص المهم انا عاوزة اقولك متسمعش لحد اكتب اللى انت غاوزة اللى انت حاسس بية بس انت صعبان علية من كمية اركتئاب اللى انت فيها يا عم انت لسة شباب اومال لما تتخرج وتقابل بقى الصعب اللى بجد حتعمل اية؟
ربنا معانا كلنا الدنيا بقى فيها الناس الشر اكتر من الخيريين ربنا يرحمنا برحمتة يا ادم مصر بتغرق متبقاش انت وهم عليها مهما كان لازم يكون فية شوية تفاؤل علشان على الاقل نعرف نعيش وربنا معاك ومعانا

change destiny said...

طب ليه تدعي ربنا يخرب بيوتهم ما تخربها انت باذن الله يعني ... الا هو انت عارف هما مين أساسا؟

اسفة لعدم مروري بالمدونات اليومين دول عشان الكمبيوتر بتاعي بايظ ... نعود بعد قليل ان شاء الله

شريف محمد said...

طب انت ليه مسمي البوست هذيان؟
مش لمجرد انك بتقول كلام جد ومباشر يبقى كلام تقيل وممل تحاول تغلفه بأنك تدعي الهذيان
وياسيدي مهما كان كلامك كئيب من وجهة نظر البعض هانفضل ندخل ونقرالك برضه
بلاش تحاول تتفاءل لمجرد ان دة مطلب جماهيري (يخرب بيت شعر المناسبات والكتاب اللي تحت الطلب)..أصل بصراحة لو الواحد كان متفائل مش هايبقى محتاج يعمل مدونة ..طول مانت متضايق هاتفضل تكتب وتفرغ شحنتك هنا..ولو فرحت .. غالبا هاتبقى أناني في فرحك وتحط سعادتك في قلبك وتستلذ بيها لوحدك ... المهم ياريس احنا عايزين مشاركتك وخلاص ..بحلوها وبمرها
وصباح التدوين اللي من القلب

لا أحد said...

الله يخرب بيوت كل اللي عملوا فيا كده ???
التساؤل دا جامد جدا بجد مين عمل فينا كدة أقصد كل المدونين اللي أنا مع مع فهرنهايت ان المتفاءل مش هيكتب يمكن المحتمع يمكن طبيعة فينا
المهم سيبك من موضوع التفاءول دا مش مشكلة متشائم ولا متفاءل المهم انك تكتب نفسك وتأكد اننا بنحب نقراها باي حال

admelmasry said...

روبي الدالي

المرة اللي فاتت قولتلك اني هدور علي حاجة حلوة في الجرايد وبعد كده اكتشفت ان جرايدي معارضة

فقولت اشوف في النت عن حاجة حلوة
تكون حصلت في مصر الفترة الاخيرة دي وانا مش واخد بالي


لكن بصراحه انا مش لاقي لو عندك شيء حلو قولي عليه وانا اكتب عنه فورا

admelmasry said...

راح اغير المحتوم

خلاص احنا اتفقنا يكون ده اسمك بالعربي المهم تعرفي ان انا ليا قصيدة اسمهما
( يادي القرف )
اسمعي يا ستي

******
يادي القرف
اخرب يارب
بيوت الذين
ولاد الذين
اصابوا الذين
بداء الشرف
وكمان مدد
واخرب كمان
بيوت الذين
ولاد الذين
اصابوا الذين
بداء الحسد
لايوم تخلي ... ولايوم تسيب
ان كان عدوي ... او كان حبيب
انا شوفت ياما
من ناسي ياما
من حبايب ومن قرايب ومن جيران
ومن صحابي بتوع زمان
خلاص كرهت اسمي اللي كان
سبب اللي كان
فات الاوان
ما بقتشي عارف اغيره
وشاويشنا ماضي في محضره
باسمي اللي عايز اغيره
مواطن قديم
ابن المواطن بتاع زمان
واللي كان
دايما مصاب بداء الشرف
يااااادي القرف


**********
ايه رايك ؟

admelmasry said...

فهرنهايت

تعرف اسم هذيان ده انا استوحيته من مجموعة قصصية لمصطفي مشرفه

طبعا انت ممكن تضخض من الاسم لانه بتاع فزيا اصلا لكن اهو

له في خلقه شئون


المهم القصة دي فعلا هزيان بمعني كلمة هزيان

القصة دي قديمة جدا والطبعة اللي معايا تقريبا كويسة ... مكتوب عليها السعر
9... مليم

لك ان تتخيل زمن طباعتها

لكن الغريب في الامر ان كان في الزمن ده حرية ابداع تجعل مصطفي مشرفه ينشر قصة زي هزيان

admelmasry said...

القريب الي قلبي .... احمد حسن

تعرف يا ابو حميد انا نفسي اعرف اجابة السؤال ده بقالي زمان

والله بجد مش عارف مين اللي عمل فيناكده

احنا والا الشماعة بتاعتنا اللي سميناها الزمن

ولا البلد
ولا التعليم
ولا الحرامية اللي ماسكين البلد
ولابطالة
ولا الديكتاتورية
ولا اختلاف الطبقات
ولا ... ولا ... ولا ..

مش عارف
لو عرفت اجابة ابقي قولي

Tamer Nabil Moussa said...

شوف عزيزى ادم الدنيا من يوم ما تخلقت فيها الخير وفيها الشر فيها المر وفيها الحلو واحنا البشر علينا اننا نحاول نتعود على الوضع دة ونغير الوحش على ادى ما نقدر

عشان نقدر بردو نعيش حياتنا ونستمتع بها

شكر على الموضوع
ربنا يوفقك
الى الامام

admelmasry said...

تعرف عزيزي تامر ان كل الفلسفات القديمة تعتقد ان وجود الانسان اصلا في الحياة ذنب لابدان يكفر عنه

مابالك بقي باللي بيعمل الذنب ولا يتوب

ثمالخير والشر دي حاجة نسبية لانالخير في وجهة نظرك هو شر في وجهة نظري والعكس صحيح

لايوجد احكام مطلقة للحكم علي الاشياء فتصنفها اهي خيرا ام شرا

اتفقتالناس ان مايفيدالمصلحة العامة هو الخير والعكس هوالشر

ولكن هذا مقبول في بعض الحالات والاخري لا
فالاسلام نفسه كدين يهدف الي مصلحة البشرية جمعاء ونحن ميقنون من ذلك

ولكن بعض الناس تراه شرا

كل من وجهة نظره يعيش

ولا يمكنابدا ان نعرف ماهو الخير وما هو الشر

admelmasry said...

دولي

صدقيني والله انا نفسي اتفائل .. لكن مش عارف

admelmasry said...

اتفوخس

شكرا يا عم

change destiny said...

يادي القرف حلوة
بس شكلك قلبك اسود قوي يا ادم يا مصري

admelmasry said...

والله انا قلبي حنين
ده انا حتي رومانسي كمان
والحب في قلبي كتير
وفيه منه بألوان