Pages

Subscribe:

Monday, July 14, 2008

تسفيه الرموز - العدد التاني

الفن


هو الحق الذي يراد به الباطل


رغم انشغالي المستفز في مشروع البكالريوس ، حيث انه بعد قضائي الساعات الاولي من فجر اليوم اتم بحمد الله وفضله (72) كاملة امام الجهاز اللعين اكتب الديكيومنتاشن بتاعت المشروع . بحب اكتب عربي علي طول انا



المهم نتيجة للسيل الجارف من الكومنتات اللي انهالت عليا في البوست اللي فات والتشجيع اللي ماكنش ليه اي نظير بصراحه (طبعا باتريق) قررت اني اكتب الموضوع التاني وهيكون عن الفن



في بلدنا هذا ، والذي يعاني من الفقر والجهل والمرض كمثل اي بلد نامي .. يصبح فريسة سهلة لكل مدعي التحضر والتمدين والحرية ، هناك من يتحزلق ويتشدق بعبارات كثيرة لايعي منها اي شيء فقط يرددها لاستمتاعه الداخلي ، ذلك لانه يعي جيدا ان المستمعين لا يفهمون ما يقول



باسم الفن يبرر افعال وتصرفات علينا جميعا ان نتقبلها رغم تناقضها الصريح والمستقنذ مع كل الاعراف في المجتمع بل قل مع اساس الدين اي ان كان اسلامي او مسيحي



اعترف باني رجل شرقي غيور جدا لا اقبل ولا اتخيل مطلقا ان ترقص او تحضن او تقبل زوجتي من رجل اخر باسم الفن ، لا اقبل مطلقا ان اقف ضمن الجمهور حتي اري زوجتي وهي تاخذ الاوسكار مثلا عن دور راقصة او عاهرة قامت به ببراعه مطلقة ، هذا عن نفسي .. عندما ادافع عن وجهة نظري هذه اجدني اتهم من قبل اخرين اني انسان جاهل غير متحضر متجمد الفكر كلها صفات تثير الغيرة عند كل الناس خصوصا في مجتمع مثل مجتمعنا هذا والذي يحاول جاهدا ان ينفض عن كاهلة تراب الجهل المتراكم من سنين في محاولة للتطلع الي التمدين والتقدم اسوة باروبا او امريكا مثلا



نتيجة لذلك يستغل اصدقاء الشيطان مثل هذه التهم الجاهزة للعب علي اوتار قلوب النفوس الضعيف ، اخشي كل ما اخشي من تلك الافلام التي تحاول فرض وزرع مفاهيم جديدة في عقول المجتمع باسم الحرية والتقدم وما تفعل الا هدم رموز واحلال رموز اخري بدلا منها باسم التقدم



في فيلم ما .. الرقص هو الفن الراقي يجب علينا احترامه وتقديرة لانه كذا وكذا وكذا ، وحتي يعزز من وجه نظره ياتي برجل يتكلم باسم الدين ويظهره بالعصبية والهمجية وضعف الحجة ، فيتعاطف الجمهور مع فكرته المسمومة لا اعترض اطلاقا علي ابداء وجهة النظر حتي وان كانت متناقضة تماما مع اعرافي او معتقداتي ولكن كل ما ارفضه هو طريقة العرض ، ليس من حقك حتي تعزز من وجهة نظرك ان تسفه وتحقر من وجهة النظر الاخري حتي تظهر بدور البطل المخلص



فيلم اخر ..في محاولة لجعل الزني هو امر طبيعي الحدوث بل والتحدث به علنا هو من البديهيات تجد الابن والاب يتسابق كل منهم في معرفة النساء ، انا عرفت فلانه وانت عرفت علانه في محاولة لالغاء كل القيم والاسس التي نشاء عليها مجتمع محافظ مثل مجتماعاتنا الشرقية والتي تحترم بشدة العلاقة الابوية وتنظر للاب بشكل مقدس الي حد ما ، بالطبع ما دامنا وصلنا الي ان يتنافس كل من الابن والاب في عدد الضحايا حدث ولا تخف عن اي شيء اخر ، مثل هذه الافلام تدمر العلاقة الابوبة والتي اساسها الاحترام من جذورها بل وتسبب انهيار وفساد اخلاقي بلا حدود


اشهر الافلام اطلاقا ظهرت فيها وجهات النظر المتناقضة كان فيلم الكيف ، تم كتابة الحوار خصوصا المجادلات التي كانت تتم بين محمود عبد العزيز ويحي الفخراني بشكل مزهل .. جعل المشاهد في بعض الاحيان يتعاطف مع وجهة النظر الخاطئة رغم انه مدرك تماما انها خطا ولكن ثمة افلام اخري تفعل ذلك بشكل مهترئ يفتقد حتي للبراعه الفنية ، من شاهد فيلم ما تيجي نرقص او عمر وسلمي يدرك ذلك .. قائمة الافلام طويلة ولكني احاول قدر الامكان عدم الاطالة



يتبع


في العدد القادم سوف احاول عمل مقارنه بين الفن كمعني وبين ما يحدث باسم الفن في جميع انواع مجالات الفن .. حاليا ادعولي عشان مناقشة المشروع ان شاء الله الاسبوع الجاي





13 comments:

mohamed hassan said...

انا كل ما اشوف مدونتك اعرف ان الحمير كتير و الحمدلله
سبحان من وهبك التخلف الاصيل وفقك الله في ضلال الامة
صحيح الغباء له ناسه

funckydoctor said...

فى الأول أنا مش عارف الكائن ده بيدخل المدونة ويعلق ليه أعوذ بالله
منتظر منك المزيد
تحياتى

فى القلب said...

و الله كل فكره كتبتها فعلاً تمثل جرس أنذار للمجتمع الذى يثير نحوالهاويه

وعموما
لا يلقى بالطوب بالطوب إلا أطيب الثمر
وفقك الله فى كل مشاريعك

mohamed hassan said...

الله دا في حيوانات اخرى طب ياريت طبيب بيطري
عشان الظاهر حالات مستعجلة

•√أريـ السمر ـج√• said...

حقيقي امر عجيب دائماً اظهار رجال الدين بطريقة بيها سخرية و استخدامهم لادلة واهية .. و للأسف بتأثر على البعض .

و دايما بستغرب أما بلاقي راقصة مثلا بتوصف سعادتها القصوى بدورها الثري في تقديم رسالة فنية سامية !! في الحقيقة هنا بيدور سؤال بذهني بقوة .. يا ترى هي مصدقة ده بجد و لا بتحاول اننا أحنا نصدقه؟ .. موضوع جميل و بالتوفيق ان شاء الله في دراستك


دمت بكل الخير

كلام وخلاص said...
This comment has been removed by the author.
Saydalanya Mat7oona said...

آدم.....حلو البوست ده جدا
بستغرب فعلا على الممثلة اللى تقولك انها أدت دور فتاة ليل خمسين مرة بس كان المعنى ورا كل دور مختلف....يحمل سمو أخلاقى رهيــــــب....بيعلم الناس انكو لو مخدتوش بالكو من عيالكو ده اللى هيحصلهم .....و النبى ايه طيب حيث كده كان ايه لازمة الخروج عن النص المزايد عليه بشكل مقرف

الموضوع كله مكسب مش اكتر ..عشان يبقو نجوم شبابيك
يبقو و يجيبو فلوس بس من رأييى بعيد عن مرارتنا...أصلها مفقوعة لوحدها

خالص تحياتى

و توضيح لصاحب اول كومنت...المدونة مش عاجباك متدخلهاش ...المسألة مسألة آراءأنت مش مقتنع ملهاش لزوم طولة اللسان

shaimaa samir said...

ادم
ادم

البوست ده مش ممكن
بجدددددددددددددددد مش ممكن
من اروع اروع البوستات على الاطلاق
كان مفاجاة ليا اصلا ان ده رايك
احم
والله مش ااقصد حاجة
بس فعلا ابهرنى كثيرا
ووجدت امامى ناقد فاهم واعى لتلك الافلام المسمومة
رائع ادم
انتظر باقى السلسلةاحييك بشدة

واعرض عن الجاهلين يا ادم

شوف يا ادم انت سبحان الله اتكلمت من منطلق فكرى وليس عقائدى
يعنى مثلا مجبتش حديث ولا اية
وبرضو
الناس مفيش
وسطية مش نافع
نستخدم حديث او ايه خلاص بقيت متطرف
ايه الحل؟؟
نبقى كمانحن
وسنرى عقولا تقدر عقولنا .. لاغير

عظيم تحياتى

ادم المصري said...

محمد حسن
ـــــــــــ
متشكر


فانكي دكتور
ــــــــــــ
شكرا لمروروك يا كتور .. وربنا يسهل ويكون فيه مزيد


في القلب
ــــــــ
يااه عاش من شافك
انا بحاول قدر الامكان اعبر عن راي قد يخطيء وقد يصيب
تحياتي






محمد حسن تاني
ـــــــــــ
طب الله يخليك شوفلنا واحد معرفتك بقي وينوبك ثواب






اريج
ـــــــــ
هو دا اللي انا كنت عايز اقوله ، وخايف بشدة من تاثر الناس بيه خصوصا ان ثقافتنا كشعب عموما هي ثقافة سمعية وغالبا ما بناخد معلومتنا من الافلام والمسلسلات ودي اخطر حاجة




صيدلانية مطحونة
ــــــــــــــــ
عندك حق فعلا ، ودا جانب تاني من الموضوع
جانب تجاري بحت في الاساس ويبقي في الظاهر تقدم وحرية وخلافه




شيماء سمير
ـــــــــ
بجد الرائع هو تعليقك
بس تعرفي بقي
انا كنت عايز اعرف ياعني مثلا انت مفكره راي كان ايه مثلا ..؟؟

وينكى said...

هههههههه
ربنا معاك فى مناقشة مشروعك يا معلم
شد حيلك شده وتزول
نحن السابقون وانتم اللاحقون

عين ضيقة said...

هو المشروع ده هيخلص امتى ياعم الحاج؟

بص شكل الزنقة بتخليك تتكلم كلام كبير كبير يعنى

وشكلك عايز قاعدة
انا هاجى تانى وهناقشك ياباش مهندس
دماغك فيها كتير يستاهل
ــــــــــــــــــــــــــ

على فكرة
شد حيلك فى المشروع بجد
ربنا معاك يااحمد
ويارب يفرحنا بيك قريب
ــــــــــــــــــــــــــ
لو ع الياهو كن اون لاين

bota said...

ادم
اسلوبك رائع لدرجه اني مش بعرف اكتبلك تعليق

بس عجبني رايك في انك كشرقي متقبلش من مراتك كده

وعجبني رايك ان الافلام بقيت بتقلنا ان الغلط ده هو الصح يلا يا شطار اعملوه

ربنا يوفقك وانا متابعه واعذرني لقله التعليق ساعات بحس ان كلامي مش يليق بالموضوع

محمد صبرى said...

بجد و بدون مقدمات البوست اكتر من رائع طرحك للفكرة بديع و تحفظاتك اللى واضح فيها جدا انه اعتراضك على اسلوب التناول و الترويج لافكار معينة باساليب فعلا غير شريفة مش على فكرة الاختلاف نفسها اكثر من رائعة

طبعا انا مش متابع و لا بعلق باستمرار عندك و يمكن ده ميدينيش الحق انى اقولك زى شيماء سمير انه كان مفاجأة ليا انه ده رايك :)

بس بجد انا كتير باجى عندك و بتابع و فى الغالب انا افضل اشوفك بتقول رايك فى موضوع معين عن انى ادى لنفسى حق انى اتخيل من خلال مجمل كتاباتك ايه ممكن يكون رايك فى مواضيع معينه :) .. مش هقولك انى مفاجأ بالبوست , بس هقولك انا حابب البوست و حابب انه ده رايك بجد , لانى لو كتبت رايى هكتب اللى قلته بالنص

تحياتى