Pages

Subscribe:

Sunday, July 20, 2008

خلصت المشروع يا هوووو

واخيرا
.
خلصت المشروع ياهووووو
.
امبراح بس تمت مناقشة المشروع بتاعي يا جماعه ، ما تتصوروش حجم القلق والشد والضغط وتوتر الاعصاب كان عامل ازاي بجد انا كنت فاكر اني نحست من كترة الامتحانات لكن انا امبارح زي العيل اللي هيعمل بيبي علي روحه من كتر الخوف
.
الدكاترة جابونا من تسعه صباحا طبعا لابس البدلة ومتشيك علي سنجة عشرة وجايب ابويا وامي ورايحين حلوان، وكان لسان حالي بيقول رايجين حلوااان ، رايحين حلواااان
.
لا وايه دا انا روحت من حلوان للكلية بتاكسييييييييييييي
من غير حقد طبقي يا جماعه ولا حاجة والله ، المسافة مش كبيرة بس انا بقالي خمس سنين متعود اني اتمشاها ، ايام الزنقة والتاخير ميكروباص بربع جنيه واقلب ، لكن تاكسي بتلاته جنيه ماحصلتشي ابدا ... بس كلام في السر كدا جاية ابويا وامي والبدلة اللي كنت لابسها تستاهل تاكسي بتلاته جنيه ياعني هو الحق يتقال برده
.
ابويا وامي جم معايا وانا بصراحه عذبتهم جدا لان حلوان صعبة جدا ، فضلت لحد الساعه خمسه وكنت لسه ما دخلتش لما حسيت اني هتاخر اضريت اسفا اني اروحهم وانا دخلت المناقشة علي الساعه سبعه
.
ادعووووووووووووووووووووووووولي يا جماعه خدت حرف السين بقيت مهندس ، هي لسه الشهادة مش طلعت وربنا يستر من خوازيق الدور التاني ، لكن انا املي في ربنا كبير واكيد اكيد ربنا هيسترها مع واحد غلبنا زي حلاتي
.
المهم اني علي الفيس بوك ان شاء الله هابقي انزل الصور كلهم اول ما توصلني .. تحياتي يا جماعه ادعولي ما دخولشي الجيش ،،، واللي عايز يقول عدم انتماء وطني يتفضل يدخله هو سلااااااااام

28 comments:

•√أريـ السمر ـج√• said...

مبروك و بالتوفيق دائما .. و ربنا يسعد قلب والديك بيك يارب دائما

دمت بكل الخير

bota said...

السلام عليكم

مبروك يا ادم

وكويس انك اخدت مامتك وباباك علشان يفرحو بيك
لان فعلا اليوم ده بحس ان الكليه كلها بتبقى نضيفه وانها بترقص من كتر الفرحه
ربنا يكرمك وان شاء الله النتيجه تكون كويسه
وربنا يكرمك ومتدخلش الجيش انا كمان معنديش انتماء زيك :)
يلا ربنا يوفقك يا بشمهندس كده نقلها بقلب جامد

عين ضيقة said...

مبروك جدا خالص خالص

مبروك يااحمد
ويارب مش تدخل الجيش

ليك نص جنيه كده عندى .. حلاوة النجاح ياعم

k H o L i O said...

اه يا مهندس يا عديم الوطنية
مش عايز تأدى الواجب الوطنى
لما اشوفك
ماشى

وحشتنى أوى..

Unknown said...

الف مبروك يا هندسة

عقبال الاعفاء من الجيش

وسيبك من دعاة الوطنية

admelmasry said...

اريج السمر
ـــــــــ
شكرا ليكي يا جميل
متشكرا ليكي جدا



بوتااااااا
ــــــــــ
وعليكم السلام يا عسل
عقبالك ان شاء الله وساعتها هاكون موجود مش هاعمل زيك كدا واطنش




ام العيون الضيقين
ــــــــــــــــــ
ربنا يخليكي ليا يارب والله كدا اخلتم تواضعنا
بس ياريت ساعه الجد
مش تنسي واضطر افكرك بالنص جنيه



خوليو
ــــــــــ
تعالي خش انت يا فالح
وحشني موووت يا مضروب
لازم اشوفك




واحد مش فاهم حاجة
ـــــــــــ
الله يبارك فيك يا باشا
عقبال ما نيجيلك في افراح ان شاء الله





تحياتي للجميع

فى القلب said...

مبروك وألف مليون مبروك خبر سعيد

لكل مجتهد نصيب

dramaqueen said...

الحمد لله يا ادم اننا خلصنا على خير
ربنا يكملها على خير والنتيجة تبقى كويسة
ويارب مش تدخل الجيش

سلم لى على طنط كتيييييييير اوى

Nouran said...

مبروووووووووووووووووووووك يا ادمز عقبال ما تاخد الشهاده بايدك كدا ان شاء الله
بقيت مهندس (بالسين بقى بلاش بالزين) قد الدنيا عقبالي يا رب

Anonymous said...

مبرووووووك يابشمهندس ...بس انا زعلانه منك لا بتسأل وقولت هتقولي على ميعاد المناقشه ..وكان كلام وبس ......دي اخرتها .." انا عايزه آلتي خلاص زعلت منك

تحياتي
....

funckydoctor said...

ألف مبروك يا هندسة على التخرج
وموضوع الجيش ربنا يسهل فيه ان شاء الله

bastokka طهقانة said...

من ساعة ما النور ضرب و انا سايباه مستنياك تتخرج

الف مبروك و عقبال الاعدادية

اوروفوار

admelmasry said...

في القلب
ـــــــــــ
الله يبارك فيكي يا قمر ، عقبال عندك ان شاء الله


دراما كوين
ـــــــــ
يوصل سلامك يا قمر
وعقبال النتيجة
ليكي وحشة جامدة علي فكرة



نوراااان
ــــــــــ
لولولولولووووي
بازغرد من قلبي والله
ويوم ما تخدي شهادتك انت كمان هارقص لك



فانكي دكتور
ـــــــــــــ
الله يبارك فيك يا دكترة
ماننحرمش




طهقانه
ـــــــــــ
ياسلااااااام بس كدا دا انا تحت امرك السياده هو احنا في ديك الساعه
.
والله يبارك فيكي .. ادعيلي بقي اجيب مجموع عشان اخش ثانوي

لا أحد said...

مبروك يا ادم
الف مبروك
و ان شاء الله تدخل الجيش
هههههه
مش وطنية وكلام فارغ بس اذا مت ظمان فلا نزل القطر
اشمعنا انا:D

يا مراكبي said...

هههههه

فكرتني بالذي مضى .. مضى من زمن لكن لم يمض من ذاكرتي أبدا

كانت أيام .. مش عايز أشتم هنا

يالا .. عقبال اللي بعد كده

OldCatLady said...

مبروك يا باشمهندس و ان شاء الله رسمى متقلقش

و بالنسبة للجيش ....ربنا ما يوريهولك يابنى و يعمى عيونهم عنك...و بعدين جيش ايه فى الحر ده؟ أو جيش ايه فى البلد دى أصلا؟؟؟

ألفين مبروك :))

youssef said...

حضرة الباشمهندس المهم

قلبي معاك يا عزيزي و الله

مبروك المشروع يا آدم .. و ان شاء الله علي الشهادة .. و كل حاجة تكمل علي خير يا رب .. و الا هنبعت احتجاج رسمي للسما باسمك و اسامي كل الغلابة

اصبر يا هندسة .. قلوبنا معاك

توهة said...

ياسيدى ألف مبروك وان شاء الله تاخد الشهادة الكبيره قوى قوى
ربنا معاك

Unknown said...

ما شاء الله
الف مبروك عقبال ما تحقق باقى امانيك يارب

maha zein said...

يا ادم يا جاممممممممممممممممممممممد
يا حلوانجي يا اصيل
تعيش حلوان تعيش
يعنيي يا جدع اول مرة اجيلك فيها من بعد ما عرفتك فى حفلة مدونات مصرية
تطلع في المناسبات الحلوة دي
يا مصيتنا يا ادم
يا مغذينا ومكبرنا
البركة في ادم
هاتلنا ادم هاتلنا ادم هاتلنا منه مهندس واتنين
الصلاه علي الزين الصلاه علي الزين
مبرووووووووووووووووك
انا بقدر اي حد حلواني
وبعدين احنا طلعنا عرفين بعض شكلا يعني طلعنا قرياب
مبروك بجد
وحلوة اوي حركة الشعار اللي في البلوج علي جنب دي
وهمية
وقال تقولي معنديش ولا قال
والمناقشة كانت فين بقه
في مدرج 8 ولا قاعة حسنحسني ولا في الادارة
كنت عزمتنا يا جدع
ادعيلي انجح بقه في التمهيدي

shaimaa samir said...

مبرووووووووك
وربنا يعمللك الخير

دى عزومة رسمى

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا


انت علقت عندى
بس دى الدعوةالرسمية

دعواتك

shaimaa samir said...

مبرووووووووك
وربنا يعمللك الخير

دى عزومة رسمى

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا


انت علقت عندى
بس دى الدعوةالرسمية

دعواتك

غمض عينيك said...

ياباشا الف الف مبروك
ومبروك النجاح مقدما يا هندسة
بس انت مش عايز تدخل الجيش ليه دا حتى واجب (وطني)ز

Empress appy said...

الف مبروك يا ادم

shimaa said...

الف مبروك يا بشمهندس عقبال الاعفا من الجيش ان شاء الله

احمد الشاعر said...

ألف بركه يا باش مهندس
عقبال الشهاده الكبيره
ربنا يطول ف عمرى وأشوفك يا ريس
فى البدله الميرى وراسك من غير شعر ورايح الجيش

خلينا نشوفك بما أنك خلصت المشروع

dramaqueen said...

بقالك 10 ايام مخلص مشروع ومحطتش ولا بوست واحد
دة يصح ؟؟؟؟؟؟؟؟

Anonymous said...

الف مبروووووووك
بالنجاح يا رب

متأخرة بس عشان كنت مسافرة
:)