Pages

Subscribe:

Saturday, January 03, 2009

عيد ميلادي تاني

حاجة غريبة جدا جدا بتكرر
كل سنه في نفس الميعاد
الا وهي .. عيد ميلادي
.
.
اعتقد ان التكرار في حد ذاته شيء ممل
والانسان لما بيعمل فعل معين
ويقوم علي تكراره بشكل دوري لمده معينه
بيمل جدا
ما بالك بقي انه بيكرره طول حياته
كل سنه في نفس الميعاد يفتكر عيد ميلاده
.
المفروض انه يوم سعيد
المفروض انه يفرح
مش عارف ليه بس هو المفروض
رغم انه بيكبر سنه بس لازم يفرح
رغم انه بيقرب م النهاية الا انه لازم يفرح
والمفروض برده انه ما يحسش بالملل في تكرار
نفس الفعل سنويا
.
.
الغريب ف الامر
ان اليوم دا بيكون يوم عادي عند كل الناس
ماحدش بيحس بيه اصلا
الا لو انت بخباثة كدا لمحت ليه
طمعا في الهدية او حتي في مكالمة تليفون
او ع الاقل ماسج موبايل فيها كل ينه وانت طيب
ولو الحياة طيبنه قوي يبقي كفاية ايميل ببلاش
.
.
ياعني يوم عبيط جدا بتحاول تديله اهمية
عشان تحسس نفسك انك عايش
تفضل تتكرر العادة لحد ما تموت
وتتنسي وتنساها الناس بعد موتك
لكن الفعل نفسه مش بيتنسي حاجة علبط في هبل وكلوا بيمشي
كل سنه وانا طيب
بيييييييييييب

5 comments:

Unknown said...
This comment has been removed by the author.
Unknown said...

غريبة قوي تكرار عيد ميلادك كل سنة ... أنا عمري ما قدرت أتخيل إن عيد ميلادي يبقي كل سنة كده

كل سنة و إنت طيب و عقبال مية و خمسين سنة

انا حره said...

خلاص عشان متحسش بملل يوم مايجى عيد ميلادك اعمل عبيط ولا تعبره عادى يعنى فجاه تانى يوم هتلاقى نفسك ابتديت سنه جديده ولاحد خد باله

كل سنه وانت طيب ياباشا وعقبال ياااااااارب ميت سنه بس تكون عايشهم بجد بحلوهم ومرهم مش ايام وبتعدى وخلاص

يا مراكبي said...

إعتبر نفسك مش واخد بالك وطنش وخلاص

كل سنة وإنت طيب

أنا قلت طنش .. ما تنساش

محمد أبو الفتوح said...

نفهم من كده بما انك لمحت ف البوست ده عن عيد ميلادك انك عايز هديه
ههههههههههههه
كل سنه و انت طيب يا دوووووووم