Pages

Subscribe:

Sunday, January 02, 2011

اديني عقلك

اديني عقلك وامشي حافي
.
بقي حادثة اتوبيس سياحي في اسوان
سيبك من بتاعة المنيا .. شكلها قضاء وقدر
وشبكة تجسس في القاهرة
وحادثة تفجير في اسكندرية
.
.
كل دا صدفة يحصل في وقت واحد
قبل انتخابات الرياسة ؟؟؟؟
.
.
حد يفهمني يا جدعان
.
مش بعيد بكرة الشعب هو اللي يطلب من الريس
انه يمد العمل بقانون الطوارئ
ربنا يستر

11 comments:

توهة said...
This comment has been removed by the author.
admelmasry said...

انا بعد كدا هعمل كنترول علي الكومنتس ومش هخلي حد يعرف يمسح كومنته

توهة said...

ههههههههه
انا صاحبت الكومنت الممسوح
معلش المره دي خليها علي
رأيي يإما كان مش حيعجبك يإما مكنتش حتستوعبه

لسه العالم مش جاهز لهذا النوع من الاراء
هههههههههههه
اخبار الجيش في السنه الجديده ايه ؟
ربنا معاك
تحياتي

admelmasry said...

انا عارف ان انت اللي مسحتي الكومنت
لولا كدا ما كنتش اهتميت اساسا
.
.
.
تحليلك بقي لدماغي هو اللي مش عاجبني
.
يا مش هيعجبني
يامش هستوعبه ؟؟؟؟
.
ماشي
لو مش هيعجبني كنا اكيد هنتناقش
.

لو مش هستوعبه
كنت هاطلب منك تشرحيلي
.
.
ثم ايه هي الاراء دي بقي اللي العالم مش مستعده
نحب ناخد فكرة برده

يا مراكبي said...

أيوه طبعا أنا شايف إن النظام الحاكم هو المُستفيد الأكبر ومش عارف ليه شامم إنه هو اللي عملها عشان مليون سبب يشغلنا بيه ويلففنا حوالين نفسنا

توهة said...

عادي يا ادم انا بهزر ماتخدهاش جد قوي كده

انا لا بستهين بعقلك ولا حاجه
بس مش حابه ادخل في جدال علي العموم انا مكنتش بقول رأيي في اللي انت كاتبخ
كنت بتكلم علي حاجه تانيه

ما علينا

مساء الفل

admelmasry said...

يا مراكبي
ــــــــــــ
انا فعلا شامم نفس الريحة
لكن مش عايز اقولها صريحة
قلبي مش مطاوعني
لكن انا شايف ان المستفيد الاكبر هو النظام خصوصا في التوقيت دا بالذات
.
اي اجراءات امنيه دلوقتي هتتاخد ماحدش هيفتح بقه
والتبرير جاهز طبعا حدوث التفجيرات
ولسه يا مام هنشوف




فانتازيا / تووهه
ـــــــــــــــــ
كل مرة تيجي تشغليني فيها اكتر من المرة اللي فاتت
ياريت تقوليلي كنت عايزة تقولي ايه ومسحتيه ليه
وايه التعليق التاني دا فهميني الليلة
انت عافاني عندي فضول قاتل

ذو النون المصري said...

شايف انك مؤمن بنظؤية المؤامرة بشده من خلال هذا البوست و الذي قبله
عموما ان لا اتفق معك في الراي
لكن اري ان النظام فعلا مستفيد
و لا يعني كونه مستفيد انه هوالسبب

OldCatLady said...

الموضوع ده مترتب ببراعة لدرجة إنى كل ما بفكر فيه بقدر عبقرية اللى مرتبه.....عمل كوكتيل أسعد أطراف كتير و خلاهم ينامو فى بطنهم بطيخة صيفى

نظرية المؤامرة اللى كنا بنقول عليها كليشيه مبقتش

بقالى كتير مجيتش هنا

فعلا

سلامات

إنسان || Human said...

اديني عقلك وامش حافي
يعني ايه يعني ياعم ادم ...يعني احنا عقولنا في رجلينا ولا ايه
يالا مش مشكلة ولا يهمك
عموماً رب صدفة خير من ألف تظبيط وتجهيز وتحضير وكل حاجه
ربنا يستر

Nohaz said...

يا هندسة في اكتر من مستفيد لكن الله اعلم مين الجاني