Pages

Subscribe:

Thursday, January 17, 2008

اول بوست في السنه الجديدة

يعتبر البوست دا .. هو اول بوست في السنه الجديدة
.
.
كنت عايز اتكلم عن حجات كتيرة طبعا
واحكي واقول .. لكن اظن ان ناس كتيرة عملت دا
.
.
كنت متردد جدا وانا باكتب اول بوست في السنه الجديدة
ياتري هاكتب اقول ايه
انا ماعنديش حاجة معينه عايز اقولها
وكلامي عادي ياعني .. الناس مش مستنية مني حاجة
.
.
ياتري افسر القصة اللي فاتت واللي ماحدش فهمها دي
ولا اكتب قصيدة شعر
ولا اعمل ايه
.
.
طبعا حسيت اني بجد بجد
كمدون ماليش اي لازمة
اي الجديد اللي هاقوله ياعني
تحليلات .. اهي مغرقه الدنيا
سياسة .. دمها تقيل علي قلبي
شعر .. الناس كلها بقت تكتب
قصص .. مش بيتفهم مني حاجة
.
.
بعدين قررت اقول عن اخبار عبيطة
يمكن ما تهمش اي حد بالقدر اللي تهمني انا بيه
.
.
السنه دي محمد اخويا .. العيل الشقي
صاحب مدونة
اضغر مدون وتحدي .. واللي بقت الدنيا صاعبة
نزل اول كتاب ليه
وسمي الكتاب .. كيف تعيش حياتك بدون ؟؟
.
.
السنه دي هي اخر سنه ليا في الكلية .. ياعني كلها كام شهر واتخرج
.
.
السنه دي ومن كام يوم بس .. تميت سنه جديدة من عمري .. انا برج الجدي
.
.
السنه دي اخدت مركز متقدم جدا في القصة القصيرة .. رغم اني اول مرة اتقدم في مسابقة القصة القصيرة
.
.
اخيرا
كل سنه وانا طيب
الفين وتمانية بوسة لكل الناس

4 comments:

Anonymous said...

اولا فينك من زمان
ثانيا ليه مدون ملكش لازمه
امال احنا بندون ليه
ثالثا مبروك لاخوك جدا
رابعا ربنا يوفقك فى اخر سنه وتتخرج على خير
خامسا كل سنه وانت طيب ..هو اصله يابنى برج الجدى ده برج العظماء عشان انا فيه
:)))))))))
سادسا مبروك جدا على المركز الى اخدته وانشاءالله فى تقدم
سابعا وانت طيب ياعم ادم
:))))))))

dramaqueen said...

حمد الله على السلامة يا ادم
نورت مدونتك من جديد
ياريت متغبش كتير كدة تانى
مبروك على المركز
مبروك لمحمد على الكتاب
ان شاء الله نتخرج بتفوق
كل سنة وانت طيب ولو انى لسة زعلانة
الف مليون مبروك على كل حاجة
ويارب من نجاح لنجاح ومن تفوق لأخر

سابرينا said...

ازززززززززززززززيك من هنا لحد أسكندريه
مبرمك علي الجايزه
pubish it in ur blog 2 share it with us.
ومبروك علي قرب التخرج.هانت
ومبروك لمحمدوقوله عايزه حاجه حلوه

Anonymous said...

كل ســــــــــنه وانــــــــــت طيـــــــــــــــــــــــــــب
معلش جات متأخره
amr