Pages

Subscribe:

Thursday, March 06, 2008

قدام كنتاكي بتاع التحرير


قدام كنتاكي بتاع التحرير

اللي علي ناصية شارع طلعت حرب

كنت ماشي وهاركب المترو

وقلت اشتري الجرنال

.

.

ماكنتش عارف ادفع الفلوس لمين

لاني قعدت ادور علي البياع ومش لقيته

ف الاخر لقيت بنت صغيرة بتاع اربع خمس سنين

قاعدة مقرفصة ومغطية نفسها ببالطو صوف ومش باين منها حاجة

كانت نايمة وسارحه في الملكوت

حاولت اصحيها براحه عشان اديها الفلوس وانا متضايق جدا

خوفت اسيب الفلوس جنبها حد يخدها

قعدت اهز فيها كتير ما قامتش .. واحد صاحبي كان معايا قالي هزها جامد

قام هو جه وهز فيها جامد

قامت مطلعه يادوبك وشها من ياقه البالطو اللي مغطيها

اديتها الجنيه

خدته بسرعه وانكمشت تاني بسرعه

فتحت الجرنال .. لقيت ان الريس تدخل لحل مشكلة عصام الحضري

فقلت حسبي الله ونعم الوكيل


21 comments:

عـمـرو قـطامـش said...

انت فنان حساس و ناقد جميل لابعد حد
انا بحبك يا ادم
اكتر
بعد ما قريت البوست ده
و يا رب ابقى نصك فى يوم من الايام

واحد مش فاهم حاجة said...

تفاصيلك الصغيرة بتوجع

الانسان لو ما متش من الفساد

ممكن يموت من الفكير فى الفساد

A.SAMIR said...

طب بتقلب عليا المواجع ليه بس
لو لعيبة الكورة دول يعرفوا قد ايه علاقتهم بالناس دي بتضايق الجمهور مكانوش عملوا كدة
على فكرة
البنت بتاعة الجرايد احسن من غيرها كتيييير طب ع الاقل دي قاعدة بفرشة جرايد..الدور والباقي بقى ع اللي قاعدين بيشموا كلة وما اكثرهم في زمن الحضري
تحياتي

dramaqueen said...

لا تعليق
مفيش غير الالم والحزن على اللى بيحصل

HafSSa said...

ههههههههههههههههههه
ضحكتني
بس بدموع
اصلي قدام كنتاكي شفت ولد مش بنت
حسبي الله و نعم الوكيل
اولاحد مبقاش عارف يعمل ايه
يشد في شعره؟؟
مش باقي كتير

تحياتي يا عزيزي

لا أحد said...

فترة صمت طويلة

لا تعليق

اووووووف

امرأة تقول الذي لا يقال said...

لا حول ولا قوة إلا بالله
فعلا حسبنا الله ونعم الوكيل

دواير said...

فعلا حاجة واحدة ممكن تتقال وماليناش غيرها..........حسبي الله ونعم الوكيل

Epitaph said...

وبكدة نعرق ان كنتاكي مضر جدا بالصحة
!!!!!!!!!!!

:( الرحمة من عند ربنا بقي

الشخص الذي سيأتي بالتأكيد said...

و ما الذي يدريك ؟؟
لعلها تشعر بسعادة لا يعرف مثلها الاغنياء
لابد ان الرئيس يعرف ذلك
..
صدقني الناس تهتم بموضوع الحضرى اكثر من موضوعاتها الشخصية
فما بالك بموضوع فتاة منسية سقطت من حسابات الزمن
منذ زمن ؟


فاضل

nirfana said...

وانا مش هقدر اقول اكتر من اللى انت قلته
حسبى الله ونعم الوكيل

بحق الله بقولها بلزعة لاكتر من سبب جوايا

أنونيمس said...

ربك ع الظالم والمفتري وابن الحرام

توهة said...

الهم كبيييييييير

والقلب بقى مش حمل حاجه

انا شخصيا فضيته من اى حاجه


سلام

mo7amed mamdo7 said...

شوف يادم اول ماتمسك الجرايد الوقتى تلاقى عصام الحضرى فى الوش مهو برضة عندهم حق الناس كانت بتمسك الجريده تقرها من ورا كل الى حصل انهم جابو الى ورا قدام بيقصرو على الناس بس مش اكتر وبعدين الريس واخد اجازة من الجرايد دلوقتى فعصام يشيل شوية جمال يشيل شوية تمشى المسائل مع ان من اول يوم الحضرى مشى فية وانا عارف انها لعبة مقصوده شوف الفترة الى فيها الاعلام كان متوجه علية حصل فيها اية اما عن المنظر الى حضرتك شوفتة قدام كنتاكى فده منظر بيتكرر الف مرة فى اليوم وفى وقت من الاوقات هيبقى منظر عادى يعنى الناس مش هاتتاثر ولا حاجة وشكرا سيدى المواطن
طولت على حضرتك

micheal said...

علي رأي وحيد سيف
كووووووووووووره كوووووووووووسه
تحياتي

syzef said...

أنا مش عارف أقول ايه..بس المفارقة الأولي ف ان الموقف ادام كنتاكي

والتانية بقي حتة الريس دي..

مش قادر اقول غير اللي انت قلته حسبي الله ونعم الوكيل

انت عارف انا اول ماسمعت حكاية الحضري دي..افتكرت عادل امام ف الواد سيد الشغال..لما بيقول..بقي نابليون ساب المماليك والحملة وده كله وقعد يمضي ع الاطباق

هم يضحك ..وكل الهموم بتقطع بسكاكين
باردة جدا ف قلوبنا

تحياتي ياصاحبي

احـمـد عصـام said...

يمكن الموقف ده بشوفو تقريباً كل يوم بس لما قرأت البوست بتاعك حسيت بارتياح لأني مش لوحدي اللي بقول (حسبي الله ونعم الوكيل في الحكومه)
دمت مبدعاً أيها الصعلوك

inksarat said...

وصل الاهتمام بالتوافه حد العمق لنجد انفسنا فى عمق الحياه وهمومنا طفت على السطح..
ــــ
مش عارف ليه يا اخى قبل ما اكمل البوست للاخر كنت عايز اقول
حسبى الله ونعم الوكيل
ــ
الا انت اشتريت جرنال ايه هه؟؟

ادم المصري said...

عمرو قطماش
ــــــــــــ
عجبت لك يا زمن
يوم ان رايت النبي يعجب بخلق الشيطان ويتمني ان يصبح نصفه


اللي مش فاهم
ـــــــــــــــ
كلنا الي موت
تعددت الاسباب والموت واحد


احمد سمير
ــــــــ
انا حاسس ان موضوعي دا كدرت البت جدا لان اكيد اللي بالي بالك قروا البوست .. ومن ساعتها بقيت مش باشوف حد قدام كنتاكي خالص


دراما كوين
ـــــــــــ
الم وحزن .. وعدم مواجهة



حفصة
ـــــــ
للاسف يا حفصة علي راي المتنبي
ضحك كالبكاء




لا احد
ــــــــ
احيانا يعجز المرا منا عن الكلام
شكرا لوجودك


امراه تقول الذي لا يقال
ـــــــــــــــــــــــ
اصبت كام اصابوا

ادم المصري said...

دواير
ـــــــــ
اصبتي كما اصابو


ابيتاف
ــــــــ
وبكدا بتوع البلدية منعوا البت تقعد قدام كنتاكي من ساعتها


الشخص الذي سياتي بالتاكيد
ـــــــــــــــــــ
مش عارف ليه .. مش موافقك في الموضوع دا .. يمكن عشان باشوف اللي ف سنها بيلعبوا قصادها وبياكلوا فراخ قدامها في المحل اللي هي شغاله قصاده .. وعارف كويس انها عارفه كويس انها من الصعب جدا تخش المحل دا .. يمكن
.. جايز .. الانسان مش لازم يقطع بشيء



نيرفانا
ــــــــــ
اصبتي كما اصابوا



انونيموس
ــــــــ
وانا وانت ورقصني يا جدع
ماحدش واخدمنها حاجة




توووووووووووووهه
ـــــــــــــــــــ
عاااش من شافك يا فندن
مها القلب فضي بيولد حكايات لوحدة

ادم المصري said...

سعادة الباشا محمد ممدوح
ــــــــــــــــ
سيدي الباشا طول علي كيف كيفك
سلمت يداك


مايكل
ـــــــــ
وعلي رايه ليه
ماهي كدا فعلا



سيزيف
ـــــــــ
والله انا كمان افتكرتها
بس مش عارف ليه نسيت اكتبها




احمد عصام
ــــــــــ
اذن فلنهنأ جميعا



انكسارات
ـــــــــــ
مهمة قوي دي ف الموضوع ..هههه
انا بضحك معاك
انا جبت المصري اليوم