Pages

Subscribe:

Monday, March 17, 2008

احساس تجلي

فاشل انا
ولا الفشل
كان ترجمة لمعني كنت باجسده
تقلان عليا الشعر ليه
انا قلبي دايما يحسده
لما انا كنت المسيح
كنت مصلوب ع الورق
حبيت اقول بعلو صوتي .. يا
منقذي
جبت القلم
وبحبر كان مندمي قولت هاعمده
ورفعت ايدي للسما
باصرخ يارب
دخلني جوة التجربة
جاتلي نجده م السما
شايلالي مرسال م الحبيب
ريحة دواه
خلت جروحي كلها بتطيب
حسيت كاني قصادي باب
وبينفتح
وزقة من مجهول
تودي لفوق
بعيد
قلبي اللي كان مرعوب خلاص اصبح سعيد

6 comments:

فى القلب said...

مبدع

لا أحد said...

اعجبني استخدام اسلوب الصدم في اول القصيدة " فاشل انا "
كما أعجبني جدا اخنلاف موسيقي هذه القصيدة عن سابقتها و كأن رب الشعر ما ودعك و قلاك الا ليأتي بالجديد
صورة مسيح الالم المصلوب علي صليب الورق و التعميد بالدم و المخلص و المنقذ اكثر من رائعة
" ريحة دواه " اعطتني مفهوم غير جيد حيث ان رائحة الدواء غير مستساغة بالمرة
زقة من مجهول تودي لفوق بعيد أكثر من رائع

أعجبتني القصيدة
دائما مبدع

k H o L i O said...

ايه الحلاوة دى ياعم

فاشل انا
ولا الفشل
كان ترجمة
لمعنى كنت باجسده

عجبنى اوى البداية دى
وان القصيدة متماسكة و شدتنى انى اكملها
جامد يامان

ادم المصري said...

في القلب
ــــــــــــ
عشتي يا فندم


لا احد
ــــــــــ
دائما انحني اما تقديرك
تعجز كلماتي عن شكرك يا استاذ


خليل
ـــــــ
احلي ما في الموضوع ان اللي يشوف الصورة يفتكرها جرافك م اللي موجود ع النت .. رغم اني متاكد ان صورة البروفايل بتاعك هي انت .. لانك برده فنان
متشكر يا جميل علي كلامك الجميل

مُزمُز said...

بجد يا آدم ده أجمل نص قرأتهولك

تقلان عليا الشعر ليه

تقل عليك بس اداك فعلا درة جميلة ورقيقة ومحكمة

ورفعت ايدي للسما
باصرخ يارب
دخلني جوة التجربة

مقطع فوق الرائع بكثير

عكست الدعاء تماما بس جبت المعنى الأجمل ووظفت الأسطورة بشكل بارع ومقبول جدا جدا جدا

باصرخ يا رب دخلني جوه التجربة

هاتعلق معايا كتير أوي الجملة دي

وزقة من مجهول
تودي لفوق
بعيد
قلبي اللي كان مرعوب خلاص اصبح سعيد

نهاية جميلة
.............

النص ككل رائع
وأنا اتشحنت جدا بيه وأُسرت بجماله فمش عارف أوصلك شعوري كويس

بس فعلا انت موهوب بشدة

تحياتي

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影